Kreu i qeverisë theksoi nuk duhen vendosur limite në ambicie, teksa theksoi “të tërheqim jo vetëm mjekë shqiptarë që janë jashtë, por edhe mjekë të huaj për të punuar bashkë me ju”.

Teksa komentoi QSUT, Rama u shpreh se duhet të jetë mes 500 spitaleve më të mira të botës.

“Nuk mund të pretendojmë të hyjmë në 100 spitalet më të mira të botës, për 1001 arsye”, theksoi ai.

Ndërsa shtoi se problem nuk është profesionalizmi, por “integriteti i të gjithë trupës, dhe kapaciteti i trupës për të prodhuar sukses”.

Edi Rama: Nuk duhet të vendosim asnjë limit në ambicie, ta shohim si të natyrshme të tërheqim jo vetëm mjekë shqiptarë që janë jashtë, por edhe mjekë të huaj për të punuar bashkë me ju.

Jemi në momentin e duhur për të rienergjizuar të gjithë së bashku veten dhe për ta parë çdo gjë si fillim të ri.

Kjo infrastrukturë që nuk ka çfarë ti ketë zili fare as spitaleve më në zë, është për momentin mure, pajisje, dhe hapësira. Sfida është që edhe shërbimi brenda të jetë në të njëjtin nivel.

Nuk mund të pretendojmë të hyjmë në 100 spitalet më të mira të botës, për 1001 arsye.

S’kemi pse QSUT të mos e kemi në 500 spitalet më të mira të botës, s’ka asnjë arsye pse jo.

Problem nuk është profesionalizmi, por integriteti i të gjithë trupës, dhe kapaciteti i trupës për të prodhuar sukses.

Është gjithçka tjetër nga sa bën secili individualisht.

The post Rama takim me bluzat e bardha: QSUT të jetë mes 500 spitaleve më të mira të botës, të tërheqim mjekë të huaj në Shqipëri appeared first on Albeu.com.

Pacientët paraqiten në Spitalin e Traumes për shkak të traumave nga akisdentet e ndryshme. Sipas bluzave të bardha, gjatë sezonit veror traumat janë në rritje për shkak të sporteve ujore.

Shefi i neurokirurgjise te Trauma, Fatos Olldashi thotë se problematikat më të shumta vijnë për shkak të numrit të madh të aksidenteve automobilistike, por dhe aksidentet në punë.

“Në vendin tonë ndodhin më shumë aksidente se në Europën lindore. Nga këta 5-10 raste kanë nevojë për operacione.Traumat e kokës kanë një përqindje të lartë invaliditeti”.

Sezoni veror sjell një rritje të numrit të traumave.

“8-10 trauma në vit janë tragjike, siç është hedhja me kokë në det, në cekëtirë. Dëmtojnë qafën dhe mbeten të paralizuar”.

Mjeku ngre si problem edhe mungesën e sigurisë në ambientet e shtëpisë.

“Rrethimet e shtëpive, portat metalike. Na vijnë fëmijët të aksidentuar në kushe të shtëpisë për neglizhime të prindërve”.

Traumat ndodhin më shumë te moshat e reja.

“Të rinjtë bëjnë më shumë trauma. Grupmoshat që merren me aktivitetin fizik, qoftë për sport apo punë. moshat e vjetra janë vulnerabël se një traumë e vogël mund të lërë pasoja të mëdha”.

Mjeku vlerëson si arritje shërbimin e qendrës së urgjencës, pasi dikur dëmtimi i pacientëve të aksidentuar vinte edhe nga transporti i gabuar.

The post “Kujdes hedhjet me kokë në det”, 200 pacientë në ditë paraqiten për trauma appeared first on Albeu.com.

Në kuadër të detyrimit ligjor për t’u testuar më parë se të marrin licencën, Qendra e Shërbimeve Arsimore ka përcaktuar muajt dhjetor-janar në dispozicion të bluzave të bardha, mjekë, farmacistë, stomatologë, infermierë, mami, logopedë, fizioterapistë dhe teknikë imazherie e logopedie.

Njoftimi është bërë në faqen zyrtare, ku caktohen edhe kushtet e provimeve për të cilat duhet të jenë në dijeni më parë kandidatët që futen në sezonin XXI të provimeve të shtetit.

Aktualisht QSHA po bën gati listat e kandidatëve me emrat dhe përbri tyre datën e saktë dhe orarin e provimit, i cili është shumë me rëndësi, pasi mosrespektimi i tij, çon në penalizimin e kandidatit për t’u futur në provim.

Kështu, ai nuk ka mundësi as të kërkojë për një vend pune e as fatura e paguar prej 10 mijë lekësh nuk i kthehet. Që të mos përballet me këto pasoja, kandidati që e gjen veten në listë duhet të paraqitet në ambientet e QSHA-së 30 minuta para orës së paracaktuar me kartë ID me vete, kopje të saj, si dhe faturën origjinale me vulën përkatëse të pagesës së tarifës për pjesëmarrjes në provim.

“Kandidatët që nuk paraqesin dokumentet e mësipërme nuk mund të marrin pjesë në provimin e shtetit. Në lidhje me orarin e pjesëmarrjes në provim, ju bëjmë me dije se orari do të jetë i përcaktuar për çdo kandidat dhe nuk do të ketë ndryshime orari përtej planifikimit të publikuar në faqen zyrtare të QSHA-së”, shkruan QSHA në njoftimin zyrtar./albeu.com/

The post Provimi i shtetit për bluzat e bardha, kur mjekët do t’i nënshtrohen testimit për të marrë licencën appeared first on Albeu.com.