Blind Archives - Albeu.com

Policia blindon Tiranën për protestën e 15 marsit kundër mbylljes së Tik Tok-ut

M C — Fri, 14 Mar 2025 15:50:04 +0000

Protesta kombëtare e thirrur nga opozita të shtunën e 15 marsit kundër mbylljes së Tik Tok-ut ka vënë në gatishmëri Policinë e Shtetit.
Leja e kërkuar në polici nga organizatorët e tubimit është 2 orë, duke nisur nga ora 19:00 deri në orën 21:00.

Sipas shkresës dorëzuar në Drejtorinë Vendore të Policisë Tiranë, PD ka njoftuar se qytetarët do të mblidhen në bulevardin “Dëshmorët e Kombit”, para godinës së kryeministrisë.

Që me nisjen e protestës e deri në përfundim të saj, nga Policia Rrugore do të bllokohen të gjitha rrugët që lidhen me bulevardin “Dëshmorët e Kombit”, si dhe do të ketë devijime në disa prej tyre.

Në terren do të jenë rreth 1 200 efektivë. Në gatishmëri do të jenë edhe forcat RENEA, nëse do të duhet ndërhyrja e tyre. Ndërsa punonjës të Gardës së Republikës do të marrin në ruajtje institucionet e rëndësisë veçantë.

Si në çdo protestë, të gjithë efektivët do të jenë të pajisur me maska kundërgaz. Përgjatë bulevardit do të vendosen kamera me rezolucion të lartë, për të identifikuar tubuesit e dhunshëm.

Kordoni me efektivë policie para Kryeministrisë dhe perimetrit rreth saj do të vendoset një orë para nisjes së protestës. Një pjesë tjetër e efektivëve do të qëndrojnë në godinat e tjera, si Parlamenti, Bashkia e Tiranës apo Ministria e Brendshme nëse nga protestuesit mund të ketë ndonjë marshim të mundshëm.

Në terren do të përfshihen edhe agjentët civilë, për të monitoruar mbarëvajtjen e protestës, si dhe për të mbajtur nën vëzhgim personat që në protestat e mëparshme kanë kryer akte dhune.Detyrat e lëna nga drejtuesit e policisë për vartësit e tyre janë që të mos provokohen nga protestuesit, si dhe të mbahen nën vëzhgim ata persona që në protestat e mëparshme kanë kryer akte dhune.

The post Policia blindon Tiranën për protestën e 15 marsit kundër mbylljes së Tik Tok-ut appeared first on Albeu.com.

Holanda dyfishon shifrat ndaj SHBA-së, çerekfinalja është më pranë se kurrë (VIDEO)

admin — Sat, 03 Dec 2022 15:49:45 +0000

Holanda ka mundur të dyfishojë shifrat ndaj SHBA-së.

Holandezët kanë dominuar pothuajse në të gjithë pjesën e parë. Goli i dytë ka ardhur në minutën e 46-të të pjesës së parë me anë të Blind, ku Dumfries ka asistuar përsëri./ h.ll/albeu.com

DALEY BLIND MAKES IT 2-0pic.twitter.com/cKB5sKVyxp

— ?? (@DxBruyneSZN) December 3, 2022

The post Holanda dyfishon shifrat ndaj SHBA-së, çerekfinalja është më pranë se kurrë (VIDEO) appeared first on Albeu.com.

“Eriksen nuk mund të luaj më futboll”, reagon Blind: Kështu thoshit edhe për mua

E S — Sun, 20 Jun 2021 14:16:18 +0000

Mbrojtësi Daley Blind ka një mesazh për raportimet se mesfushori i Interit, Christian Eriksen nuk mundet të luajë kurrë më futboll pas arrestit kardiak.

Danezi për disa minuta luftoi me jetë gjatë ndeshjen Danimarkë – Finlandë, por në fund arriti të shpëtojë gjallë, derisa tani është në gjendje shumë më të mirë.

Mbetet e paqartë nëse ish ylli i Tottenham do vazhdojë të luajë futboll, por Blind mendon se Eriksen nuk do largohet nga fusha e gjelbër.

“Kur kjo më ndodhi mua, e gjithë bota më thoshte se jam lojtar i mbaruar, se nuk do luaja asnjëherë më”.

“Shikoni ku jam sot. Kjo është çfarë i them të gjithëve”.

“U ndjeva se isha gati dhe i qetë për rikthimin dhe sapo mora dritën e gjelbër nga spitali dhe stafi mjekësorë i Ajaxit”.

“Nuk kishte arsye të mos luaja në nivelin e lartë. Gjëja më e rëndësishme është të ndihesh i lirë në kokë”, deklaroi ai.

Ndërkohë, në muajin e ardhshëm do mësohet gjithçka lidhur me të ardhmen e danezit.

The post “Eriksen nuk mund të luaj më futboll”, reagon Blind: Kështu thoshit edhe për mua appeared first on Albeu.com.

Ka vuajtur si Eriksen, kjo është arsyeja pse Blid shpërtheu në lot pas zëvendësimit

E S — Mon, 14 Jun 2021 10:23:53 +0000

Daley Blind tha se mendonte të mos luante për Hollandën në ndeshjen hapëse të saj për “Euro 2020” kundër Ukrainës, të dielën në mbrëmje, pas urgjencës mjekësore të Christian Eriksen.

Danezi është në gjendje shëndetësore të qëndrueshme në spitalin e Kopenhagës, pasi u shemb përtokë pa ndjenja, gjatë ndeshjes Danimarkë – Finlandë në “Parken Stadium”, të shtunën.

Blind është një mik i ngushtë dhe ish-shok ekipit i Eriksen, me dyshen që ka luajtur së bashku tek Ajax.

Ashtu si miqësia mes dy lojtarëve, situata e Eriksen është veçanërisht prekëse për Blind, i cili ka përjetuar vetë çështje të zemrës gjatë viteve të fundit.

Mbrojtësi me përvojë i Ajax u diagnostikua me inflamacion të muskujve të zemrës, pasi u ankua për marramendje gjatë një ndeshje të Ligës së Kampionëve kundër Valencia, në dhjetor 2019.

Blind, i cili më pas u pajis me një stimulues kardiak në trup, u shemb përtokë ndërsa luante për Ajax në një miqësore para-sezonale kundër Hertha Berlin, në gusht 2020.

31-vjeçari startoi me Hollandën në fitoren 3-2 të Grupit C ndaj Ukrainës, të dielën në mbrëmje, dhe shpërtheu në lot pasi u zëvendësua në pjesën e dytë. Emocioni i fundjavës e bëri të vetën.

“Ajo që ndodhi me Eriksen pati një ndikim të madh tek unë, pa marrë parasysh faktin që Christian është një mik i ngushtë imi. Situata e tij ishte e tmerrshme. Sigurisht, unë kam përjetuar edhe disa gjëra në atë drejtim, kështu që më është dashur të kapërcej një pengesë të madhe mendore për të luajtur sot.

Duhej ta bindja veten për të luajtur, por jam krenar që e bëra. Dhe kjo është arsyeja pse emocioni im shpërtheu në lot në fund të lojës. Patjetër që kam menduar të mos marr pjesë në këtë ndeshje. Imazhet në televizion dhe incidenti patën një ndikim të madh, nuk fjeta shumë mirë për shkak të tyre. Më duhej vërtet të kapërceja një pengesë të madhe psikologjike për të luajtur ndaj Ukrainës.

Nëse nuk do të shkonte mirë, do të më kishte rënduar psikologjikisht edhe më shumë. Kur Christian inkurajoi shokët e tij të Danimarkës për të luajtur dhe përfunduar ndeshjen kundër Finlandës, atëherë vendosa të luaj edhe vetë. Gjithashtu, sepse jam i sigurt, sipas mjekëve”.

The post Ka vuajtur si Eriksen, kjo është arsyeja pse Blid shpërtheu në lot pas zëvendësimit appeared first on Albeu.com.