blerje vote Archives - Albeu.com

Tentativë për blerje vote? Eksponentë të PD bllokuan mbrëmë dy automjete u gjetën 4.500 euro, në një nga makinat ishte edhe sekretari i PS në Klos (VIDEO)

V K — Sat, 10 May 2025 07:51:49 +0000

Mbrëmjen e djeshme, eksponentë të Partisë Demokratike, kanë bllokuar dy automjete në Maqellarë, në njërin prej të cilëve ishte edhe sekretari politik i PS në Klos, dhe dy persona të tjerë.

Nga kontrolli në një nga automjetet janë gjetur 4 mijë e 500 euro dhe tollona nafte.

Në makinën e dytë, pronë e një biznesmeni, nuk janë gjetur sende të paligjshme.

Partia Demokratike, pretendoi për shitblerje të votës dhe kanë bllokuar automjetet deri në ardhjen e Prokurorisë, që kreu më pas kontrollet.

Ndërkohë, janë sekuestruar telefonat e personave në automjete./ BalkanWeb

The post Tentativë për blerje vote? Eksponentë të PD bllokuan mbrëmë dy automjete u gjetën 4.500 euro, në një nga makinat ishte edhe sekretari i PS në Klos (VIDEO) appeared first on Albeu.com.

Bleu votën për 100 dollarë, SPAK mbyll hetimet për ish-kandidatin e LSI-së

E B — Fri, 26 Nov 2021 09:01:23 +0000

Prokuroria e Posaçme (SPAK) ka mbyllur hetimet për Etjon Jokën, ish-kandidatin e LSI-së që në fushatën e zgjedhjeve të 25 prillit është filmuar duke blerë votën e një qytetari në këmbim të 100 dollarëve.

Dosja e tij tashmë ka kaluar për gjykim në GJKKO.

Njoftimi i SPAK:

Prokuroria e Posaçme kundër Korrupsionit dhe Krimit të Organizuar ka regjistruar kryesisht procedimin penal Nr.131/2021, për veprat penale “Korrupsioni aktiv në zgjedhje” dhe “Korrupsioni pasiv në zgjedhje”, bazuar në pamjet filmike të transmetuara në datën 23 Prill 2021 në median audiovizive, konkretisht në kanalin televiziv “Top Neës”.

Nga të dhënat e përfituara nga pamjet filmike, si dhe nga tërësia e veprimeve hetimore të kryera në kuadër të këtij procedimi penal, rezultoi e provuar se: shtetasi Etion Joka, kandidat për deputet në Qarkun e Tiranës në zgjedhjet e përgjithshme parlamentare të datës 25 Prill 2021, i ka ofruar një shumë prej 100 (njëqind) USD, shtetasit Elis Babo, në këmbim të sigurimit të votave.

Në përfundim të hetimeve në datë 26.11.2021, Prokuroria e Posaçme ka përcjellë në Gjykatën e Shkallës së Parë për Korrupsionin dhe Krimin e Organizuar kërkesën për kalim për gjykim dhe aktet e procedimit penal Nr. 131/2021, ndaj të pandehurve:

Etion Joka, i akuzuar për kryerjen e veprës penale “Korrupsioni aktiv në zgjedhje” parashikuar nga neni 328 i Kodit Penal.

Elis Babo, i akuzuar për kryerjen e veprës penale “Korrupsioni pasiv në zgjedhje” parashikuar nga neni 328/b i Kodit Penal.

The post Bleu votën për 100 dollarë, SPAK mbyll hetimet për ish-kandidatin e LSI-së appeared first on Albeu.com.

PD zbardh skemën e blerjes së votës në Rrogozhinë, Duma: U dhanë nga 1 deri në 35 milion lekë për familje

admin — Fri, 07 May 2021 12:31:21 +0000

Partia Demokratike ka zbardhur skemën e shit-blerjes së votës në Bashkinë e Rrogozhinës. Në një deklaratë për mediat, Grida Duma ka ka treguar sesi në Bashkinë e Rrogozhinës janë dhënë 1 milion deri në 35 milion lek për familje për votën.

PD ka bërë denoncime në SPAK për të gjithë të përfshirët në shit-blerjen e votës.

Deklarata e plotë:

“Përmes Këshillit Bashkiak nën kontrollin e plotë nga regjimi Rama-Doshi-Rakipi, është ndryshuar kategoria e dëmit të shkaktuar nga tërmeti për 1700 familje dhe janë shtuar në skemën e zhdëmtimit edhe 961 familje që nuk ishin kategorizuar si familje të dëmtuara nga tërmeti.

Me vendimet e datave 24.03.2021 dhe 12.04.2021 Bashkia akordoi grante që arrijnë deri në 35 milion lek për familje që thuajse nuk ishin dëmtuar nga tërmeti dhe ka përjashtuar pothuajse familjet e fshatrave Lekaj, Sinaballaj dhe Cikallesh që jetojnë prej 2 vitesh në çadra plastmasi pasi shtëpitë e tyre u rrënuan realisht nga termeti.

Përveç granteve të paligjshme, Bashkia Rrogozhinë ka fryrë strukturën e saj në shkurt të vitit 2021 duke rritur numrin e të punësuarve nga 90 në 317, duke shtuar rreth 227 punonjës. Sipas të dhënave janë punësime të qytetarëve që nuk janë banorë të Rrogozhinës. “- tha Duma.

Ata pretendojnë se PD shpresh herë ka bërë ndnoncime në SPAK por që ende nuk është marrë një përgjigje.

“Skema kriminale e blerjes së votës nga aleanca Rama-Doshi-Rakipi ka përfshirë çdo qytet, çdo fshat, çdo lagje në të gjithë vendin.

Njësoj si kudo tjetër në Shqipëri, në Bashkinë e Rrogozhinës u zbatua skema e blerjes së votave përmes njerëzve kyçë në administratën shtetërore dhe krimit të organizuar.

3 javë para ditës së zgjedhjeve, Partia Demokratike ka kallëzuar në SPAK të gjithë personat kryesorë të përfshirë në skemën e blerjes së votive. Përveç blerjes së votës, ditën e zgjedhjeve në Rrogozhinë u rregjistrua edhe akti kriminal i pengimit të votimit nga njerëz të lidhur me Partisë Socialiste.

Kundër këtyre dhe një ushtrie nëpunësish që shpërndanin para, ushqime dhe favore të tjera, që mblidhnin kartat e identitetit për të mos lejuar votimin e mbështetësve të opozitës, Partia Demokratike ka bërë 5 kallëzime penale në Prokurorinë e Posaçme Antikorrupsion deri më 25 prill.

Megjithëse pati 3 javë në dispozicion, SPAK heshti duke lejuar mercenarët e aleancës Rama-Doshi-Rakipi të zbatojnë skemën kriminale të blerjes së votave. “, tha Duma./albeu.com

The post PD zbardh skemën e blerjes së votës në Rrogozhinë, Duma: U dhanë nga 1 deri në 35 milion lekë për familje appeared first on Albeu.com.

Kërcënimi i kandidatit në Fier, Meta: Të mbrohen denoncuesit e krimeve zgjedhore!

admin — Sat, 01 May 2021 10:46:38 +0000

Presidenti Ilir Meta ka reaguar pas lajmit se një kandidat në Fier është kërcënuar, pasi deklaroi se i kanë vjedhur votat në zgjedhjet e 25 prillit. Presidenti Meta bën apel të mbrohen denoncuesit e krimeve zgjedhore dhe që të vijojë me transparencë të plotë procesi deri në rinumërimin e votës së fundit të sovranit. “Të [...]