Sekretari i Përgjithshëm i PS, Blendi Klosi, deklaroi se asambleja e kësaj force politike do të zhvillohet në 21 mars.

Pas mbledhjes së Kryesisë së PS në selinë rozë, Klosi u shpreh se do të ketë zgjedhje brenda partisë dhe sipas tij, ky proces është për të rifreskuar dhe forcuar strukturat.

Blendi Klosi: “Do të kërkojë proces zgjedhor dhe do fillojë me zgjedhjet e kryetarëve të organizatave, forumeve të PS. Është proces i riforcimit të strukturës së PS. Do përfshijë të gjithë forumet e PS, do shtrihet në çdo qelizë. Në mbledhjen e datës 21, do kemi diskutime për përfshirje të anëtarëve të asamblesë. Gjithmonë ka kërkuar rifreskim. Statuti përcakton, zgjedhjet në forumin lokal të partisë, do kemi zgjedhje të organizatave, të drejtuesve të PS”, deklaroi Klosi.

The post Përfundon mbledhja e Kryesisë së PS, Blendi Klosi zbardh detaje: Zgjedhje në parti, forcojmë strukturat appeared first on Albeu.com.

Vjeshta nuk do të jete vetëm stina e krijimit të qeverisë së re, por edhe stina e një procesi të dytë zgjedhor.

Qytetarët e Matit, Beratit dhe Tepelenës, do të thirren për herë të dytë para kutive të votimit, për të zgjedhur kryebashkiakët e rinj, pasi të vjetrit u bënë deputetë.

“Të tre bashkitë padyshim duhet të shkojnë në zgjedhje edhe besoj periudha e përcaktuar në kod pra vjeshta, është periudha e përshtatshme për ta kryer këtë proces”, tha Klosi.

Ende pa u vulosur vota e 11 majit, Partia Socialiste, është në përgatitje të garës së dytë elektorale për 2025-ën.

Të njëjtën gjë nuk mund të themi për Partinë Demokratike, që është në betejë për të vërtetuar se zgjedhjet parlamentare ishin një farsë elektorale.

“Tre bashkitë të cilat janë në garë pas dorëheqjes së tre kryetarëve, janë në planet organizative të PS-ës dhe shkojmë për t’i fituar të treja bashkitë.

Kemi filluar, të paktën në Mat për përzgjedhjen e kandidaturave, për rifreskimin e strukturës elektorale, por besoj edhe Berati dhe Tepelena.

Pasi të shpallet data nga presidenti ne do të jemi të gatshëm të garojmë dhe t’i fitojmë të treja bashkitë”, deklaroi Klosi.

The post Partia Socialiste nis përgatitjet/ Zgjedhje të reja në tre Bashki në vjeshtë, Blendi Klosi: Synojmë t’i fitojmë të gjitha appeared first on Albeu.com.

Sekretar i Përgjithshëm i PS, Blendi Klosi publikoi emrat e anëtarë të rinj të Kryesisë të Partisë Socialiste, nga të cilët 5 janë burra dhe 5 të tjerë gra.

“Ky është një proces votimi në Asamblenë Kombëtare. Procesi ka filluar me zgjedhjen e delegatëve të Kongresit dhe pastaj me forumet e organiztave socialiste. Janë zgjedhur 5200 bashkëkryetarë të 5200 organizatave.

Delegatët e Kongresit zgjodhën anëtarët e Asamblesë Kombëtare që ishin 156 anëtarë që në masën 85% ishin anëtarë të rinj, pra 135 që uleshin për herë të parë në Asamble. Asambleja e sotme pas propozimeve të kryetarit, votoi për sekretariatin e PS dhe anëtarët e Kryesisë së PS”, tha Klosi.

Anëtarët e rinj të Kryesisë janë:

• Albana Kociu,
• Anila Denaj,
• Etilda Gjonaj,
• Klodiana Spahiu,
• Lindita Nikolla,
• Arben Pëllumbi,
• Erion Brace,
• Eduart Shalsi,
• Igli Hasani
• Toni Gogu.

The post Vendimet e Asamblesë së PS/ Klosi publikon emrat e anëtarëve të rinj të Kryesisë appeared first on Albeu.com.

“Në ndryshimet e bëra në Kod është sanksionuar vota e emigrantëve. Vizita e Ramës në Athinë ka të bëjë edhe me këtë dimension, për kontaktet me diasporën për të pasur një rienergizim të marrëdhënieve të emigrantëve me shtetin shqiptar dhe ftesën për duhet bërë aty që të jenë pjesë e vizionit të PS dhe Ramës për Shqipërinë e vitit 2030.

Kemi vullnet për votën e emigrantëve, mazhoranca e ka shprehur një gjë të tillë. Kjo është një votë që ka nevojë për një procedurë standarde dhe një debat mbi mënyrën se si do të realizohet. Jemi të dëshiruar për një gjë të tillë. Sa i përket drejtësisë, kushdo që është kërkuar të japë informacion para drejtësisë, nuk ka pasur kurrë pengesë nga PS dhe Rama. Ky është realizim i premtimit për një drejtësi të pavarur”, tha ai.

The post Vota e emigrantëve/ Blendi Klosi: Mazhoranca ka vullnet, arsyeja e vërtetë e vizitës së Ramës në Athinë është… appeared first on Albeu.com.

“Së bashku me koordinatorin politik të qarkut Niko Peleshi patëm një takim të këshillit organizativ të qarkut Korçë për të strukturuar gjithë punën që partia socialiste po bën tani në fazën e 3 të rienergjizimit të saj. Në datën 10-11 të muajit tjetër ne kemi një proces të rëndësishëm, votimet një anëtarë një votë. Ne këto data gjithë anëtarësia e partisë do të thirret për të zgjedhur delegatët e kongresit të jashtëzakonshëm të partisë i cili do të jetë një kongres zgjedhor dhe nga i cili do të dali dhe asambleja kombëtare e PS. Në këtë proces janë angazhuar të 5200 organizatat socialiste në të gjithë Shqipërinë, janë propozuar një numër i konsiderueshëm delegatësh për kongresin e ri të partisë duke e zbatuar kriteret që kemi të vendosura në statut dhe vendimmarrjet që janë në forumet me të larta drejtuese, ku numri i delegatëve do të jetë i barabartë ku do të kemi numër të barabartë shokësh dhe shoqesh në kongresin e ri të PS. Do kemi një numër të konsiderueshëm të anëtarësh të rinj kandidatësh për të zgjedhur delegatë të kongresit. Dhe kërkesa e vazhdueshme në listat e kandidatëve për të zgjedhur delegatë të kongresit, ku mbi 3/4 e tyre të jenë të rinj. Ajo frymë e cila u evidentua gjatë gjithë procesit të anëtarësimit ku anëtarësuam më shumë se 30 mijë anëtarë të rinj në harkun kohor të vetëm 2 muajve, por çfarë evidentuam pas zgjedhjeve të kryetarëve të rinj të organizatave duhet evidentohet edhe në kongresin e ri të partisë. Ku një numër i konsiderueshëm i anëtarëve të këtij kongresi do të jenë delegatë për herë të parë pra përfaqësimin e kësaj fryme të re që PS ka realizuar nëpërmjet procesit në të gjithë vendin”, tha ai.

Takimet të cilat do të zhvillohen në 4 qytete duke filluar nga Athina, Milano, Londër dhe Mynih, Klosi sqaroi se në fokus do të jetë rienergjizimi i partisë dhe angazhimi i diasporës për “Shqipërinë 2030”, që është kthyer tashmë në një slogan të socialistëve.

The post Takimet me diasporën, Blendi Klosi: Fokusi tek rienergjizimi i PS! Nisim nga Athina më 12 maj appeared first on Albeu.com.

Klosi tha  me Ramën PS-ja është shumë e fortë dhe shtoi se kundërshtarët duken shumë të dobët edhe në koalicion.

The post “Me Edi Ramën jemi shumë të fortë”, Klosi ironizon opozitën: Edhe në koalicion janë të shkërmoqur appeared first on Albeu.com.

Damian Gjiknuri nuk do të jetë më Sekretar i Përgjithshëm i Partisë Socialiste. Në vend të tij kryeministri Edi Rama ka emëruar Blendi Klosin.

Kujtojmë se më herët, ish-ministri i Brendshëm Bledi Çuçi u zgjodh kreu i Grupit Parlamentar.

Këtë post e ka mbajtur ministri aktual i Brendshëm Taulant Balla./albeu.com

The post Damian Gjiknuri jo më Sekretar i Përgjithshëm i PS, kush e zëvendëson appeared first on Albeu.com.

Rivaliteti mes deputetëve ishte për bashkitë e Vlorës dhe Selenicës. Në Vlorë, Sinaj ishte për një kandidat lokal, kurse Klosi mbështeste Ermal Dredhën. Në fund fitoi Dredha.

Sa i përket Selenicës, Sina mbështeste Nertil Bellain, kurse Klosi donte Dhimitër Kapajn.

Në Selenisë fitoi Sinaj, kurse Klosi në Vlorë.

Klosi fitoi edhe në Sarandë duke vendosur atje Oltion Ccaccin edhe pse pati shumë rezistencë nga Adrian Gurma dhe baza e PS. /albeu.com

The post KANDIDATËT/ Klosi fiton 2-1 ndaj Sinajt në qarkun e Vlorës, kush mori çfarë appeared first on Albeu.com.

Në një pjesë të bashkive thuajse janë caktuar kandidatët, siç është për shembull Tirana, Kukësi, Shkodra, etj., ndërkohë që ka ende zona të nxehta, siç është rasti i Sarandës.

Burime të AlbEu.com bëjnë me dije se mbledhja e fundit në Sarandë është shoqëruar me debate mes të pranishmëve, të cilët mbështesnin kandidatura të ndryshme. Burime bëjnë me dije se kryebashkiaku aktual, Adrian Gurma ka organizuar një grup për të kundërshtuar të dërguarin e PS-së për Sarandën, Blendi Klosi.

Ky i fundit është në mbështetje të kandidaturës së Oltion Çaçit, një biznesmeni në sektorin e turizmit, ndërkohë që grupi tjetër është pozicionuar në krah të Gurmës.

Mbetet për t’u parë se cili do të jetë vendimi i marrë nga kryesia e PS-së duke ditur edhe se elektorati socialist është i bindur ndaj vendimit të partisë, cilido qoftë ai. /albeu.com

The post EMRAT/ Sherr mes socialistëve në Sarandë, Gurma organizon grupin kundër Klosit: Kush do të jetë kandidati i PS appeared first on Albeu.com.

Sipas burimeve për albeu.com, mësohet se drejtues politik për qarkun e Vlorës është zgjedhur Blendi Klosi.

Klosi ka zëvendësuar kështu Arben Ahmetajn, i cili “zhvishet” nga të gjitha postet që kishte në PS.

Ndërsa, drejtues politik për qarkun e Shkodrës është zgjedhur Elisa Spiropali kurse në Kukës është vendosur Pandeli Majko./albeu.com/

The post Rama e vendos: Kush janë drejtuesit e rinj politik të qarkut të Vlorës, Shkodrës dhe Kukësit appeared first on Albeu.com.