Makina tip “Audi”, e shkrumbuar plotësisht, është gjetur në aksin rrugor Elbasan-Librazhd, para kthesave të Murrashit.

Dyshohet se në këtë vrasje të jenë përfshirë dy persona.

Biznesmeni rezulton se është qëlluar me 3 plumba, dy në kokë dhe një në gjoks, duke ndërruar jetë brenda makinës së tij tip “Range Rover”.

Mëhalla ishte pronari i një pike karburanti dhe kompanisë së taksive “El Taxi”, në Elbasan.

43-vjeçari u qëllua sapo kishte dalë nga zyra në karburantin “Xhaxhi Oil” në pronësi të tij dhe ishte futur në automjetin “Range Rover”. Autorët e kanë qëlluar disa herë me pistoletë, ndërsa dy prej plumbave e prekën në kokë. 43-vjeçari ishte me precedentë dhe jetonte në zonën Komuna e Parisit në Tiranë.

Mondi Mëhalla ishte pronar i karburantit “Xhaxhi Oil” në dalje të Elbasanit, një shërbimi taksi “El Taxi” si dhe Hollyëood Lounge Bar.

The post Vrasja e biznesmenit në Elbasan, gjendet e djegur makina e autorëve (FOTO) appeared first on Albeu.com.

Trupi i pajetë i 43-vjeçarit u gjet brenda makinës rreth orës 20:35, në lagjen “Emin Matraxhiu” të qytetit të Elbasanit.

Sipas informacioneve policore, viktima sapo kishte dalë nga zyra, në afërsi të së cilës ndodhen bizneset dhe shtëpia e nënës së tij.

Edmond Hyka alias Mond Mëhalla, rezulton të jetë hetuar nga prokuroria dhe policia e Elbasanit për akuzën e “Pastrimit të produkteve të veprës penale”, pasi ai ishte proceduar më parë dhe arrestuar nga drejtësia e një vendi të huaj si i dyshuar në trafikun e drogës.

Gazetari Elton Qyno, ka mësuar nga burime të sigurta se dosja penale për pastrim parash ndaj Mond Mëhallës, është hapur në vitin 2020 dhe mbante numrin rendor 1878.

Rasti në fjalë është ndjekur nga prokuroria e çështjes Edlira Bako, e cila pas gati 3 vite hetime, nuk mund t’i provojë me fakte konkrete akuzën e Pastrimit të parave, duke çuar dosjen në gjykatën e Elbasanit për pushim.

Çështja më pas është ndjekur në fazën e gjykimit nga gjyqtari Elis Dine, i cili për momentin nuk dihet me saktësi se çfarë ka vendosur lidhur me hetimin financiar ndaj Edmond Mëhallës.

Edmond Mëhalla, ishte pronari i clabit “Hollyvood Lounge Bar”. Ai zotëronte dhe një pikë karburanti “Xhaxhi Oil”, në oborrin e të cilit mbeti i vrarë si dhe një kompani taksish e transporti të quajtur “EL-Taxi”./ Syritv

The post Atentati në Elbasan/ Viktima Edmond Mëhalla 3 vite në hetim për pastrimin parash, prokuroria më pas kërkoi pushimin e dosjes appeared first on Albeu.com.

Dy vëllezërit akuzohen për ‘Vrasje me paramendim’ e kryer në bashkëpunim, ‘Mbajtja pa leje dhe prodhim i armëve’ dhe ‘Prodhimi, mbajtja, blerja apo shitja pa leje e armëve të ftohta’.

Nga hetimet rezultoi se personi nën hetim Shkëlqim Duka, në bashkëpunim me vëllanë e tij Florjan Duka, kanë kryer vrasjen me paramendim të biznesmenit Eduart Reçi.

“Nga hetimi rezultoi se viktima Reçi ndër vite ka ndërtuar në Tiranë, dy pallate dhe një vilë dhe të gjitha njësitë e banimit, garazhde, njësitë tregtare, vila etj., i ka dhënë me qira, tek persona të ndryshëm. Ndër personat që viktima ka patur mosmarrëveshje për çështje pronësie janë vëllezërit Duka pronarë të një lokali i cili kufizohej me lokalin në pronësi të viktimës, pasi një pjesë e lokalit të të pandehurve ishte ndërtuar në tokën e viktimës”, sqaron Prokuroria.

Organi i akuzës thotë se dy vëllezërit nuk kanë pasur marrëdhënie të mira me biznesmenin, sepse prej shumë vitesh kishin ndërtuar lokalin pa leje dhe kishin pushtuar një pjesë të sipërfaqes së tokës në pronësi të viktimës.

“Megjithëse ky problem ishte diskutuar midis viktimës dhe personave nën hetim, nisur nga pozicioni i Sh. D., si oficer policie, viktima kishte hezituar ta zgjidhte çështjen në rrugë gjyqësore, dhe u kishte kërkuar ta lironin në mënyrë vullnetare. Meqenëse viktima u kishte propozuar të ndërtonin një pallat, personat nën hetim e kanë kuptuar se në rast ndërtimi të pallatit, viktima do të kërkonte sipërfaqen e tij takuese dhe ata do të cenoheshin në sipërfaqen e tokës që e kishin zaptuar padrejtësisht, si për pjesën takuese të viktimës ashtu edhe për pjesën tjetër që kishin ndërtuar lokalin pa leje në tokë që nuk ishte në pronësi të tyre. Në këto rrethana, për interes pasuror, ata kanë vendosur të realizojnë vrasjen e shtetasit E.R”.

Njoftimi:

Prokuroria pranë Gjykatës së Shkallës së Parë të Juridiksionit të Përgjithshëm, Tiranë, përfundoi hetimet dhe dërgon në gjyq shtetasit F.D. dhe Sh.D. për veprat penale ‘Vrasje me paramendim’ e kryer në bashkëpunim, ‘Mbajtja pa leje dhe prodhim i armëve’ dhe ‘Prodhimi, mbajtja, blerja apo shitja pa leje e armëve të ftohta’ parashikuar nga nenet 78, pg.2 e 25, 278 dhe 279, pg.1 e 25 i Kodit Panal.

Nga hetimet mbi procedimin penal nr.7559 të vitit 2024, rezultoi përtej çdo dyshimi të arësyeshëm, se personi nën hetim Sh.D., në bashkëpunim me vëllanë e tij F.D., kanë kryer vrasjen me paramendim ndaj viktimës E. R.

Nga hetimi rezultoi se viktima E.R. ndër vite ka ndërtuar në Tiranë, dy pallate dhe një vilë dhe të gjitha njësitë e banimit, garazhde, njësitë tregtare, vila etj., i ka dhënë me qira, tek persona të ndryshëm. Ndër personat që viktima ka patur mosmarrëveshje për çështje pronësie janë vellëzërit Sh.D. e F. D., pronarë të një lokali i cili kufizohej me lokalin në pronësi të viktimës, pasi një pjesë e lokalit të të pandehurve ishte ndërtuar në tokën e viktimës.

Nga çmuarja në tërësi e provave dhe indicieve të rëndësishme të administruara, të cilat janë të sakta dhe në përputhje me njëra-tjetrën, krijohet bindja tej çdo dyshimi të arësyeshëm se personi nën hetim Sh. D. në bashkëpunim me vëllanë e tij F. D., është autori në rolin e ekzekutorit të tentativës së vrasjes së shtetasit E. R. në datën 08.11.2024 dhe më pas të vrasjes së tij në datën 13.11.2024, me paramendim si dhe të kryerjes së veprave penale të mbajtjes pa leje të armëve të zjarrit dhe armëve të ftohta në bashkëpunim.

Personi nën hetim Sh. D. e ka kryer vrasjen e shtetasit E.R. me paramendim për interes pasuror, pra e ka marë vendimin për kryerjen e vrasjes me qetësi së bashku me vëllanë e tij, duke përgatitur së bashku planin kriminal për realizimin e saj. Ai ka parashikuar të gjitha rrethanat për realizimin e vrasjes që lidhen me: përgatitjen për të patur saktësi në realizimin e vrasjes duke bërë qitje në poligon, sigurimin e armës dhe dylbive për realizimin e vrasjes natën dhe në distancë, zgjedhjen e vendit të kryerjes së krimit me qëllim që të realizonte vrasjen dhe të mos ekspozohej, nxjerjen në pritë të viktimës nëpërmjet hedhjes së fishkezjarëve në oborrin e lokalit të tij, kryerjen e krimit me fshehtësi dhe marrjen e masave për t’iu shmangur përgjegjësisë penale.

Për realizimin e vrasjes, krahas veprimeve për sigurimin e armës, personi nën hetim së bashku me vëllain e tij, kanë studiuar me imtësi dhe kanë përcaktuar kohën dhe vendin ku do të realizonin vrasjen, me qëllimin njëkohësisht që të mos diktoheshin dhe t’i shpëtonin përgjegjësisë penale. Ata, sipas një plani të detajuar, kanë vendosur që vrasjen e shtetasit E. R. ta realizonin natën me qëllim që të mos ekspozoheshin dhe identifikoheshin nga kamerat apo personat. Duke qenë në dijeni se viktima në mbrëmje dilte që pastronte oborrin, të pandehurit kanë vendosur që vrasjen ta kryejnë në distancë, nga një pozicion ku kishte pamje të oborrit para lokalit të viktimës dhe që ekzekutori të mos ishte i monitoruar nga kamerat dhe larg syve të njerezve.

Personi nën hetim Sh. D. së bashku me vëllanë e tij nuk kanë patur marëdhënie të mira me viktimën E. R. sepse personat nën hetim prej shumë vitesh kishin ndërtuar lokalin pa leje dhe kishin pushtuar një pjesë të sipërfaqes së tokës në pronësi të viktimës. Megjithëse ky problem ishte diskutuar midis viktimës dhe personave nën hetim, nisur nga pozicioni i Sh. D., si oficer policie, viktima kishte hezituar ta zgjidhte çështjen në rrugë gjyqësore, dhe u kishte kërkuar ta lironin në mënyrë vullnetare. Meqenëse viktima u kishte propozuar të ndërtonin një pallat, personat nën hetim e kanë kuptuar se në rast ndërtimi të pallatit, viktima do të kërkonte sipërfaqen e tij takuese dhe ata do të cenoheshin në sipërfaqen e tokës që e kishin zaptuar padrejtësisht, si për pjesën takuese të viktimës ashtu edhe për pjesën tjetër që kishin ndërtuar lokalin pa leje në tokë që nuk ishte në pronësi të tyre. Në këto rrethana, për interes pasuror, ata kanë vendosur të realizojnë vrasjen e shtetasit E.R.

The post Ekzekutuan biznesmenin Eduart Reçi/ Prokuroria e Tiranës dërgon në gjyq dy vëllezërit, si u planifikua vrasja (ZBARDHEN DETAJE) appeared first on Albeu.com.

Detaje të reja kanë dalë në dritë në rastin e vrasjes së dyfishtë në Finikounda, pas arrestimit të një 22-vjeçari që dyshohet se është bashkëpunëtor i autorit. I riu pretendon se fillimisht kishte shkuar në Finikounda vetëm, duke u përpjekur të frikësonte pronarin e kampingut me një pistoletë ajrore me qëllim që t’i zhvaste para. Përpjekja e tij, siç pretendoi ai, dështoi dhe ai u kthye në Athinë.

Pasi u kthye, ai i ka rrëfeu mikut të tij çfarë kishte ndodhur dhe i sugjeroi që të zbrisnin së bashku në Finikounda për të kërcënuar pronarin. Dy të rinjtë udhëtuan përsëri për në Mesinia dhe mbërritën në kampingun ku po qëndronte viktima. 22-vjeçari pohoi se, me të mbërritur në vendngjarje, miku i tij hyri vetëm në kamping, duke mbajtur armën, ndërsa priste jashtë.

Sipas të njëjtit version, dy të rinjtë u larguan menjëherë nga vendi i ngjarjes dhe u larguan nga zona. Gjithashtu avokati i 22-vjeçarit, Charalambos Lykoudis, foli për çështjen, duke thënë se nuk kishte motiv financiar për sulmin, si dhe se qëllimi i dy personave që ndodheshin në motor ishte ta frikësonin dhe t’i zhvatnin paratë.

Konkretisht, avokati i 22-vjeçarit tha: “Ai doli vullnetarisht dhe u vu në dispozicion të drejtësisë. Ai është një shtetas 22-vjeçar pa sjellje të mëparshme kriminale. Ai nuk ka asnjë lidhje familjare me viktimën dhe nuk ka asnjë motiv financiar dhe çfarë është dëgjuar deri më sot. Nuk ka çështje nxitjeje morale. Gjithçka që është dëgjuar deri më sot për çështje financiare nuk korrespondon me realitetin. Ai ishte pasagjer në motor nga e shtëna e njohur, është fëmija me pantallona të shkurtra në sediljen e pasme.”

The post Vrasja e pronarit të kampingut dhe punëtorit shqiptar/ Bashkëpunëtori 22-vjeçar tregon emrin e ekzekutorit, i riu arrestohet në banesën e tij appeared first on Albeu.com.

Mjeti i tij lundrues, ishte gjetur i dëmtuar dhe gjysmë i fundosur në ujërat pranë Artakës, në Detin e Marmarasë.

Ngjarja tragjike ndodhi më 4 gusht, kur Halit Yukay, u nis i vetëm nga Turqia drejt Mykonos me jahtin e tij “Graywolf”.

Të njëjtën ditë, rreth orës 15:10, familjarët humbën kontaktin me të dhe njoftuan autoritetet për zhdukjen.

Një ditë më pas, më 5 gusht rreth orës 14:30, një anije tregtare raportoi se kishte parë pjesë të jahtit që notonin gjysmë të fundosura në det.

Pas këtij informacioni, nisi një operacion i gjerë kërkimi me pjesëmarrjen e njësive të rojes bregdetare nga rajone të ndryshme të Turqisë.

Kërkimet vazhduan pa ndërprerje për më shumë se dy javë, derisa më në fund, dy ditë më parë, zhytësit lokalizuan trupin e Yukay në të njëjtin vend ku ishte gjetur mjeti i tij lundrues.

Zona u identifikua përmes një pajisjeje të specializuar të rojes bregdetare, ndërsa konfirmimi erdhi nga një robot nënujor, i cili regjistroi pamje të trupit si dhe pjesë të jahtit.

Sipas autoriteteve, trupi do të nxirret në sipërfaqe përmes një sistemi të posaçëm “ashensori nënujor”, për të shmangur dëmtime të mëtejshme.

Operacioni po koordinohet nga zhytës ushtarakë dhe pritet të përfundojë brenda orëve të ardhshme.

Kush ishte Halit Yukay?

I lindur në vitin 1982, Halit Yukay, ishte themeluesi dhe pronari i kompanisë “Mazu Yachts”, e njohur në Turqi për ndërtimin e jahteve luksoze.

Ai nisi karrierën e tij si punëtor në kantieret detare, duke ushqyer ëndrrën për të pasur një ditë kompaninë e tij.

Kjo ëndërr u bë realitet në vitin 2011, kur themeloi “Mazu Yachts”, e cila shquhet për dizajnet dhe teknologjitë moderne në industrinë detare turke.

The post Gjendet trupi i biznesmenit turk Halit Yukay/ U zbulua nga një robot nënujor pas 19 ditë kërkimesh appeared first on Albeu.com.

Raportohet se pas këqyrjes së shumë kamerave të sigurisë, ka rezultuar se autori është nisur nga një lagje e Kombinatit për në Selitë e vogël, aty ku edhe ekzekutoi 57-vjeçarin Bujar Nasufi.

Nga hetimet e kryera, ka rezultuar e ka pritur mbi 15 minuta Bujar Nasufin, i fshehur në një rrugicë pranë banesës së 57-vjeçarit.

Policia dyshon se autori e njihte shumë mirë zonën, pasi në çdo lëvizje që ka bërë nuk ka përdorur rrugën kryesore, por vetëm rrugica alternative.

Edhe kur është larguar autori i dyshuar me motor, ka përdorur një rrugicë shumë pranë vendit ku kreu ekzekutimi për t’u larguar dhe më pas ka dalë në kodër Sharrë ku dogji motorin, shumë pranë zonës nga ku u nis, Kombinati. Grupi hetimor vijon ende me këqyrjen e kamerave të sigurisë.

Ndërkohë dy ditë më parë, janë rimarrë në pyetje sërish familjarët e të ndjerit, ku janë pyetur lidhur me konfliktet e mundshme që mund të ketë pasur viktima.

Policia po i heton të gjitha pistat, por pista kryesore vijon të jetë ajo e konflikteve për motive pronësie.

The post Vrasja e biznesmenit Bujar Nasufi në Tiranë, çfarë zbuluan kamerat e sigurisë, ja pista ku po heton policia appeared first on Albeu.com.

Burime për mediat pranë grupit hetimor, bëjnë me dije se para se të qëllohej drejt tij, pranë pallatit të Eduart Reçit janë dëgjuar dhe shpërthime fishekzjarresh, të cilat dyshohet se janë përdorur për kamuflim nga autorët.

Mësohet se jo vetëm atë natë, por në të njëjtën orë janë dëgjuar shpërthime fishekzjarresh për disa netë rresht gjatë kësaj jave në të njëjtin vend.

Në momentin kur është qëlluar, Eduart Reçi ka qenë në sheshpushimin e pallatit, ndërsa bashkëshortja e tij ka qenë brenda pallatit, ku po pastronte, pasi kanë në pronësi disa apartamente që i lëshonin me qira ditore për turistët.

Burime bëjnë me dije se gjatë shpërthimeve të fishekzjarreve, Eduart Reçi është shtrirë në tokë pasi është qëlluar, ndërsa bashkëshortja e tij fillimisht ka menduar se ndonjë cifël e fishekzjarreve i ka rënë në kokë.

Plumbi në kokën e 52-vjeçarit, është konstatuar vetëm në momentin kur ka mbërritur në vendin e ngjarjes ambulanca.

Kjo kuptohet edhe nga njoftimi paraprak që është bërë në Polici, ku është njoftuar përmes një telefonate se ka një person të gjakosur dhe jo për person të plagosur me armë zjarri.

Ndërkohë, Policia ka si provë vetëm predhën e plumbit dhe jo gëzhojën. Nga hetimet paraprake, dyshohet se Eduart Reçi është qëlluar nga një distance prej 20-30 metrash me një pushkë të shkurtër sportive amerikane me dylbi, prodhim i viteve të fundit.

Kjo armë kur qëllon nuk bën aq zhurmë sa armët e zakonshme të zjarrit, si dhe e mban gëzhojën brenda në armë.

I filmuar nga kamerat e sigurisë, Eduart Reçi, në momentin kur është qëlluar ka qenë duke përdorur celularin. Ky celular i viktimës është dërguar për ekspertim, me shpresën se mund të zbulohet ndonjë e dhënë në komunikimet që ka pasur së fundmi.

Grupi hetimor po bën kqyrjen në distancë të kamerave të sigurisë edhe për ditët para ngjarjes, për të parë lëvizje të dyshimta të personave që mund ta kenë ruajtur.

Dëshmi në Polici ka dhënë djali i viktimës, i cili ka deklaruar se aktualisht babai i tij nuk ka pasur konflikte, në dijeninë e tij.

Mësohet se Eduart Reçi në të kaluarën, ka patur disa procese gjyqësore në lidhje me konflikte pronësie, por që ishin zgjidhur.

Para disa vitesh, Eduart Reçi, ka qenë drejtor në një prej drejtiorive të institucionit të Shërbimit Informativ Shtetëror, teksa vitet e fundit ka qenë i njohur për aktivitetin e tij në ndërtim, pasi ka ndërtuar disa pallate pranë zonës ku iu bë atentati dhe është pronari i kompanisë “ELGM.shpk”.

Biznesmeni Eduart Reçi me origjinë nga Dibra, ishte babai i dy fëmijëve. Mësohet se në pallatin ku jetonte, viktima e kishte ndërtuar vetë.

The post Vrasja e biznesmenit Eduart Reçi/ Autori hodhi fishekzjarre për kamuflim, bashkëshortja mendoi se i ra ndonjë cifël appeared first on Albeu.com.

Sipas policisë, Nelaj bashkën me shokun e tij Eridon Muho, do i vinin ekploziv anijes që bënte linjën Sarandë-Korfuz për motive konkurence, por ekplozivi kas shpëthyer dhe i ka marrë jetën.

Ndërkohë që është arrestuar miku i tij Erindo Muho.

Njoftimi:

Hetime të thelluara në bashkëpunim me Prokurorinë, për zbardhjen e ngjarjes së ndodhur më datë 24.07.2024, në portin e Sarandës, ku si pasojë e një shpërthimi, humbi jetën një 52-vjeçar.

Si rezultat i veprimeve të thelluara profesionale dhe hetimore, është arrestuar një shtetas i cili dyshohet se bashkë me 52-vjeçarin, do t’i vendosnin një anijeje një sasi eksplozivi, që shpërtheu aksidentalisht duke shkaktuar vdekjen e 52-vjeçarit.

Strukturat hetimore të Komisariatit të Policisë Sarandë, nën drejtimin e Prokurorisë, si rezultat i veprimeve të thelluara hetimore të kryera, bënë të mundur zbardhjen dhe dokumentimin me prova ligjore të ngjarjes së ndodhur më datë 24.06.2024, në portin e Sarandës, ku si pasojë e një shpërthimi në det, humbi jetën shtetasi A. N.

Si rezultat i hetimeve, është ndaluar shtetasi E. M., 35-vjeç, banues në Sarandë.

Ky shtetas dyshohet se në bashkëpunim me shtetasin A. N. kishin planifikuar vënien e një sasie eksplozivi te njëra nga anijet që operon në linjën Sarandë-Korfuz, për motive konkurrence.

Kjo sasi lënde plasëse ka shpërthyer aksidentalisht, gjatë tentativës për ta transportuar dhe vënë në anije, dhe si pasojë ka humbur jetën shtetasi A. N.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

The post Emri/ Zbardhet misteri i vdekjes së biznesmenit në Sarandë, u vinin eksploziv anijeve për shkak konkurence appeared first on Albeu.com.

Në asnjë aksion të mëparshëm policia dhe SPAK, nuk është ndeshur ndonjëherë me këtë sasi të madhe eurosh CASH, që përllogaritet në 1 milion euro.

Ndërsa pasuria e përgjithshme në makina dhe ora luksoze të sekuestruara, përllogaritet në gati 3 milion euro.

Në momentin kur policia i ka zbuluar eurot në bidonë plastikë të groposur në tokë, në sirtarë dhe vende të ndryshme, familjarët e Fatmir Troplinit, kanë pretenduar se kjo pasuri rrjedh nga aktiviteti tregtar në biznesin e shitjes së vezëve dhe pulave, biznes ky që administrohet nga familja Troplini.

Tufat me euro të vendosura në valixhe dhe vende të ndryshme, ishin qershia mbi tortë dhe ajo që justifikoi mundin e këtij operacioni të ndërmarrë nga SPAK.

Kjo pasi pjesa më e madhe e bosëve të krimit në Shqipëri, ishin larguar përpara kryerjes së këtij operacioni, duke hedhur dyshime të forta për dekonspirimin e tij.

Familja Troplini, ka influence të forta në qytetin e Durrësit dhe dyshohet se ka aktivitet kriminal në tregtinë e heroinës dhe kokainës.

Disa prej anëtarëve të kësaj familje, kanë mbajtur të fshehur dhe Nuredin Dumanin, që sot është bashkëpunëtori i penduar i SPAK. Për shkak të kësaj situate, RENEA dhe SPAK në muajin Maj 2022 ushtroi kontrolle në banesën e nipit të Troplinit, Ervisit.

Familja e Troplinit, është lidhur ngushtësisht dhe me lëvizjen socialiste për integrim, e cila ka dalë hapur në fushata elektorale për këtë subjekt.

Fatmir Troplini, djali i Xhevdetit zotëron kompaninë e pularisë të quajtur “GLAUK imp-exp“, të cilën e ka themeluar në vitin 2017.

Kjo kompani nga dita e themelimit e deri më sot ka pezulluar dy herë aktivitetin e saj.

Ndërsa në emër të Xhevdet Troplinit, janë të regjistruara tre biznese të ndryshme, si shoqëria aksionere “Euromag 2000”, “Ovvital” në të cilin është aksioner me Hysen Doccin dhe ka një biznes tjetër që mbarështon pulat.

The post Mijëra euro të padeklaruara, familja Troplini pretendon janë nga aktiviteti i shitjes së vezëve dhe pulave appeared first on Albeu.com.

Bëhet fjalë për shtetasin me inicialet A.Gj., i cili akuzohet se merret me kontrabandimin dhe tregtimin e mallrave kontrabandë, si dhe është evidentuar si pjesëmarrës në grup kriminal që merret me trafikimin e lëndëve narkotike.

Shtetasit në fjalë, i janë sekuestruar 97 automjete, llogari bankare dhe biznese.

Njoftimi:
Prokuroria Pranë Gjykatës së Shkallës së Parë të Juridiksionit të Përgjithshëm, Shkodër kërkon sekuestrimin e pasurive të shtetasit A.GJ., nën hetim për kryerjen e veprës penale ‘Pastrimi i produkteve të veprës penale ose veprimtarisë kriminale’ parashikuar nga neni 287 i Kodit Penal.

Kjo prokurori, ka regjistruar procedimin penal nr.1042 datë 27 Korrik 2017 për kryerjen e veprës penale “Pastrimi i produkteve të veprës penale ose veprimtarisë kriminale” parashikuar nga neni 287 i Kodit Penal. Nga shqyrtimi i materialit kallëzues referuar nga Drejtoria e Përgjithshme për Policinë e Shtetit rezulton se në bazë të informacioneve dhe dokumentacionit të administruar bazuar në ligjin nr.108 datë 31.07.2014 “Për Policinë e Shtetit”, i ndryshuar, rezulton se shtetasi A. Gj., ka dyshime se merret me kontrabandimin dhe tregtimin e mallrave kontrabandë si dhe është evidentuar si pjesëmarrës në grup kriminal që merret me trafikimin e lëndëve narkotike.

Ky shtetas së bashku me dy vëllezërit e tij, janë hetuar disa herë nga autoritet shqiptare madje edhe janë dënuar për vepra penale të ndryshme (kontrabandë, tregtim mallrash kontrabandë etj).

Referuar të dhënave të grumbulluara deri tani Policia Gjyqësore, ka dyshime të arsyeshme se pasuritë e shtetasit A.Gj. dhe familjarëve të tij nuk justifikohen nga pikpamja ekonomike me të ardhura të ligjshme.

Gjithashtu, Prokuroria pranë Gjykatës së Shkallës së Parë të Juridiksionit të Përgjithshëm Shkodër ka regjistruar edhe procedimin penal nr. 1372/2020 për kryerjen e veprës penale “Pastrimi i produkteve të veprës penale ose veprimtarisë kriminale”, parashikuar nga neni 287 i Kodit Penal, pas referimit nga Drejtoria Vendore e Policisë Shkodër, e cila është vënë në dijeni nga Zyra Kombëtare Interpol Tirana, se autoritetet e Malit të Zi kanë qenë duke hetuar shtetasen shqiptare S.Gj, subjekt i lidhur me shtetasin A.Gj, pasi më datë 12.04.2018, ajo ka nënshkruar një kontratë për blerjen e një jahti luksoz me vlerë 300,000 (treqind mijë) euro nga shtetasi malazez S.J, i përfshirë në veprimtari kriminale dhe pastrim parash.

Në këto kushte, pas kërkesës së Prokurorisë pranë Gjykatës së Shkallës së Parë të Juridiksionit të Përgjithshëm Shkodër, me vendimin nr. 280 (1873), datë 16.04.2024, Gjykata e Shkallës së Parë e Juridiksionit të Përgjithshëm Shkodër ka vendosur sekuestrimin e pasurive të shtetasit A.Gj, si dhe personave të lidhur me të.

Konkretisht, janë sekuestruar:

Shoqëria tregtare “B.M” SHPK, me Nipt: K68404706Q;

Pasuritë e paluajtshme në pronësi të shoqërisë “B.M” SHPK, konkretisht, pasuria nr. 1155/8 ND2+N2, vol.28, fq.58, ZK.2105, Show Room, me sipërfaqe 199 m2; pasuria nr.1345/1, vol.10, fq.176, ZK.2221 indeks harte k-34-63 (95-D), adresa Koplik i sipërm, Rr.1, Malësi e Madhe dhe pasuria nr.37/4, vol.6, fq.69, ZK.1977;

97 automjete në pronësi të shoqërisë “B.M” Shpk;

Gjendja aktuale në të gjitha llogaritë bankare (llogari rrjedhëse/depozita) në të gjithë bankat e nivelit të dytë në Republikën e Shqipërisë në emër të shtetasit A.Gj, shtetases S.Gj, si dhe të shoqërisë “B.M” SHPK;

Në zbatim të ligjit nr. 10192, datë 03.12.2009, “Për Parandalimin dhe Goditjen e Krimit të Organizuar, Trafikimit, Korrupsionit dhe Krimeve të tjera nëpërmjet Masave Parandaluese kundër Pasurisë ”, të ndryshuar, nga ana e Prokurorisë pranë Gjykatës së Shkallës së Parë të Juridiksionit të Përgjithshëm Shkodër, po vazhdojnë hetimet për evidentimin dhe sekuestrimin e pasurive të tjera me origjinë kriminale, si dhe dorëzimin e tyre përfaqësuesve të Agjencisë për Administrimin e Pasurive të Sekuestruara dhe të Konfiskuara, Tiranë.

The post Shkodër/ Akuzohet për pastrim parash, Prokuroria sekuestron pasuritë e paluajtshme të biznesmenit appeared first on Albeu.com.