Ai tha se vendimi do të ketë efekt nga muaji aktual i këtij viti, ndërsa shtoi se ky vendim garanton një skemë më të drejtë të shpërblimeve për sportet me disa disiplina.

Rritje të shpërblimit do të ketë edhe për trajnerët e sportistëve elitarë.

“E para është miratimi i një vendimi qeverie që rrit ndjeshëm mbështetjen për shpërblimet për sportistët elitarë dhe trajnerët e tyre. Është një vendim që garanton një skemë më të drejtë të shpërblimeve për sportet me disa disiplina dhe se do të ketë efekt nga muaji prill 2026. Rritet në 75% masa e shpërblimit mbështetja për sportet jo olimpike. Rritet me 25% e masës së shpërblimit për trajnerët e sportisteve elitarë. Rritet me 43% trajtimi ushqimor ditor për sportistët elitarë. Ishte 3500 lekë mbështetja në ditë dhe shkon 5000 lekë në ditë”, tha ministri.

Kemi një rritje deri në 65% për stile të veçanta dhe kemi rritje deri në 100% për rezultatin përfundimtar. Kjo është në ato raste kur kemi gara apo sporte që kanë edhe stile të veçanta.

Në total, shpërblimi mund të shkojë në rast se del në rezultatet më të larta sipas skemës deri në 230%.

Ka një rritje deri në 200% ose trefishim për disa kategori rezultatesh në kampionate evropiane. Ka një rritje mesatare në 50 deri në 100% në përgjithësi për të gjitha rezultat e tjera. Ka një rritje 100%, ose dyfishim për kategori lojërash olimpike dhe kampionate botërore me rritje për gara mesdhetare dhe ato ballkanike”, tha ministri Blendi Gonxhja.

The post Rriten shpërblimet për sportistët elitarë/ Ministri Blendi Gonxhja prezanton skemën e re: Ja sa do të jetë mbështetja financiare dhe kush përfiton appeared first on Albeu.com.

Gonxhja thekson se ndërhyrja në këtë monument unik do të ruajë historinë, duke përmirësuar përvojën e vizitorëve.

Ministri ka bërë me dije detaje nga ky projekt i cili parashikon konservimin dhe stabilizimin e strukturave, restaurimin e xhamisë brenda kalasë dhe krijimin e elementëve të rinj arkitektonikë si monopate, panele interpretuese, platformë vëzhgimi dhe ndriçim artistik, duke i dhënë Kalasë së Borshit ndriçim edhe në mbrëmje.

Projekti financohet nga Banka Botërore dhe do të zbatohet nga Fondi Shqiptar i Zhvillimit, në bashkëpunim me MTKS dhe Bashkinë Himarë.

Kalaja e Borshit, ndodhet 500 metra mbi nivelin e detit dhe daton rreth shekullit IV-III p.k.

Kodra e Sopotit, mbi të cilën ngrihet Kalaja e Borshit, gjendet në veri të fshatit Borsh dhe në perëndim të Fterrës.

Borshi, vetëm 17 kilometra nga Himara, ka vijën bregdetare më të gjatë të Jonit dhe është një paketë e mrekullueshme turistike ku ndërthuret, natyra, plazhi dhe historia.

The post Blendi Gonxhja: Së shpejti nisin ndërhyrjet në Kalanë e Borshit, nga restaurimi i xhamisë deri te ndriçimi appeared first on Albeu.com.