Egnatia ka bërë zyrtarizimin e Bjorni Dukës si afrimin e saj më të fundit. Klubi rrogozhinas e njoftoi transferimin përmes një postimi të publikuar në rrjetet sociale.

Mesfushori 18-vjeçar është formuar në ekipet zinxhir të Tiranës, Partizanit dhe Dinamos. Bashkimi me Egnatian përbën një mundësi të rëndësishme për të, pasi do të ketë mundësinë të tregojë aftësitë e tij në një skuadër kampionati.

“Mirë se vjen në familjen Egnatia, Bjorni Duka! Sot nis për ty një kapitull i ri, me një fanellë dhe familje të re, por edhe me një sfidë të madhe përpara. Mirë se erdhe, Bjorni! Të urojmë suksese, fitore dhe momente të paharrueshme me fanellën tonë”, shkroi klubi rrogozhinas në njoftimin e tij.

The post Egnatia përforcohet me 18-vjeçarin Bjorni Duka, mesfushori vjen nga ekipet e kryeqytetit appeared first on Albeu.com.