Në pranga kanë rënë shtetasit Ilir Alliu, Edmond Bardhi dhe Bledar Çakalli.

Për kontroll u ndalua edhe makina ku po qarkullon tre të rinjë, të gjithë të lindur në Dibër dhe me banim në Sukth të Durrësit.

Gjatë kontrollit efektivët gjetën 3 minat që do të shiteshin në Durrës për 2500-3000 euro copa, me siguri për të sulmuar ndonjë personazh të njohur, ose për t’i dëguar një “mesazh”.

Siç edhe duket nga pamjet e mëposhtme, teksa kontrollonte mjetin tip “Volvo”, efektivët i kanë shtrirë në tokë të rinjtë, ndërsa duart i kanë pas të lidhur me pranga.

NJOFTIMI I POLICISE:

Durrës

Finalizohet operacioni policor i koduar “Muzeu”.
Operacioni i zhvilluar nga strukturat e DVP Durrës, për goditjen e veprimtarisë kriminale të prodhimit dhe shitjes së minave me telekomandë.

Kapen dhe arrestohen në flagrancë 3 shtetas.
Sekuestrohen tri mina me telekomandë.

Specialistët për Hetimin e Krimit në Komisariatin e Policisë Durrës, në bashkëpunim me Sektorin e Trafiqeve të Paligjshme dhe te Krimeve Kundër Personit në DVP Durrës në bazë të informacioneve të siguruara në rrugë operative se disa persona me tendencë kriminale në fushën e prodhimit dhe shitjes së minave me telekomande po tentonin të shisnin disa mina me telekomandë, kanë organizuar punën dhe në bashkëpunim me patrullat e përgjithshme kanë finalizuar me sukses operacionin policor të koduar “Muzeu”.

Në kuadër të këtij operacioni, në vendin e quajtur “Muzeu”, në lagjen nr. 9 në Durrës, u bë kapja dhe arrestimi në flagrancë i shtetaseve:
– I. A., 47 vjeç, B. Ç., 31 vjeç dhe E. B ., 37 vjeç, të tre lindur në Dibër dhe banues në Sukth, Durrës.

Këta shtetas u kapën duke udhëtuar me një automjet tip “Volvo” me drejtues shtetasin I. A. dhe pasagjerë shtetasit B. Ç. dhe E. B. Gjatë kontrollit të ushtruar në mjet nga shërbimet e Policisë u gjetën dhe sekuestruan në cilësinë e provës materiale tri mina të montuara dhe të lidhura me telefon.

Nga hetimet paraprake rezultoi se këta shtetas do të shisnin disa mina me telekomandë në qytetin e Durrësit, kundrejt shumës 2500-3000 euro copa.

Në bashkëpunim me Prokurorinë vijon puna për identifikimin dhe kapjen e personave të tjerë të përfshirë në këtë veprimtari kriminale.
Materialet i kaluan Prokurorisë së Rrethit Gjyqësor Durrës, për veprime të mëtejshme./albeu.com/

The post Aksion blic në Durrës! Kë do shenjestronin, kapen të rinjtë që trafikonin mina me telekomandë  appeared first on Albeu.com.