Blushi u shpreh se Hoxha ka pasur një rol kyç në negociatat për marrëveshjen e detit me Greqia, duke theksuar se ai ka qenë kryenegociatori i kësaj marrëveshjeje 17 vite më parë.

Sipas Blushit, ai e ndjeu si detyrim moral dhe patriotik të bënte publik këtë fakt para deputetëve, veçanërisht para grupit parlamentar të Partia Socialiste e Shqipërisë, të cilët votuan për emërimin e Hoxhës si ministër i Jashtëm.

“Duke ndjerë sot përgjegjësi të lartë publike dhe kombëtare si deputet i Kuvendit që ka kryer një betim të shenjtë në Kushtetutë për të mbrojtur interesin kombëtar, e ndjeva detyrim moral dhe patriotik t’iu bëj të ditur një fakt tronditës”, deklaroi Blushi.

Blushi rikujtoi se në kohën kur Lulzim Basha ishte ministër i Jashtëm, Ferit Hoxha, shërbente si sekretar i përgjithshëm dhe drejtonte negociatat me Greqinë për marrëveshjen e kufirit detar.

Sipas tij, në atë periudhë ai ishte gazetar dhe kishte publikuar një shkrim kritik ndaj marrëveshjes, pasi besonte se përgjegjësia i takonte ish-kryeministrit Sali Berisha.

Blushi pretendoi se dokumenti i marrëveshjes i ishte dhënë pikërisht nga Ferit Hoxha, duke shtuar se më vonë kishte mësuar se Hoxha kishte qenë negociatori kryesor i paktit me palën greke.

“Vetëm emri im u përmend si denoncues i marrëveshjes, ndërsa informacionin e merrja nga Ferit Hoxha. Më vonë mësova i shokuar se marrëveshjen nuk e kishte negociuar Berisha, por kryenegociatori Ferit Hoxha, i cili bënte lojë të dyfishtë”, u shpreh Blushi.

The post Blushi: Ferit Hoxha ishte ai që negocioi marrëveshjen e detit me Greqinë, mua më informonte se ishte përgjegjës Berisha appeared first on Albeu.com.

Gjatë fjalës së tij në Kuvend, Blushi u shpreh se Parlamenti duhet të dëshmojë nëse është “Parlamenti i shqiptarëve” apo një institucion që përfaqëson, sipas tij, “interesa klienteliste dhe kriminale të një pakice që ka marrë peng shtetin dhe të ardhmen e shqiptarëve”. Blushi theksoi gjithashtu se propozimi për uljen e TVSH-së në 5% për ushqimet bazë është një masë lehtësuese për çdo qytetar, veçanërisht për familjet me të ardhura të ulëta.

Tedi Blushi: Grupi Parlamentar i Partisë së Lirisë i dha sot mundësinë këtij Parlamenti të dëshmonte nëse është Parlamenti i shqiptarëve apo është Parlamenti i një pakice që jo vetëm nuk përfaqëson vullnetin e shumicës dërrmuese të shqiptarëve, por përkundrazi, përfaqëson interesat klienteliste kriminale vetëm të një pakice që ka marrë peng sot të gjithë shtetin dhe për fat të keq të ardhmen e të gjithë shqiptarëve.

Ulja e TVSH-së në 5% për ushqimet bazë, o të marrë, është një masë lehtësuese për çdo shqiptar. Çfarë Partie Socialiste jeni ju? Çfarë shteti social është ky që taton bukën e gojës më shumë sesa luksin. Çfarë socialistësh jeni ju që tatoni kokrrën e vezës më shumë se verën e Edi Ramës?

Çfarë socialistësh jeni ju që tatoni miellin, vajin më shumë se kazinotë e oligarkëve tuaj. Çfarë socialistësh që tatoni djathin, gjalpin dhe të gjitha produktet bazë më shtrenjtë se sa jahtet e klientëve tuaj. Që tatoni qumështin e fëmijëve më shtrenjtë se verën e Edi Ramës.

Po çfarë socialistësh jeni ju? Jeni jo Diella, se edhe Diella e ka një fytyrë, po jeni hije dhe në qoftë se trembeni nga molotovët, po ju paralajmëroj trembjuni urrejtjes së të varfërve që do trokasin dhe në derën tuaj

The post PS shtyn votimin për pr/ligjin e PL për uljen e TVSH në 5% për ushqimet e shportës, Blushi: Ç’socialistë jeni ju që taksoni bukën e shqiptarëve më shtrenjtë se luksin? appeared first on Albeu.com.

Deputeti tha se sot është dita e përballjes pa kthim dhe rrëzimit të regjimit me revoltë qytetare, për ta tronditur atë nga themelet.

“Të gjithë para Kryeministrisë, në protestën kombëtare kundër grupit të strukturuar kriminal që ka rrëmbyer shtetin, po u vjedh taksat qytetarëve dhe po grabit të ardhmen e shqiptarëve. Sot është dita e revoltës dhe e zemërimit qytetar, dita e guximit, e llogaridhënies dhe e përballjes pa kthim me Narkoregjimin”, shprehet ai mes të tjerash me një postim në rrjetin social Facebook.

Postimi i Tedi Blushit:

“Sot është dita e revoltës dhe e zemërimit qytetar, dita e guximit, e llogaridhënies dhe e përballjes pa kthim me Narkoregjimin.

Sot, të gjithë shqiptarët e lirë, të ndershëm dhe patriotë bashkohen në Bulevardin para Kryeministrisë, sepse durimi ka marrë fund, frika ka marrë fund dhe koha e nënshtrimit ka përfunduar.

Sot, në ora 17:00, zëri i gjithë Shqipërisë do gjëmojë në Tiranë.

Të gjithë para Kryeministrisë, në protestën kombëtare kundër grupit të strukturuar kriminal që ka rrëmbyer shtetin, po u vjedh taksat qytetarëve dhe po grabit të ardhmen e shqiptarëve.

Sot është dita për të qenë aty! Sot është dita për të mos munguar! Sot është dita për të tronditur nga themelet Narkoregjimin!”.

The post Protesta e opozitës/ Blushi: Sot dita e revoltës dhe përballjes pa kthim, durimi ka marrë fund, zëri i Shqipërisë do gjëmojë në Tiranë, dita për ta tronditur nga themelet appeared first on Albeu.com.

Gjatë fjalës së tij nga foltorja, Blushi ironizoi socialistët dhe qeverinë e cila sipas tij po jep lëmoshë për pensionistët.

Ai tha se “duhet ta kesh vajzën ose djalin deputet të PS që babai të marrë pension dinjitoz”.

Në një moment Blushi u ndal te Zegjine Çaushi.

Blushi tha: “Duhet ta kesh vajzën ose djalin deputet të PS që babai të marrë pension dinjitoz, duhet t‘i themi pensionistëve që këtë vit iu ka akorduar aq sa vjedh Balluku dhe Rama me një dorë vetëm në tunelin e Llogarasë. Çuditem ku është zëri i atyre që iu kanë zgjedhur juve si deputetë.

Unë sigurisht nuk pres që e mençura Zegjine të ketë eksperiencën e Dritëro Agollit, por si nuk doli xhanëm një burrë nga ju t’i thotë ndal kësaj qeverie. A keni prindër, gjyshër, fëmijë, a ju vjen turp kur shkoni në shtëpi, kur dilni në zonë? Si nuk doli një nga ju të flas për rritjen e pensioneve, për pagat”.

Në replikën e saj Çaushi iu drejtua Blushit, duke ironizuar Ilir Metën, i cili ndodhet në qeli.

“I dashur Tedi për ty nuk kam asnjë lloj komenti, sepse atë përgjigje dhe koment që do kisha do t’ja jap atij personi që nuk është këtu, se fatkeqësisht dhe fatmirësisht ai është te vendi ku meriton të jetë dhe nuk kam ça përgjigje ti jap atij dhe këto mesazhet e tua që t’i çon në telefon. Po të ishte këtu do ia jepja atij përgjigjen. Atë e përshëndesim nga atje ku është dhe ndoshta na sheh”, u shpreh Çaushi.

Pjesë nga debati

Tedi Blushi: 650 milionë euro me të cilat pensionistët do të kishin vitin e ardhshëm jo 60 lekë në ditë ata që qytet dhe as 20 lekë në ditë ata në fshat, por të paktën pensione 6 herë më të rritura. Çudi, ku është zëri atyre që u kanë zgjedhur ju si deputetë.

Duhet ta kesh vajzën ose djalin deputet të PS që babai të marrë pension dinjitoz farë duhet t‘i themi pensionistëve që këtë vit iu ka akorduar aq sa vjedh Balluku dhe Rama me një dorë vetëm në tunelin e Llogarasë. Çuditem ku është zëri i atyre që iu kanë zgjedhur juve si deputetë.

Unë sigurisht nuk pres që e mençura Zegjine të ketë eksperiencën e Dritëro Agollit, por si nuk doli xhanëm një burrë nga ju t’i thotë ndal kësaj qeverie. A keni prindër, gjyshër, fëmijë, a ju vjen turp kur shkoni në shtëpi, kur dilni në zonë? Si nuk doli një nga ju të flas për rritjen e pensioneve, për pagat.

Zegjine Çaushi: I dashur Tedi për ty nuk kam asnjë lloj komenti, sepse atë përgjigje dhe koment që do kisha do t’ja jap atij personi që nuk është këtu, se fatkeqësisht dhe fatmirësisht ai është te vendi ku meriton të jetë dhe nuk kam ça përgjigje ti jap atij dhe këto mesazhet e tua që t’i çon në telefon. Po të ishte këtu do ia jepja atij përgjigjen. Atë e përshëndesim nga atje ku është dhe ndoshta na shef.

The post Debat në Kuvend/ Blushi: Nuk pres që e mençura Zegjine të ketë eksperiencën e Dritëro Agollit! Deputetja e PS ironizon Metën në burg: Ai që të çon SMS, e përshëndesim appeared first on Albeu.com.

Blushi deklaroi se seanca e sotme ka rëndësi të veçantë për qytetarët, pasi synimi është llogaridhënia e ekzekutivit dhe kërkoi shpjegime për një sërë çështjesh, duke filluar nga shembja e rrugës Qukës–Qafë Plloçë.

“Qëllimi i kësaj seancë nuk është që deputetët të flasin, është llogaridhënia. Kush do jap llogari meqenëse as zv.kryeministre nuk keni më, pse u shemb rruga Qukës Qafë Plloçë? Kush do jap llogari ku përfunduan 260 milionë euro? Kujt do ja kërkojmë këtë llogari sot?”, tha ai.

Deputeti ngriti edhe shqetësimin për çështjen e përmbytjeve në vend, ku ironizoi duke thënë se fondet e emergjencave civile, “janë të barabarta me bakshishin e Tunelit të Llogarasë.”

Tedi Blushi: Dua t’ju kujtoj nenin 47 të rregullores: Anëtarët e Këshillit të ministrave, kanë të duhet dhe kur u kërkohet, e kanë për detyrë të marrin pjesë në seancë plenare. Unë nuk besoj se ka seancë më të rëndësishme për qytetarët se sa kjo sot. Po qëllimi i kësaj seancë nuk është që deputetët të flasin, është llogaridhënia.

Kush do jap llogari meqenëse as zv.kryeministre nuk keni më, pse u shemb rruga Qukës Qafë Plloçë? Kush do jap llogari ku përfunduan 260 milionë euro? Kujt do ja kërkojmë këtë llogari sot?

Ministrit të Drejtësisë apo ministres së Brendshme? Kujt t’i kërkojmë llogari pse shqiptarët nga veriu në jug janë përmbytur edhe këtë vit dhe se fondit i emergjencave civile ishte i barabartë me bakshishin e Tunelit të Llogarasë. Kush do na e jap këtë sqarim. Kush përgjigjet nga qeveria për këto çështje.

Unë e kuptoj që shumica e ministrave duke filluar nga kryeministri kanë fokusin si e si të vjedhin nga mëngjesi deri në darke, por qëllimi i kësaj seance është llogaridhënia. Kush do jap llogari sot?

Kush do jap llogari kush ja fali tokën publike Mogerinit, ndërkohe që qytetarët ende dyerve të ministrive dhe gjykatave për pronat e tyre. Kush do japi sqarime sot? Kush do flas për këtë çështje? Do flisni ju kryetar, ministri i mjedisit, apo Toni Gogu. Kemi shumë pyetje, për të cilët duhet të vijë kryehajduti të jap sqarime.

The post “Kush do jap llogari për shembjen e rrugës Qukës-Qafë Plloçë?”- Ministrat mungojnë në Kuvend, Blushi: Ku përfunduan 260 milionë euro? appeared first on Albeu.com.

Duke iu referuar deklaratave që Rama bëri sot në podkastin e tij, Blushi kujton kohën kur kryeministri shkarkoi zv.ministren e Brendshme Rovena Voda dhe zëvendësministrin e Brendshëm Andi Mahila, ndërkohë që sot sipas tij refuzon të shkarkojë një Zv/kryeministre të kapur me “presh në dorë” për vjedhjen e qindra miliona euro.

“I njëjti Edi Rama që shkarkoi një Zv/ministre vetëm pse pranoi dhuratë një arkë me peshk apo një tjetër pse piu një cigare në një ambient publik, sot refuzon të shkarkojë një Zv/kryeministre të kapur me “presh në dorë” për vjedhjen e qindra miliona euro”, shkruan Tedi Blushi në Facebook.

Sipas Blushit, sot Rama nuk po mbron Kushtetutën, por po kërkon të mbrojë bashkëvjedhjet dhe hajdutëritë e veta me duart e Belindës.

“Sot, Edi Rama nuk po mbron Kushtetutën. Kërkon të mbrojë bashkëvjedhjet dhe hajdutëritë e veta me duart e Belindës, e cila mesa duket është gati t’i zbulojë të gjitha, nëse Kryeministri do të guxojë ta braktisë. Kaq është e vërteta”, përfundon Blushi.

Në podkastin e tij, Rama citoi sot Komisionin e Venecias dhe Gjykatën e Strasburgut, që sipas tij një gjykatë nuk mund të pezullojë një ministër.

Rama u shpreh se në këto raste një ministër mund të shkarkohet nga kryeministri, ose nëse vendimi është i formës së prerë.

Sipas Ramës, një vendim i tillë nga nje gjykate i hap rrugë presioneve politike ndaj qeverisë, destabilizimit institucional dhe manipulimit të ekzekutivit përmes proceseve penale.

“Prandaj ministri ose rri në detyrë, ose largohet nga detyra me dorëheqje, nga Kryeministri, apo in extremis me dënim të formës së prerë sipas ligjit. Tjetër nuk ka. Prokuroritë e Gjykatat nuk hyjnë fare në këtë mes dhe nuk e bëjnë kurrësesi këtë. Asnjëherë. Askund në Europë”, tha Rama.

Duke iu referuar Komisionit të Venecias dhe Gjykatës Evropiane të Strasburgut, Rama tha se këto institucione e quajnë cënim të balancës së pushteteve shkarkimin e një ministri.

“E nëse Shqipëria do të hynte në analet e historisë së drejtësisë europiane me një shpikje të tillë, kjo do të ishte, largqoftë, një shfaqje ulëritëse papjekurie demokratike dhe institucionale. Uroj që Gjykata Kushtetuese t’ia kursejë këtë shfaqje Shqipërisë”, u shpreh Rama.

Postimi i Blushit:

𝐄𝐝𝐢 𝐑𝐚𝐦𝐚 𝐧𝐮𝐤 𝐩𝐨 𝐦𝐛𝐫𝐨𝐧 𝐚𝐬 𝐁𝐞𝐥𝐢𝐧𝐝𝐞̈𝐧 𝐝𝐡𝐞 𝐚𝐬 𝐊𝐮𝐬𝐡𝐭𝐞𝐭𝐮𝐭𝐞̈𝐧, 𝐩𝐨𝐫 𝐡𝐚𝐣𝐝𝐮𝐭𝐞̈𝐫𝐢𝐭𝐞̈ 𝐞 𝐯𝐞𝐭𝐚

I njëjti Edi Rama që shkarkoi një Zv/ministre vetëm pse pranoi dhuratë një arkë me peshk apo një tjetër pse piu një cigare në një ambient publik, sot refuzon të shkarkojë një Zv/kryeministre të kapur me “presh në dorë” për vjedhjen e qindra miliona euro.

I njëjti Edi Rama që i “dhemb zemra” për Kushtetutën, ndërkohë që ndër vite Gjykata Kushtetuese e ka çertifikuar si shkelësin më të madh të saj, nga vendimi për Teatrin Kombëtar, te ligjet e qepura me porosi për oligarkët e deri te mandati i Olta Xhaçkës.

Është i njëjti “dashnor” i Kushtetutës që Komisioni i Venecias e ka damkosur të paktën pesë herë për shkelje të saj.

I njëjti Kryeministër që donte të shkarkonte Presidentin e Republikës pse mbronte Kushtetutën, tani kërkon të mos shkarkojë Zv/Kryeministren që e çoi kilometrin e rrugëve të florinjta, që shemben si thes kashte, 5-6 herë më shtrenjtë se në vendet e BE.

Sot, Edi Rama nuk po mbron Kushtetutën.

Kërkon të mbrojë bashkëvjedhjet dhe hajdutëritë e veta me duart e Belindës, e cila mesa duket është gati t’i zbulojë të gjitha, nëse Kryeministri do të guxojë ta braktisë.
Kaq është e vërteta!

The post Tedi Blushi: Rama që dikur shkarkoi një zv.ministre për një arkë me peshk, sot refuzon të shkarkojë zv.kryeministren të kapur me “presh në dorë” appeared first on Albeu.com.

Debati

Blushi: Zonja Lala ka thënë një të pavërtetë të madhe. Atë që cituat nga prokuroria e keni tërësisht të pavërtetë. Pretendohet fakti që zoti Meta është përdorues i një karte debiti. Fakti është që përdoruese ka qenë zonja Kryemadhi dhe ai qëndron në paraburgim prej 8 muajsh. Për lobimet kemi një përgjigje të autoriteteve amerikane kanë rrëzuar akuzën e rreme të ngritur nga Rama dhe McGonigal sikur Meta kishte paguar 1 milion dollarë për të një foto me Trump. Kemi përgjigjen që e përjashton zotin Meta dhe këtë e thotë SPAK jo Blushi dhe avokati Cakrani. Kanë rënë akuzat e tjera. Për fat të keq prokurorët e SPAK keqpërdorin gazetarët dhe unë mund t’ua faktoj me fakte prej të paktën dy vitesh. Meqë është zonja Lala aty, në prill të vitit të kaluar paralajmëronte arrestimin e Ilir Metës brenda prillit.

Lala: Tejkaloje këtë Blush. Na thuaj ndonjë gjë të hajrit. Lëri këto dënglat me mua! Vazhdo se të njoh herët. Lëri dënglat me mua se të njoh herët. Mbro Ilir Metën, mos më bëj gjyq publik mua se më njeh shumë mirë profesionalizmin tim. Tejkaloje këtë Ted se nuk të falet. Vazhdo planin çoja deri në fund shefit tënd.

Blushi: Zonja Lala!

Lala: Meqë më the zonja Lala, tejkaloje dhe bëj pjesën tënde politike. Gjykimin publik nuk ma bëni ju. Vazhdo të lutem se nuk më tregon ti mua se si bëj gazetari. Të paktën ti jo. Vazhdo te hapi i dytë, te hapi i dytë, çoji deri në fund këshillat politike të Ilir Metës. Gjyq publik nuk më bëni ju Tedi Blushi, se të njoh mirë dhe sa për profesionalizëm nuk ke gojë të flasësh. Minimalisht duhet të ulësh kokën përballë meje. Vazhdo të thuash çfarë të kanë dhënë urdhër.

The post “Lëri dënglat me mua ti o Blush, vazhdo mbro Metën!”/ Lala përplaset me Sekretarin e PL, Blushi: Keqpërdoresh nga SPAK! appeared first on Albeu.com.

Përmes një deklarate për mediat, Blushi tha se këto veprime kundrejt Ilir Metës janë hakmarrje primitive e kryeministrit Edi Rama ndaj tij dhe opozitës.

Blushi tha gjithashtu se në gjyqin ndaj Metës, që sipas tij do të mbahet me dyer të hapura për qytetarët, do të çmontohen ato që ai i cilësoi si akuza të montuara politikisht ndaj kreut të PL-së.

DEKLARATA

Në vijim të procesit kriminal, tërësisht farsë dhe politik, të urdhëruar personalisht nga Edi Rama në Asamblenë e Partisë Socialiste dhe të firmosur nga Altin Dumani, që kulmoi me rrëmbimin terrorist dhe vijon me mbajtjen pa fakte dhe prova penale prej 8 muajsh në izolim ekstrem, një tjetër akt primitiv dhe hakmarrës është ndërmarrë sot ndaj Presidentit të Partisë së Lirisë, Z. Ilir Meta, pak ditë pasi po në shenjë hakmarrje, ai u dënua me 10 ditë mosushtrim të aktiviteteve sportive vetëm pse dha një intervistë të realizuar live nga kabina e paraburgimit.

Në shkelje flagrante të ligjit për të paraburgosurit, Presidentit Meta i është ndaluar sot takimi javor i planifikuar me motrën dhe fëmijët, gjoja sikur ky takim është ezuaruar nga unë si Sekretar i Përgjithshëm, një mashtrim ordiner dhe i fëlliqur, si i gjithë ky proces.

Ndalimi i takimit me motrën4 dhe fëmijët, që është një e drejtë dhe aspak privilegj për çdo të paraburgosur, dëshmon hakmarrjen primitive të Altin Dumanit dhe Edi Ramës, që i tmerrojnë të vërtetat e Ilir Metës edhe kur ato thuhen nga kabinat telefonike të paraburgimit.

Kjo hakmarrje primitive dhe oridinere, që u dëshmua edhe ditën e votimit më 11 Maj, kur ngjyrat kuqezi të Presidentit Meta tmerruan Altin Dumanin dhe Edi Ramën që urdhëruan moslejimin e gazetarëve as të filmonin momentin e votimit të z.Meta, ndodh fill pas sqarimit shterues që Presidenti i Partisë së Lirisë bëri sot lidhur me lajmet e rreme të sponsorizuara me paratë e pista të inceneratorit që nuk ekziston në televizionet e regjimit.

Titrat e lëshuara nga regjimi, njësoj si raketat e Ajatollahut, për të bombarduar opinionin publik me fakte të paqëna, morrën sot sqarimin shterrues të Presidentit Meta

Por edhe njëherë theksojmë se nuk ka asnjë provë dhe asnjë fakt penal ndaj tij dhe se në shkelje flagrante të ligjit, të Kushtetutës, të Konventës Europiane të të Drejtave të Njeriut, ai vijon të mbahet në izolim ekstrem dhe vijojnë t’i zgjaten qëllimisht hetimet edhe me 3 muaj, ndonëse në 27 Maj I është komunikuar akuza dhe është marrë i pandehur.

Jo 6 vite, por edhe 600 vite te hetojne per 32 vite jete publike dhe politike te Ilir Metes kurre nuk kane per te gjetur nje fakt apo prove, jo ne toke por edhe ne cdo planet tjeter qe te cojne leterporosi, qe ta implikoje ate ne raport me ligjin. E kunderta eshte e vertete, z. Meta ka deshmuar gjithmone se eshte shembull i respektimit korrekt te ligjit dhe Kushtetutës.

Asnjë akt i paligjshëm, as nuk ka ndodhur dhe as nuk mund të ndodhë nga Ilir Meta, as në Republikën e Shqipërisë, as në SHBA dhe as në një vend tjetër.

Opinioni publik do ta shohë këtë gjatë gjykimit në themel, që nuk mund të jetë i mbyllur si “listat e mbyllura,” por do të jetë i hapur për qytetarët, ku ne do të çmontojmë akuzat e shërbëtorëve të Edi Ramës dhe ku të gjithë do t’i shohin edhe “dëshmitarët” të Edi Ramës.

Partia e Lirisë i bën thirrje të gjithë institucioneve ndërkombëtare, Këshillit të Europës, Parlamentit Europian, Departamentit Amerikan të Shtetit dhe organizatave që mbrojnë liritë dhe të drejtat e njeriut të reagojnë me forcë dhe dënojnë me ashpërsi këtë shkelje flagrante dhe recidiviste të të drejtave të njeriut, të ligjit, të Kushtetutës dhe Konventës Europiane të të Drejtave të Njeriut, qe nisi me hetimin politik, vijoi me rrembimin terrorist çnjerezor dhe denigrues, nga bandite me maska, te armatosur rende dhe pa dokument identifikimi, vazhdon me mbajtjen e izolim ekstrem pa fakte dhe pa prova penale, hakmarrje primitive qe here shfaqet duke i hequr te drejten te filmohet kur voton, qe vazhdon me denimin me 10 dite per te mosushtruar aktivitet sportiv e se fundmi me mohonim e se drejtes per t’u takuar me familjaret, sic e parashikon qartesisht ligji.

The post Blushi: Metës po i shkelen të drejtat në burg, i ndalohet takimi me motrën dhe fëmijët appeared first on Albeu.com.

Ai ka paralajmëruar gjithashtu se ky proces, mund të çojë në stanjacion të negociatave për integrimin e vendit në Bashkimin Europian.

Në një “non-paper” të publikuar së fundmi, Komisioni Europian evidenton dështimet në luftën kundër korrupsionit dhe krimit të organizuar, ndërsa kritikon ashpër mënyrën se si është kapur sistemi i drejtësisë dhe tentativat për të minuar pavarësinë e tij.

DEKLARATA E BLUSHIT:

Komisioni Europian çertifikon shkatërrimin e Reformës në Drejtësisë si pasojë e presionit dhe kapjes së paprecedentë, duke paralajmëruar stanjacion të procesit të negociatave dhe mos-hapje të kapitujve për integrimin pa plotësuar standardet.

Një “non paper” i Komisionit Europian i bërë publik së fundmi së bashku me raportin e këtij institucioni për sundimin e ligjit evidentojnë qartë se dështimi i theksuar në luftën kundër krimit të rëndë e të organizuar, kundër korrupsionit e sidomos kapja e sistemit të drejtësisë e shndërrojnë në farsë përpjekjen gjoja të qeverisë për përshpejtimin e integrimit europian.

Reforma në Drejtësi, e votuar unanimisht me 140 vota në Kuvend si një moment historik për ndarjen e drejtësisë nga politika dhe për dhënien fund të pandëshkueshmërisë, është shndërruar tanimë qartësisht në Ramaformën me 69 vota të betimeve të gjyqtarëve kushtetues te noteri te Lana, në një instrument të pisët politik për amnistimin e korrupsionit dhe krimit elektoral, që ka për qëllim vetëm konsolidimin e Narkoshtetit.

Raporti i fundit i Komisionit Europian për sundimin e ligjit e denoncon hapur këtë degradim dramatik, duke evidentuar qartë edhe përpjekjen kriminale për të uzurpuar dhe asgjesuar përfundimisht pavarësinë e Gjykatës Kushtetuese.

Në konkluzionet e Komisionit Europian evidentohet fakti se “Ekzistojnë mangësi lidhur me punën, mungesën e transparencës, gjithëpërfshirjes, metodologjinë dhe ndikimin real të komisionit ad hoc…” një referencë e qartë ndaj të ashtuquajturit Komision Xhafaj, i cili po përdoret si vegël politike për të rishkruar reformat me prapavijë okulte dhe klienteliste

Raporti evidenton gjithashtu se “moszbatimi i vendimeve të Gjykatës Kushtetuese dhe pasiguria ligjore mbi kohëzgjatjen e mandateve të anëtarëve të saj”, që është një akuzë e drejtpërdrejtë e Komisionit Europian ndaj puçit institucional të orkestruar nga Sokol Sadushi, si në rastin flagrant të rrëmbimit të mandatit të dy gjyqtarëve kushtetues.

Kjo ndërhyrje brutale dhe ekstraligjore për ta shndërruar Gjykatën Kushtetuese në një objekt pazari të korporatave politike është një minim i thellë i besimit qytetar në drejtësi.

Tentativa për të zeruar çdo mendim pakice edhe në Gjykatën Kushtetuese, duke hequr gjyqtarët e pavarur, është një shkelje shumë e rëndë e Kushtetutës, që vërteton tmerrin e Edi Ramës nga e vërteta, argumenti, logjika, objektiviteti dhe integriteti i gjyqtarëve të pavarur që i nxjerrin zbuluar të besuarit e “Rilindjes”.

Qytetarët e Shqipërisë po shohin çdo ditë se “drejtësia e re” nuk është një tjetër veçse një patericë e Narkoregjimit, një mburojë e shëmtuar politike jo vetëm për korrupsionin, por edhe për krimin elektoral, që nisi me rrëmbimin terrorist të Presidentit të Partisë së Lirisë, Ilir Meta dhe u vulos me terrorin zgjedhor të 11 Majit.

Tanimë edhe me vulën e Komisionit Europian, “Ramaforma” në drejtësisë po damkoset si një makineri politike nën kontrollin e Narkoshtetit dhe veglave të tij politike: Fatmir Xhafaj dhe Sokol Sadushi.

Konkluzionet e Komisionit Europian dhe akuzat e drejtpërdrejta ndaj komisioni Xhafaj, si instrument i një puçi institucional antikushtetues, janë një tjetër argument solid dhe i pavarur pse ky komision duhet të shkrihet menjëherë.

Me ç’te drejte do te beje vleresim dhe analize mbi drejtesine Komisioni i Posacem i Rames?

Perse u be Reforma ne Drejtesi, per te cilen u prek me shume se 1/3 e Kushtetutes?

A ka sistem te pavarur vleresimi dhe kontrolli drejtesia?

A u be reforma ne drejtesi per te larguar duart e politikes mbi Drejtesine?

Me ç’te drejte Kushtetuese do te beje nje proces te thelluar reformimi mbi Drejtesine nje Komision i Posaçem 100% politik dhe i njeanshem vetem me deputete rilindas?

Është domosdoshmëri nisja urgjente e një hetimi për ndërhyrjet kriminale politike në mandatin e gjyqtares kushtetuese dhe gjithë procesin e deformimit të sistemit.

Beteja për çlirimin e drejtësisë nga kapja dhe korporatizmi është jetike për mbijetesën e shtetit ligjor.

Nëse kjo situatë nuk ndalet, Shqipëria rrezikon të mbetet një Narkoshtet, ku drejtësia është në funksion të pushtetit dhe qytetarët pa mbrojtje ligjore.

Reforma nuk duhet të mbetet një fasadë – por të rikthehet tek fryma e saj kushtetuese dhe konsensuale e 140 votave: drejtësi e pavarur dhe e barabartë për të gjithë.

The post Tedi Blushi: KE certifikoi shkatërrimin e Reformës në Drejtësi dhe paralajmëron stanjacion të negociatave appeared first on Albeu.com.

Në një shkresë zyrtare drejtuar Këshillit Bashkiak të Tiranës, për dijeni edhe Kryekomisionerit Shtetëror të Zgjedhjeve, Ilirjan Celibashi, Blushi deklaron se vendimi vjen si pasojë e kualifikimit të tij si deputet në listën fituese të Qarkut Tiranë, në zgjedhjet e 11 majit 2025.

“Pasi u kualifikova në listën fituese të Qarkut Tiranë si deputet në Kuvendin e Shqipërisë, paraqes kërkesën time për dorëheqje nga mandati i anëtarit të Këshillit Bashkiak Tiranë”, shkruan Blushi në letrën me datë 30 maj 2025.

SHKRESA E BLUSHIT

The post Tedi Blushi dorëzon mandatin në Këshillin Bashkiak të Tiranës, zbulohet arsyeja appeared first on Albeu.com.