Sipas raportimeve, Nallbati është përfshirë në momentet e përplasjes me efektivët e FNSH-së, ku dyshohet se është goditur dhe ndaj tij është përdorur edhe spraj në fytyrë. Menjëherë pas incidentit, ai është shoqëruar drejt Urgjencës së Spitalit të Traumës nga drejtues të Partisë Demokratike, Gazment Bardhi dhe Albana Vokshi.

Ka qenë vetë deputetja Albana Vokshi ajo që ka dhënë detaje mbi gjendjen shëndetësore të tij. Sipas saj, Nallbati ka pësuar një goditje në kokë gjatë momentit kur po ndihmonte qytetarët në protestë.

“Ka një goditje në kokë. Ishte duke ndihmuar një qytetar, kur policia e ka goditur në kokë. Aktualisht është duke u trajtuar, po i bëjnë larje të syve dhe të fytyrës për shkak të djegies nga spraji, si dhe po i nënshtrohet një skaneri”, është shprehur Vokshi.

Ndërkohë, pas përfundimit të protestës, në Spitalin e Traumës ka shkuar edhe kreu i Partisë Demokratike, Sali Berisha, për t’u interesuar nga afër për gjendjen shëndetësore të deputetit.

The post U qëllua me shkopa gome pas koke dhe iu hodh spraj në fytyrë, Bledion Nallbati në gjendje të rëndë te Trauma, Sali Berisha niset me urgjencë appeared first on Albeu.com.

Ende nuk dihen arsyet pse deputeti demokrat është paraqitur në SPAK.

Deputeti demokrat, ka përshëndetur gazetarët dhe operatorët ndërsa shfaqet i buzëqeshur.

Kujtojmë që edhe më parë, Nallbati është paraqitur në Prokurorinë e Posaçm, pas një përplasje që pati me deputetin socialist Vullnet Sinaj, ngjarje e ndodhur dy vite më parë.

The post Deputeti i Partisë Demokratike, Bledion Nallbati paraqitet në SPAK appeared first on Albeu.com.

Për mediat, Nallbati thotë se mban përgjegjësi dhe thekson se duhet të qëndronte i matur duke e kondiseruar si provokim ngjarjen e ndodhur mbrëmjen e djeshme rreth orës 19:00.

“Ditën e djeshme, rreth orës 21:00, ka ndodhur një incident që më ka përfshirë mua, vëllain tim dhe një mjet të tonazhit të rëndë. Pranoj me përgjegjësi të plotë që duhet të qëndroja me maturi ndaj këtyre lloj provokimeve, megjithatë, jam njeri para se të jem politikan. Dënojmë çdo lloj forme dhune, verbale apo fizike, pavarësisht se u përfshimë në një incident pa dëshirën tonë. E vërteta transformohet sipas interesit publik të momentit. Keni parë video të pjesshme, jo të plota’’, ka thënë ai.

Ndërkohë, kandidati për deputet sqaron se nuk ishin ata që i zunë rrugën kamionit, ndërsa shpjegon se ishin duke udhëtuar nga Kapshtica. Gjithashtu, në reagimin e tij, ka shprehur se ka tentuar ta shmangte por ishte nën emocionet pasi sipas tij shoferi e kishte sharë.

’’Nuk është e vërtetë që unë apo vëllai im i kemi prerë rrugën kamionit. Po udhëtonim nga Kapshtica drejt qytetit, dhe në rrethrrotullim është hapur një gropë, të cilën këta pushtetarë që keqinformojnë ngjarjen nuk e riparojnë. Mjeti im uli shpejtësinë, ndërsa kamioni ishte pas me shpejtësi dhe mund të pësonim aksident. Në këto kushte ndaluam, dhe doli vëllai im që ishte shofer, e pas tij unë. Kam tentuar shumë herë të shmang këtë konflikt, edhe pse isha nën emocionet e një përplasjeje të mundshme dhe të rrezikshme. Edhe shoferi, padiskutim, pati një reagim jo të duhur, duke sharë mua dhe vëllain tim. Emocioni ndonjëherë prevalon mbi arsyen, por jam njeri. Nuk i përkas racës së njerëzve si Niko Peleshi e të tjerë që janë marrë me këtë çështje”, tha ai.

Ndërkohë, shpreh se kamerat filmike duhet të hetohen nga SPAK, pasi sipas tij janë devijuar informacionet.

“Këta nuk cenohen në dinjitetin e tyre e të familjes, mjafton karrigia e pushtetit që të vjedhin paratë e qytetarëve. Ftoj SPAK të marrë pamjet e tjera filmike për të parë çfarë ka ndodhur në mënyrë të qartë. Telefonuam policinë e komisariatit për të sqaruar një ngjarje që mund të kishte patur pasoja, por edhe për konfliktin. Policia, në vend që të qartësonte situatën, edhe pse vëllai im dhe shoferi u shoqëruan dhe deklaruan që ishte konflikt momental dhe keqkuptim, madje firmosën deklaratat se nuk kishin asnjë problem me njëri-tjetrin, veproi me urdhër personal të Niko Peleshit, i cili ka komunikuar me drejtuesit e policisë së qarkut të Korçës. Për çfarë komunikoi Peleshi me drejtorin e Policisë?

Cila ishte arsyeja që kjo ngjarje u transferua me forcë në komisariatin e Korçës, dhe me prezencën e vetë drejtorit të policisë u ngrit një akuzë e falsifikuar? Në pamjet filmike, edhe pse mjetet ndaluan, vepra penale ekziston kur largohesh nga vendi i ngjarjes. Si mund të largohej mjeti kur kishte një aksident të mundshëm dhe ne kishim telefonuar policinë? Mjetet e tjera vazhdonin të kalonin. Të tria akuzat nuk qëndrojnë. Kam informacion që duhet ta verifikoni ju dhe ftoj edhe SPAK-un: dje, drejtori i Policisë është thirrur dhe ka pezulluar shefin e komisariatit dhe shefin e krimeve”, tha ai.

Policia e Korçës ka arrestuar vëllain e deputetit të PD, Bledion Nallbati, Alti Nallbati pas ngjarjes së paprecedentë të ndodhur mbrëmjen e djeshme ku dhunojnë shoferin e një kamioni.

Bledioni dhe i vëllai i njohur me nofkën “Duçja”, janë konfliktuar me shoferin e një kamioni, shtetasin S.D., për motive ende të paqarta.

Ngjarja e rëndë ka ndodhur në afërsi të rrethrrotullimit të Mirasit në qytetin e Bilishtit, ndërsa përmes pamjeve filmike të kamerave shihet se si deputeti i PD dhe vëllai i tij dalin nga makina dhe sulmojnë shoferin e kamionit, duke tentuar ta nxjerrin nga mjeti, më pas edhe e godasin me grusht.

Fillimisht Nallbati përpiqet të ndalojë sherrin, por më pas u përfshi vetë duke sulmuar shoferin e trajlerit. Në vendngjarje janë mbledhur edhe persona të tjerë të rastësishëm.

The post “Njeri jam dhe unë”, dhunoi shoferin e kamionit bashkë me vëllain e tij, reagon Bledion Nallbati: Ftoj SPAK të marrë kamerat filmike appeared first on Albeu.com.

Pas daljes së tij nga SPAK, Nallbati tha për mediat se nuk kishte qëlluar asnjë person.

“Nuk kam qëlluar njëri, shkova të merrja kartën dhe atje shtymë njëri-tjetrin”, tha Nallbati.

“Më tërhoqi dhe e tërhoqa. Në parlament ndodhin gjëra më të turpshme se kaq. Në parlament po vidhen çdo ditë qytetarët”, deklaroi ndër të tjera ai.

Nallbati është kallëzuar nga Partia Socialistë për dhunë ndaj deputetit Vullnet Sinaj, pasi u konfliktua me të në Kuvend.

Elvin Gogaj është prokurori që po heton çështjen.

Ai ka urdhëruar sekuestrimin pamjeve për të parë dinamikën se si ka ndodhur konflikti mes dy deputetëve./albeu.com

The post U padit nga PS, Nallbati në SPAK: Nuk qëllova njeri, në Parlament ndodhin gjëra më të turpshme! appeared first on Albeu.com.

Në seancën parlamentare të 30 tetorit, Nallbati tentoi të qëllonte me grusht socialistin, Vullnet Sina.

View this post on Instagram

A post shared by Albeu.com (@albeucom)

Pas kësaj, Grupi i PS-së kallëzoi penalisht deputetin e opozitës.

Kreu i Grupit Parlamentar, Bledi Çuçi njoftoi se ka firmosur kallëzimin penal për Bledion Nallbatin në emër të Grupit të PS-së.

Nallbati akuzohet për dhunë fizike të ushtruar në seancën e fundit ndaj deputetit Vullnet Sina, shkruan Çuçi.

“Qëndrimi ynë është i qartë. Nuk do te tolerojmë asnjë akt dhune dhe refuzojmë këdo që e konsideron dhunën si mundësi për të shprehur mospajtimin”, theksoi ai.

/albeu.com

The post Goditi me grusht Vullnet Sinën gjatë seancës parlamentare, Bledion Nallbati në SPAK appeared first on Albeu.com.