“U bëj thirrje aktorëve politikë për reformën gjithëpërfshirëse dhe në kohë që t’i lejojnë organet administrative zgjedhore t’i zbatojnë zgjedhjet me sukses. Masat e rekomanduar nga ODIHR dhe që duhen marrë në konsideratë përfshijnë: zbatimi i ligjit duhet të ketë përparësi hetimin administrativ të zgjedhjeve. Si e thoni ju në shqip, hekuri rrihet sa është i nxehtë. Ose një shprehje tjetër drejtësi e vonuar është drejtësi e munguar. Zbatimi i ligjit duhet të sigurojë se individët të përfshirë në blerjen e votës dhe mashtrime të tjerë në zgjedhjet e kaluar të ndiqet penalisht sipas ligjit. Llogaridhënia është thelbësore për të frenuar shkeljet në të ardhmen. Krimi zgjedhore nuk duhet të tolerohet më. Komunikimi ndërmjet agjencive ligj zbatuese dhe KQZ e institucioneve të tjera duhet të përmirësohet duke siguruar veprime të shpejta kundër incidenteve të denoncuara”, tha Michel Tarran, kryetar i Prezencës së OSBE-së në Shqipëri

Komisioneri Shtetëror i Zgjedhjeve Ilirjan Celibashi veçon shit-blerjen e votës, financimin e partive apo subjekteve zgjedhore dhe sjelljen e institucioneve shtetërore apo përdorimin e aseteve publike në fushatë si fenomenet më të rënda të zgjedhjeve.

“Do doja të sillja në vëmendje se ne mund ti adresojmë këto çështje nëse shmangim çdo lloj retorike. Retorika politike na humbet aftësinë dhe mundësinë për të gjykuar qartë mbi këto problematika dhe nëse nuk e bëjmë këtë do dështojmë. Nga çdo lloj kostumi të lëmë retorikat politike për problematikat e zgjedhjeve. Po përpiqemi të ndërtojmë mekanizma që të rrisnim ndërgjegjësimin jo vetëm të votuesve, por edhe partive politike dhe institucineve të tjera mbi këto çështje. Të ndërtojmë mekanizma reagues të menjëhershëm kur evidentojmë këto problematika”, u shpreh Ilirjan Celibashi, kreu i KQZ.

Në rol me peshë kundër krimit zgjedhor ka Prokuroria e Posaçme ku në takimin e thirrur nga OSBE dhe KQZ, prokurori Klodian Braho tha se për zgjedhjet e 2025, SPAK do të ketë një plan veprimi më aktiv për shitblerjen e votës.

“Ka rritje të hetimeve ndaj këtyre veprave penale. SPAK për 2025 do ketë një plan veprimi më të qartë për të qenë më aktive në rastet e shit-blerjes së votës. Seksioni i hetimit financiar ka 9 prokurorë e 30 hetues. Krimet zgjedhore ndodhin në një afat të shkurtër dhe është e pamundur që SPAK të jetë në çdo cep për 1 muaj. Kjo nuk është sfidë vetëm e SPAK por u përket të gjithë aktorëve, institucioneve dhe shoqërisë civile”, tha Klodian Braho, drejtues i Seksionit kundër Korrupsionit, SPAK

Prezenca e OSBE thekson se ka ardhur koha që në zgjedhjet e ardhshme të merren seriozisht në konsideratë rekomandimet e OSBE/ODIHR sepse nëse nuk trajtohen siç duhen rreziku për të kompromentuar integritetin dhe besimin në zgjedhje mund të shkelë më tej të drejtën e qytetarëve.

The post OSBE: Krimi zgjedhor të mos tolerohet më! Politika të frenojë shkeljet appeared first on Albeu.com.

Përgjigja nuk është aq e thjeshtë sa mund të mendoni, tha për Health Taraneh Shirazian, një gjinekologe. Asnjë provë mjekësore nuk tregon se veshja e mbathjeve të vjetra është një faktor rreziku për një gjendje të caktuar vaginale, thotë Dr. Shirazian. Por përsa i përket rehatisë dhe zvogëlimit të shanseve të çdo problemi – si një reaksion alergjik ose infeksion – ka kuptim të zëvendësoni të brendshmet rregullisht, këshillon ajo.

Philip Tierno, një profesor klinik i mikrobiologjisë dhe patologjisë në Shkollën e Mjekësisë New York University dhe autor i librit “First Wear a Mask: A Doctor’s Guide to Reducing Risk of Infection During a Pandemic and Beyond” pajtohet që të brendshmet nuk kanë një datë skadence. Por të brendshmet mund të jenë “mekanikisht jofunksionale” – me fjalë të tjera, kanë vrima ose materiali u është dëmtuar – ndaj është koha t’i zëvendësoni ato.

Çfarë mund të ndodhë nëse vishni të brendshme të vjetra? Rreziku nuk është i lartë, por mbathjet e konsumuara me të vërtetë mund të paraqesin një problem shëndetësor. Nëse një palë nuk përshtaten më siç duhet mund të shkaktojnë infeksione. Nëse shtresat e mbathjeve janë të dobëta, ato mund të irritojnë lëkurën dhe të rrisin rrezikun e infeksionit.

“Kur jeni duke zgjedhur të brendshme, jini të vetëdijshëm për gjëra të tilla si materiale natyrore dhe ngjyra dhe kimikate,” sugjeron Dr. Shirazian. Ajo rekomandon materialet e pambukut, sepse nuk lejojnë që të krijohet lagështirë dhe shmangin infeksionet. Nga ana tjetër, pëlhura sintetike si najloni mbajnë lagështi dhe nuk thahen lehtë, duke shkaktuar irritim dhe infeksion.

The post Sa shpesh duhet të blini të brendshme? appeared first on Albeu.com.