Një i moshuar ka ndarë një sërë informacionesh dhe detajesh që lidhen me rrethanat e rrëmbimit, lëvizje të dyshimta dhe elementë që mund të hapin pista të reja hetimi për fatin e Bleonës.

Në “Ftesë në 5”, nëna e Bleona Matës, Bukuria, u shpreh se dhimbja e 15 viteve pa drejtësi po e vret çdo ditë dhe se hallat e saj duhet të jenë në burg për rrëmbimin që kanë bërë.

“Kjo dhimbje po më djeg e përvëlon. Por shpresat e mia ringjallin dritë që një ditë do e përqafoj me mall. Mendoj që njëherë do t’ia dëgjoj zërin. Ai dinte shumë gjëra ai zotëria, e falënderoj. Kur ka qenë tek ‘Njerëzit e Humbur’, gjithë fshatarët e mbajtën të fshehtë këtë para policisë se kishin frikë.

Atë ditë është parë një makinë me targa Vlorë. Përse vonoi kaq drejtësia, e përjetojmë këtë dhimbje. Ai zotëria ka thënë: jam moshë e vjetër, e kam ditur këtë informacion por nuk më ka lënë familja. Nuk dua të vdes me këtë brengë, ka thënë. Po të ishte drejtësia e mirëfilltë, nuk do ishin bërë 15 vite dhe 5 vajzat të rrinë të lira. Ato të ndëshkohen me burg derisa të flasin të vërtetën. Ato e dinë pse e kanë tregtuar vajzën. Ato duhet të futen atje ku e meritojnë”.

Ajo hodhi akuza edhe mbi babanë e Bleonës, që nuk e ka denoncuar kurrë humbjen e vajzës.

“Po si ta kërkojë babai, ku është turpi. U zhduk vajza, gjithmonë kishin presion nga vëllezërit. Duke marrë presion mos të nxirrte motrën në TV. Unë denonco, ai tërhiq. Nuk e di çfarë babai është, nuk ka zemër të kërkojë evladin e vet” – u shpreh nëna e Bleonës.

The post Dëshmia tronditëse pas 15 vitesh për Bleona Matën, flet nëna: Hallat e saj duhet të jenë në burg! appeared first on Albeu.com.

“Jetojmë me këtë makth, me këtë histori dhe me këtë depresion. Nuk jetojmë dot, nuk festojmë dot, sepse na mungon një pjesë e shpirtit,” shprehet ajo.

Nëna e Bleonës akuzon drejtpërdrejt strukturat e rendit, duke thënë se hetimet nuk janë kryer siç duhet dhe se personat e përfshirë nuk janë mbajtur përgjegjës. “Uniformat blu duhej të kishin punuar siç duhet. Pesë vajzat nuk mbajtën asnjë përgjegjësi,” thotë ajo.

Ajo rrëfen se çdo ditë e pret vajzën e saj me shpresën se një ditë do t’ia dëgjojë sërish zërin dhe do t’ia festojë ditëlindjen. Bleona, sipas saj, është ende e pranishme në çdo detaj të jetës familjare: në kalendarin me fotot e saj, në gotën nga e cila pi ujë, në sendet e përditshme që mbajnë kujtimin e saj gjallë.

Deklarata e saj;

Jetojmë me këtë makth, me këtë histori e me këtë depresion. Nuk jetojmë dot, nuk festojmë dot, sepse na mungon një pjesë e shpirtit. Unë, si nënë, nuk i kam humbur shpresat dhe nuk do t’i humbas kurrë, por ndonjëherë jam e mbushur me urrejtje, sepse uniformat blu duhej të kishin punuar siç duhet. Pesë vajzat nuk mbajtën asnjë përgjegjësi.

E pres vajzën time me padurim. Besoj se një ditë do t’ia dëgjoj zërin, do t’ia festoj ditëlindjen. Ajo është pjesë e familjes sonë. Kalendari është me fotot e saj, stilolapsi, gota ku une pi ujë, gjithçka mban foton e Bleonës.

Jetoj te prindërit, sepse nuk jetoj dot aty ku më humbi Bleona. Jetoj me djalin tim, është 19 vjeç. Derisa të kem frymën e fundit, nuk do të ndaloj së kërkuari Bleonën. Djali më thotë se do ta ndjekë këtë çështje edhe në rrugë private.

Qamilja ka dashur t’i marrë të dy fëmijët, por djali u kthye, vajzën ma mori. Shteti nuk më ka ndihmuar. Bashkia e Kukësit e di historinë time, komuna po ashtu. Unë çdo pjatë që mbush, nuk e ndaj kurrë pa ia mbushur edhe Bleonës.

Shteti nuk punoi siç duhet. Kriminelët i ka në dorë, situatën e ka në dorë, vetëm Bleona mungon. Dua të kem një takim me kryeministrin e Shqipërisë. Ai mund t’i japë urdhër SPAK-ut dhe prokurorisë që të thërrasin menjëherë pesë vajzat. Ato nuk janë pyetur siç duhet, u pyetën dy orë me makiato, pica e hamburger.

E dua këtë takim sa më shpejt. Dua drejtësi për vajzën time, sepse shpirti po më përvëlohet.

The post Bukurie Mata mes lotësh: Ende festoj ditëlindjen e Bleones në shtëpi appeared first on Albeu.com.

Lajmin emocionues e bëri të ditur vetë gjatë një bisede të hapur me gazetarin e njohur, Blendi Fevziu, ku rrëfeu edhe detaje për këtë gjest simbolik.

“Unë kam marrë këtë [byzylykun] dhuratë për ditëlindje, vlera e së cilës shkon për të shpëtuar një luan në Afrikë,” – tha ajo.

Për më tepër, Bleona shpjegoi se përmes një aplikacioni të quajtur Fahlo, i cili është një platformë që bashkëpunon me organizata të ndryshme për mbrojtjen e jetës së egër, ajo mund të ndjekë në kohë reale lëvizjet e luanit të birësuar.

Këngëtarja ndau edhe disa pamje të aplikacionit duke treguar se si funksionon.

Beona gjithashtu shprehu dëshirën e saj të madhe për të takuar personalisht titanin e teknologjisë Elon Musk, për t’iu lutur për një kërkesë.

“Dua të takohem me Elon Musk dhe dua t’i kërkojë që t’i shpëtojë të gjitha kafshët e kësaj bote”, theksoi ajo mes tjerash.

The post Bleona Qereti birëson një luan në Afrikë: Dua të takohem me Elon Musk dhe t’i kërkojë të shpëtojë kafshët e gjithë botës appeared first on Albeu.com.

Në një postim në rrjete sociale, Bleona shkruan se ka zbuluar se ndan dy pasione të përbashkëta me presidentin e Argjentinës, Javier Milei.

E ato janë, dashurinë për muzikën dhe admirimin për presidentin amerikan Donald J. Trump.

“Vetëm sa zbulova që @javiermilei dhe unë ndajmë dy pasione: dashurinë për muzikën dhe admirimin për @realdonaldtrump @POTUS.

“Kush do ta kishte ditur?” shkruan ajo, duke shoqëruar postimin me flamuj amerikanë, argjentinas dhe shqiptarë.

The post Bleona Qerreti takon presidentin e Argjentinës: Kemi pasione të njëjta dhe e admirojmë Trumpin appeared first on Albeu.com.

Përmes një video të postuar në “TikTok”, Juli ka dalë në mbështetje të Bleonës duke e përgëzuar këtë të fundit për guximin dhe për fjalët ndaj Çanit.

Sipas Julit asnjë fjalë e Bleonës “nuk bie në tokë”, pasi ka thënë gjithçka të vërtetë që në fjalinë e parë. Në fund, ai e ka mbyllur me një thënie të vetë gazetarit duke i thënë Bleonës: “Një big up për ty”.

“Nuk e di a e keni dëgjuar reagimin e Bleona Qeretit për Arjan Çanin dhe me thënë të drejtën më pëlqeu. Në fjalinë e parë Bleona i thotë pothuajse të gjitha.

Kjo ishte thjesht fjali a e parë e një video shumë të gjatë që Bleona ka hedhur në rrjetet sociale dhe për hir të së vërtetës nuk i bie asnjë fjalë në tokë, i ka të gjitha të vërteta.

Bleona përgëzime që ke dalë i ke thënë të gjitha. Bleona përgëzime për faktin që ti del dhe e thua troç diçka më vjen keq vetëm që i jep atij vëmendje, se ai nuk ka vëmendje. Dhe siç do thoshte dhe ai vetë një Big Up për ty”, tha Deda.

@juldeda_ Hallall Bleona..! 👍 #juldeda #fyp #bleona ♬ original sound – Jul Deda

The post VIDEO/ Jul Deda në mbështetje të Bleona Qeretit: I ka thënë të gjitha për Arjan Çanin! appeared first on Albeu.com.

E pasditen e sotme Bleona ka vendosur të bëjë për “ujë të ftohtë” Çanin. Ajo ka publikuar mesazhet që i ka dërguar atij, si dhe nuk na nguruar t’i përgjigjet dhe përmes një video të cilën e ka publikuar në “Instagram”.

“O vemje pabukse”, kështu i drejtohet ajo gazetarit, për të cilin thotë se nuk e merr askush më në televizion dhe po kërkon më dëshpërim vëmendje.

Sa i përket lidhjeve me Trump, këngëtarja bëri me dije se ka kontribuar për Presidentin që në zgjedhjet e 2016 dhe deri në zgjedhjet e nëntorit, duke regjistruar njerëz si dhe duke mbledhur para për fushatën e tij.

Reagimi i plotë i Bleona Qeretit:

O Arjan Çani, përveç faktit që t’i je një qenie mashtruese, ordinere që gënjen nëpër televizione dhe nëpër emisionet e tua siç edhe vetë e ke pohuar. Je një vemje pabukse, që s’të merr më asnjë televizion në punë se ty të ka dalë boja dhe jam shumë e vetëdijshme që me këtë video po të bëj shumë nder se do kapësh gazetat prap. Por, në të njëjtën kohë kam arritur në konkluzionin që qenieve mashtruese ordinere si puna jote duhet të ulësh në nivelin e tyre që të flasësh me gjuhën që ata kuptojnë, se nëse unë ty të flas kinezçe, ti nuk arrit ta kuptosh.

Nëse unë them avion, ti do dalësh në ndonjë emision dhe do thuash biçikleta ime nuk ka krah. Kështu që po ta sqaroj njëherë e mirë, jo vetëm ty, por edhe ca vemjeve tjera që pash tani në Uashington që rrinin prapa dyerve si e si të kapin një foto dhe me ardhë me e shit në Shqipëri me kap naj lekë… KÇK siç thot Edi Rama.

Po ua shpjegoj dhe njëherë meqë keni bërë këtë pyetjen se kush është vlera ime. Duhet të kuptosh një gjë, që unë kam bërë kampanjë aktive për Presidentin Trump në 2016, 2020 dhe tani në 2024, kam regjistruar më shumë se 8 mijë veta në Pensilvani, kam regjistruar më shumë se 4 mijë veta nëpër listat e votimeve në Michigan, kam ngritur më shumë se 300 mijë dollarë donacion për zgjedhjet, u bëra edhe koncertin në Michigan siç ke parë edhe në Instagram dhe historia fallco dhe perceptimet fallco që krijoni ju nuk janë realiteti im.

Më vjen shumë keq për prindërit e tu që do ndihen keq kur ta dëgjojnë këtë video. Do doja t’ju thoja që nuk është faji i tyre që të kanë edukuar keq, se ne jemi këta që jemi e nuk duhet të fajësojmë prindërit për mënyrën se si zgjedhim të jemi në jetën tonë.

Njërin gjithmonë e djeg furra, kshu që ata nuk duhet të ndihen keq që ti je kthyer dhe je bërë një vemje pabukse, një njeri negativ që nxjerr vetëm vrerë dhe gënjen non-stop nëpër emisione dhe me paturpësinë më të madhe e pohon edhe vetë.

Dhe përveç gjithë këtyre të këqijave që janë boll për një njeri që të mbytet ke dhe një adoleshencë të vonuar dhe je një qenie e frostruar seksualisht dhe nuk kupton. Vazhdon dhe e mat botën me metrin tënd akoma, nuk kupton që bota i ka mbaru uritë seksuale që kur kanë qenë 15-16 vjeç ndërkohë që vetëm ty të ka ngec ora ngaqë nuk i ke pasur këto gjëra kur ke qenë në këtë moshë dhe të kanë ngelur dhe tani që je 60 vjeç. Ky është ndryshimi midis meje dhe teje. Ik tani dhe mbytu në atë jetën tënde të mjerë.

The post FOTO/ Degradon sherri midis Bleonës dhe Arjan Çanit, këngëtarja: O ku*vë, o vemje mos e zër emrin tim me gojë! appeared first on Albeu.com.

Në lidhje me tekstin e këngës “Stani,” ku ironizon mungesën e një burri, Bleona shpjegoi:

“Është e vërtetë që nuk kam burrë dhe e solla këtë në ‘Stani’ si një mënyrë për të ironizuar. Kjo ideja ‘Nuk kam burrë’ quhet si ‘handicap’ dhe nuk është fare ashtu. Prandaj thashë ‘Ups, harrova që nuk kam burrë’ në këngë. Burrë s’kam, po një tigër e kam,” – qesh artistja.

Në një moment emocional, Bleona i drejtoi edhe një premtim prindërve që po ndiqnin intervistën nga Shqipëria.

“Për faktin që këtë intervistë po e ndjek Oli, e cila është në Shqipëri bashkë me babin. Doja të thoja që kam në plan për t’u martuar, për të bërë fëmijë. Jo realisht nuk po e ironizoj sepse realisht janë në planet e mia, të afërta apo të largëta nuk e di sepse nuk jam Zoti. Por duke qenë se tani pothuaj unë karrierën time e kam vënë në një lloj vije aty ku unë dua që të eci ujë si Bleonë dhe si artiste, tani pjesa tjetër sigurisht është ajo private, e cila ka nevojë për një balancim,” u shpreh Bleona, duke i premtuar ndjekësve e sidomos dy prindërve të saj, që pas projekteve të reja muzikore, do t’i kushtojë më shumë vëmendje këtij aspekti të rëndësishëm të jetës së saj.

The post Së shpejti nënë? Dhe jo vetëm! Bleona Qereti rikthehet me projekte dhe një premtim tejet special! appeared first on Albeu.com.

POSTIMI:

Po të futesh në internet fjalët ‘Bleona nude pics’ skandalizohesh përtej çdo norme.

Deri përpara disa vitesh, punonte si këngëtare/kërcimtare në KABAREN e hotelit Faena ne Miami. Dhe sërish, personalisht nuk e kam degjuar kurrë të kendojë ‘live’ dhe me sa kam kuptuar nuk këndon dot sepse stonon fatalisht.

Vet-prezantohet si ‘diva’ dhe Madonna shqiptare, por e tillë nuk konkludon.

Ndërkohë që hap thashetheme të turpshme për të tjerë, si psh që Alketa Vejsiu dhe Edi Rama kanë kohë që janë bashkë dhe se Edi Rama desh la gruan të martohej me të, apo se Xhensila (një këngëtare) paska qenë e dashura e një ish-Presidenti shqiptar, gjithashtu pranon që ka fjetur vetë me ish presidenta dhe ish ministra të Shqiperisë dhe të Kosovës.

Herë-herë, ka marrë pjesë si këngëtare e rëndomte në festimet e ditëlindjeve të disa sheikëve në Lindjen e Mesme, por dhe oligarkë super të korruptuar si dhëndri i ish presidentit te Kazakhstanit me të cilin ka pasur dhe një lidhje kur ky ishte i martuar me vajzën e Nazarbayev, e me vonë i la peshqesh të vellain t’ja mbante me punë.

Një herë, mbasi më kërkoi të shkoja tek një program që bente tek Klani, me terhoqi zvarrë që ti hynte ne studio Fejvziut gjysmë lakuriq. Imagjinoni të flirtosh me Blendi Fejvziun!!! Ajo ishte hera e fundit që e lashë veten të ekspozohesha me të në publik.

Cdo rol si figurante nëpër filma e prezanton si arritje të sukseshme kinematografike. Ndërkohë nuk kupton që dhe dhjetë minuta rol të kesh, nuk të bën as artiste, as të famshme, për më tepër kur bëhet fjalë për filma të dorës së tretë. Nderkaq, ka mbi dhjete vjet qe j’u thotë të gjitheve se po bën album…por album s’ka. Kjo e fundit normalisht duhet të ishte karriera e saj si këngëtare, por këngëtare nuk është.

Si përfundim, ngado që ta shohësh, të konkludon si një figurë aspak e pastër, me të ardhura të dyshimta, me njohje që ngrejnë shumë pikëpyetje.

I kam shkruar këto me lart se një pyetje kam që si gjej dot akoma përgjigje:

Cfarë e lidh Richard Grenell me një figure kaq të dyshimtë dhe ordinere, dhe pse është Grenell në Tiranë duke takuar bisnesmen të korruptuar nëpërmjet kësaj?

Si mund të shkosh nga një personazh i nje fushate presidenciale dhe kandidat potencial për Sekretar Shteti, në një rutinë ku prezantohesh me bisnesmen e oligarkë të korruptuar nëpërmjet një individi që fare mirë mund të ishte një ‘Call Girl’?

Do ja kisha bere pyetjen vet Grenellit, por e di qe s’do ti marre seriozisht keto qe po them me lart, sepse ne rradhe te pare, nuk do t’i besonte si te verteta – por publiku shqiptar e njeh mire kete personazh dhe e di kredibilitetin tim. Fakti eshte qe keto qe shkruaj jane te bazuar ne cdo gje qe ajo me ka thene vet. Personalisht kam pasur shume dyshime per te, por dhe nje terheqje qe ne fillim, sepse agresiviteti i saj per te rregulluar reputacionin dhe pozicionin e saj social duke shfrytezuar individ si une dhe njohjet e mia, e kthenin ne nje monster te cuditshme dhe te frikshme. Kete eksperience e kane patur dhe shqiptare te tjere te diaspores, madje, nje mik i vjeter me kishte thene t’i rrija larg.  

Fakti mbetet qe kjo bashke me nje Eduart Dedaj, i dhane nje dekorate Grenellit, ne emer te….vetes se tyre!!

Ndërkohë që dekorata nuk kishte asnjë kuptim apo vlere, Grenelli po e keqkutonte sikur ishte diaspora shqiptare qe po ja jepte, dhe u mundova t’ja shpjegoja që këta s’jane diaspore, por një organizate që po mundohet te bej para duke sjellur disa këngëtare nga Tirana. 

Gjithsesi, Andi Bushati ka qenë i vetmi që ka komentuar këtë dekoratë dhe i ka rënë kokes. Ajo që duhet ta kisha thenë në atë kohë, ishte se jam munduar ta evitoj këtë dekorate, pikërisht për arsyet që Andi Bushati shpjegoj në videon e tij.

 Madje, me shume delikatese i kam thënë Eduart Dedajt (qe nuk e njihja hic por mendoja sidomos si i veriut do e kuptoj cfare i them për Kosovën), që Grenell ndihmon shumë Serbët dhe ka sulmuar pa fund shqiptarët e Kosovës, dhe nuk mund ti japim asnjë dekoratë ne si Shqiptarë.

Eduart ‘patrioti’ nëpërmjet kabaretistes, të cilës i duhej Grenell në krahë për ti ngritur reputacionin, shkuan dhe i thanë Grenellit qe “Evi thote ti punon per Serbet”. Jo se nuk ja kam then troc shumë herë, por kur të vjen nga dikush që pretendon se flet në emër të diasporës, të duken gjërat ndryshe.

Nejse, si një Republikane qe jam akoma e mpleksur me fushatën e Trump, dhe për më tepër si delegate e shtetit te Neë Yorkut, që do të thotë – kam të drejtën e votes ditën e zgjedhjeve, e kam të pamundur mos ngrej pikëpyetje mbi mpleksjen e Richard Grenell me një figure kaq të errët sa kjo ‘artistja’ e Hollyëoodit.

Sa për Serbinë, kjo tashmë është vertetur qe Grenell varej nga Vucic per miratimin e dy ndertesave qe Jared & Ivanka moren ne Beograd. Cmimi i kullave dhe tokes që morren ështe diku tek $150 millionshi, keshtu qe qartazi, Grenell do behej urë për Vucicin.

Fatkeqësia mbetet për ne qe e kemi mbrojtur pa fund dhe me naivitet nuk e mendonim kurrë që individ prane Trumpit do ishin kaq te korruptuar.

Nese dikush ka nje pergjigje per lidhjet e Grenellit me bisnesmenet e kesaj goces, ju lutem me thoni. Është një përgjigje që e kam të nevojshme për t’ja u shpjeguar këtyre të fushatës se cfarë po ndodh në Shqipëri me aferet e këtyre.

Si përfundim, me lejoni t’ju them një gjë: Richard Grenell është pa frikë Charles McGonigal ne steroids. Ndërsa Jared & Ivanka, janë Hunter Biden në steroids. Ne fakt, korrupsioni i Hunter nuk krahasohet fare me këta të anës sonë. Këta kalojnë çdo cak dhe Hunter Biden është amator përpara këtyre.

The post Kokalari denigron Bleonën: Figurë ordinere! Çfarë e lidh atë me Richard Grenell? appeared first on Albeu.com.

Një film nga regjisori Jesse V Johnson, premiera e të cilit u mbajt dy ditë më parë, (3 maj).

Filmi flet për një ish-agjent të FBI-së bota e të cilit shembet pasi gruaja e tij vdes në një aksident. Pas marrjes së informacionit të fshehtë se vdekja e gruas së tij mund të mos kishte qenë një aksident, ai kthehet në botën e fshehtë të Evropës Lindore, duke u bashkuar me një ish-kundërshtar për të zbuluar një komplot që sfidon gjithçka që ai mendonte se dinte për gruan e tij.

Ajo ka publikuar trailerin në profilin e saj në Instagram dhe në një moment Bleona dëgjohet që të flasë në gjuhën shqipe.

“Mezi pres që të gjithë të shkoni për ta parë”, shkruan Bleona.

View this post on Instagram

A post shared by B L E O N A (@bleona)

The post Bleona Qerreti, pjesë e filmit hollivudian, flet shqip para gjithë botës appeared first on Albeu.com.

Bleona ka postuar një foto të saj në Instagram dhe ka theksuar se pavarësisht dashurisë për Shqipërinë, ajo është qytetare amerikane prandaj nëse do të punonte për një qeveri, do të ishte vetëm për qeverinë e Shteteve të Bashkuara të Amerikës.

“Edhe pse kam lindur në Shqipëri, unë jam qytetare amerikane! E dua Shqipërinë por jam besnike ndaj Shteteve të Bashkuara të Amerikës – vendit tim! Nëse do të punoja ndonjëherë për një qeveri, do të punoja vetëm për qeverinë e Shteteve të Bashkuara të Amerikës!”, shkruan Bleona. /albeu.com/

 

View this post on Instagram

 

A post shared by B L E O N A (@bleona)

 

View this post on Instagram

 

A post shared by B L E O N A (@bleona)

The post I doli emri te lista e PD-së, reagon Bleona dhe përmend SHBA appeared first on Albeu.com.