Disa ditë më parë një 17-vjeçar nga Pieve del Grappa u ndalua dhe u dërgua në burg në Treviso, ku ndodhet ende, me akuzën e vrasjes me paramendim.

Duke folur me hetuesit, i mituri ka treguar njohjen e tij me 39-vjeçarin, e cila filloi rreth një vit më parë.

Ai gjithashtu ka raportuar për një rrjet të gjerë prostitucioni, pjesë e të cilit janë djemtë dhe vajzat e mitura. Dëshmia tani do të verifikohet nga hetuesit dhe do të thirren të gjithë personat për të verifikuar pretendimet e 17-vjeçarit.

“Historia është shumë më komplekse nga sa duket”, tha avokatja e djalit, Elisa Berton, në fund të seancës dëgjimore në Prokurorinë në Venecia, raportuar nga Il Gazzettino.

Ende nuk dihen motivet e krimit

Motivi i krimit mbetet ende i mbuluar me mister. Paraditen e sotme, 17-vjeçari u mor sërish në pyetje nga prokurori publik i Prokurorisë për të Mitur të Venecias, Giovanni Parolin. Tani ai ndodhet në paraburgim në burgun e Trevisos, ku monitorohet vazhdimisht nga oficerët e policisë së burgjeve.

Institucioni penal, siç e kërkon ligji, i ka pajisur me psikolog dhe edukator dhe do ta lejojë të vazhdojë studimet për të mos humbur vitin shkollor.

Rindërtimi i vrasjes

Sipas asaj që është rikonstruktuar deri më tani nga puna e hetuesve, të shtunën e datës 20 janar 17-vjeçari është paraqitur në takim me një thikë të fshehur poshtë rrobave. Në momentin që ndodhej vetëm me 39-vjeçarin në pyll në Via dei Colli, e goditi rreth 20 herë me thikë.

Goditja në mushkëri rezultoi fatale. Më pas i mituri u largua dhe u paraqit në spital për të marrë ndihmë mjekësore pasi kishte plagë me thikë në dorë. Hetuesit besojnë se ai është përleshur fillimisht me Bledarin, cili ka tentuar të mbrojë veten.

The post Misteri që fshihet pas vrasjes së Bledar Dedjas, hetime për një rrjet prostitucioni për fëmijë appeared first on Albeu.com.

Vrasja e Dedjës, ende në qendër të vëmendjes

Hetimet për vrasjen e 39-vjeçarit vazhdojnë, ndërsa autoritetet kanë shqyrtuar bisedat, profilet sociale dhe tabulatet telefonike të kopshtarit shqiptar, si dhe kanë ekzaminuar ambientet në zonën rrëzë kodrës që ai frekuentonte, për të kuptuar se kush duhej ta kishte takuar Dedjan atë pasdite dhe të gjente konfirmime për “jetën e dyfishtë” të viktimës.

RIS në vendin e krimit

Dje, e hënë, 29 janar 2024, specialistët e Departamentit të Hetimeve Shkencore nisën një analizë të plotë të vendit ku u vra brutalisht Bledar Dedja. Zona ku u gjet makiana e Dedjes ishte nën kontroll dhe pak më larg nga trupi i 39-vjeçarit.

RIS do të fokusohet kryesisht në kërkimin e gjurmëve të vrasësit në zonën përreth, por do t’i kushtojë vëmendje të veçantë pjesës së brendshme të Mercedes B-Class. Duke pasur parasysh se zona është e aksesueshme për publikun prej më shumë se një javë, hetimi bëhet më komplekse, por hetuesit synojnë të ngushtojnë hipotezat duke u fokusuar te automjeti.

Dedja u josh me ‘karrem’ dhe u vra nga një person i tretë

Ndërsa Ris kërkon në pyll për armën e ftohtë dhe çelësat e makinës, hetuesit përpiqen të rindërtojnë dinamikën e vrasjes.

Hipoteza kryesore për momentin është se bëhej fjalë për një krim seksual ose pasioni, pasi 39-vjeçari është gjetur me pantallona të ulura dhe plagët e shumta me thikë japin përshtypjen e një krimi të kryer në sulm xhelozie apo hakmarrjeje.

Sipas asaj që është rikonstruktuar deri më tani, Dedja mund të jetë joshur në pyll nga një person (grua apo burrë) që me sa duket e njihte, i cili do të kishte vepruar si karrem, për një takim intim, ndërsa vrasësi do të ishte fshehur në shkurre, gati për të goditur.

Një “jetë e dyfishtë”: dyshimet e gruas

Për hetuesit, të cilët ditët e fundit kanë marrë në pyetje rreth 30 persona, përfshirë të afërm dhe të njohur të viktimës, 39-vjeçari shqiptar duket se ka bërë një “jetë të dyfishtë”.

Gruaja dyshoi për diçka, aq sa kohë më parë kishte angazhuar edhe një hetues privat për të zbuluar njerëzit me të cilët shoqërohej i shoqi.

The post “Dikush e joshi për një takim intim në pyll, ndërsa vrasësi ishte…”- Detaje nga vrasja e Bledar Dedjës, merren në pyetje 30 persona appeared first on Albeu.com.

Kjo është pista në të cilën janë fokusuar hetuesit, të cilët zbulimin e misterit të vrasjes së 39-vjeçarit shqiptar, i cili raportohet se bënte një jetë të dyfishtë, shkruan media italiane Il Gazzettino.

Gruaja e tij kishte punësuar një dedektiv privat gjithashtu disa vite më parë pasi dyshonte se i shoqi po e tradhtonte dhe donte të zbulonte të vërtetën.

Marrëdhënia e tyre ishte ftohur edhe pse asnjëri prej tyre nuk kishte vendosur t’i jepte fund, ndoshta për të shmangur pasojat për dy fëmijët e tyre të vegjël.

Hetuesit janë fokusuar në rrethin e njohjeve të kopshtarit shqiptar, po shqyrtojnë bizesat e tij, profilet në rrjetet sociale, tabulatet e telefonit por edhe klubet ​​që ai frekuentonte. Karabinierët kanë marrë në pyetje rreth 30 persona, duke përfshirë miqtë dhe të afërmit e viktimës, i cili u godit me thikë të shtunën pasdite në pyllin e Paderno del Grappa dhe u gjet mëngjesin e së dielës (21 Janar) nga një mik i tij me të cilin kishte lënë një takim për të shkuar në peshkim.

39-vjeçarit u gjet me pantallona dhe të brendshme të hequra. Vendndodhja e krimit është një vend i frekuentuar për takime romantike dhe mënyra se si ai u godit me mbi 20 herë me thikë (përfshirë atë fatale në mushkëri) çuan menjëherë në dyshimin për një krim pasioni.

Për të zgjidhur misterin, hetuesit kanë kqyrur kamerat e sigurisë punlike dhe private që po ekzaminohen. Pamjetmund të jenë vendimtare për të kuptuar se me kë po takohej Dedja.

Hetuesit besojnë se kopshtari shqiptar mund të jetë futur në kurth nga personi me të cilin kishte rregulluar takimin për të kryer marrëdhënie seksuale.

Dhe se pikërisht në ato momente intime është sulmuar nga pas nga një person tjetër për çështje nderi.

The post Shkoi për të kryer marrëdhënie s*ksuale në pyll, por u gjet i masakruar, lidhjet homos*ksuale të Bledar Dedjas dhe dyshimet e gruas së tij appeared first on Albeu.com.

Ai u gjet i masakruar me thikë dhe me pantallonat e ulura mëngjesin e së dielës së 21 janarit, në një pyll në Paderno del Grappa.

Sipas medias Italiane “Il Gazzettino” dyshohet se shkak i vrasjes së tij, kanë qenë lidhjet homoseksuale të 39-vjeçarit.

Duke qenë se ai u vra në një zonë ku shpesh çiftet takohen për pak më tepër privatësi hetuesit besojnë se kopshtari shqiptar mund të jetë futur në kurth nga personi me të cilin kishte rregulluar takimin për të kryer marrëdhënie seksuale.

Shqiptari ishte një përdorues i rregullt i aplikacionit të takimeve online dhe mund të jetë takuar aty dhe me personin që e ekzekutoi me 20 goditje thike, sipas autopsisë.

Gjithashtu gruaja e tij kishte punësuar një dedektiv privat, pasi dyshonte se i shoqi po e tradhtonte dhe donte të zbulonte të vërtetën.

Marrëdhënia e tyre ishte ftohur edhe pse asnjëri prej tyre nuk kishte vendosur t’i jepte fund.

Deri më tani lidhur me këtë ngjarje janë marrë në pyetje rreth 30 persona, ndërkohë që hetuesit po shqyrtojnë me detaje, telefonat, takimet mesazhet e çdo gjë lidhur me jetën e dyfishtë të Bledar Dedjas.

Pista kryesore e tyre është se kopshtari shqiptar mund të jetë futur në kurth nga personi me të cilin kishte rregulluar takimin për të kryer marrëdhënie seksuale.

Dhe pikërisht në ato momente intime është sulmuar nga pas nga një person tjetër për çështje nderi.

Dy ditë më aprë, mediet italiane raportuan se Dedja kishte marrëdhënie jashtëmartesore me një 30-vjeçare shqiptare të cilën e kishte takuar online. Megjithatë, edhe pse ka kaluar një javë nga ngjarja e rëndë, policia nuk ka gjetur armën e krimit dhe nuk ka rënë në gjurmët e autorit të dyshuar./albeu.com

The post U gjet i masakruar me thikë dhe gjysmë i zhveshur, mediet italiane: Dyshohet se Bledar Dedja kishte lidhje homoseksuale appeared first on Albeu.com.

Hetuesit italianë kanë marrë në pyetje dhe një grua shqiptare rreth të 30-ave e cila dyshohet që ka pasur një lidhje jashtëmartesore gjatë dy viteve të fundit me viktimën.

Në deklarimet e saj të dhëna pranë autoriteteve gruaja ka pranuar lidhjen dhe ka zbuluar se është njohur me 39-vjeçarin në një aplikacion takimesh online.

Shqiptarja ishte në mesin e shumë personave që policia italiane ka marrë në pyetje për vrasjen e 39-vjeçarit. Fokusi i hetimeve është përqendruar pikërisht te krimi i pasionit.

Dyshohet se shqiptari ishte një përdorues i rregullt i aplikacionit të takimeve online dhe mund të jetë takuar aty dhe me personin që e ekzekutoi.

Dedja, i cili ishte i martuar dhe kishte dy fëmijë, bënte një jetë të dyfishtë, për të cilën bashkëshortja e tij nuk kishte dijeni.

Sipas autopsisë 39-vjeçari vdiq nga gjakderdhja e brendshme e shkaktuar nga plaga me thikë, e marrë nga pas dhe që i përshkroi mushkërinë.

Mbi trupin e shqiptarit u qëlluan të paktën 19 goditje me thikë në lartësinë e gjoksit dhe në pjesën e barkut, duke dëshmuar dhe urrejtjen e vrasësit.

Dedja u gjet rreth njëqind metra larg makinës së tij, një Mercedes B Class, i shtrirë përtokë, gjysmë i zhveshur, me pantallona dhe të brendshmet e hequra.

Hetuesit krahas autopsisë morën mostra për teste toksikologjike, për të përcaktuar nëse 39-vjeçari kishte kryer apo jo marrëdhënie seksuale përpara se të vritej.

Dyshimi i hetuesve, nisur edhe nga kushtet në të cilat u gjet kufoma, është se Bledari mund të jetë goditur me thikë në fund të një takimi intim.

Zona ku u zbulua trupi mëngjesin e së dielës, dhe në veçanti Via Dei Colli, njihet si një zonë e izoluar, larg syve kureshtarë dhe e frekuentuar nga çifte që kërkojnë pak intimitet.

Hetuesit, të cilët kanë intervistuar prej kohësh bashkëshorten dhe të njohurit e tij, tashmë janë fokusuar tek celulari i viktimës për të analizuar telefonatat dhe mesazhet e fundit që Dedja ka pasur përpara ngjarjes.

Portofoli dhe sendet personale të 39-vjeçarit janë gjetur në vendngjarje duke rrëzuar pistën e grabitjes.

Hetuesit po analizojnë dhe makinën e shqiptarit për të siguruar ndodnjë provë që mund t’i çonte drejt zbardhjes së ngjarjes.

Dedja, sipas autopsisë, është goditur në pozicion të shtrirë.

Ai kishte plagë të shumta sipërfaqësore, në parakrahë dhe në pëllëmbët e duarve, shenjë kjo që tregon sipas hetuesve që ai ka tentuar të mbrohej.

Baba i dy fëmijëve, 39-vjeçari punonte si kopshtar dhe pastrues në Abacinë e Vjetër. Trupi u gjet në një pellg gjaku nga një mik me të cilin burri duhej të shkonte për peshkim mëngjesin e së dielës.

Gruaja e tij, e shqetësuar se nuk e kishte parë të kthehej në shtëpi të shtunën në mbrëmje, ngriti alarmin në polici në orën 8 të mëngjesit të ditës pasardhëse.

Sipas gjetjeve të autopsisë, vrasja ka ndodhur gjatë pasdites të së shtunës, ndonëse është e vështirë të gjurmohet koha e saktë pasi trupi ka qenë i ekspozuar ndaj të ftohtit gjatë gjithë natës.

The post U gjet i zhveshur dhe i masakruar në një pyll në Itali, shqiptari jetë të dyfishtë, lidhja me një vajzë nga … appeared first on Albeu.com.

Mediat italiane, shkruajnë se në pistën e hetimeve është përfshirë edhe një grua me të cilën viktima ishte njohur 2 vite më parë, nëpërmjet rrjeteve sociale dhe dyshohet se kishte një lidhje jashtëmartesore me të.

30-vjeçarja shqiptare, e cila dyshohet se ka pasur marrëdhënie Bledar Dedjan, është marrë në pyetje nga hetuesit dhe ka pranuar se është takuar me të ndjerin, që prej 2 vite më parë.

Një ndër pistat që po hetohet, është që Dedja të ketë qenë i shoqëruar edhe nga dikush tjetër në momentin që është goditur me thikë pas shpine.

The post Vrasja e shqiptarit Bledar Dedja në Itali, merret në pyetje një grua shqiptare, dyshohet se viktima ishte… appeared first on Albeu.com.

Paraprakisht dyshohet se Dedja është vrarë për hakmarrje ose për larje hesapesh.

Trupi u gjet në një zonë pyjore përgjatë rrugës që lidh Via dei Colli me rrugën provinciale 20.

Në turpin e tij u konstatuan plagë me thikë, në kokë dhe gjoks. Njëra prej goditjeve i kishte shpuar mushkërinë.

Më tej, në krahë janë konstatuar edhe plagë të tjera që tregojnë se viktima ka tentuar të mbrohet.

Dedja u gjet me pantallonat poshtë.

Autopsia, e cila do të bëhet për zbardhjen e shkaqeve të vdekjes, do të duhet të vërtetojë edhe nëse 39-vjeçari ka kryer marrëdhënie seksuale para vdekjes. 100 metra larg trupit ndodhej Mercedesi i tij, i parkuar në anë të shtegut.

Shumë pista po ndiqen nga hetuesit në orët e fundit, përfshirë atë të një takimi me një person tjetër që përfundoi në tragjedi, ndoshta në kulmin e një debati që shpërtheu për arsye ende të panjohura.

Por hipoteza të tjera nuk mund të përjashtohen, siç është ajo e shlyerjes së llogarive.

Po vijojnë kërkimet për autorin dhe armën e vrasjes, e cila ende nuk është gjetur.

The post Hakmarrje ose larje hesapesh, misteri me vrasjen e shqiptarit në Itali: Dedja u gjet gjysmë i zhveshur në pyll appeared first on Albeu.com.

Familjarët kishin humbur kontaktet me Dedjan mbrëmjen e djeshme.

Pasi mbaroi punën, ai duhej të kthehej në shtëpi në Asolo në provincën e Trevisos, por askush nuk e pa më, deri mëngjesin e kësaj të diele kur trupi i tij u gjet i pajetë në Paderno (fshat në Pieve del Grappa). Siç raportojnë mediat italiane, trupi i pajetë i shqiptarit u gjet jashtë makinës së tij.

Në trupin e tij kishte plagë të thella me thikë në kokë, gjoks, si dhe në duar, shenjë e përpjekjes për t’u mbrojtur nga sulmi fatal. Ndërkohë, arma e ftohtë e vrasjes nuk u gjet në vendin ku ndodhi krimi.

Në vendin e ngjarjes shkuan menjëherë prokurorja Barbara Sabattini, mjeku Alberto Furlanetto dhe karabinierët e komandës provinciale të Trevisos, të cilët nisën hetimet për vrasjen e 39-vjeçarit. Akoma nuk ka një pistë mbi motivet dhe autorin/ët e kësaj ngjarje. Bledar Dedja punonte në restorantin “L’Antica Abbazia” në Borso del Grappa që nga viti 2021. Ai la pas bashkëshorten dhe një vajzë të vogël./albeu.com

The post U godit me thikë në kokë dhe gjoks, del foto e shqiptarit të vrarë në Itali appeared first on Albeu.com.

Trupi u zbulua mëngjesin e sotëm, 21 janar. Dedja prej disa kohësh jetonte dhe punonte në zonë.

Në vendin e ngjarjes ishin edhe departamentet e mjekësisë ligjore, prokurori i Prokurorisë së Trevisos Sabattini dhe eksperti mjekësor Furlanetto për një ekzaminim fillestar të jashtëm të trupit. Nga këqyrja fillestare e trupit, dolën shenja të plagëve me thikë në kokë dhe gjoks.

Hetimet sapo kanë nisur dhe për momentin nuk përjashtohet asnjë hipotezë hetimore.

Në vendin ku u gjet trupi , u gjet edhe një makinë e bardhë, të cilën ekspertët e departamentit shkencor të Karabinierëve e analizuan në kërkim të provave dhe të dhënave që mund të ndihmonin në rindërtimin e asaj që ndodhi. Trupi është dërguar për autopsi për të përcaktuar shkaqet e vdekjes dhe kohën e vdekjes.

Sipas asaj që është rikonstruktuar deri më tani në bazë të dëshmive të miqve dhe të afërmve të 39-vjeçarit, burri është parë për herë të fundit mbrëmjen e së shtunës brenda një klubi ku punonte. Pasi nuk u kthye në shtëpi nga puna, të afërmit ngritën alarmin mëngjesin e sotëm.

Pak orë më vonë, policia bëri zbulimin makabër të trupit./albeu.com

The post EMRI/ Vritet me thikë shqiptari në Itali, trupi i 39-vjeçarit gjendet i braktisur në pyll appeared first on Albeu.com.