Kujtojmë se Bledar Birçaj, u ekzekutua me breshëri plumbash më 10 Maj të vitit 2021 në makinën e tij në lagjen “Hajro Çakërri”.

Lokali “The Boss”, i cili funksiononte si bar, restorant dhe piceri, ishte dhënë me qira dhe nuk kishte funksionuar prej kohësh, por ishte marrë sërish nga pronarët (vëllezërit e Bledar Birçajt) dhe kishin vetëm pak kohë që e kishin vënë në punë.

28-vjeçari i arrestuar rezulton me precedent penalë në fushën e narkotikëve dhe vjedhjes së pasurisë.
“Shërbimet e Komisariatit të Policisë Vlorë, në bashkëpunim me strukturat e Drejtorisë Vendore të Policisë Vlorë dhe nën drejtimin e Prokurorisë pranë Gjykatës së Shkallës së Parë Vlorë, përmes një pune të thelluar hetimore dhe profesionale, finalizuan operacionin e koduar “DANGER”.

Bazuar në veprimet intensive hetimore dhe dokumentimin me prova ligjore, u bë i mundur ndalimi i shtetasit B. S. alias B. M, 28 vjeç, banues në lagjen “Isa Boletini” dhe me precedentë penalë në fushën e narkotikëve dhe vjedhjes së pasurisë.

Nga hetimet rezulton se ky shtetas dyshohet të jetë autor i vendosjes së lëndës eksplozive më datë 08.12.2024, rreth orës 05:50, në një lokal, në lagjen “Uji i Ftohtë”, në pronësi të shtetases R. B., 73 vjeçe, ku si pasojë e shpërthimit janë shkaktuar dëme të konsiderueshme materiale.

Gjatë operacionit, përmes veprimeve të koordinuara dhe mbështetura në prova shkencore, u sekuestruan në cilësinë e provave materiale dy telefona celular, një biçikletë dhe veshjet e përdorura gjatë ngjarjes.”– njofton policia.

Vijojnë hetimet për identifikimin dhe ndalimin e personave të tjerë të përfshirë në këtë veprimtari kriminale.

Materialet procedurale, iu referuan Prokurorisë për veprat penale “Shkatërrimi i pronës me eksploziv” dhe “Mbajtja pa leje e armëve dhe municioneve luftarake”.

The post Ky është 28-vjeçari që i vendosi tritol lokalit të nënës së Bledar Birçajt në Vlorë (EMRI+VIDEO) appeared first on Albeu.com.

Mësohet se bar restoranti “ The boss” ku u vendos sasia e lëndës plasëse (tritol), ka qenë në pronësi të Bledar Birçaj, i cili është ekzekutuar në 10 maj të vitit 2021 në makinën e tij në lagjen “Hajro Çakërri” me breshëri plumbash.

Ndërkohë që lokali ka qenë me qira dhe është marrë sërish nga pronarët ( vëllezërit e Bledarit ), të cilët kanë pak kohë që e kanë vënë në punë.

Lokali është në emër të nënës.

The post Shpërthimi me lëndë plasëse në Vlorë/ Restoranti “The Boss” në pronësi të biznesmenit i cili u ekzekutua tre vite më parë (EMRI+FOTO) appeared first on Albeu.com.

Cili ishte aktiviteti i vërtetë i Bledar Birçaj? Çfarë fshihej pas kostumit të atij apo të atyre që në Shqipëri njihen si biznesmenë, por që në fakt biznesin e tyre të vërtetë kanë punët e paligjshme dhe cila ishte lidhja e vrasjes së 38-vjeçarit, di dhe me disa vrasje të tjera që ndodhën menjëherë në Vlorë, pas eliminimit të tij?

Sipas të dhënave të siguruara nga emisioni ‘Në shënjestër’ një nga pistat më të besueshme në lidhje me vrasjen e Bledar Birçaj, mendohet të jetë aktiviteti i tij në trafikun ndërkombëtar të lëndëve narkotike.

Viktima thuhet se jetonte më të shumtën e kohës së tij, në Spanjë. Ky fakt konfirmohet edhe nga vetë e dashura e tij, e cila pohon se Birçaj, jetonte gjatë në gadishullin Iberik, por pa dhënë detaje, se cila ishte puna e tij në këtë vend, apo cilët ishin personat me të cilët ai shoqërohej.

“Unë jam e lidhur prej disa kohësh me Bledarin. Më duhet të them se ai jetonte kryesisht në Spanjë. Unë nuk kam ndonjë informacion për lidhjet apo për problemet e tij, ashtu sikundër nuk kam dijeni në lidhje me atentatin dhe kush mund ta ketë kryer”, tha e dashura e tij.

Ndërsa e dashura jepte këto të dhëna, tejet të vakta, për ato çfarë kërkonin në të vërtetë grupi hetues, ajo që u mësua është se diçka e madhe kishte lëvizur në botën e narko-trafikut, ku ishte përfshirë edhe vetë Birçaj.

Sipas të dhënave të siguruara nga emisioni ‘Në shënjestër’, dyshimet më të forta, janë se Birçaj ka grabitur një sasi të madhe droge, të cilën grupi kundërshtar po e sillte nga Amerika e Jugut, çka duket se ka sjellë një humbje të konsiderueshme për pritësit e këtij malli.

Arsye për të cilën mendohet se ky grup ka porositur dhe organizuar ekzekutimin e Bledar Birçaj, duke u hakmarrë ndaj këtij të fundit. Kjo është edhe një nga pistat në të cilat policia po heton edhe sot në lidhje me vrasjen e 38-vjeçarit, por duke iu kthyer njohjes dhe lidhjes që viktima, Bledar Birçaj kishte me efektivin antidrogës, Granit Deromemaj, ky i fundit tha se nuk kishte asnjë dijeni se çfarë aktiviteti kishte miku I tij jashtë vendit.

“Unë siç ju thashë e njoh që në fëmijëri, viktimën Bledar Birçaj. Unë mund t’ju them se nuk kam asnjë informacion për problemet që viktima kishte jashtë vendit, dhe po kështu dua të them se nuk i kam ofruar asnjë ndihmë në këtë aktivitet”, është shprehur Granit Deromemaj.

Sa i besueshëm ishte efektivi i antidrogës në thëniet e tij për aktivitetin e panjohur në dijeninë e tij, të mikut që nga fëmijëria, kjo mbetet për t’u hetuar nga grupi hetues. E e vërteta është se në lidhje me ekzekutimin e Birçaj, policia vazhdon të hetojë për vrasje për shkak të përplasjeve mes grupeve kriminale në çështjet e trafikut të drogës.

Në lidhje me hetimet që duket se janë komplekse dhe të vështira, grupi hetues kërkoi informacion edhe nga operatorët e kompanive telefonike në Shqipëri, për të parë se cilët ishin numrat e loguar në koordinatat e lëvizjes së makinës së viktimës dhe të autorëve, ku u kaluan në sitë antenat telefonike që mbulojnë 14 koordinata që lidhen me itinerarin e lëvizjeve të dy makinave të përfshira në atentat. U analizuan 1982 thirrje, apo mesazhe telefonike, por në asnjë rast sipas grupi hetues, nuk pati shkaqe të besueshme, që të ndihmonin në identifikimin e autorëve të ngjarjes.

“Në funksion të hetimeve të këtij procedimi u është kërkuar disa kompanive telefonike celulare të dhëna mbi fluksin e thirrjeve hyrëse-dalëse, Sms, Mms, Gprs, si dhe Imei-in të numrave që janë loguar në antenat që mbulojnë 14 koordinata dhe i është bërë shkresë Sektorit të mbledhjes dhe përpunimit të informacionit në Drejtorinë Hetimore Qendrore për analizimin e këtyre të dhënave. Me procesverbalin e këqyrjes së të dhënave nga ky sektor jemi njoftuar se numra të njëjtë që janë loguar në koordinata të ndryshme janë 1982 në 15 koordinata të ndryshme”, thuhet në dosjen hetimore.

Ndërsa grupi hetues bëri zhvilloi këtë krehje të thirrjeve telefonike, paralelisht kërkoi të gjejë gjurmë krahasimi edhe midis armëve të regjistruara në sistemin e tyre, dhe armës që u përdor në krim, por edhe ky kërkim duket se rezultoi i kotë. Kjo pasi autorët mendohet se qëlluan me një armë e cila nuk ishte përdorur në krimet e mëparshme, çka mund ta ndihmonte grupin hetues në shkuarjen më shpejt drejt identifikimit të tyre.

“Në lidhje me këtë ngjarje janë përpiluar të gjitha vendimet e ekspertimeve ku nga përgjigjet e ardhura deri më tani konkludohet se; Predha e sekuestruar gjatë kqyrjes së kufomës është pjesërisht e dëmtuar, ajo iu përket fishekëve luftarak model 56, kalibër 7.62 dhe për shkak të dëmtimit kjo predhë mund të krahasohet vetëm me armën e zjarrit konkrete e cila e ka qitur dhe jo e vlefshme për krahasim masiv”, thuhet ën dosjen hetimore.

29 gëzhojat e sekuestruara gjatë këqyrjes së vendit të ngjarjes nga krahasimi në sistemin arsenal nuk rezultuan të regjistruara në këtë sistem, por për t’iu kthyer profilit të Bledar Birçaj dhe lidhjeve të tij me krimin, punët në biznesin e trafikut të drogës nuk ishin të vetme çështje të hapura që ai mund të kishte me ata që tashmë e ndiqnin për ta vrarë.

Birçaj që thuhet se kishte vetëm një muaj që ishte kthyer nga Spanja, nuk ishte një emër i panjohur të paktën për policinë shqiptare. Në mars të vitit 2011 ai u arrestua në qytetin e Vlorës, si i dyshuar për vrasjen ndaj shtetasit Artur Tahiraj, ku u mbajt në arrest për 45 ditë.

Në muajin prill Gjykata e Vlorës, e zëvendësoi masën ndaj tij nga ‘arrest në burg’ në masën ‘detyrim paraqitje në policinë gjyqësore’ dhe ‘ndalim të daljes jashtë shtetit’ deri në përfundim të hetimeve. Në muajin korrik, po të vitit 2011, Prokuroria e Vlorës vendosi pushimin e hetimit në ngarkim të Bledar Birçaj duke e lënë atë të lirë, çështje për të cilën thuhet se ai mori edhe dëmshpërblim.

Para se kësaj ngjarje, në vitin 2010, Birçaj dhe vëllai i tij ishin proceduar penalisht pasi kishin dhunuar juristin e Zyrës Vendore të Regjistrimit të Pasurive të Paluajtshme, në qytetin e Vlorës, personin me inicialet F.H., ku prokuroria në atë kohë nisi procedim penal në gjendje të lirë për dy të rinjtë.
Ndërsa grupi hetues ishte ndalur te vrasja e Bledar Birçaj, vetëm 10 ditë më pas, Vlora gjendet e tronditur nga një tjetër krim, edhe ky i lidhur me luftën e egër që kishte shpërthyer në qytet midis grupeve rivale, që nuk po kursenin asnjë metodë për eliminimin e atyre që ata i konsideronin kundërshtarë.

Viktima e radhës do të ishte Delon Troqe, i cili ashtu si edhe Bledar Birçaj, sapo ishte kthyer nga Spanja. Ai u qëllua mbrëmjen e datës 21 maj, me 15 plumba automatiku, në derën e servisit të tij, prapa pallatit të lojërave me dorë, ‘Flamurtari’, në orën 21.50 në lagjen ‘Pavarësia’ në qytet.

Delon Troqe ishte i afërm me një tjetër viktimë të luftës së bandave në qytet, ai ishte kushëri me Elvis Troqen, i cili u rrëmbye ditën për diell në mes të qytetit të Vlorës, më 17 korrik 2018.

Ditën kur ai kishte vendosur ti prezantonte nënës së tij që kishte ditëlindjen, vajzën me të cilën do të lidhte jetën, ai u rrëmbye në rrugë nga persona të panjohur, për të humbur gjurmët edhe sot. Sipas policisë, rrëmbimi dhe zhdukja e Ervis Troqes, mendohet se u krye për shkak të prishjes së pazareve të drogës.

Të njëjtat pazare të prishura që çuan kohë pas kohe edhe në eleminime të tjera në këtë qytet, vetëm një muaj para se Elvis Troqe të rrëmbehej dhe të zhdukej pa gjurmë, një tjetër rrëmbim i ngjashëm u krye në qytet. Albano Xhaferri kishte vetëm një muaj që ishte kthyer nga Belgjika.

A i rrëmbye forcërisht me të dalë nga banesa e tij, mëngjesin e datës 17 qershor 2018 dhe u fut në një makinë, ku thuhet se u vra i qëlluar me një çekiç pas koke. Vrasja e tij u dëshmua nga një prej personave që morën pjesën në rrëmbimin e tij, nga një i penduar i cili rrëfeu për grupin hetues të gjithë skenën e krimit, autorët dhe shkakun pse ishte kryer ky rrëmbim.

Sipas tij, Albano Xhaferri u rrëmbye për prishje të pazareve të drogës dhe vrasja e tij u porosit nga Edison Harizaj apo ndryshe i njohur në Vlorës si Edison ‘Faqedjeguri’, një nga një personazhet më të fuqishëm të krimit në Vlorë.

I lidhur me bandat edhe në qytetin e Durrësit, i cili u ekzekutua edhe vetë më 7 nëntor 2018 në qytetin e Durrësit, ndërsa po kthehej në mbrëmje nga Tirana në drejtim të Vlorës.

Po për t’iu kthyer edhe njëherë vrasjes së Bledar Birçaj dhe atyre që pasuan ekzekutimin e tij, gjithçka thuhet se lidhet pikërisht me luftën për pushtetin e drogës.

Luftë e cila në harkun kohor të pak viteve prodhoi në Vlorë shumë të vrarë por edhe të rrëmbyer, ku sipas statistikave vetëm në vitet 2015-2020 në këtë qytet u rrëmbyen 16 persona si edhe u kryen 34 atentate të bujshme, pa numëruar hedhjen në erë të makinave, apo djegiet e tyre.

Betejë e cila duket sikur për momentin ka ulur armët, por që pikërisht atëherë kur mendon se lufta i ka lënë vend paqes, ajo bëhet edhe më e ndezur.

The post Kush e ekzekutoi Bledar Birçajn? Dyshime se grabiti drogën e grupit kundërshtar, ku po heton policia appeared first on Albeu.com.

Në shkresën e firmosur nga Veliu argumentohet se një nga arsyet që është bërë përjashtimi i efektivit ka qenë mungesa e reagimit nga ana e tij në momentin që ndodhi vrasja, edhe pse ka pasur armën e shërbimit me vete. Nga ana tjetër, Deromemaj kishte dijeni që biznesmeni që u vra me breshëri kallashnikovi lëvizte me armë pa leje në makinë dhe as për këtë gjë, nuk kishte reaguar.

The post Në një makinë me Bledar Birçajn, përjashtohet nga policia efektivi i antidrogës Granit Deromemajt appeared first on Albeu.com.

Gazetarja Klodiana Lala ka deklaruar se hetuesit dyshojnë se urdhri për ekzekutimin mund të ketë ardhur nga Spanja, ndërsa ka dyshime se mund të ketë një lidhje mes vrasjes së Troqes dhe Bledar Birçajt.

“Prokuroria ka disa pista. Kishte tre javë që ishte kthyer nga Spanja në Vlorë. Sytë e hetuesve janë drejtuar në Spanjë dhe janë duke e lidhur me çështjen e trafikut të drograve të forta. Në Spanjë ka grupe personash që janë nga Vlora apo na Fieri. Nuk ishte një personazh që kishte rekorde, kishte qenë në burg por jo për rekorde kriminale.

Hetuesit dyshojnë se urdhri për ekzekutimin e tij mund të ketë ardhur nga Spanja. Dyshimet janë për përfshirje në çështjen e drograve të forta. Troqe në Shqipëri kishte vetëm një aktivitet ku bënte shërbime me skafin e tij për turizëm. Nuk kishte ndonjë rekord tjetër apo konflikt të fundit. Është zgjedhur një orar që nuk ka pasur lëvizje. Autorët e kanë njohur zonën. Mund të kenë vepruar edhe kundrejt pagesës”, shprehet Lala. /albeu.com/

The post Ekzekutimi u porosit nga Spanja? Zbulohen detaje të reja lidhur me vrasjen e Delon Troqes në Vlorë appeared first on Albeu.com.

Mbrëmjen e djeshme në Vlorë u ekzekutua për vdekje një tjetër I ri, Delion Troqa, 38-vjeçar. Për këtë krim mafioz, policia ka shoqëruar rreth 20 shtetas, shumica dëshmitarë okularë dhe të afërm të viktimës.

Ndërkohë që hetimet vazhdojnë, vihet re se ka një të përbashkët mes 3 atentateve të fundit në Shqipëri, në qytetet Vlorë dhe Elbasan.

Në harkun kohor të dy javeve, janë ekzekutuar 3 të rinj, të cilët të përbashkët kishin ardhjen nga Spanja.

Ekzekutimi i Delion Troqës- 21 maj 2021

Mbrëmjen e së premtes, Delon Troqe, 38 vjeç u qëllua me armë zjarri dhe si pasojë e plagëve të marra ka ndërruar jetë në spitalin e Vlorës.

Mësohet se viktima kishte rreth 2 javë që ishte kthyer nga Spanja. Po ashtu, mësohet se viktima ka qenë i dënuar dhe ka bërë disa vite burg në moshën e adoleshencës. Troqe kishte në pronësi një servis skafesh në Vlorë.

Ndërkohë që një makinë është gjetur e djegur në zonën e Sherishtës në Vlorë, që dyshohet se është përdorur nga autorët, të cilët pasi janë larguar nga vendi i ngjarjes kanë djegur makinën për të fshehur gjurmët e vrasjes.

Ekzekutimi  i Everest  Çaka- 11 maj 2021

Elbasani u trondit nga vrasja e Everest Çakës i cili po udhëtonte me makinë bashkë me bashkëshorten ku u qëllua me breshëri plumbash duke i marrë jetën.

Nga ky atentat ngeli e plagosur edhe bashkëshortja e tij. Çifti kishte vetëm pak ditë që kishte ardhur në Shqipëri pasi kishin qëndruar një periudhë kohe në Spanjë.

Ekzekutimi i Bledar Birçajt-10 maj 2021

Në zonën e quajtur “Bishti i Kalldrëmit” në Vlorë është qëlluar teksa udhëtonte me mjetin e tij tip BMW Bledar Birçaj. Ai ka ndërruar jetë në spitalin e qytetit nga plumbat e marrë.

Në drejtim të automjetit është qëlluar mbi 10 herë ndërkohë që në trupin e viktimës mendohet se janë konstatuar deri në 7 plumba.

Mësohet Birçaj kishte vetëm një muaj që ishte kthyer nga Spanja, dhe një nga pistat ku po hetohet janë konfliktet që mund të ketë pasur në Spanjë.

Ndaj edhe pista kryesore e hetimeve është përplasja e bandave për trafik droge në Spanjë.

Emri i tij nuk është një emër i panjohur për policinë, pasi në vitin 2011 është arrestuar në Vlorë si i dyshuar për vrasje duke iu vendosur masa e arrestit me burg me afat 45 ditë. /albeu.com/

The post 3 atentate mafioze në pak ditë, “misteri” që i lidh viktimat në Vlorë dhe Elbasan appeared first on Albeu.com.

Por cilat janë ngjarjet që ngritën policinë në këmbë dhe vunë në rrezik jetën e qytetarëve që lëvizin rastësisht në rrugë?

-Ditën e hënë u vra me breshëri plumbash në Vlorë biznesmeni 40-vjeçar, Bledar Birçaj. Viktima po udhëtonte me makinën e tij kur u qëllua me kallashnikov nga dy persona të maskuar që i dolën në rrugë. Birçaj ndërroi jetë menjëherë. Sikurse është raportuar edhe më herët, Birçaj ka qenë pronar i një restoranti në Vlorë dhe dikur ish-drejtor banke.

-Mbrëmjen e së hënës Mehmet Qema, 27 vjeç u vra nga shoku i tij padashje. Ngjarja ndodhi në zonën e “5 Majit”, në lokaline autorit. Qema ndërroi jetë në spital., ndërsa njihej për miqësinë e tij me shumë reperë në Shqipëri.

-Të martën u ekzekutua në një atentat Everest Çaka. Ai ndodhej në makinë me bashkëshorten Silvana kur u ekzekutua. Bashkëshortja e tij u plagos. Atentati ndaj Çakës dyshohet të jetë vazhdimësi i 4 vrasjeve të tjera. /albeu.com/

The post Vrasje në mes të ditës e në sy të të gjithëve, java e përgjakshme që lamë pas appeared first on Albeu.com.

Në objektiv kanë qenë personat e shpallur në kërkim, ata që lëvizin me armë, por edhe të tjerë që mund të thyejnë masat e arrestit të gjykatave. Nga informacionet e para raportohet se janë ndalur disa persona për vepra të ndryshme penale.

Policia gjatë natës ka ngritur pika kontrolli në disa pika të qytetit bregdetar, ndërsa disa persona janë ndaluar. Kontrollet në fjalë janë bërë për ndalimin e personave me precedentë penale, që janë në kërkim.

Kujtojmë se pronari i një lokali të njohur në Vlorë, humbi jetën më 10 maj, pasi u qëllua me breshëri teksa lëvizte me makinën e tij në lagjen “Hajro Çakërri”.

The post Vrasja e Bledar Birçajt, policia aksion mbrëmjen e djeshme në Vlorë appeared first on Albeu.com.

Lala, e ftuar në emisionin “Të Paekspozuarit”, tha se dy vrasjet në Vlorë dhe Elbasan, kanë sfond mafioz dhe se atentati i Vlorës, ku mbeti i vrarë Bledar Bircaj, mund të jetë kryer nga vrasës me pagesë.

PJESË NGA BISEDA:

Klodiana Lala: Sigurisht që janë vrasje mafioze, ka organizim shumë të detajuar. Mbajnë armë të kalibrit të lartë. Kanë përçuar mesazhe në mënyrën si u krye atentati në Vlorë. Po t’i shohësh mënyrën si qëllojnë diagonalisht dhe nuk vrasin askënd përvec shënjestrës. Ata që kanë kryer vrasjet janë njohës shumë të mirë të zonës. Është mesazh, sepse është zgjedhur ora 13:00 dhe një vend shumë i frekuentuar. Aty ka një polic të shtrirë dhe shënjestra do të ulte shpejtësisë. Grupi tjetër i intersuar për ta ekzekutuar ka vepruar me shpejtësi, e kanë vëzhguar për 3 jave, formë shumë e lartë e organizimit.

Artur Zheji: Sa kushton ky operacion? Janë vrasës me pagesë?

Klodiana Lala: Policia ka dyshime se mund të kenë vepruar për inters, në këmbim të parave. Nuk është djegur automjeti, pra ata kanë qenë të bindur se ku do ta se dhkatërronin. Ka ofiçina të specializuara për këtë cështje. Pista kryesore është ajo e drogave të forta. Ngjarja e Elbasnit, nuk është surprizë. Elbasani ka shënuar vrasje të një kalibri të lartë. Autorët e dyshuar kanë zjedhur një vend që nuk lë asnjë gjurmë për policinë. /tpz.al

The post Ekzekutimi në Vlorë, Lala: Shenjat tregojnë se kemi të bëjmë me “killera” të paguar! appeared first on Albeu.com.

Viktima po udhëtonte me makinën e tij kur u qëllua me kallashnikov nga dy persona të maskuar që i dolën në rrugë. Birçaj ndërroi jetë menjëherë. Sikurse është raportuar edhe më herët, Birçaj ka qenë pronar i një restoranti në Vlorë.

Sipas gazetarit Jul Kasapi, viktima ka punuar si drejtor banke para disa vitesh dhe filiali i asaj banke kishte rënë pre e grabitjes. Pas atij momenti, Birçaj u pushua nga puna.

“E dini ju që Bledar Birçaj ka qenë drejtor banke? Banka është vjedhur dhe viktima është pushuar nga puna. Personi tjetër është një analist kredie. Edhe kjo histori është një çështje droge.  Se si ka mundësi që një agjent i antodrogës është në makinën e ….”, u shpreh gazetari Kasapi duke iu referuar vrasjes në mes të Vlorës, kur në makinën e Birçajt në momentin e atentatit ndodhej edhe një agjent krimesh.

Sipas tij, vrasësit e Birçajt janë persona të njohur të zonës: “Ajo që policia dyshon është që të dy personat janë të zonës, largimi i tyre është bërë në By Pass i Vlorës dhe aty ka një rrjet degëzimesh dhe ato i njohin mirë.

Vetëm dy raste ku makina nuk është gjetur. Është ky, dhe rasti i vrasjes së Harizajt në Durrës që nuk u gjet kurrë makina”.

The post Bledar Birçaj ka qenë edhe drejtor banke, detajet “e çuditshme” nga atentati mafioz appeared first on Albeu.com.