Një krahasim i Eurostat tregoi se, me shumë se 50 për qind e popullsisë në Shqipëri nuk kishin blerë asnjëherë online gjatë vitit 2022. Ky ishte niveli më i lartë në Europë, ku vetëm një e gjashta e popullsisë së BE-së raportoi se, nuk kishin blerë kurrë online.

Në vitin 2022, rreth 56,1 % e njerëzve të moshës 16-74 vjeç në BE konfirmuan se kishin bërë një blerje online gjatë tre muajve të mëparshëm. Në Shqipëri vetëm 24 për qind konfirmuan se kishin bërë blerjen në 12 muajt e fundit në anketën e vitit 2022.

Relativisht pak njerëz përdorin në mënyrë të rregullt tregtinë elektronike. Në të gjithë BE-në, rreth 17.2 % e njerëzve të moshës 16-74 vjeç kanë bërë blerje online në internet nga shitësit në shtetet e tjera anëtare të BE-së gjatë tre muajt para anketës 2022. Kjo shifër ishte 1.0 pikë përqindje më e ulët se një vit më parë.

Blerjet online ishin më të zakonshme për moshat e reja. Siç shihet edhe nga harta bashkëngjitur blerjet online janë më të zakonshme për Europën Qendrore dhe Veriore, ndërsa në Europën Juglindore dhe Turqi, blerjet online nuk janë të zakonshme.

Në të kundërt Suedia, Danimarka, Norvegjia dhe Irlanda mbi 95 % e popullsisë 16-74 vjeç kishin kryer blerje online.

Përdorimi i internetit për blerje u popullarizua shumë pas pandemisë Covid-19 kudo në Europë, por edhe në Shqipëri. Masat kufizuese nxitën njerëzit të plotësojnë nevojat për mallra online. Gjatë kësaj periudhe në Shqipëri pati rritje të blerjeve online, çka nxiti përdorimin e teknologjisë edhe në shitjet me pakicë.

Shqipëria renditet si një vend inovator në zhvillim me një rankim 41,7 % krahasuar me mesataren e BE-së. Grupi i parë: Inovator Lider përfshin shtete me performancë mbi 125% të mesatares së BE-së. Në këtë grup përfshihen: Belgjika, Danimarkë, Finlandë, Holandë dhe Suedi.

Grupi i dytë: Inovator të Fortë përfshin shtete me performancë midis 100% -125% të mesatares së BE-së. Në këtë grup përfshihen: Austri, Qipro, Estoni, Francë, Gjermani, Irlandë dhe Luksemburg.

Grupi i tretë: Inovator të Moderuar përfshin shtete me performancë midis 70% -100% të mesatares së BE-së. Në këtë grup përfshihen: Çeki, Greqi, Itali, Lituani, Maltë, Portugali, Slloveni dhe Spanjë. Grupi i katërt: Inovator në Zhvillim përfshin shtete me performancë më të ulët se 70% të mesatares së BE-së. Në këtë grup përfshihen: Bulgari, Kroaci, Hungari, Letoni, Poloni, Rumani, Shqipëri dhe Sllovaki.

The post Shqipëria me përdorimin më të ulët të internetit për blerje online në Europë appeared first on Albeu.com.

Por, kjo nuk po ndodh në Shqipëri, si rrjedhojë e përdorimit të ulët të kartave të kreditit, apo dhe informalitetit të lartë në tregtinë me pakicë.

Të dhënat e fundit të Eurostat, që i referohen vitit 2021 tregojnë se vetëm 21% e shqiptarëve që kanë përdorur internetin 12 muajt e fundit kanë bërë blerje online për periudhën përkatëse, shumë më e ulët sesa mesatarja europiane prej 74%.

Nga rajoni më mirë renditet Serbia, me 52.9%, e ndjekur nga Kosova, që i ka të dhënat për vitin 2020, me 47.7%, Maqedonia e Veriut me 46.3%, Bosnjë Hercegovina, me 39%, ndërsa Mali i Zi është i parafundit përpara Shqipërisë, me 31.8%.

Valer Pinderi, drejtues i Netrade sh.p.k., drejtues i Shoqatës Shqiptare të Tregtisë Online ka [pohuar më herët për Monitor se problematika më e madhe e tregut lidhte me mungesën e e investimeve. Nëse nuk ngrihen standarde, nëse nuk përmirësohet infrastruktura, atëherë cilësia e ofruar do të jetë e vogël dhe si pasojë, konsumatori nuk do ta zgjedhë si mënyrë të re të blerjeve të tyre.

Problematika tjetër lidhet me informalitetin, politikat e ndjekura për të luftuar formalitetin jo vetëm që nuk janë efektive, por po japin rezultatet e kundërta, pohon ai. Informaliteti nuk mund të zgjidhet me sulme të rralla agresive ndaj shitësve fundorë, kur distributorët dhe doganat i detyrojnë këta shitës të jenë informalë.

Ai shton se në mënyrë që të nxitet tregu, duhet të qartësojnë si veprohet nga ana legjislative në tregtinë online, sepse inspektorë të ndryshëm e mendojnë gjithmonë ndryshe dhe krijohen probleme si dhe të ndihmohen procesorët e pagesave të kenë akses në bankat e nivelit të dytë dhe Drejtoria e Tatimeve t’i njohë dokumentet e tyre, duke qenë se janë të licencuara nga organet kompetente brenda në shtet.

Shitjet online po rriten ndjeshëm në BE

Sipas Eurostat, blerjet online vazhdojnë të rriten në BE, siç tregojnë të dhënat nga anketa e fundit vjetore mbi përdorimin e teknologjisë së informacionit (TIK) në familje dhe nga individë.

Në vitin 2022, 91% e njerëzve të moshës 16 deri në 74 vjeç në BE kishin përdorur internetin, 75% e të cilëve kishin blerë ose porositur mallra ose shërbime për përdorim privat. Përqindja e blerësve elektronikë u rrit nga 55% në 2012 në 75% në 2022, një rritje prej 20 pikë përqindjeje (pp).

Përqindjet më të larta të përdoruesve të internetit që blenë ose porositën mallra ose shërbime përmes internetit në vitin 2022 u regjistruan në Holandë (92%), Danimarkë (90%) dhe Irlandë (89%). Nga ana tjetër, më pak se 50% kishin blerë online në Bullgari (49%).

Midis 2012 dhe 2022, rritja ishte veçanërisht e ndjeshme në Estoni (+47 pp), Hungari (+43 pp), Çeki dhe Rumani (+41 pp).

Në vitin 2022, blerjet më të zakonshme në internet të mallrave ishin rrobat (përfshirë veshjet sportive), këpucët ose aksesorët (të porositura nga 42% e përdoruesve të internetit).

Pas pajisjeve të veshjes, 5 blerjet më të zakonshme në internet të mallrave fizike u plotësuan nga dërgesat nga restorantet, zinxhirët e ushqimit të shpejtë dhe shërbimet e kateringut (19%), kozmetikë, produkte bukurie ose mirëqenieje (17%), mobilje, aksesorë shtëpie ose produkte kopshtarie, (16%), dhe libra të shtypur, revista apo gazeta dhe mallra sportive (me përjashtim të veshjeve sportive) (të dyja 14%). /Monitor

The post Eurostat: Shqipëria e fundit për blerjet online në Europë appeared first on Albeu.com.

Por sipas statistikave të Eurostat për vitin 2012, Shqipëria renditet e fundit me 17 për qind të popullsisë që kanë bërë të paktën një blerje në internet gjatë gjithë vitit.

Mbretëria e Bashkuar, Holanda, Danimarka, Irlanda, Norvegjia dhe Suedia dominojnë në krye. Pothuajse në të gjitha zonat e këtyre vendeve, më shumë se 85% e popullsisë porositi diçka në internet. Përqindja më e lartë në Evropë është në Londër me 96%.

Në Evropën Juglindore gjenden përqindjet më të ulëta. Për shumicën e zonave, më pak se gjysma e popullsisë porositi diçka në internet në 12 muajt e fundit.

The post Shqipëria e fundit në Europë për blerjet “online” appeared first on Albeu.com.

Si të bëjmë blerje të sigurta në Internet?

5 janë pikat kryesore ku ju duhet të bëni kujdes për të bërë blerje online të sigurta. Ka shumë metoda që mashtruesit e internetit përdorin për të pëshkuar viktimat e tyre.

Nëse duket shumë e mirë për të qenë e vërtetë…

Ndoshta keni kohë që dëshironi të blini një televizor 8K por çmimet janë tepër të larta. Deri kur jeni duke lexuar për gjëra të ndryshme në internet dhe krejt papritur… shfaqet televizori i “ëndrrave” tuaja me një çmim shumë tundues! Para se të vendosni numrat e kartës së debitit ose kartës së kreditit bëni këto hapa:

Si fillim, bëni disa kërkimi në internet për shitësin. Nëse është e munduar kontrolloni komentet nga blerës të tjerë. Kërkojeni njëherë për atë kompani në faqen e Better Business Bureau dhe shikoni për Scam Tracker të asaj faqeje se mos ka ndonjë raportim. Vizitoni faqet e denoncimeve si ComplaintsBoard dhe RipoffReport. Nuk gjetët asgjë? Kjo është një shenjë e keqe! Akoma edhe faqja me e sigurt për blerje në internet do të ketë ndonjë koment negativ, sepse gërnjarit do të komentojnë. Mungesa e plotë e raportimeve apo referimeve tregon një funksion që quhet «fly-by-night».

Nëse duket tepër e mirë për të qenë e vërtet, me shumë gjasa nuk është e vërtet. Hetimi i kujdesshëm i ofertës ju mundëson të shfrytëzoni rastin për ofertën e rrallë, të paimagjinueshme dhe speciale pa u “peshkuar” nga mashtruesit.

Përdorni një kartë krediti për blerje online

Nëse bëni një blerje duke mos qenë të sigurt për shitësin, përdorni një kartë krediti. Në vija të përgjithshme, nuk keni asnjë përgjegjësi të paguani për një transfertë të mashtruese. Nëse shitësi nuk e dërgon kurrë, ose refuzon kthimin prapa të parave ose përdor kartën tuaj për blerje të paligjshme, mund ta denonconi në filialin e bankës që ofron kartën e kreditit. Madje edhe nëse ndodheni në ato raste të veçanta që nuk përfshihet në politikën e bankës, ligji thotë se nuk jeni të detyruar të paguani për shpenzime mbi 50$.

Sigurisht, duhet ta ndiqni çështjen. Shmangni menjëherë blerjet mashtruese dhe kontaktoni sa më parë me filialin e bankës duket qartë se ajo që bletë nuk keni për ta marr kurrë. Kartat e debitit e kanë njëfarë mbrojtje, por nuk janë aq të forta sa kartat e krediti që gati-gati asnjë përgjegjësi. Për këtë arsye është mirë të përdorni një kartë krediti për blerje.

Të përdorni telefonin celular apo jo

Keni marrë ndonjëherë ndonjë mesazh nga ndonjë numër i panjohur për ndonjë ofertë fantastike? Ndoshta për ndonjë ofertë për një kohë të shkurtër? Uroj që të mos keni klikuar! Peshkimi elektronin nëpërmjet mesazheve, e njohur edhe si smishing, është realitet dhe shumë i rrezikshëm. Të klikoni në çdo lidhje nga dërgues të panjohur nuk është diçka e mençur.

Mos gjetët ndonjë lidhje nëpërmjet ndonjë kanali të besueshëm prsh, një reklame në ndonjë uebfaqeje ose ndonjë faqeje për oferta. Akoma edhe atëherë, telefoni ndoshta nuk është aparati i duhur për të parë atë ofertë. Me ekranin e vogël të celularit nuk mund të keni në ikonë më të plotë si mund të keni në një kompjuter ose lapotop. Mund të jetë më e vështirë për të dalluar një faqe mashtruese kur jeni nga telefoni. Për ta parë më mirë atë ofertë, dërgojeni me email vetes suaj lidhjen ose dërgojeni me mënyra të tjera në një tjetër aparate që ka ekran më të madh. Nga ana tjetër, nëse po blini nga ndonjë shitës i dëgjuar, blini duke përdorur aplikacionin e atij. Kështu blerjet nga celulari mund të mos jenë problematike. Thjeshtë mos e përdorni telefonin celular për të bërë blerje nga dyqanet e panjohura në internet.

Kujdes me linkun e faqes

Për një përvojë më të mirë blerjeje, ndiqni ata që njihen si etailers. Nëse blini nga Amazon apo Walmart, është e vërtet që merrni pjesë në planet e tyre për të patur pushtet botëror, por nga ana tjetër nuk do bini pre e mashtrimit. Po, do të humbni oferta të mira nga fillestarët, por do të shmangi gjithashtu rënien pre e mashtrimit dhe vjedhjes. Bëni kujdes për gabime shtypi. Mashtruesit duan të krijojnë faqe që ngjajnë shumë me kompanitë e shitjeve me pakicë, por me një ndryshim të lehtë në lidhje URL. Ndoshta lidhja URL përfundon me .biz kur uebfaqja zyrtare e kompanisë është .com. Ndoshta është një gabime drejtshkrimorë. Dyqanet e mëdha që ndodhen në internet blejnë emrat e ngjashëm me të tyren dhe i ridrejtojnë vizitorët tek faqja e tyre. Provova Amazono, Amazzon, Ammazon, Amazoon, akoma edhe Azamon, dhe të gjitha këto të ridrejtojnë tek faqja zyrtare e Amazon.

Pa kyç? Dilni menjëherë!

Është e vërtetë që ekziston një shtysë që çdo faqe interneti të përdorë një lidhje të sigurt HTTPS. Sigurisht që çdo uebfaqe tregtarë duhet të përdorë HTTPS. Si ta kuptoni këtë? Do të shikoni imazhin e një kyçi tek shiriti lidhjes kur jeni në një uebfaqe të sigurt. Disa programe shfletimi (browser) japin më shumë informacione, prsh. Chrome njofton kur një faqe është pa kyç si të pasigurt. Në nuk e shikoni kyçin dilni nga ajo faqe!

Këto ishin disa sugjerime se si të bëjmë blerje të sigurta në internet. Jeni të lutur që ta shpërndani këtë artikull edhe në rrjetet sociale për të informuar edhe persona të tjerë për të qenë sa më të sigurt kur bëjnë blerje në internet. /Tech AL

The post Si të bëjmë blerje të sigurta në internet, 5 pikat ku duhet të keni kujdes appeared first on Albeu.com.

The post Çfarë është blerë më shumë online gjatë vitit të fundit? appeared first on Albeu.com.

Adobe parashikon se më shumë se 4 trilionë dollarë ($4.1T) do të shpenzohen globalisht gjatë gjithë 2021 – një tjetër shifër rekord për e-commerce. Nga një anë, sepse të bësh blerje online është më komode dhe në tjetrën, sepse vala e katërt e pandemisë është pranë dhe frikëson shumë njerëz. Të dhënat flasin qartë, kriminelët informatikë na zhvasin, në pritje që të na bindin të shkarkojmë malware për të vjedhur të dhënat e kartave tona të kreditit.

Për këtë arsye, Cisco Talos, kompani private që merret me kërcënimet informatike në nivel botëror, ka krijuar një udhëzues me 10 këshilla për të mos rënë në grackat e sofistikuara të piratëve kompjuterikë.

1. Kushtojini rëndësi Domain-eve “Top Level” si .top, .stream, .trade dhe .bid.

2. Shkarkoni vetëm aplikacione nga app store zyrtare, si Google Play Store dhe iOS App Store.

3. Kushtojini vëmendje aplikacioneve që kërkojnë autorizime të dyshimta, si akses në mesazhet e shkruara, kontakteve, fjalëkalimeve të ruajtura dhe ato që kërkojnë akses administrativ.

4. Disa aplikacione keqdashëse do të jenë shumë të ngjashme me ato që po kërkoni. Tregoni kujdes ndaj gabimeve ortografike dhe gramatikore në përshkrimin e aplikacioneve dhe në ndërfaqe, mungesës së performancës së lartë ose kur kontakti i zhvilluesit përdor postë elektronike falas.

5. Mos klikoni tek email-et e pakërkuara.

6. Sigurohuni që të jeni gjithnjë të regjistruar tek email-et e ofertave që do të merrni në këtë periudhë.

7. Aty ku është e mundur, zgjidhni shërbime me pagesë si Google Pay, Samsung Pay dhe Apple Pay. Këto shërbime përdorin një token në vend të një numri të kartës suaj të kreditit, duke e bërë transaksionin më të sigurt.

8. Përdorni fjalëkalime të ndërlikuara dhe të ndryshme për çdo faqe. Kriminelët informatikë ripërdornin fjalëkalimet për të komprometuar sa më shumë llogari me të njëjtin emër përdoruesi. Mund të përdorni edhe një password manager.

9. Shkruani manualisht URL e faqeve që dëshironi të vizitoni në vend që të klikoni menjëherë te një link

10.Përdorni vërtetimin me shumë faktorë për të shmangur aksese të paautorizuara.

The post Jeni mashtruar nga blerjet online, ndiqni këto këshilla për herë tjetër appeared first on Albeu.com.

Sidomos gjatë pandemisë kur fiksimi për të blerë direkt në dyqane iu kufizua, ajo si shumë të tjerë ia mësynë Instagramit, ku mund të porosisje tashmë gjithçka. Produkti i radhës që pëlqeu A.M. ishin një palë këpucë që, siç detajoi ajo më pas në polici, ishin të markës “studio Pollini”.

“Frekuentoja llogarinë Instagram ku një faqe mode ilustron veshje, këpucë dhe çanta. Faqja quhet O…rs, këpucët që më tërhoqën ishin numri 38, material lëkurë viçi me ngjyrë të zezë dhe me vlerë 5500 lekë”, ka thënë e reja në deponimin e siguruara nga Gazeta “Si”.

Mbasi këpucët në fjalë e tunduan, e reja i shkroi menjëherë faqes në privat. Në inbox një person me të cilin ka komunikuar i ka shkruar se të nesërmen këpucët do t’i kishte ku t’i dëshironte ajo.

“Këpucët mbërritën në orarin që i kërkova, m’i solli një djalë me biçikletë. Nuk e pashë aspak produktin në qese, kreva pagesën dhe djali që i solli nuk më dha kupton tatimor, as unë nuk ia kërkova kuponin. Kur u ngjita sipër, i provova këpucët dhe e zhgënjyer konstatova që më binin të vogla”.

E reja tregon pranë zyrës kundër krimit ekonomiko-financiar se i ka shkruar faqes në Instagram duke i parashtruar problematikën e hasur.

“Nga kjo faqe nuk mu kthye asnjë përgjigje. Duke u nisur nga ky fakt dyshova se mos ndoshta nuk gjendeshin online”, ka thënë e reja. Ajo u ka rishkruar shitësve të këpucëve, por ata nuk i janë përgjigjur, derisa në një çast ka vërejtur që e ata që administronin llogarinë në Instagram i kishin bërë “block”.

“Për t’u bindur se diçka po ndodhte, i kërkova një mikeshës time që t’u shkruante sikur po porosiste diçka dhe ata iu përgjigjën”, rrëfen vajza në policinë e Tiranës ku dhe ka kërkuar që të zbulohen personat që i sollën këpucët që nuk i bënin.

E reja e nevrikosur i ka shkruar më pas djalit që i solli këpucët me bicikletë. E ka telefonuar dhe i ka kërkuar shpjegime. Por ai është shfajësuar dhe nuk i ka dhënë asnjë zgjidhje duke shtuar se nuk ishte ai personi që e posedonte llogarinë e Instagramit.
Vajza, sipas burimeve të Gazetës “Si” i ka kopjuar të gjitha mesazhet në telefon, përpjekjet e saj për të komunikuar me llogarinë në Instagram dhe me këpucët në dorë, ka shkuar në polici.

Policia mbasi ka administruar numrin e telefonit dhe ka këqyrur faqen në Instagram që ilustron veshje të modës, ka kryer veprimet e para hetimore. “Ne zbuluam djalin e biçikletës që quhet A.D. – tha për Gazetën “Si” një agjent i policisë – dhe e thërritëm për ta marrë në pyetje”.

Dëshmia e të riut ishte akoma më interesante. Për shkak të pandemisë rezulton se ai kishte nevojë për para dhe për këtë arsye ai me biçikletë shpërndante ndonjëherë postën.
“Më telefonoi një shoku im që kishte shumë punë dhe më tha ta merrja pakon e ta çoja në adresën në fjalë që gjendet në rrugën “Qamil Guranjaku” pranë Drejtorisë së Higjenës. Mbasi dorëzova pakon, mora paratë dhe ia dorëzova A., shokut tim. Për këtë shërbim mora 200 lekë”, ka thënë djali korrier.

Policia deklaron se më pas është thërritur djali i dytë që i kërkoi ndihmë biçikletistit. Edhe ai kishte nevojë për një pagesë shtesë dhe shërbente ndonjëherë në shkëmbim të 2 mijë lekëve të vjetra.

“Punoj në një call-center. Duke qenë se gjendem në vështirësi financiare hapa një faqe në Instagram si korrier transporti dhe pas punës shpërndaj porosi që dyqanet i operojnë gjatë pandemisë on-line dhe në rrjete sociale”, ka thënë djali i dytë.

Policia bën me dije për Gazetën “Si” se pakot ai i mbante në garazh ku kishte edhe biçikletën dhe i shpërdante sapo linte turnin në call-center. “Këtë shërbim e ofroj dhe për faqen e Instagramit që shet veshje dhe këpucë”, ka deklaruar i riu.
Policia shton se këqyri faqen në Instagram dhe ka vërejtur se aty ofrohen veshje origjinale që nga “Adidas”, “Nike”, “Slippers”, “Timberland” e të tjera. Për këtë arsye mbasi ka kryer të gjitha veprimet policia konfirmon se e ka regjistruar çështjen edhe për shkelje të të drejtave të pronësisë industriale. /SI

The post Kujdes! Vajza në Tiranë zhgënjehet nga blerja online, merr këpucët dhe shkon në Komisariat appeared first on Albeu.com.