Vetëm pak ditë më parë, periferia e Antwerp-it, Borgerhout, u trondit nga një shpërthim rreth orës 4 të mëngjesit.

Ky ishte sulmi i tretë brenda javës, duke shkaktuar dëme të konsiderueshme në pjesën e përparme të shtëpisë së synuar.

Policia, Sedee Dovo, shërbimi ushtarak belg për asgjësimin e bombave u thirr në vendngjarje: rruga, Ledeganckstraat, u mbyll. Pajisja shpërthyese, e cila dukej se kishte shënjestruar bodrumin e pronës, raportohet se ishte një pajisje e thjeshtë shpërthyese tradicionale e improvizuar e bazuar në fishekzjarre, ose IED në gjuhën ushtarake.

Në fillim të së njëjtës javë, një ndërtesë apartamentesh në Generaal de Wetstraat, gjithashtu në Borgerhout, u vu në shënjestër për dy netë me radhë. Sulmet mund të lidhen me rivalitetin e bandave: Antwerp është një qendër kryesore për kontrabandën ndërkombëtare të kokainës.

“Kjo është më frikësuese për njerëzit e Borgerhout. Ata kanë filluar të ndihen të pasigurt në shtëpitë e tyre dhe në rrugët e tyre …. E gjithë qasja ndaj problemit të drogës kërkon një mendim serioz … Unë kryesisht shoh atë që po ndodh në lagje dhe shoh frikën tek fqinjët e mi dhe në veten time. Mendoj se është e nevojshme të punohet me policinë që është e arritshme; oficeri i policisë nga e kaluara, i cili e njeh lagjen nga e para dhe që është në rrugë me biçikletë ose në këmbë, është hequr gradualisht”, thotë kryebashkiakja Marij Preneel.

Pjesa më e madhe e kokainës që trafikohet përmes Antwerp-it besohet se vjen nga Kolumbia. Megjithatë, shqiptarët besohet se janë transportuesit dhe është e qartë se lufta kundër drogës është ndezur.

Në shkurt të këtij viti, një shqiptar me një pasaportë të falsifikuar britanike u qëllua për vdekje jashtë shtëpisë së tij në Antwerp, mes një beteje të përgjakshme për menaxhimin e tregtisë fitimprurëse të drogës në metropolin belg, e cila e ka shndërruar atë në kryeqytetin europian të kokainës.

Beldar Muça, u qëllua gjashtë herë teksa kthehej në banesën e tij të shtunën në mbrëmje, pak metra larg një stacioni policie, nga dy vrasës, me autoritetet që deklaruan se ajo kishte të gjitha shenjat dalluese të një vrasjeje me porosi.

Muça, 39 vjeç është filmuar në vitin 2016 duke tundur një pistoletë dhe duke qëlluar ndaj policisë dhe oficerëve. Ai kishte qenë në Antëerp për herë të parë që nga viti 2014 duke punuar si një anëtar kyç i një bande shqiptare që vepronte brenda portit, e cila është shfaqur për shkak se epiqendra e kokainës kontrabandohej në Britani dhe në pjesën tjetër të Europës nga Amerika e Jugut.

I njohur historikisht për blerjen dhe shitjen e diamanteve, Antwerp thuhet se tani po pushtohet nga gangsterët shqiptarë me rrugët e qytetit të mbushura me para e me policinë që po zhvillon një betejë të humbur që në fillim.

The post Përplasja për kokainën mes grupeve shqiptare “trazon” qytetin belg ku u ekzekutua Bledar Muça appeared first on Albeu.com.

Lala tha se Dumani kishte folur për vrasje të ndodhura në Belgjikë dhe shtoi se nëse SPAK do të hetojë deri në fund të dhënat, mund të ketë një pistë që të çondrejt rangjeve të larta të politikës shqiptare.

Lala: Nuredin Dumani është një vrasës gjakftohtë nuk ka kursyer askënd që i ka dalë përpara dhe ka marrë porosi dhe ka vrarë përfshirë dhe gra, pavarësisht se përpiqet të justifikohet. Patjetër që duke qenë i pajtuar nga grupe të ndryshme kriminale si në Elbasan, Durrës, Tiranë, Shkodër, Lezhë, bëhet fjalë për qytete ku krimi gëlon, padiskutim që mund të ketë informacione. Mbetet në nivelin e mesëm.

Në rastin e Skerdilajd Konomit, fakti që është bërë shpërthim me tritol është shumë e vështirë të gjenden prova në vendin e ngjarjes, por nëse hetohet në harmoni me ngjarje të tjera të rënda që kanë tronditur më pas qytetin e Durrësit, siç është rasti i Eison Harizajt, mund të ketë prova që mund të çojnë në zbardhjen e këtij krimi.

SPAK do duhet ta ketë Dumanin si çelësin më të rëndësishëm në dorën e saj. Dumani flet për 2 emra konkretë në botën e krimit, Arjan Spahiu që njihet si Arjani i Vogël, i cili është vrarë në Belgjikë dhe pas tij është vrarë në Belgjikë një prej njerëzve më të afërt të grupit Çapja, Bledar Muça. Autoritetet belge kanë arritur të zbërthejnë telefonat e këtyre personazheve. Nëse do të kryqëzohen të dhënat SPAK ka mundësinë e artë të hapë kasafortën dhe të shkojë deri në rangjet e larta të politikës.
Në momentin që preken rangje të rëndësishme të politikës dhe jeta e prokurorit mund të jetë e rrezikuar.

Ndaj edhe Nuredin Dumani është një çelës dhe jo një armë. Mendoj që prokurorët e SPAK, kanë në duar mundësinë e tyre të artë jo vetëm për të goditur krimin e organizuar dhe për të shkëputur lidhjen me politikën por edhe për një mundësi më të mirë për vendin. Konfirmoj që Dumani ka folur për emra të caktuar të politikës dhe do të jem e kujdesshme për të qenë e balancuar. Sot ka një tendencë për zhvlerësuar dëshmitë e Nuredin Dumanit.

The post “Dumani ka folur për dy persona që u vranë në Belgjikë”, gazetarja: Nëse SPAK kryqëzon të dhënat arrin deri në rangjet e larta të politikës shqiptare appeared first on Albeu.com.

Gjithashtu është dhe dëshmia e mikut të tij, Hekrik Hoxha i cili tha se do ta kryenin bashkë vrasjen, dhe se Nuredini kishte çuar njerëz për të marrë informacion mbi lëvizjet e tij. Ai gjithashtu shprehet se vrasjen do ta kryente ai dhe se nuk e dinte arsyen e kryerjes së vrasjes.

Pjesë nga dosja:

Lidhur me faktin penal të sigurimit të kushteve dhe mjeteve materiale për vrasjen e shtetasit Sokol Sanxhaktari.

Lidhur me këtë fakt janë marrë deklarimet e shtetasit Nuredin Dumani i cili ka shpjeguar se i është kërkuar nga shtetasit Florenc Çapja, Vis Korçari, Bledar Muça dhe Eljo Bitri, që të godiste shtetasin Sokol Sanxhaktari për një shumë prej 200,000 euro, pasi ai ishte lidhje e Suel Çelës. Në lidhje me këtë fakt penal bashkëpunëtori i drejtësisë Henrik Hoxhaj i cili ndër të tjera ka shpjeguar se: Në lidhje me shtetasin Sokol Sanxhaktari unë kam biseduar me Nuredinin në kohën kur ishim tek shtëpia e tij para vrasjes së vëllezërve Haxhia. Gjatë një bisede Nuredini më tha se kishte marrë një ofertë për vrasjen e shtetasit Sokol Sanxhaktari që ishte dhëndri i kryebashkiakut të Elbasanit Qazim Sejdini. E lamë për të takuar shtetasin Bled Muça pasi Nuredini e kishte marrë porosinë prej këtij shtetasi. Takimi me Bledin nuk u realizua pasi u realizua vrasja e vëllezërve Haxhia. Në lidhje me përgatitjen për vrasjen e Sokolit, Nuredini kishte çuar njerëz për të marrë informacion mbi lëvizjet e tij dhe kishte mësuar se Sokoli dilte në mëngjes ose mbasdite i shoqëruar nga një person i armatosur, me makinë që të dy. Për ta takuar Bled Muçën do shkonim të dy kurse për ta bërë punën do ta bëja unë sepse nuk doja që lekët të ndaheshin me persona të tjerë. Ai që do të përdorej si shofer në vrasje do të ishte dhe informatori për lëvizjet e Sokolit. Unë do të merrja 150.000 euro ndërsa shoferi 50.000 euro. Kjo shumë më është thënë mua nga ana e Nuredinit. Nuk e di arsyen se përse do të kryhej vrasja. Unë nuk kam kryer asnjë takim me asnjë person përveç se me Nuredinin.

Prokuroria në kërkesën e paraqitur arsyeton se: Tërësia e këtyre provave krijon dyshimin se shtetasit Nuredin Dumani, Florenc Çapja, Eljo Bitri, Vis Korçari dhe Bledar Muça (aktualisht i vdekur), kanë konsumuar elementë të veprave penale të  “Sigurimi i kushteve dhe i mjeteve materiale për të kryer vrasje”, në dëm të shtetasit Sokol Sanxhaktari, kryer në bashkëpunimin e posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 80, 28/4, 333/a/1, 334 të Kodit Penal.

Akuzat që rëndojnë mbi  Nuredin Dumanin dhe Henrik Hoxhën:

Nuredin Dumani i dyshuar për kryerjen e veprave penale si:

-“Vrasje me paramendim”, e kryer për interes dhe me pagesë, në dëm të viktimës Fatmira Habili (Dedaj), finalizuar në datën 14.09.2013 në qytetin e Durrësit, kryer në bashkëpunim të veçantë atë të grupit të strukturuar kriminal, “Prodhimi, mbajtja, blerja apo shitja pa leje e armëve të ftohta”, në formën e mbajtjes, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

-“Vrasje me paramendim” dhe “Mbajtja pa leje dhe prodhimi i armëve, armëve shpërthyese dhe i municionit”, “Grup i strukturuar kriminal” dhe “Pjesëmarrje në grup të strukturuar kriminal”  (vrasja në dëm të viktimës Emiljano Ramazani më datë 20 Korrik 2020 në lagje 28 Nëntori, Elbasan).

-“Vrasja me paramendim”, në dëm të viktimës Bujar Çela, kryer në datën 17.09.2020, në Elbasan, “Mbajtja pa leje dhe prodhimi i armëve, armëve shpërthyese dhe i municionit”, të kryera në bashkëpunim  të veçantë atë të grupit të strukturuar kriminal.

-“Vrasje me paramendim”, e kryer për interes, mbetur në tentativë, në dëm të shtetasit Lulzim Masha (ndodhur në Tiranë) “Mbajtja pa leje dhe prodhimi i armëve, armëve shpërthyese dhe i municionit”, “Grup i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

-“Sigurimi i kushteve dhe i mjeteve materiale për të kryer vrasje”, në dëm të shtetasit Indrit Dokle, kryer në bashkëpunimin e posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”.

-“Shkatërrim i pronës me eksploziv” në dëm të banesës së shtetasit Talo Çela (ndodhur në datën 05.11.2020) dhe “Mbajtja pa leje dhe prodhimi i armëve, armëve shpërthyese dhe i municionit”, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

-“Dhuna në familje” në dëm të shtetases Blerta Bengasi (Ruçi), kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

-“Vjedhje me dhunë”, në dëm të shtetasit Hamdi Sharka (ndodhur në fshatin Polizhan – Bera), kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

-“Sigurimi i kushteve dhe i mjeteve materiale për të kryer vrasje”, në dëm të shtetasit Sokol Sanxhaktari, kryer në bashkëpunimin e posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”.

-“Shkatërrim i pronës me eksploziv” në dëm të shtetasit Mustafa Subashi, (ngjarje e ndodhur në Durrës në datën 29.01.2020) dhe “Mbajtja pa leje dhe prodhimi i armëve, armëve shpërthyese dhe i municionit”, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

-“Sigurimi i kushteve dhe i mjeteve materiale për të kryer vrasje”, në dëm të shtetasit Elton Kila (i thirrur Oti), kryer në bashkëpunimin e posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”.

-“Vrasja me paramendim”, për motiv hakmarrje, e mbetur në tentative, në dëm të shtetasit Arben Çeta (ngjarje e ndodhur në datën 14.11.2013 në qytetin e Elbasanit) si dhe “Prodhimi dhe mbajtja pa leje e armëve luftarake dhe municionit”, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

-“Vjedhje me dhunë”, kryer në bashkëpunim në formën e posaçme të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, në dëm të argjendarit Lirak Bajraktari në Elbasan.

-“Vjedhje me dhunë”, në dëm të shtetasit Shyqyri Shala, e kryer në datën 13.02.2012 në qytetin e Kavajës, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

-Vjedhje me dhunë”, në dëm të shtetasit Hamit Haxhia, e kryer në datën 11.02.2013 në qytetin e Durrësit, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

-“Vjedhjes me armë në bashkëpunim”, në dëm të shtetasit Xhemali Liçi (ngjarje e ndodhur në datën 19.12.2012 në qytetin e Elbasanit), “Prodhimi dhe mbajtja pa leje e armëve dhe municioneve luftarake”, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

-“Vjedhje me dhunë”, në dëm të shtetasit Astrit Ademi kryer në datën 17.06.2013, Maminas Vorë, në bashkëpunim të posaçëm në formën e grupit të strukturuar kriminal, “Prodhimi dhe mbajtja pa leje e armëve dhe municioneve luftarake”, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

Akuzat ndaj Henrik Hoxhajt

Henrik Hoxhaj, i dënuar më parë për “Moskallëzim Krimi” dhe “Armëmbajtje pa leje”, aktualisht i paraburgosur për një vepër tjetër penale, i dyshuar për kryerjen e veprave penale të:

-“Vrasja me paramendim e mbetur në tentative”, në dëm të viktimës së veprës penale Filip Gjeloshi (ngjarje e datës 05.02.2011 në qytetin e Tiranës) si dhe “Prodhimi dhe mbajtja pa leje e armëve luftarake dhe municionit”, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

-“Vrasja në rrethana te tjera cilësuese”, ndaj dy ose më shumë personave, e kryer  më shumë se një herë,  “Mbajtja pa leje dhe prodhimi i armeve, armeve shpërthyese dhe i municionit”, në dëm të viktimave Dorjan Shkoza e Anxhelo Avdia (ngjarje e ndodhur në datën 02.03.2020) dhe në dëm të viktimave Besmir Haxhia e Viktor Haxhia (ngjarje e ndodhur në datën 27.04.2020 në qytetin e Durrësit) të  kryera në bashkëpunim të veçantë atë të grupit të strukturuar kriminal, “Grupi i strukturuar kriminal”, (në rolin e pjesëmarrësit) dhe “Kryerja e veprave penale nga  grupi i strukturuar kriminal”.

-“Vrasje me paramendim” dhe “Mbajtja pa leje dhe prodhimi i armëve, armëve shpërthyese dhe i municionit”, “Grup i strukturuar kriminal” dhe “Pjesëmarrje në grup të strukturuar kriminal’’ të parashikuara nga nenet 78/2, 278/1, 28/4, 333/a e 334 të Kodit Penal (vrasja në dëm të viktimës Emiljano Ramazani më datë 20 Korrik 2020 në lagje 28 Nëntori, Elbasan).

-“Vrasje me paramendim”, e kryer për interes, mbetur në tentativë, në dëm të shtetasit Lulzim Masha (ngjarje e ndodhur në Tiranë) “Mbajtja pa leje dhe prodhimi i armëve, armëve shpërthyese dhe i municionit’’, “Grup i strukturuar kriminal’’ dhe “Kryerja e veprave penale nga grupi i strukturuar kriminal dhe organizata kriminale’.

-“Sigurimi i kushteve dhe i mjeteve materiale për të kryer vrasje”, në dëm të shtetasit Indrit Dokle, kryer në bashkëpunimin e posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”.

-Sigurimi i kushteve dhe i mjeteve materiale për të kryer vrasje”, në dëm të shtetasit Elton Kila (i thirrur Oti), kryer në bashkëpunimin e posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”.

-“Shkatërrim i pronës me eksploziv” në dëm të banesës së shtetasit Talo Çela (ngjarje e ndodhur në datën 05.11.2020) dhe “Mbajtja pa leje dhe prodhimi i armëve, armëve shpërthyese dhe i municionit”, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

-“Sigurimi i kushteve dhe i mjeteve materiale për të kryer vrasje”, në dëm të shtetasit Sokol Sanxhaktari, kryer në bashkëpunimin e posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”./albeu.com

The post Dosja hetimore e SPAK, Nuredin Dumani: Ja kush janë 4 personat që më ofruan 200 mijë euro për eliminimin e dhëndrit të Qazim Sejdinit appeared first on Albeu.com.

Taghi, i cili u arrestua në Dubai në vitin 2019, po përballet me gjyqin për një seri vrasjesh të dyshuara në Holandë dhe është akuzuar nga prokurorët për shpërthimin e një kryengritje të dhunshme nga burgu dhe urdhërime për vrasje nga qelia e tij.

Bledar Muça, 39 vjeç, u qëllua për vdekje jashtë banesës së tij në Antuerp, Belgjikë. Ai besohet se ka qenë krahu i djathtë i dy tregtarëve të shquar shqiptarë të drogës dhe ka jetuar në Londër me dokumente të rreme identiteti britanike deri në vitin 2020.

Të shtënat fatale vijnë një javë pas vrasjes së trafikantit të drogës në Utrecht, Ebrahim Buzhu, 52 vjeç, i cili njihej si “kasapi”. Ai u gjet me një plagë me armë zjarri në kokë në një makinë të djegur në Cadiz të Spanjës. Buzhu besohej të ishte rivali i Taghit dhe e kishte denoncuar atë në polici në vitin 2015. Ai do të ishte një dëshmitar i rëndësishëm në gjyqin e tij.

Taghi, së bashku me 16 të tjerë, dyshohet se kanë qenë pjesë e grupit kriminal të njohur si “Mocro Mafia” dhe akuzohet për vrasje dhe tentativë vrasjeje. Ai u arrestua në Dubai në vitin 2019 pas një bastisjeje në apartamentin e tij luksoz dhe u dërgua në Holandë për t’u përballur me gjyqin. Policia dhe prokurorët besojnë se ai ka vazhduar të urdhërojë vrasje nga qelia e tij e burgut dhe pretendon se ai po planifikonte një arratisje nga burgu.

Ai po mbahet në Institucionin Extra Secure në Vught, Holandë, ku personeli ushtarak është thirrur për të ndihmuar në ruajtjen e tij. Dokumentet e gjykatës pretendojnë se Taghi i dha njërit prej avokatëve të tij, kushëririt të tij Youssef Taghi, udhëzime për planet e arratisjes. Thuhet se ai po planifikonte të punësonte një komando mercenarësh ballkanikë në përpjekje për ta liruar dhe kishte dhënë udhëzime për tre plane të veçanta arratisjeje.

Avokati kryesor i Taghit, Inez Ueski, i mohon pretendimet. Javën e kaluar Youssef Taghi u akuzua për shpërdorim të privilegjit ligjor duke i përcjellë mesazhe nga burgu botës së krimit. Ai i mohon akuzat.

Policia holandeze ka rritur sigurinë për kryeministrin Mark Rutte për ta mbrojtur atë nga frika e një sulmi ose një përpjekjeje rrëmbimi, pasi ai u zotua të pastronte Holandën nga bandat e drogës kur gazetari i shquar hetues Peter R De Vries u qëllua për vdekje në korrik 2021.

De Vries kishte këshilluar dëshmitarin kryesor, Nabil Bakkali, një ish-anëtar i bandës, në gjyqin e Taghi kur ai u vra.

Ajo erdhi pas vrasjes së avokatit të Bakkali, Derk Ëiersum në 2019 dhe vëllait të tij Reduan Bakkali në 2018. Thuhet se Taghi urdhëroi vrasjen e Reduan Bakkali pas dëshmisë së tij. Zyrtarët në Belgjikë thonë se operacionet e drogës janë mbaruar nga Amsterdami dhe shumica e kokainës që mbërrin në Antuerp më pas dërgohet në Holandë.

Shifrat e fundit tregojnë se shumica e drogës në Evropë kontrabandohet përmes Belgjikës, me një qarkullim deri në 130 miliardë euro (145 miliardë dollarë) në vit. /abcnews.al/

The post “Dy mbretër droge”, si u vra Bledar Muça një javë pas “Kasapit”, dëshmitari kryesor në gjyqin ndaj “Boss-it” holandez appeared first on Albeu.com.

Gazetarja e “ABC” në Bruksel, Erisa Zykaj mbrëmjen e sotme në “Radarin Informativ” bëri një pasqyrim të detajeve të fundit nga drejtësia dhe media lidhur me vrasjen. Kanë qenë shenjat e gishtave që zbuluan identitetin e shqiptarit.

“Vrasja e Bledar Muçës është pasqyruar nga të gjitha mediat. Ishte me nënshtetësi britanike. Fqinjët kanë deklaruar se dëgjuan disa krisma dhe panë një makinë që të largohej.

Më vonë policia bëri identifikimin e tij, gjeti edhe një pasaportë bullgare. Shkuan më tutje dhe përmes shenjave të gishtave u zbulua se ishte Bledar Muça. Më pas mediat zbuluan se Muça i përkiste një grupi kriminal në Shqipëri” tha ajo.

Ende nuk ka një pistë konkrete, por ajo që dihet është fakti që autorët ishin profesionistë. “Deri tani kemi marrë deklaratat e policisë, që thonë se po bëjmë hetimet tona, por nuk mund të themi nëse bëhet fjalë për një rrjet trafiku dhe se vrasja është bërë për trafikun e drogës.

E vetmja gjë që thuhet me kompetencë është se kjo vrasje ishte e bërë në mënyrë profesionale nisur nga goditjet që pati viktima. Sipas tyre bëhet fjalë për një larje hesapesh, por nuk mund të precizohet se bëhet fjalë për trafikun e drogës”.

Në verën e vitit 2016 Muça u arrestua dhe u dënua me dy vite burg në Shqipëri pasi qëlloi me armë ndaj efektivëve të policisë teksa ishin në vëzhgim të familjes Çapja./ Abcnews.al

The post Ekzekutimi i mikut të Çapjave, gazetarja: Kishte dy pasaporta, të vërtetën e zbuluan gishtat appeared first on Albeu.com.

Ngjarja ka ndodhur në qytetin Antwerp të Belgjikës dhe dyshohet se në mes të kenë qenë pazaret e drogës mes bandave.

Muça nuk është një emër i panjohur për drejtësinë, pasi konsiderohej si krahu i djathtë i Ardian e Florenc Çapajt.

Së bashku me Florenc Çapjan ai i kishte mbijetuar një atentati të mëparshëm në Elbasan./albeu.com.

The post Ekzekutohet në atentat mafioz Bledar Muça, krahu i djathtë i Ardian e Florenc Çapja appeared first on Albeu.com.

Konflikti ka nisur tre javë më parë, pasi Bledar Muça dhe persona të tjerë kanë prishur marrëdhëniet e biznesit të lojërave të fatit me një grup nga Vlora, të cilët pas përplasjeve kanë rrahur ndërmjetësin i cili njihet me nofkën “Tolja”.

Personi që u dhunua fizikisht, pra “Tolja” ka qenë kumbari mes grupit nga Vlora dhe viktimës Bledar Muça që në Lushnje të hapeshin kazino dhe për këtë disa persona të identifikuar nga policia nga qyteti Vlorës kanë hyrë në kontakte me lushnjarin dhe persona të tjerë.

Kazinotë u hapën në lokale dhe kamufloheshin me emrin e barit “Ador” kafe por në fakt brenda ishin makinetat e lojërave të fatit. Konflikti mes vlonjatët nisi pasi Bledar Muça dhe “Tolja” e morën vetë menaxhimin e lojërave të fatit në Lushnje dhe aksin Rrogozhinë-Fier duke i nxjerrë jashtë loje.

Kjo është pista kryesore ku po heton aktualisht prokuroria dhe policia për të shkuar te autorët e vrasjes./albcnews.al

The post Përplasja për bixhozin pas vrasjes së biznesmenit, roli i “Toles”, kumbari që lidhi Muçën me vlonjatët appeared first on Albeu.com.

Nga ky atentat mbeti i vdekur biznesmeni Muça dhe të plagosur mbetën 5 shtetas që gjendeshin në të njëjtin lokal me të.

Por si është gjendja e të plagosurëve:

Gjendja e personave të plagosur në atentatin ndaj Bledar Muçës është stabilizuar.

Elvis Tafani, një nga pesë të plagosurit e atentatit ndaj Bledar Muçajt në Lushnje, duket se ka shpëtuar mrekullisht. 24-vjeçari që ishte klientë gjatë atentatit, është prekur nga pesë plumba, dy prej të cilëve kanë depërtuar tejpërtej në trup.

Mjekët kanë arritur t’i shpëtojnë jetën të riut duke i hequr predhat nga trupi. Në gjendje të stabilizuar dhe jashtë rrezikut për jetën, ndodhen dhe pesë të plagosurit e tjerë të atentatit ku mbeti i vrarë Bledar Muçaj.

Judin Velo, 32 vjeç, kunati i Bledar Muçaj, është transportuar për mjekin të specializuar në spitalin e Traumës në Tiranë për mjekim të specializuar, teksa raportohet se ndodhet jashtë rrrezikut për jetën. Ndërkohë, edhe tre gra të cilat mbetën të plagosura gjatë atentatit, ndodhen jashtë rrezikut për jetën.

Ekreza Sauli, 26 vjeçe është prekur në pjesën e kokës nga plumbi, por fatmirësisht nuk ka rrezik për jetën. Ndërkohë Majlinda Gjyla ka marrë plagë të shumta nga xhamat e thyer, ndërsa ndodhet jashtë rrezikut për jetën. Pa rrezik për jetën është dhe Sara Lici, e cila u prek nga një plumb në pulpën e këmbës.

Mbrëmjen e 23 gushtit, persona ende të paidentifikuar, hapën zjarr me breshëri kallashnikovi në drejtim të “Bar Pedonale” në Lushnje, duke vrarë pronarin e lokalit Bledar Muçaj, i cili kishte lidhje familjare me anëtar të bandës së Lushnjes dhe klanit “Hakmarrja për Drejtësi”. Ndërsa mbetën të plagosur kunati i tij dhe katër klientë të rastësishëm në lokal. /albeu.com/

The post Atentati në Lushnje! Gjendja e 5 të plagosurve: 24 vjeçari mori 5 plumba, kunati shtrohet tek Trauma appeared first on Albeu.com.

Burimet bëjnë me dije se autorët të cilët besohen se janë 3, kanë qëlluar me të paktën 21 plumba ku vetëm 3 prej tyre kanë prekur biznesmenin.

Nga të shtënat u plagosën edhe 5 persona të tjerë, mes tyre dhe kunati i viktimës. Ndërkohë raportohet se viktima nuk ruhej ndonjë ngjarje të mundshme.

Si u qëllua me breshëri Muça?

Burimet bëjnë me dije se atentati duket të jetë I mirëmenduar pasi biznesmeni në të njëjtën kohë pinte kafe çdo natë me kunatin në të njëjtën tavolinë.

Kjo tavolinë ishte e pozicionuar në buzë të rrugës kryesore pranë lokalit të tij “Bar Pedonale” në Lushnje.

Pak minuta pas ngjarjes një makinë tip Golf 5 u gjet e djegur në fshatin Thanasaj, ku brenda saj u gjetën edhe dy kallashnikovë të cilat janë përdorur për atentatin. /albeu.com/

The post Viktima nuk ruhej! Autorët qëlluan 21 plumba drejt biznesmenit, atentati i planifikuar në detaje appeared first on Albeu.com.

Viktimë nga ky atentat mbetet shtetasi Bledar Muça, biznesmen i njohur në këtë qytet, dhe i njohur për njeri jo problematik. Biznesmeni njihet për banorët e zonës si pronari i “Bar Kafe Pedonale”, ka edhe lidhje krushqie me Roland Shytin, të cilit i ka marrë mbesën për grua.

Ky i fundit njihet në qytet dhe me nofkën “Mustaqekuqi”.

Burimet bëjnë me dije se viktima ishte i ulur në një distancë 4-5 metra larg rrugës.

Në momentet kur po pinte kafe me kunatin e tij, aty ka ndaluar makina tip Golf ngjyrë blu, brenda të cilës gjendeshin autorët, dyshohet për 3 persona.

Burimet thanë se ata ishin të pamaskuar dhe njëri prej tyre ka dalë dhe ka qëlluar me breshëri në drejtim të viktimës.

Për pasojë janë plagosur edhe 5 persona të tjerë, mes tyre edhe kunati i tij.  /albeu.com/

The post Autorët nuk ishin të maskuar! Qëlluan me breshëri plumbash mbi 6 persona, pse u vra lushnjari? appeared first on Albeu.com.