bllokada e grurit Archives - Albeu.com

Turqia qetëson botën: Është arritur marrëveshja për të hequr bllokadën e grurit dhe ushqimit nga Ukraina

admin — Mon, 18 Jul 2022 13:45:54 +0000

Është arritur një marrëveshje në terma të përgjithshëm për transportin dhe grurit dhe ushqimit nga korridore të sigurta në Detin e Zi.

Lajmin e ka bërë të ditur Turqia përmes ministrit të Brendshëm turk Hulusi Akar, gjatë ditës së sotme.

Deklarata në, ministri turk raportohet ta ketë bërë në një mbledhje të mbajtur në Stamboll, mes delegacionit të Moskës, Kievit, Ankarasë dhe përfaqësuesve të OKB-së.

“Me shumë mundësi do të mbahet një mbledhje këtë javë, për të arritur deri tek implementimi i plotë i planit,” raportohet të ketë shtuar ministri turk.

Po ashtu, në agjendë është krijimi i një qendre monitorimi në Stamboll, për identifikimin e rrugëve të kalimit dhe pikave të kontrollit.

The post Turqia qetëson botën: Është arritur marrëveshja për të hequr bllokadën e grurit dhe ushqimit nga Ukraina appeared first on Albeu.com.

Kriza e bukës, sa afër është marrëveshja Ukrainë-Rusi

admin — Fri, 15 Jul 2022 14:27:19 +0000

Teksa mbarë bota është një një krizë ushqimore pas bllokadës së grurit ukrainas, duket se një marrëveshje mes vendeve është fare pranë.

Lajmi u bë i ditur nga Ministria ruse e Mbrojtjes, pas bisedimeve në Stamboll në fillim të kësaj jave, raporton The Guardian.

Ministria tha se propozimet e Moskës se si të arrihet një rifillim i eksporteve të grurit ukrainas u mbështetën në masë të madhe nga negociatorët dhe se puna për atë që ajo e quan “Iniciativa e Detit të Zi” do të finalizohet së shpejti.

Pas bisedimeve të së mërkurës, ministri turk i mbrojtjes Hulusi Akar tha se Rusia, Ukraina, Turqia dhe OKB-ja do të nënshkruajnë një marrëveshje javën e ardhshme.

Maria Zakharova, zëdhënëse e Ministrisë së Jashtme ruse, u tha gazetarëve të enjten se ishte e mundur të formuloheshin disa elementë të një marrëveshjeje të mundshme që Rusia, Ukraina dhe Turqia po diskutojnë tani në kryeqytetet e tyre përmes departamenteve të tyre ushtarake.

Një datë paraprake për takimin e ardhshëm katërpalësh është 20 ose 21 korrik, ka raportuar agjencia shtetërore ruse e lajmeve Ria. Ministria e Mbrojtjes e Turqisë tha se data e takimit të ardhshëm nuk është ende e qartë.

The post Kriza e bukës, sa afër është marrëveshja Ukrainë-Rusi appeared first on Albeu.com.

“Çahet” bllokada, mbërrijnë në Ukrainë tetë anijet e para për të marrë grurë

admin — Tue, 12 Jul 2022 07:13:00 +0000

Tetë anije të huaja kanë mbërritur së fundmi në portet e Ukrainës për të nisur eksportin e produkteve bujqësore dhe grurit në veçanti, të bllokuara prej disa javësh për shkak të luftimeve të ashpra në jug të vendit raportojnë mediat e huaja. Anijet e huaja do të ngarkohen në porte e më pas do të shoqërohen nga marina ukrainase për një transport sa më të sigurt.

“Me kërkesë të Ministrisë së Infrastrukturës, njësitë detare të Forcave të Armatosura do të garantojnë transportin e produkteve bujqësore me anije civile përmes hyrjes Bystre të kanalit Danub-Deti i Zi”, shkruhet në njoftimin e marinës.

Përdorimi i kanalit u bë i mundur vetëm pasi ushtria ukrainase largoi trupa ruse nga Ishulli i Gjarpërinjve.

The post “Çahet” bllokada, mbërrijnë në Ukrainë tetë anijet e para për të marrë grurë appeared first on Albeu.com.