Blerim Kotobelli është zyrtarisht futbollisti më i ri i Flamurtarit, duke i dhënë fund çdo dileme për të ardhmen e tij. Dokumentacioni i transferimit është përfunduar, ndërsa prezantimi i qendërmbrojtësit pritet të zhvillohet pas pak minutash.

Mbrojtësi shihet si një alternativë e rëndësishme shtesë në qendër të repartit defensiv për skuadrën vlonjate dhe trajnerin tropojan, Oltijon Kërnaja.

Lajmi në përditësim…

The post Merr fund pritja, Blerim Kotobelli bëhet me skuadër të re! Përforcim për trajnerin verior appeared first on Albeu.com.

Blerim Kotobelli pritet të jetë përforcimi i radhës i Flamurtarit. Sipas burimeve mediatike, ish-kapiteni i Teutës ka nënshkruar kontratën me klubin vlonjat, ndërsa prezantimi zyrtar pritet të bëhet së shpejti.

Mbrojtësi i majtë njoftoi vetëm pak ditë më parë përfundimin e bashkëpunimit me skuadrën durrsake, duke lënë të kuptohej se ndarja mes palëve erdhi pas ndryshimit të planeve.

Ardhja e Kotobellit i shton cilësi dhe përvojë repartit të prapavijës së Flamurtarit. Ekipi vlonjat drejtohet nga trajneri Oltijon Kërnaja dhe ka si objektiv rikthimin në Superiore vitin e ardhshëm.

The post Pas largimit nga Teuta, Kotobelli firmos me skuadrën që synon ngjitjen në Superiore appeared first on Albeu.com.

Blerim Kotobelli nuk do ta vijojë më karrierën te Teuta. Pas njoftimit të bërë fillimisht nga vetë kapiteni në profilin e tij, klubi durrsak ka reaguar publikisht përmes rrjeteve sociale.

Ndarja vjen pas ndryshimit të planeve në kampin e skuadrës, ku në stol është emëruar trajneri Edlir Tetova. Ky zhvillim ishte raportuar tre ditë më parë nga “Newsport.al”.

Teuta ndodhet në një fazë të rëndësishme riorganizimi dhe largimi i Kotobellit është pjesë e këtij transformimi. Mbrojtësi i krahut të majtë tashmë mund të shndërrohet në një alternativë të kërkuar nga klubet e tjera të Superiores.

Në horizont nuk përjashtohen edhe mundësi jashtë vendit, ndërsa futbollisti pritet të marrë kohën e nevojshme për të përcaktuar destinacionin e tij të ardhshëm.

Klubi i Teutës ka falënderuar Kotobellin për angazhimin, profesionalizmin dhe kontributin e dhënë gjatë periudhës së tij me fanellën blu.

“Faleminderit, kapiten Blerim Kotobelli! KF Teuta shpreh mirënjohjen dhe falënderimin më të sinqertë për kapitenin Blerim Kotobelli për përkushtimin, profesionalizmin dhe kontributin e tij të jashtëzakonshëm me fanellën blu.

Me shpirt luftarak, pasion dhe udhëheqje brenda dhe jashtë fushës, Blerimi ka qenë një shembull i vërtetë për klubin dhe për tifozët tanë.

Faleminderit për çdo sakrificë, për çdo emocion dhe për çdo moment të paharrueshëm. Emri yt do të mbetet gjithmonë pjesë e historisë së KF Teutës. Të urojmë suksese në çdo hap të ri të karrierës dhe jetës!

Faleminderit, kapiten!”

The post Teuta konfirmon ndarjen me kapitenin Blerim Kotobelli pas ndryshimit të planeve appeared first on Albeu.com.

Blerim Kotobelli ka konfirmuar zyrtarisht përfundimin e bashkëpunimit me Teutën. Mbrojtësi 33-vjeçar, i cili mbante edhe shiritin e kapitenit te skuadra durrsake, e bëri të ditur vendimin përmes një postimi në llogarinë e tij në Instagram. Pas raportimit të “Newsport.al” pak ditë më parë, largimi tashmë është formalizuar, ndërsa pritet që edhe klubi të dalë me një njoftim zyrtar.

“Nga sot nuk jam më pjesë e KF Teuta. Dua të falenderoj presidentin dhe të gjithë tifozët durrsakë”, shkroi shkurtimisht Kotobelli.

Me mbylljen përfundimtare të aventurës te “Djemtë e Detit”, futbollisti pritet të vlerësojë alternativat për hapin e ardhshëm në karrierën e tij.

The post Teuta ndahet nga kapiteni Blerim Kotobelli në kulmin e merkatos appeared first on Albeu.com.