Ministri në detyrë i Infrastrukturës dhe Transportit, Dimal Basha, ka përshëndetur nënshkrimin e kontratës nga autoritetet e Maqedonisë së Veriut për ndërtimin e autostradës Shkup – Bllacë.

Sipas tij, bëhet fjalë për një zhvillim pozitiv, pasi ky projekt ka peshë të veçantë për lidhjen infrastrukturore mes Republikës së Kosovës dhe Maqedonisë së Veriut.

Basha është shprehur se “Ky segment përbën vazhdimin e korridorit të rëndësishëm rajonal dhe shënon një hap të rëndësishëm drejt kompletimit të njërit prej akseve më strategjike të transportit në rajon. Realizimi i këtij investimi do të lehtësojë lëvizjen e qytetarëve dhe të mallrave, do të forcojë bashkëpunimin ekonomik ndërmjet dy vendeve dhe do të krijojë mundësi të reja për zhvillim, investime dhe integrim rajonal”.

Ai gjithashtu ka uruar që punimet të ecin sipas planifikimit dhe që projekti të mbyllet brenda afateve të parapara, në mënyrë që kjo lidhje moderne t’u shërbejë qytetarëve të të dyja vendeve.

“Infrastruktura nuk njeh kufij, andaj çdo investim që rrit ndërlidhjen rajonale, i afron qytetarët, fuqizon ekonomitë tona dhe kontribuon për një rajon më të zhvilluar e më të integruar”, ka shtuar Basha.

The post Basha përshëndet kontratën për autostradën Shkup–Bllacë: Ndërlidhja infrastrukturore tejkalon kufijtë appeared first on Albeu.com.

VLEN tha se, tablela tashmë është larguar dhe kanë urdhëruar një kompani që të prodhojë një të re në përputhje me dispozitat e Ligjit për Përdorimin e Gjuhëve. VLEN tutje potencoi se, do të ketë hetim të brendshëm, për siç thanë, për të pare nëse bëhet fjalë për një gabim teknik apo një provokim i qëllimshëm me prapavijë politike.

“Së pari, bëhet fjalë për një tabelë e cila është porositur nga ish-drejtuesit e Agjencisë së Rrugëve Shtetërore. Së dyti, ajo është tashmë e larguar dhe kompania Granit është ngarkuar menjëherë për të prodhuar një të re në përputhje me dispozitat e Ligjit për Përdorimin e Gjuhëve, e cila do të vendoset në të njëjtin vend. Së treti, me iniciativë të zëvendësdrejtorit të Agjencisë së Rrugëve Shtetërore, Nazim Taipi, do të kryhet një hetim i brendshëm për rastin konkret që duhet të përcaktojë nëse bëhet fjalë për një gabim teknik apo një provokim i qëllimshëm me prapavijë politike për të nxitur tensione ndëretnike, të ngjashme me disa të tjera që kemi arritur t’i parandalojmë me sukses. Apelojmë opinionin që me vëmendje të ndjekë disa informacione mediatike në periudhën e ardhshme, sepse, siç do të dalin në dritë skandalet korruptive të ish-funksionarëve qeveritarë, presim të ketë gjithnjë e më shumë përpjekje për të futur përçarje”, tha VLEN.

The post VLEN: Do të hetohet skandali i tabelës pa gjuhën shqipe dhe do të prodhohet një të re edhe në gjuhën shqipe appeared first on Albeu.com.

Siç mësohet rreth orës 18.15 minuta, N.T ka njoftuar në polici se e ka gjetur të vrarë vëllain e tij 57 vjeçarin Z.T, në afërsi të rrugës lokale nga Bllaca e Poshtme për në Bllacë të Epërme.

Siç mësohet në polici është raportuar se vrasjen e ka kryer një personi i panjohur me armë zjarri pushkë.

The post Vrasje në Bllacë të Shkupit appeared first on Albeu.com.