Ai u hodh menjëherë në ujë dhe arriti t’i shpëtojë jetën një biznesmeni 85-vjeçar, i cili rrezikonte të mbytej brenda automjetit të tij.

Ngjarja ndodhi të enjten, më 20 nëntor, pak pas orës 11:00. Giuseppe Salvalajo, një sipërmarrës i njohur padovan dhe themelues i një kompanie të specializuar në restaurime arkitektonike, humbi kontrollin e makinës dhe përfundoi në kanal për arsye ende të paqarta.

Automjeti nisi të fundosej me shpejtësi, ndërsa Salvalajo mbeti i bllokuar brenda, në gjendje shoku.

Në atë çast, Elton Zefi, i cili atë ditë festonte ditëlindjen, pa skenën dramatike dhe u hodh menjëherë në ujë, bashkë me një tjetër burrë që ndodhej aty pranë.

Ata tentuan fillimisht të thyenin xhamat e makinës, por pa sukses.

Zefi tregoi më pas se kishte arritur të dallonte dorën e të moshuarit nga sedilja e pasme, ku xhami kishte mbetur i hapur.

Aty ai kuptoi se kishte shpresë. Pas disa përpjekjesh, i lodhur, me këmbët e mpira nga të ftohtit dhe duke rrezikuar të mbytej edhe vetë, ai vendosi të bëjë dhe një përpjekje të fundit.

Dhe ajo përpjekje u shpërblye. 85-vjeçari arriti të dilte nga makina dhe të nxirrej në breg. Pak çaste më vonë, mbërritën edhe ekipet e ndihmës së shpejtë, ndërsa gjithë momenti u regjistrua në një video që qarkulloi me shpejtësi në rrjetet sociale.

Burri i moshuar u transportua në spital, ku mori kujdes mjekësor dhe është tashmë jashtë rrezikut për jetën. Mjeti u nxor nga kanali nga zjarrfikësit.

Ndërkohë, Eltoni është përshëndetur në Veneto si një hero i vërtetë. Ai, megjithatë, e mori gjithë vëmendjen me modesti.

“Jam i lumtur që mbaruam me sukses. Gëzimi që ndjeva kur e nxorëm atë burrë nga makina ishte i paçmueshëm”, u shpreh ai. Zefi shtoi se në ato momente nuk pati frikë. “Kur sheh një njeri duke vdekur, ndoshta është Zoti që të jep forcën”.

The post I riu shqiptar hidhet në lumë dhe shpëton biznesmenin italian që po mbytej (VIDEO) appeared first on Albeu.com.

Sipas hetimeve, A.T., administrator i shoqërisë “A C” sh.p.k., ka shkaktuar një dëm ekonomik prej mbi 2 milion eurosh, duke mashtruar klientët për ndërtimin e një objekti multifunksional. Për këtë rast, është caktuar masa e sigurisë “Arrest në burg” për të pandehurin, i cili është ndaluar pasi ishte shpallur në kërkim.

Prokuroria e Durrësit, përfundon hetimet e merr të pandehur për ‘Mashtrim’ me pasoja të rënda shtetasin A.T. i cili shiti apartamente e njësi tregtare pa jua dorëzuar blerësve duke u shkaktuar 2 mln euro dëm

Prokuroria pranë Gjykatës së Shkallës së Parë të Juridiksionit të Përgjithshëm Durrës, përfundoi hetimet dhe merr të pandehur shtetasin A.T., për veprën penale të ‘Mashtrimit’ me pasoja të rënda, parashikuar nga neni 143/3 për 25 raste dhe 199/a/4 të Kodit Penal si dhe personin juridik ‘A C’ sh.p.k. për të njëjtat vepra penale.

Në kuadër të hetimeve të zhvilluara mbi procedimin penal nr.1748, të vitit 2022, në ngarkim të këtij shtetasi u caktua masa e sigurisë ‘Arrest në burg’ parashikuar nga neni 238 i Kodit Penal, masë e cila u ekzekutua më 14.01.2025 nga autoritetet Hollandeze, pas shpalljes në kërkim me 08.04.2024 të këtij shtetasi.

Nga hetimet e zhvilluara nga Prokuroria pranë Gjykatës së Shkallës së Parë të Juridiksionit të përgjithshëm Durrës, rezultoi se shtetasi A.T., administrator i shoqërisë “A C” sh.p.k dhe personi juridik “A C” sh.p.k., pas pajisjes me leje ndërtimi (të pazbardhur për shkak të mospagimit të detyrimeve ndaj Bashkisë Durrës) për ndërtimin e një objekti multifunksional, kanë lidhur kontrata sipërmarrje me persona të ndryshëm kundrejt pagesave përkatëse.

Në përfundim të hetimeve rezultoi se i pandehuri A.T nëpërmjet mashtrimit pasi ka mbajtur kontrata për shitje apartamente/njësi tregtare/garazhe, me të dëmtuarit për objekte të cilat nuk janë dorëzuar as aktualisht edhe pse janë likujduar sipas kontratëve, ju ka sjellë atyre një dëm ekonomik në vlerën 2.099.522 euro.

The post Shiti apartamente e dyqane me vlerë 2 milionë euro, por nuk ua dorëzoi blerësve, Prokuroria e Durrësit çon në gjyq biznesmenin appeared first on Albeu.com.

Sipas burimeve të gazetarit Edison Vatnikaj, një natë më parë është organizuar një operacion në zonën e Saukut në Tiranë, ku besohet se kishin lënë nje pike takimi.

Në momentin kur është afruar personi në fjalë ka ndërhyrë efektivët e policisë, duke kryer arrestimin e personit shantazhues.

Çështja në fjalë i ka kaluar krimeve të rënda. Kosta tashmë është i njohur dhe si biznesmen ku në pronësi ka Skytower Tiranë.

The post Kërcënonte biznesmenin Vladimir Kosta, policia arreston një person në Sauk appeared first on Albeu.com.

Njoftimi:

Prokuroria e Posaçme kundër Korrupsionit dhe Krimit të Organizuar, ka përfunduar hetimet paraprake të procedimit penal nr. 09, të vitit 2023, dhe ka paraqitur më datë 26.04.2024, në Gjykatën e Posaçme të Shkallës së Parë për Korrupsionin dhe Krimin e Organizuar, kërkesën për dërgimin e çështjes në gjyq, në ngarkim të të pandehurve si më poshtë:

1.I pandehuri Pëllumb Gjoka, i akuzuar për kryerjen e veprave penale :

“Vrasja me paramendim”, në dëm të viktimës Gjin Ndoj (Boriçi), finalizuar në datën 09.08.2020, në qytetin e Shkodrës, kryer në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 78/2, 28/4, 333/a/1 dhe 334, të Kodit Penal.

“Sigurimi i kushteve dhe i mjeteve materiale për të kryer vrasje”, në dëm të shtetasit Kleant Musabelliu, kryer në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 80, 28/4, 333/a/1 dhe 334, të Kodit Penal.

“Sigurimi i kushteve dhe i mjeteve materiale për të kryer vrasje”, në dëm të shtetasve Dorian Duli dhe Ibrahim Lici, kryer në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 80, 28/4, 333/a/2 dhe 334, të Kodit Penal.

“Korrupsioni aktiv i gjyqtarit, prokurorit dhe i funksionarëve të tjerë të drejtësisë”, kryer në bashkëpunim, parashikuar nga nenet 319 dhe 25, të Kodit Penal.

“Mbajtja pa leje dhe prodhimi i armëve, armëve shpërthyese dhe municionit”, kryer në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 278/1, 28/4, 333/a dhe 334, të Kodit Penal.

2.2. I pandehuri Behar Brajoviq, i akuzuar për kryerjen e veprave penale :

“Vrasja me paramendim”, në dëm të viktimës Gjin Ndoj (Boriçi), finalizuar në datën 09.08.2020, në qytetin e Shkodrës, kryer në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 78/2, 28/4, 333/a/1 dhe 334, të Kodit Penal.

“Sigurimi i kushteve dhe i mjeteve materiale për të kryer vrasje”, në dëm të shtetasit Kleant Musabelliu, kryer në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 80, 28/4, 333/a/1 dhe 334, të Kodit Penal.

“Sigurimi i kushteve dhe i mjeteve materiale për të kryer vrasje”, në dëm të shtetasve Dorian Duli dhe Ibrahim Lici, kryer në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuara nga nenet 80, 28/4, 333/a/1 dhe 334, të Kodit Penal.

“Korrupsion aktiv i gjyqtarit, prokurorit dhe i funksionarëve të tjerë të drejtësisë”, kryer në bashkëpunim, parashikuar nga nenet 319 dhe 25, të Kodit Penal.

“Mbajtja pa leje dhe prodhimi i armëve, armëve shpërthyese dhe municionit”, kryer në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 278/1, 28/4, 333/a dhe 334, të Kodit Penal.

3.I pandehuri Edmond Preka, i akuzuar për kryerjen e veprave penale :

“Vrasja me paramendim”, në dëm të viktimës Gjin Ndoj (Boriçi), finalizuar në datën 09.08.2020, në qytetin e Shkodrës, kryer në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 78/2, 28/4, 333/a/2 dhe 334, të Kodit Penal.

“Sigurimi i kushteve dhe i mjeteve materiale për të kryer vrasje”, në dëm të shtetasit Kleant Musabelliu, kryer në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 80, 28/4, 333/a/2 dhe 334, të Kodit Penal.

“Prodhimi dhe mbajtja pa leje e armëve luftarake dhe e municionit”, kryer në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 278/1, 28/4, 333/a/2 dhe 334, të Kodit Penal.

4.4. I pandehuri Astmer Bilali, i akuzuar për kryerjen e veprave penale :

“Sigurimi i kushteve dhe i mjeteve materiale për të kryer vrasje”, në dëm të shtetasve Dorian Duli dhe Ibrahim Lici, kryer në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuara nga nenet 80, 28/4, 333/a/2 e 334, të Kodit Penal.

5.5. I pandehuri Ardrit Hasanbegaj, i akuzuar për kryerjen e veprave penale :

“Sigurimi i kushteve dhe i mjeteve materiale për të kryer vrasje”, në dëm të shtetasve Dorian Duli dhe Ibrahim Lici, kryer në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, parashikuara nga nenet 80, 28/4, 333/a/2 e 334, të Kodit Penal.

6. 6. I pandehuri Oltian Bistri, i akuzuar për kryerjen e veprave penale :

“Korrupsioni pasiv i personave që ushtrojnë funksione publike”, “Zbulimi i akteve ose të dhënave sekrete” dhe “Pastrimi i produkteve të veprës penale ose veprimtarisë kriminale”, parashikuar nga nenet 259, 295/a dhe 287/2, të Kodit Penal.

7.7. I pandehuri Xhevahir Lita, i akuzuar për kryerjen e veprave penale :

“Korrupsioni pasiv i gjyqtarëve, prokurorëve dhe funksionarëve të tjerë të drejtësisë”, e kryer 2 (dy herë), dhe “Zbulimi i akteve ose të dhënave sekrete”, parashikuar nga nenet 319/ç dhe 295/a, paragrafi 2, të Kodit Penal.

Në kuadër të hetimeve të këtij procedimi penal, janë sekuestruar si produkt i veprës penale, ndër të tjera, disa pasuri të paluajtshme, të cilat i janë bashkëngjitur akteve të dërguara për gjykim si më poshtë:

1.3 (tre) pasuri të paluajtshme të llojit “Pyll”, me sipërfaqe totale prej 390 000 m2, si më poshtë :

1.1.Pasuria e llojit Pyll, me sipërfaqe 113.500 m2, e ndodhur në Pulaj-Plazh, Velipojë, Shkodër;

1.2. Pasuria e llojit Pyll, me sipërfaqe 61.470 m2, e ndodhur në Pulaj- Plazh, Velipojë, Shkodër;

1.3. Pasuria e llojit Pyll, me sipërfaqe 215.030 m2, e ndodhur në Pulaj-Plazh,Velipojë, Shkodër;

1.5 (pesë) pasuri të paluajtshme të llojit ndërtesa, me vlerë blerje sipas kontratave
980 300 Euro, si më poshtë :

2.1. Sipërfaqe ndërtimore e llojit apartament, me sipërfaqe totale të apartamentit përfshirë edhe sipërfaqet e përbashkëta 400 m2, me një çmim në total prej 200 000 (dyqind mijë) Euro, e ndodhur në Tiranë.

2.2. Sipërfaqe ndërtimore e llojit apartament, me sipërfaqe totale të apartamentit përfshirë edhe sipërfaqet e përbashkëta 400 m2, me një çmim në total prej 200 000 (dyqind mijë) Euro, e ndodhur në Tiranë.

2.3. Njësia dyqan, me sipërfaqe ndërtimore 125 m2, me një çmim në total prej 300 000 (treqind mijë) Euro, e ndodhur në Tiranë.

2.4. Njësia dyqan me sipërfaqe ndërtimore 95 m2, me një çmim në total prej 230 000 (dyqind e tridhjetë mijë) Euro, e ndodhur në Tiranë.

2.5. Sipërfaqe ndërtimore e llojit apartament banimi, me sipërfaqe totale 110.6 m2, me çmim shitje 50 300 Euro (pesëdhjetë mijë e treqind) Euro, e ndodhur në Tiranë.

Ndërkohë, për personat e tjerë nën hetim, bashkëpunëtorë në kryerjen e veprave penale të mësipërme, për të cilët nuk janë ekzekutuar akoma masat e sigurimit të miratuara nga Gjykata e Posaçme e Shkallës së Parë për Korrupsionin dhe Krimin e Organizuar, për fakte të tjera kriminale, si dhe për persona të tjerë të përfshirë në aktivitete kriminale, që kanë rezultuar gjatë veprimeve hetimore të kryera në këtë procedim penal, është vendosur ndarja e çështjes penale dhe vazhdojnë të jenë ende në fazën e hetimeve paraprake.

The post Dosja “Metamorfoza”/ SPAK mbyll hetimet për biznesmenin Pëllumb Gjoka dhe anëtarët e tjerë të grupit kriminal appeared first on Albeu.com.

Biznesmeni nga Kosova Erolld Belegu, ka postuar disa foto në “Instastory”, ku ka zyrtarizuar lidhjen e tij me dietologen dhe blogeren Diola Dosti.

Eroldi fotot i ka postuar në “InstaStory” dhe më pas i ka ripostuar edhe Diola.

Fillimisht ai ka postuar një fotografi, ku shihet dora e Diolës dhe e tij si të lidhur dhe më pas një fotografi tjetër ku Diola e përqafon atë, ndërsa sipër fotografisë shkruan: “Thjesht Lumturi”.

The post Diola Dosti konfirmon lidhjen e dashurisë me biznesmenin nga Kosova (FOTO) appeared first on Albeu.com.

Diola ka qenë e hapur të flasë me ndjekësit e saj, për vështirësitë që i ka sjellë jeta.

Por duket se së fundmi, çështjet e zemrës janë sistemuar.

Ajo është duke shijuar një lidhje dashurie me biznesmenin Erolld Belegu.

Mediat në Kosovë, thonë se dyshja janë parë të pandarë nga njëri-tjetri në kryeqytet kohëve të fundit.

Sipas po të njëjtit burim, raportohet se Diola dhe biznesmeni, frekuentojnë të njëjtat vende dhe si Diola ashtu edhe Erolldi, janë parë në një gjendje të mirë shpirtërore.

Gjithashtu, edhe postimet në Instagram nga e njëjta vendndodhje japin sinjale për një raport mes Diola Dostit dhe biznesmenit.

The post Zbulohet lidhja e Diola Dostit me biznesmenin e njohur kosovar (FOTO) appeared first on Albeu.com.

Pozzo bleu Udinese Calcio në korrik 1986, por pas një skandali bastesh, skuadra u degradua në Serinë B të nivelit të dytë. Klubi më pas pësoi një zbritje nëntë pikësh në kampionatin e Serisë A të sezonit 1986–87 pasi fitoi promovimin, përfundimisht duke çuar në një tjetër rënie, pavarësisht blerjes së disa lojtarëve të shquar, duke përfshirë Francesco Graziani, Fulvio Collovati dhe Daniel Bertoni.

Pas një sezoni të dobët në 1987–88, Pozzo mbajti Nedo Sonettin si trajner të Udineses, duke bërë disa nënshkrime të shquara të ekipit, si Antonio De Vitis, Giuseppe Minaudo, Angelo Orlando, Settimio Lucci, Antonio Paganin, Zennoni, Giuseppe Catalano, Marco Branca dhe Claudio. Garella. Skuadra e përforcuar më pas fitoi promovimin për sezonin 1988–89 të Serisë A.

Në vitin 1990, një telefonatë midis Pozzo-s dhe presidentit të S.S. Lazio pak para një ndeshjeje u pretendua se ishte provë përfundimtare e përpjekjeve për trukim të ndeshjeve. Pavarësisht një mbrojtjeje të fortë, Pozzo u ndalua të mbante autoritet në Udinese, megjithëse ai mbeti pronar i klubit.

Në 1993–94, djali i Pozzo-s, Gino, iu bashkua klubit

Që nga sezoni 1994–95, Udinese është kualifikuar për Kupën UEFA, Kupën Intertoto dhe Ligën e Kampionëve dhe përfundoi i treti në Serinë A nën drejtimin e Alberto Zaccheroni në 1997–98.

Modeli i Udineses bazohet në një rrjet të gjerë në të gjithë botën që blen talentë të rinj  dhe kur i kthen ata kthehen ata në yje, i shesin për një fitim të madh, i cili më pas rinvestohet në klub me nënshkrime të tjera. Shembuj të shquar përfshijnë Marcio Amoroso, Fabio Quagliarella, Alexis Sanchez, Kwadwo Asamoah dhe Samir Handanovic.

Në 2007–08, Pozzo u zgjodh presidenti më i mirë në Serie A

Pasi Pallacanestro Amatori Udine, i njohur më mirë si Snaidero Udine, u degradua në ligat e vogla, Pozzo ndihmoi mikun e tij Edy Snaidero, aksionar kryesor i ekipit të basketbollit. Pozzo dhe disa sipërmarrës të tjerë nga Friuli shpëtuan Snaidero i cili rifilloi të luante në kampionatin e Lega Basket Serie A2.

Granada CF

Në vitin 2009, Pozzo bleu klubin spanjoll Granada duke e shitur atë më 16 qershor 2016 tek biznesmeni kinez, Jiang Lizhang.

Watford F.C.

Në qershor 2012, ai bleu Watford Football Club nga pronari i mëparshëm Laurence Bassini. Me kalimin e kohës ai ka investuar shumë në klub, duke përfshirë dërgimin e shumë lojtarëve nga ekipet e tij të tjera Granada dhe Udinese. Disa nga këta lojtarë janë Almen Abdi, Matej Vydra dhe Gabriele Angella. Si dhe dërgoi shumë lojtarë nga klubet e tij të tjera, ai nënshkroi një marrëveshje mirëmbajtjeje prej 18 milionë £ për të rinovuar stadiumin e tyre. Ai tani ia ka dorëzuar pronësinë dhe drejtimin e klubit djalit të tij Gino, i cili ndodhet në Londër. Përktheu në shqip G.D. /albeu.com/

The post HISTORIA/ Giampaolo Pozzo, njihuni me biznesmenin italian që ka 3 ekipe appeared first on Albeu.com.