Përmes një postimi në rrjetet sociale, ai ka drejtuar akuza ndaj Lidhjes Demokratike të Kosovës (LDK), Partisë Demokratike të Kosovës (PDK), Aleancëb për Ardhmërinë e Kosovës (AAK) dhe Listës Serbe, të cilat i fajëson për bllokimin e proceseve politike.

Sipas Mekulit, qytetarët duhet të protestojnë para zyrave të këtyre subjekteve politike, pasi, siç argumenton ai, ato po pengojnë funksionimin e institucioneve dhe po dëmtojnë interesin e Republikës së Kosovës.

Postimi i plotë:

Grusht shtet? Protestë para zyrave të PDK, LDK, AAK dhe LISTËS SERBE?

Sipas fjalorit të gjuhës shqipe “PUÇ” apo “Grusht shteti” është ajo që organizohet në fshehtësi nga një grup i kufizuar njerëzish, të cilët nuk kanë mbështetje në popull;

E kjo çka po ndodhë në Kosovë, konkretisht nga partitë opozitare LDK, PDK, AAK, LISTA SRBSKA dhe mediat e tyre, ka shenja të qarta të një grusht shteti klasik.

A duhet lejuar që Kosova e vogël të vuaj për sherr të partive politike? Natyrisht se jo!

Të dashur lexues,

Sot do të ishte e drejtë dhe njerëzore që populli i Kosovës, përpos që po merr pjesë (me të drejtë) në protestat kundër korrupsionit në Tiranë, do të duhej të hapnin sytë e të protestonin edhe para zyrave të partive politike PDK, LDK, AAK dhe LISTËS SERBE për shkak të bllokadës që po i bëjnë popullit të Kosovës.

Populli, përmes votës demokratike, vendosë se kush do t’a udhëheqë shtetin; në këtë rast VETËVENDOSJE ka fituar 53 deputetë, që nesër të qeverisë shtetin me parti tjetër politike, apo jo?

Tani opozita LDK, PDK, AAK dhe LISTA SRBSKA po bllokojnë Kosovën; a nuk është ky veprim me elemente “grusht shteti” apo “puçi?”

Konsekuent deri në fund: A duhet të protestohet para zyrave të këtyre partive politike që po e minojnë pavarësinë e Republikës së Kosovës?

The post Gëzim Mekuli kërkon protesta para selive të PDK-së, LDK-së, AAK-së dhe Listës Serbe appeared first on Albeu.com.