Emërimi vjen pak kohë pas zgjedhjeve parlamentare të 11 majit, ku nuk arriti të sigurojë një mandat dhe Blerina Gjylameti zëvendëson në këtë post Manush Kullollin, i cili e mbante detyrën prej marsit të vitit të kaluar.

Politikania e lartë socialiste falenderon kryeministrin Edi Rama për besimin dhe tregon se është menduar gjatë për të marrë drejtimin e Autoritetit Kombëtar të Ushqimit, detyrë të cilën e quan barrë të vështirë.

“U mendova gjatë përpara se ta pranoja këtë barrë. U mendova për shkak të peshës së saj institucionale, për shkak të vështirësive reale të sektorit, për shkak të interesave të shumta që preken dhe për shkak të pritshmërive të larta që ka shoqëria. Por për më shumë arsye të tjera e pranova këtë detyrë”, shkruan ajo.

Blerina Gjylameti thekson se do të ndryshojë totalisht qasjen ndaj bizneseve, sepse ky sektor që është përgjegjësi e AKU-së, është buka e përditshme e mijëra familjeve që prodhojnë, përpunojnë dhe tregtojnë ushqim.

“E pranova sepse besoj se ka ardhur momenti që ky sektor të ndryshojë rrënjësisht. E pranova sepse nuk ka më kohë për hezitim. Dhe e pranova me bindjen se kjo detyrë nis nga sot. Duhet ta themi hapur dhe me ndershmëri institucionale:tolerancat dhe koha që kemi dhënë deri tani nuk kanë mjaftuar.

Kemi pritur që secili aktor të përmirësohet gradualisht. Por sot është e qartë se ky model nuk na çon aty ku duhet të jemi. Siguria ushqimore është, pa dyshim, sektori më i vështirë për t’u formalizuar dhe standardizuar”, thotë ajo.

Politikania e majtë shkruan se pavarësisht se në këtë sektor përplasen interesi ekonomik, mbijetesa e përditshme, tradita, informaliteti dhe tregu i lirë, mbi të gjitha, siguria ushqimore është shëndeti i qytetarëve, është e tashmja dhe e ardhmja e fëmijëve tanë, dhe është besimi i një shoqërie të tërë tek shteti.

“Dhe përballë kësaj përgjegjësie, nuk kemi më të drejtë të negociojmë me thelbin. Dua ta them qartë: do të ketë hapësirë të pakufizuar për bashkëpunim, dialog, mbështetje teknike dhe orientim. Por nuk do të ketë asnjë tolerancë për kompromis përtej objektivave”, përmbyll ajo.

The post Blerina Gjylameti merr zyrtarisht detyrën në krye të AKU: Siguria ushqimore është e tashmja dhe e ardhmja e fëmijëve tanë appeared first on Albeu.com.

Gjylametit i është besuar ky institucion, që shpesh herë ka qenë të skandaleve, sa i takon rasteve të abuzuara të produkteve bujqësore me përmbajtje pesticidesh të ndaluara.

Më herët, në krye të AKU-së ishte Manush Kullolli.

Gjylameti në zgjedhjet e 11 majit nuk arriti që të merrte mandatin e saj, pasi Olta Xhaçka siguroi më shumë vota, duke bërë që socialistja të dalë jashtë Parlamentit.

The post Ish-deputetja e Partisë Socialiste emërohet drejtoreshë e AKU-së appeared first on Albeu.com.

Gjylameti pretendon se Basha ka lobuar në grupin e të djathtëve në Strasburg që të votojnë kundër për daljen e Shqipërisë nga monitorimi nga Këshilli i Evropës.

Deputetja tha se kreu i PD vazhdon të përdorë të njëjtën mënyrë të të bërit politikë të vjetër.

Blerina Gjylameti: Ajo çfarë është shkruar në raportin e komitetit të monitorimit dhe u votua me unanimitet në asamble, ka qenë edhe meritë e opozitës. Por nuk mund të lë pa i kthyer përgjigje një kolegu, që çfarë bën nuk e thotë e çfarë thotë nuk e bën, për ish ministrin e jashtëm, i cili këtu në Shqipëri reporterit i thotë pro daljes nga monitorimi, ky dashnor i procedurave nuk shfrytëzon për të argumentuar kundër nëse kishte, as me gojë as me shkrim as me qendrime dhe as me prezencë fizike dhe nuk mori pjesë, më pas shkon dhe lobon në grupin e djathtëve që të kundërshtojnë daljen nga monitorimi, këto thikat pas shpine qe ia ka ngulur gjithmonë Shqipërisë e bëjnë fiks djalin e babait, inkoherenca, ligësia që e karakterizojnë.

Pas 29 vitesh Shqipëria doli dje nga lista e vendeve nën monitorim nga Këshilli i Evropës. Asambleja Parlamentare e Këshillit të Evropës miratoi me votë unanime rezolutën e Komitetit të Monitorimit të Këshillit të Evropës për Shqipërinë.

Pjesa më e madhe e anëtarëve të Asamblesë kanë vlerësuar reformat dhe progresin e bërë nga Shqipëria në 3 shtylla kryesore, shteti i së drejtës, demokracia dhe të drejtat e njeriut.

Në një reagim të tij, pas këtij vendimi, ministri i Jashtëm Igli Hasani falenderoi Asamblenë Parlamentare të Këshillit të Evropës dhe raportuesin Ionut Stroe, për njohjen e reformave transformuese të drejtësisë në Shqipëri, luftën kundër korrupsionit dhe përparimin e Shqipërisë sa i përket të drejtave të njeriut dhe demokracisë./albeu.com

The post Blerina Gjylameti akuzon Lulzim Bashën: Loboi kundër raportit për daljen e Shqipërisë nga monitorimi i KiE appeared first on Albeu.com.

“20 miijë lekë të vjetra, shezllonët në Dhërmi nuk mendoj se është shumë e shtrenjtë”, deklaroi Gjylameti.

Më tej ajo theksoi se rëndësi ka që të ketë alternativa të tjera dhe se në fund të fundit ky është tregu.

“Isha në një vend, pjata e makaronave 8 mijë lekë të vjetra ishte. M’u në mes të Dhërmiut dhe me një super shërbim.

Unë gjithmonë jam ankuar për shërbimin në Shqipëri, por kësaj radhe ishte ndryshe”, tha Gjylameti teksa Blendi Fevziu i tregoi se “40 euro pjata e makaronave në jug të bie në kokë”.

The post Çudit deputetja e PS: 20 mijë lekë të vjetra shezlloni nuk është shtrenjtë, ky është tregu appeared first on Albeu.com.

Mësohet se Eridjan Salianji është emëruar Sekretar Ekzekutiv, ndërsa Blerina Gjylemeti Sekretare për Organizimin.

Larter Duraj emërohet Sekretar për Emigracionin.

Këto ndryshime bëhen në valën e ndryshimeve statutore të PS, të paralajmëruar edhe më herët./albeu.com/

The post Rama nga Kongresi: Këta janë drejtuesit e rinj të PS appeared first on Albeu.com.

Berisha tha se ishte bashkëshorti i deputetes Blerina Gjylameti ai që solli skenografinë nga Italia.

Basha rikujtoi gjithashtu edhe kërcënimin që i bëri pak ditë më parë ky i fundit deputetit Alibeaj.

Sipas Bashës, bashkëshorti i Gjylametit i kishte thënë Alibeajt se detyra e tij do të përfundonte shumë shpejt dhe se 11 dhjetori ishte afër.

“Mua më ka stresuar fakti që nuk po bëj 100% punën time. Këtu 100% e energjive të mia duhet të ishin në përballjen, publike, mediatike, protesta ndaj Edi Ramës. Ka 3 muaj që Edi Rama bredh i qetë me tubin e oksigjenit me vete. Një pjesë e mediave janë pjesë e një konglomerati, të varura nga oligrakia që të mos dalin të vërtetat e qeverisë dhe zyrtarëve të saj. Gjylameti i thotë Alibejt deri me 11 do jesh këtu ku burri i Blerina Gjylameti së bashku me nje kompani italianë me TV Klan kanë sjellë atë skenë në  “Arenën e Hajnisë”.  Këta kujtojnë se janë ata që kanë qenë dh e jemi fëmijë që i shkojmë pas sicc kemi bërë dikur. Nuk jam unë 17 vjeç. Ne jemi PD, ti je e shkuara dhe ti zgjodhe ta mbyllje me turp”, tha ai./albeu.com/

The post Kush ja siguroi Berishës skenografinë në stadium? Basha zbulon personin (VIDEO) appeared first on Albeu.com.

Gjatë intervistës së saj Duma u ndal dhe tek zonjat me sharm të politikës shqiptare, ku veçoi Arta Daden, Mimi Kodhelin dhe Blerina Gjylametin nga kampi i majtë, ndërkohë që nga kampi i djathtë zgjodhi Jozefina Topallin, Majlinda Bregun dhe Jorida Tabakun.

“Të bukura ka plot zonja në politikë. Unë e them gjithmonë, për mua Arta Dade është grua e bukur. Mimi Kodheli është grua e mbajtur dhe që do t’i shkonte fjala kinge. E nisa andej për të hedhur poshtë klishetë që do duhej ta nisja nga PD-ja.

Patjetër Jozefina Topalli ka një sharm politik, Majlinda ka sharm politik, Jorida ka sharmin e vet. Blerina Gjylameti ka sharmin e vet dhe elegancë”, tha deputetja. /albeu.com/

The post Njihet për sharmin dhe stilin, Grida Duma zbulon kush është politikania më kinge në Shqipëri (FOTO LAJM) appeared first on Albeu.com.

Gjylameti theksoi se kryetari Enkelejd Alibeaj ka thyer ligjin dhe kodin etik të sjelljes duke vepruar i ndikuar politikisht e duke vendosur në rrezik veprimtarinë hetimore të këtij komisioni.

“Duhet që t’i bëj me dije publikut se çfarë ka ndodhur në Komisionin Hetimor. Unë besoj që nuk ka lidhje me pretendimin e opozitës që ne nuk duam të hetojmë, por ka të bëjë me atë që është kthimi në shinat e ligjshmërisë të komisionit hetimor i cili është ngritur me kërkesë të PD. Por nuk mund të lejojmë deputetë të shkelin ligjin dhe Rregulloren. Madje sot arriti në pikën kulmore edhe kodin etik i sjelljes së deputetit. Ne kemi kërkuar të votojmë rendi i ditës, të zgjidhjet sekretari dhe më pas të miratohet edhe rregullorja e brendshme e këtij Komisioni Hetimor. Alibeaj nuk respektoi asnjë prej këtyre pikave, por vazhdoi më pas mbledhjen edhe pse nuk kishte kurumin e mjaftueshëm i cili e bën të vlefshëm mbledhjen dhe të gjitha vendimet e marra nga Komisioni hetimor. Nuk është hera e parë që kjo ndodh. Ata po pengojnë zhvillimin normal të mbledhjeve të komisionit. Unë sot kam kërkuar rregullisht fjalën për procedurë që rregullorja ma lejon për të propozuar ndryshimet përkatëse dhe nuk më është dhënë fjala. Në shkelje të ligjit dhe të rregullores Alibeaj vazhdon të vijojë vazhdimin e mbledhjeve. Edhe pse ai Komision është ngritur për të hetuar veprimtarinë e zgjedhjeve të 2021, vetëm këtë gjë ai nuk po e bën.

Deputetja Gjylameti akuzon deputetin Alibeaj se edhe pse nuk kishte kuorumin e nevojshëm, në shkelje të hapur me Rregulloren vijoi mbledhjen.
“Ne kërkuam 5 minuta pushim që të gjenim dakordësinë me Alibeajn që të vijonin mbledhjen e komisionit.
Jo vetëm që nuk na u dha mundësia për miratimin e 5 minutave pushim, por pastaj në shkelje të ligjit Alibeaj vijoi vazhdimin e mbledhjes. Në momentin kur nuk ekziston kuorumi në mbledhjet e komisionit, ato janë të pavlefshme. Është mbledhja e katërt që ne si komision nuk përmbushim ato që janë detyrimet ligjore që ka të bëjë me zgjedhjen e sekretarit, rregulloren e komisionit dhe më pas të vijonim me pjesën tjetër të marrjes së provave dhe më tej për thirjen e dëshmitarëve. Alibeaj jo vetëm shkel ligjin, por refuzon ta respektojë atë duke vijuar me një lojë që askush nuk e kupton. Ka një lloj hezitimi për nxjerrjen apo zbardhjen e të vërtetave në lidhje me zgjedhjet. Mazhoranca dhe opozita në momentet kur bëhen pjesë e Komisionit Hetimor heqin dorë nga pjesa politike por vendosen në rolin e dikujt që do të hetojë objektin e komisionit. Por kjo nuk ndodh me Alibeajn i cili i heq të drejtën mazhorancës të bëjë propozimet përkatëse. Sa herë ka ndryshime të neneve përkatëse të projektligjit, ato duhet të hidhen në votim dhe në bazë të votimit vendosen nëse do merren ose jo parasysh. Alibeaj refuzon respektimin e ligjit, rregulloren e kuvendit dhe shkon deri te thyerja e kodit të etikës”, nënvizoi Gjylameti.

Deputetja socialiste shprehet se është e paprecedent sjellja e Alibeajt, i cili edhe pse është kryetar komisioni hetimor dhe i përket palës që e ka kërkuar, po pengon qëllimisht dhe rregullisht respektimin e procedurës në fuqi të komisioneve hetimore./albeu.com/

The post “Alibeaj po bën lojëra politike në Komisionin Hetimor”, Gjylameti: Mbledhja vazhdoi në kundërshtim me ligjin, opozita po bëhet pengesë! appeared first on Albeu.com.

Lista ka emra nga kryeministri Edi Rama, zv/kryeministrit Arben Ahmetaj, ministri i Brendshëm Bledi Çuçi, kreu i SPAK Arben Kraja, drejtuesin dhe ish-drejtuesin e policisë së Shtetit Gledis Nano dhe Ardi Veliu e deri te dy gazetarët Armand Shkullaku dhe Andi Bushati.

Por a do të shkojë Edi Rama në Komisionin Hetimor që ka ngritur opozita? Deputetja socialiste, Blerina Gjylameti, anëtare e këtij komisioni u shpreh sonte në “Radarin Informativ” në “ABC” se “Nuk besoj që do të jetë hera e parë, kryeministri ka ardhur edhe herë të tjera dhe ka dëshmuar.

Duhet parë që nëse të gjitha pikat janë objekt i hetimit. Së pari duhet të shikojmë çështjet që kanë parashtruar, dokumentacionin dhe personat nëse janë në funksion të hetimit” tha ajo.

Por a do të mbajë përgjegjësi shumica nëse pas hetimit rezulton se ka pasur shkelje? “Absolutisht po. Asnjëherë nuk kemi dhënë mbrojtje politike. Do të duhet të përballen me drejtësinë, që thotë fjalën e fundit” tha ajo duke “thumbuar” PD-në “problematikat që kanë duhet t’i zgjidhin mes vetit dhe jo ti gjejnë te PS”.

Lulzim Basha njoftoi sot dorëzimin ditën e mërkurë në Kuvend të tre drafteve, reformën territoriale, zgjedhore dhe vettingun e politikanëve, që kërkon që ta bëjë një njësi e veçantë në SPAK. Partia Socialiste duket se do i hapë rrugën kësaj nisme. Kështu të paktën la të kuptohet përgjigja e Blerina Gjylametit.

“Më vjen mirë që Basha ka pranuar që SPAK funksionon dhe nuk është i prekur politikisht. Më në fund ja kemi dalë që institucionet e reja të drejtë të jenë të pavarura” deklaroi deputetja socialiste./abcnews.al

The post PS flet për vettingun e politikanëve, Gjylameti: Rama në komision? S’e ka për herë të parë appeared first on Albeu.com.

Emrat fituese janë: Evis Kushi, Mimi Kodheli. Ogerta Manastirliu, Olta Xhaçka, Belinda Balluku, Blerina Gjylameti.

Por kush është gruaja më votuar ndër socialitët?

Belinda Balluku 207 vota

Ogerta Manastirliu 204 vota

Blerina Gjylameti 199 vota

Lista e kandidatëve:

Ogerta Manastirliu;

Belinda Balluku;

Olta Xhaçka;

Ermonela Felaj;

Ervis Kushi;

Milva Ekonomi;

Mimi Kodheli;

Klotilda Ferhati;

Blerina Gjylamet

Almira Gjembulla.

Kush ikën e kush vjen, kjo është skuadra e plotë e Ramës për mandatin e tretë

Kryeministri Rama ditën e sotme gjatë Asamblesë së PS ka zbuluar emrët e qeverisë së re me të cilën do të drejtojë vendin dhe për 4 vite të tjera, pas zgjedhjeve të 25 Prillit ku dolën fitues.

Kryeministri Rama ka bërë ndryshime, rikthime dhe ka mbajtur në detyrë disa nga ministret më të cilët ka qeverisur edhe mandatin e dytë.

Ministrja Ogerta Manastirliu dhe Elisa Spiropali janë emëruar në të njëjtët pozicione që kanë mbajtur gjatë 4 viteve të mandatit të dytë, duke rikonfirmuar besimin e kryeministrit Rama.

Ministër Drejtësie është emëruar Ulsi Manja, duke zënë vendin e Etilda Gjonajt, e cila nuk është përfshirë nga kryeministri Rama në qeverinë e re.

Arben Ahmetajt i janë besuar dy detyra nga kryeministri Rama si ministër i Rindërtimit dhe zv/kryeministër duke zëvë vendin e Erion Braçes.

Një risi tjetër është Ministria e Turizmit, i cili i është besuar Mirela Kumbaros, një rikthim ky në qeveri pas pozicionit si Ministre e Kulturës.

Emrat e kabinetit qeverisës së mandatit të tretë të kryeministrit Rama:

Ministria e Rindërtimit dhe zv.kryeministër Arben Ahmetaj

Ministria për Evropën dhe Punët e Jashtme Olta Xhaçka

Ministër i Mbrojtes Niko Peleshi

Ministria e Drejtësisë Ulsi Manja

Ministrai e Punëve të Brendshme Bledi Çuçi

Ministria e Ekonomisë Delina Ibrahimi

Ministria e Infrastrukturës dhne Energjisë Belinda Balluku

Ministria e Bujqësisë Frida Krifca

Ministria e Kulturës Elva Margariti

Ministria e Turizmit Mirela Kumbaro

Ministre e Shëndetësisë Ogerta Manastirliu

Ministre e Arsimit Evis Kushi

Ministre Shteti për Marrëdhëniet me Parlamentin Elisa Spiropali

Ministre Shteti për Sipërmarrjen Edona Bilali

Ministre Shteti për Rininë dhe Fëmijët Bora Muzhaqi

Ministre Shteti për Standardet dhe Cilësinë Milva Ikonomi /albeu.com/

The post Ministre e rëndësishme krah Ramës, kush është socialistja më e votuar në Kryesinë e PS (FOTO LAJM) appeared first on Albeu.com.