Sipas SPAK, shtetasit K. P. dhe G. P. kanë premtuar dhe shpërndarë shuma parash me qëllim orientimin e votës për kandidatin e PSD në këtë qark.

Për shtetasin K. P., i arrestuar, prokuroria ka kërkuar dënimin me 1 vit e 2 muaj burgim, duke përfituar nga gjykimi i shkurtuar.

Ndërsa për G. P., i cili po gjykohet në mungesë dhe më herët ka mbajtur detyrën e kryetarit të një njësie administrative/kryeplakut, SPAK ka kërkuar dënimin me 1 vit e 8 muaj burgim, gjithashtu me gjykim të shkurtuar.

The post Dyshohet se blenë vota në zgjedhje, SPAK jep pretencën për dy të akuzuarit appeared first on Albeu.com.

“Në përfundim të hetimeve paraprake të procedimit penal nr. 125 të vitit 2023, Prokuroria e Posaçme kundër Korrupsionit dhe Krimit të Organizuar ka paraqitur para Gjykatës së Posaçme të Shkallës së Parë për Korrupsionin dhe Krimin e Organizuar (në datën 16.08.2023) kërkesën për gjykim në ngarkim të pandehurve:

Ergys Ivziku, akuzuar për veprën penale veprën penale të “Korrupsioni aktiv në zgjedhje”, parashikuar nga neni 328/25 e 22 i Kodit Penal;

Arvit Bushati, akuzuar për veprën penale veprën penale të “Korrupsioni aktiv në zgjedhje”, parashikuar nga neni 328/25 e 22 i Kodit Penal;

Petrit Dyli, akuzuar për veprën penale veprën penale të “Korrupsioni aktiv në zgjedhje”, parashikuar nga neni 328/25 e 22 i Kodit Penal;

Mhill Volaj, akuzuar për veprën penale veprën penale të “Korrupsioni aktiv në zgjedhje”, parashikuar nga neni 328/25 e 22 i Kodit Penal.

Nga analiza e provave të grumbulluara gjatë hetimit paraprak, rezulton se të pandehurit Ergys Ivziku, Arvit Bushati, Petrit Dyli dhe Mhill Volaj, banorë të qytetit të Shkodrës, në kuadër të formës së thjeshtë të bashkëpunimit, kanë kryer veprime konkrete të cilat kanë mbetur në fazën e tentativës (për shkaqe të pavarura nga autorët), me qëllim dhurimin e të mirave materiale në këmbim të votës për një kandidat të caktuar politik, pjesëmarrës ne zgjedhjet lokale të muajit Maj 2023.”

Pak orë para zgjedhjeve të 14 majit, tre punonjës të Bashkisë Shkodër u arrestuan nën akuzën e krimit elektoral.

Ata u ndaluan nga policia pas akuzave se përmes pakove ushqimove kërkonin votat e qytetarëve. Sipas uniformave blu të Shkodrës, dy punonjësit e Drejtorisë Arsimore të Bashkisë, shtetasit Petrit Dyli, 49 vjeç, me detyrë teknik i Shërbimeve dhe Mhill Volaj, 63 vjeç, me detyrë Specialist i Financës u ndaluan në unazën perëndimore të qytetit pasi në një furgon, po transportonin 50 pako ushqimore.

Ata janë arrestuar menjëherë nga policia dhe janë dërguar në komisariat. Pas pak minutash, në drejtorinë e policisë së Shkodrës, është paraqitur edhe drejtori i Drejtorisë Ekonomike – Arsimore në bashki Ergys Ivziku për të dëshmuar dhe për t’u interesuar për dy punonjësit e tij, por pas deklarimeve, edhe ai është arrestuar me akuzën se është përfshirë në këtë krim elektoral.

Pasi kanë vijuar hetimet, uniformat blu të Shkodrës, kanë njoftuar se kanë arritur të mësojnë edhe porositësin e pakove ushqimore, që është Drejtori i Ujësjellës-Kanalizimeve në Bashkinë e Shkodrës, Arvit Bushati, 33 vjeç, u shpall në kërkim. Sipas policisë, të 4 personat, në bashkëpunim me njeri – tjetrin po i shpërndanin ushqimet në familjet shkodrane, në këmbim të votës për kandidatin e koalicionit Berisha-Meta për Shkodrën, Bardh Spahia./Albeu.com.

The post Akuza për blerje votash, SPAK mbyll hetimet, çon për gjykim drejtorin e ujësjellësit në Shkodër dhe 3 punonjësit e Bashkisë appeared first on Albeu.com.

Siç raporton paraditen e sotme Kathimerini, gjatë kontrollit, në një automjet në pronësi të njërit prej tyre, u gjetën 197 karta identiteti, një pasaportë, dy fotokopje të kartave të identitetit si dhe një çantë me 114 zarfe të mbyllura, ku secili përmbante kartën e kandidatit për deputet dhe pesë fletë votimi me emrin e tij “të kryqëzuar”.

Njëkohësisht dy prej të arrestuarve iu gjet një shumë totale prej 6060 euro.

Nga ana e Sektorit të Sigurimit të Kardicës, që kryen hetimet paraprake përkatëse, janë konfiskuar të gjitha sa më sipër, pasi nga hetimet janë zbuluar prova të votuesve që i janë afruar një vendbanimi rom për të votuar kandidatin deputet për shumën 20 euro.

Sipas informacioneve të Policisë helene në këtë rast, tre nga pesë autorët deklaruan se kanë marrëdhënie profesionale dhe miqësore me kandidatin në fjalë dhe se kanë shkuar për të dhënë fletë votimi, por nuk kanë pranuar që kanë dhënë një shumë eurosh.

Dy nga pesë të arrestuarit kanë pranuar akuzat ndaj tyre, ndërsa tre të tjerët i kanë mohuar me forcë./Albeu.com;

The post Vota blihet lirë në Greqi, pesë persona arrestohen me zarfe me nga 20 euro appeared first on Albeu.com.

Ministria e Punëve të Brendshme, ka njoftuar se personat janë arrestuar të shtunën në lagjen Dracevë të Shkupit, derisa po u shpërndanin njerëzve para në këmbim të votës.

Me këtë rast Policia ka konfiskuar 121 mijë denarë (2 mijë euro) dhe 250 euro.

“Të ndaluarit akuzohen për veprën penale ‘ryshfet në zgjedhje dhe votim’. Rasti i ka kaluar Prokurorisë publike për procedim të mëtejmë”, thuhet në njoftimin e MPB-së.

Ndërkohë, Policia ka njoftuar për arrestimin edhe të një personi tjetër në qytetin e Prilepit për kërcënim ndaj një kandidati për kryetar të komunës.

I ndaluari i moshës 21-vjeçare në procedurë urgjente është dënuar me tetë ditë burgim.

Të shtunën, të drejtën e votës e kanë shfrytëzuar të burgosurit, të moshuarit me sëmundje kronike, personat me invaliditet si dhe të infektuarit me koronavirus.

Në zgjedhjet e së dielës, Maqedonia e Veriut zgjedh kryetarët e 80 komunave dhe këshillave komunalë, si dhe kryetarin e Shkupit, që është njësi e veçantë e pushtetit lokal.

Në garë janë 10,653 kandidatë të partive politike, koalicioneve si dhe kandidatë të pavarur.

Të drejtë vote kanë 1,824,863 qytetarë.

Gara kryesore zhvillohet mes dy blloqeve politike, LSDM-së dhe BDI-së që janë në pushtet, dhe partive opozitare VMRO-DPMNE, Aleanca për Shqiptarët dhe Alternativa./REL

The post Policia maqedonase arreston katër persona për blerje të votave appeared first on Albeu.com.

“Qarku i Durrësit, ku kandidonte vetë Edi Rama, përbën modelin kryesor të skemës së blerjes së votave përmes njerëzve kyçë në administratën shtetërore dhe krimit të organizuar.

3 javë para ditës së zgjedhjeve, Partia Demokratike ka kallëzuar në SPAK të gjithë personat kryesorë të përfshirë në skemën e blerjes së votave, ku në krye qëndron drejtori i Operatorit të Shpërndarjes Ardian Çela dhe deputetët Lefter Koka, Jurgis Çyrbja, Rrahman Rraja dhe kryebashkiaku i Krujës, Artur Bushi”, tha në një deklaratë për mediat Belind Këlliçi, kryetar i Forumit Rinor të PD.

“Kundër këtyre dhe një ushtrie nëpunësish që shpërndanin para dhe favore të tjera, që mblidhnin kartat e identitetit për të mos lejuar votimin e mbështetësve te opozitës, Partia Demokratike ka bërë 3 kallëzime penale në Prokurorinë e Posaçme Antikorrupsion, duke nisur me kallëzimin e parë në 2 prill.

Megjithëse pati 3 javë në dispozicion, SPAK heshti duke lejuar mercenarët e aleancës Rama-Doshi-Rakipi të zbatojnë skemën kriminale të blerjes së votave.

Sot, ne po vëmë në dijeni opinionin publik se kush janë personat e përfshirë në masakrën elektorale të 25 Prillit në Qarkun e Durrësit duke përfshirë të treja kallëzimet e dorëzuara në SPAK përpara ditës së zgjedhjeve”.

Ardian Çela qëndron në krye të skemës kriminale për blerjen e votave, duke siguruar para për personat e tjerë që kanë në patronazh blerjen e banorëve në zona të ndryshme të Durrësit, ndërsa vetë është përgjegjës për Rrashbullin. Përmes të deleguarit të tij, Artur Fetaj, me precedent kriminal, Ardian Çela ka paguar 1 mijë euro për familje në këmbim të votës. Bashkëpunëtor në skemën kriminale për blerjen e votave në Rrashbull ka qenë edhe Alion Hyska, drejtor i Ndërmarrjes së Rrugëve Durrës, Ruzhdi Murtini, punonjës i OSHEE, Mariglen Mullai, si dhe Albert Bugaçi, administrator i njësisë Rrushbull. Artur Fetaj, ka qenë përgjegjës edhe për blerjen e votës në zonën e Shkallnurit.

Një nga personat më aktivë për blerjen e votës, direkt nën varësinë e Ardian Çelës është drejtori i OSHEE Durrës, Plator Mehmeti.

Në Shijak, skema kriminale e shpërndarjes së parave për blerjen e votës është zbatuar përmes Altin Hajrit. Ky është një personazh i njohur i krimit të organizuar, aktualisht i shpallur në kërkim për vrasje. Megjithëse në kërkim, krimineli Hajri ka lëvizur lirisht për të blerë vota për pushtetin e Edi Ramës. Kontaktet kyçe të tij janë Ardian Çela i OSHEE-së dhe deputeti socialist, Jurgis Çyrbja.

Në Shijak, ishte shumë aktiv në blerjen e votave edhe Durim Keçi. I dënuar në Itali për disa vepra të rënda penale, ai është pjesë e mekanizmit për blerjen e votave për të mbajtur në pushtet Edi Ramën.

Blerja e votës në zonën e Spitallës në Durrës mbulohet nga Arbër Koka, djali i deputetit të Partisë Socialiste, Lefter Koka. Ai bashkëvepron me Gentian Thartorin, Roni Shqopën, Fetah Mataj dhe Emilian Lakon, persona me rekorde kriminale.

Në Sukth, u angazhua për blerjen e votave Bert Hoxha, i cili ka mbajtur detyrën e Administratorit të Sukthit. Bashkë me të ashtuquajturin Rumi dhe Gëzim Hoxhën njihen në zonë si persona të dhunshëm, që, në zgjedhjet e mëparshme, kanë kërcënuar me armë përfaqësuesit dhe mbështetësit e Partisë Demokratike, duke i larguar nga procesi i votimit.

Në Krujë, Thumanë dhe Fushë-Krujë është aktivizuar banda e fisit Rraja, me në krye Xhelal Rrajën, person me disa precedente penalë dhe vëlla i kandidatit të PS, Rrahman Rraja. Në këtë zonë, kryesisht në Thumanë, ka qenë aktiv në blerje votash dhe presione Kryetari i Bashkisë së Krujës, Artur Bushi.

SPAK është vënë në dijeni të skemës kriminale që në 2 Prill, por nuk bëri asgjë. SPAK heshti edhe kur Partia Demokratike dorëzoi kallëzimin e dytë në 14 Prill. Kjo strukturë e re e drejtësisë, që ka për detyrë të hetojë e të çojë para drejtësisë ata që manipuluan rezultatin zgjedhor heshti edhe pas kallëzimit të tretë për të njëjtën bandë që blinte vota në të gjithë Qarkun e Durrësit për të nxjerrë Edi Ramën deputet dhe për ta mbajtur atë në pushtet”, tha Këlliçi.

“Janë mbi 70 përfaqësues të Partisë Socialiste, drejtues të administratës qendrore dhe lokale, njerëz të krimit të organizuar që janë identifikuar nga Partia Demokratike në veprimtarinë kriminale të blerjes së votës. Prej më shumë se 1 muaji, SPAK-ut i janë vënë në dispozicion numrat e tyre të telefonit dhe zona ku veprojnë për ta shpërndarë para për blerjen e votave, por ata u lanë të lira të deformojnë vullnetin e zgjedhësve.

Beteja jonë për të çrrënjosur aleancën e së keqes Rama-Doshi-Rakipi, që mban Shqipërinë në vendnumëro, nuk do të ndalet derisa t’ia ketë arritur qëllimit. Shqiptarët e ndershëm janë shumica. Ata nuk kanë votuar për një regjim kriminal, por kërkojnë  sundimin e shtetit ligjor, zgjedhje të lira e të ndershme dhe një qeveri që sjell ndryshimin real të vendit”, tha Këlliçi.

The post Pretendimet për blerjet e votave në Durrës, PD nxjerr emrat appeared first on Albeu.com.

“Ne keto momente shtetasi Enver Shehi, vellai i Rexhep Shehit, kryetar i Partise Socialiste Gjokaj, bashkia Vore, eshte duke blere vota me 100 mije leke ne fshat. Shtetasi Spartak Muka punonjes i OSHEE, dje dhe sot eshte duke blere vota per Partine Socialiste ne Gerdec dhe Marqinet.

I bej thirrje Policise se Shtetit te marre masa te menjehershme per te ndaluar keto krime elektorale qe po ndodhin ne bashkine e Vores. I bej thirrje qytetarve te Vores qe te refuzojne keta bandite qe po perpiqen te blejne te ardhmen e tyre” shkruan ai.

The post Kandidati i LSI nxjerr emrat: Po vjedhin vota me 100 mijë lekë appeared first on Albeu.com.

Hoxha ka zbatuar detyrën e kreut të shtetit duke treguar përmes një postimi në Facebook me sa lekë ka dalë sot nga shtëpia.

“Komandanti tha: ”Nese jeni mbeshtetes të opozites, kontrolloni xhepat para se të dilni nga shtepia, se do t’ju arrestojne për blerje vote”…

Keshtu qe une e kam ndjekur keshillen, kam dale nga shtepia me nje Ismail Qemal dhe nje Naim Frasher, plus dy monedha metalike, qe të kete ku te shkarkoje rrufeja” shkruan Hoxha.

The post Gazetari ironizon politikën shqiptare, tregon sa para ka në xhep appeared first on Albeu.com.

Mësohet se e ndaluara nga grupi për mbrotjen e votës, është punonjësja e postës në fshatin Burim e cila shpërndante pensionet.

Burimet bëjnë me dije se ndër 5 personat nën hetim është edhe kandidati I PD, Luan Haka.

Rikujtojmë se ky i fundit ndaloi makinën në Maqellarë ku u gjetën 5 deri 7 milion lekë, lista zgjedhësish dhe karta ID të qytetarëve.  /albeu.com/

The post Plas sërish në Dibër! Demokratët ndalojnë punonjësen e postës, nën hetim 5 shtetas appeared first on Albeu.com.

“I dashur bashkëmoshatar. Mirënjohje për mbështetjen e sakrificat. Të ftoj të votosh PS në 25 prill për të ardhmen e fëmijëve, nipërve, mbesave. I yti Gramoz Ruçi…”- shkruhet në mesazhin e kryeparlamentarit dhe përgjigjet janë epike.

Qytetari: Ta votoj PS se kam 2 diploma dhe mbaruar absolut me 10 dhe më hoqi nga puna për të futur një idiot që nuk kishte punuar kurrë më parë? Ropt ku ti keni se më ka rënë pesha të mbaj e vetme familjen dhe të pasurohen k***at e Fierit. Gjithë të mirat.

I dashur ish-naftëtar. E di ke kaluar vështirësi. Por si për Shqipërinë, për ty do vijojë ndryshimi. Të ftoj, voto PS në 25 prill për të ardhmen. Respekt Gramoz Ruçi

Qytetari: I dashur ish-deputet. Flm shumë që kujtohesh për mua ditën e fundit në 8 vitet e qeverisjes tënde. Suksese në jetë. /albeu.com/

The post MESAZHET/ Gramoz Ruçi “lutet” për vota, qytetari i kthen përgjigje: R*pt ku t’i keni! appeared first on Albeu.com.

Një skandal është publikuar mëngjesin e sotëm në “Breaking” në Top News ku janë publikuar pamje se si kandidati i LSI blen vota mes Tiranës.

Në pamje  shfaqet kandidati i LSI në Tiranë, Etjon Joka duke blerë vota.

“Një votë po ma humb më ngel hatri thotë ai. Ti merr lekët, më jep votën . Ata janë të moshuar ç’tu them unë atyre, ç’tu premtoj, tu jap lekët. Mos e ngri zërin se kemi kontrolle”, dëgjohet të thotë Joka në video.

Në diskutimin e Etion Jokës në me qytetarin kuptohet se ky i fundit i ka bërë rreth 100 vet, ndërsa nusja e ti që kuptohet se punon në call center i ka mbledhur 12 veta.

Qytetari: Edhe nusja i ka gjetur 12 veta te call centeri. Rrofsh o vëlla shumë faleminderit.

Etion Joka: Çfarë faleminderit thua o vëlla unë nuk po të bëj nder. Edhe sa bëhen në total ?

Qytetari: Besoj se te 100 bëhen! /tch

The post SKANDAL! Si kandidati i LSI po blen vota mes Tiranës: Nusja më gjeti 12 persona në Call Center appeared first on Albeu.com.