Në zbatim të planit të masave, Policia e Shtetit njofton se do të ketë bllokime të disa segmenteve rrugore dhe itinerare të përcaktuara, për lëvizjen e tifozëve të dy skuadrave.

Në orën 14:00 do të bëhet spostimi i automjeteve përreth stadiumit, ndërsa bllokomi i rrugëve do të bëhet në orën 17:00. Segmentet rrugore që do të jenë të bllokuara, nga ora 17:00 deri në përfundim të aktivitetit, janë:

– Rruga “Lek Dukagjini”, përreth stadiumit, rruga “Dervish Hima”, rruga “Gjergj Filipi”, rruga “Papa Gjon Pali II”, nga kryqëzimi me rrugën “Ismail Qemali” deri te stadiumi “Air Albania”, bulevardi “Dëshmorët e Kombit”, nga Presidenca deri te sheshi “Nënë Tereza”.

▪️Lëvizja e tifozëve të KF Tirana do të bëhet:

•Xhamllik – ura e Rrugës së Elbasanit – rruga “Papa Gjon Pali II” – stadium;
•Selvia – Teatri Kombëtar i Operas dhe Baletit – bulevardi “Dëshmorët e Kombit” – kthim në rrugën “Bajram Curri”, – rruga “Papa Gjon Pali II” – Coin – Stadium.

▪️Lëvizja e tifozëve të Partizanit do të bëhet:

Kryqezimi i rrugës “Muhamet Gjollesha” me rrugën “Artan Lenja” – përgjatë rrugës “Muhamet Gjollesha” – rruga “Sulejman Delvina”, rruga “Ibrahim Rugova” – pas Presidencës – sheshi “Frederik Shopen” – përpara shkallëve të Universitetit të Tiranës – stadium.

Policia do të garantojë dhe do të sigurojë lëvizjen e tifozëve përgjatë rrugëkalimeve të caktuara dhe nuk do të lejojë grumbullim apo kalim të tifozëve, jashtë itinerarit të caktuar.

Po në zbatim të planit të masave, do të ushtrohen kontrolle rigoroze ndaj tifozëve, para hyrjes në stadium, për sende të kundërligjshme (sende të forta, bidonë uji, çadra, çelësa metalik apo lëndë piroteknike etj), dhe çdo tifoz duhet të jetë i pajisur me dokument identifikimi.

Personat të cilët e kanë të ndaluar hyrjen në objektet dhe mjediset sportive, detyrohen të paraqiten fizikisht në komisariatet policore përkatëse, në ditën dhe orën e zhvillimit të veprimtarisë sportive, në zbatim të ligjit nr. 79/2017, “Për Sportin”, i ndryshuar me ligjin nr. 105/2020, dhe moszbatimi i detyrimeve që rrjedhin nga ky ligj, përbën shkelje të tij.

Gjithashtu, nuk do të lejohen të futen në stadium fëmijët nën moshën 16 vjeç, pa praninë e prindit apo kujdestarit (shoqëruar me dokument), pavarësisht se mund të jenë të pajisur me bileta.

Policia e Tiranës kërkon mirëkuptimin e tifozërive respektive, për zbatimin e detyrimeve të mësipërme, si dhe mirëkuptimin e qytetarëve për të evituar lëvizjen me automjete në segmentet rrugore të lartpërmendura, në oraret e caktuara.

The post Derbi Tirana-Partizani, policia njofton masat: Ja rrugët që do të bllokohen të dielën appeared first on Albeu.com.

Ndërprerja e qarkullimit të mjeteve është bërë konkretisht në aksin Tiranë-Klos, pasi rënia e masivit të gurëve ka ndodhur në vendin e quajtur “Shkalla e Tujanit”.

The post Bllokohet qarkullimi në aksin Tiranë-Klos si pasojë e rënies masiveve me gurë. appeared first on Albeu.com.

Në vendin e quajtur Uji i Zi, rrëzimi i disa pishave shumëvjeçareje mbi trasenë e rrugës ka bllokuar qarkullimin e mjeteve në drejtim të Këlcyrës dhe Përmetit.

Aktualisht pritet ndërhyrja e strukturave përkatëse për largimin e pemëve të rrëzuar dhe rifillimin e qarkullimit të mjeteve.

Përgjatë ditës së sotme Qarku i Gjirokastrës është përfshirë nga moti i keq me reshje intesive shiu dhe erë të fortë. Moti i keq ka shkatuar probleme edhe për furnizimin me energji elektrike në zonat malore.

The post Era e fortë rrëzon pemët në rrugën kombëtare Ura e Leklit-Këlcyrë, bllokohet qarkullimi appeared first on Albeu.com.

Në aksin Bajram Curri-Fierzë, raportohet për rënie të mëdha gurës që kanë vështirësuar qarkullimin, ndërsa në akset ku ka patur reshje bore po punohet për pastrimin dhe kriposjen e rrugëve.

Kujtojmë se dhe gjatë natës ka pasur reshje dëbore në Tamarë-Vermosh, në Qafë Thore-Bogë, në orët e para të mëngjesit reshjet kanë pushuar

Mjetet borëpastruese në terren kanë bërë pastrimin e rrugëve nga dëbora dhe shpërndarjen e kripës për të evituar ngricat.

Qarkullimi vijon pa probleme në të gjitha akset.

The post Reshjet e shiut dhe borës, probleme në rrugët e Kukësit nga rënia e gurëve dhe inerteve, ja akset problematike appeared first on Albeu.com.

Policia bën me dije se të bllokuara janë akset Rruga e Arbërit, Cudhi Kamp-Qafshtamë, dhe Bruzë Mal-Shkretë.

Drejtuesit duhet të qarkullojnë me goma dimërore dhe zinxhirë dhe të shmangin lëvizjet e panevojshme në këto zona.

Njoftimi i policisë:

DVP Tiranë

Si pasojë e reshjeve të dëborës që vijojnë të bien në Rrugën e Arbërit dhe në malësinë e Krujës, janë bllokuar akset rrugore: Rruga e Arbërit, Cudhi Kamp-Qafshtamë, dhe Bruzë Mal-Shkretë.

Shërbimet e DVP Tiranë janë në gadishmëri të plotë për ti ardhur në ndihmë çdo përdoruesi rruge dhe apelon për drejtuesit e mjeteve që të mos qarkullojnë pa goma dimërore dhe zinxhirë, në këto zona, si dhe të shmangin lëvizjet e panevojshme.

Në rast nevoje për ndihmë, telefononi në numrin 112.

The post Reshjet e dëborës, bllokohet rruga e Arbrit, policia apel shoferëve: Shmangni lëvizjet e panevojshme appeared first on Albeu.com.

Nga raportimet e para mësohet se protestuesit bllokojnë aksin Axhensi – Gjykatë, pranë Prefekturës së qarkut. Mjetet janë devijuar nga policia për të qarkulluar në rrugën përgjatë lumit Osum.

Gjithashtu është Bllokuar Rruga e Arbrit nga dibranët, në shenjë proteste.

Rruga e Kombit është bllokuar dhe po ashtu rrugët në Lezhë e Durrës.

Kujtojmë se kjo është dita e tretë e protestës. Një ditë më parë, protestuesit u mblodhën për rreth dy orë para Kryeministrisë më pas u shpërndanë duke bllokuar Unazën nga të dyja anët.

Pas bllokimit të Unazës, ata bllokuan qarkullimin dhe te ura në hyrje të ish-Bllokut ku pati dhe përplasje më policinë.

Protesta dje pati në të gjithë vendin dhe policia ka shoqëruar në komisariat shumë qytetarë. Sipas policisë, protestuesit nuk kishin marrë leje për organizimin e protestës.

The post Nga Rruga e Kombit tek ajo Arbrit, rrugët që kanë bllokuar protestuesit (VIDEO) appeared first on Albeu.com.