Jahti i 43-vjeçarit turk u gjet i dëmtuar rëndë dhe gjysmë i mbytur nga roja bregdetare turke, në ujërat pranë ishullit Prokonnisos në Detin e Marmaras.

Familjarët e Yukay, dhanë alarmin pasi humbën kontaktet me të menjëherë pas nisjes së tij. Roja bregdetare u njoftua zyrtarisht në orën 23:40 të së hënës, ndërsa të martën në orën 14:30, një anije tregtare njoftoi autoritetet se kishte gjetur mbetje të një mjeti lundrues.

Më vonë u konfirmua se bëhej fjalë për jahtin “Graywolf” të biznesmenit turk.

Për kërkimin e tij u angazhuan zhytës profesionistë, një helikopter dhe mjete lundruese të rojes bregdetare, por deri më tani nuk është arritur të gjendet asnjë gjurmë e tij.

Hetimet për zbardhjen e ngjarjes dhe kërkimet për gjetjen e Yukay vijojnë intensivisht.

Halit Yukay, i lindur në vitin 1982, është themeluesi dhe pronari i kompanisë turke Mazu Yachts, e cila merret me prodhimin e jahteve luksoze.

Ai e nisi karrierën e tij si punëtor në kantierë detare dhe e realizoi ëndrrën për të krijuar kompaninë e tij në vitin 2011.

Kompania Mazu Yachts është e njohur në Turqi për dizajnet moderne dhe teknologjitë e avancuara që përdor në ndërtimin e jahteve.

The post U nis me jahtin e tij nga Turqia për në Mykonos, zhduket biznesmeni i njohur appeared first on Albeu.com.

Në pamje shihet teksa 52-vjeçari Eduart Reçi, po shikonte telefonin dhe më pas bie në tokë.

Si autorë të dyshuar të krimit të rëndë që tronditi kryeqytetin më 13 Nëntor, janë arrestuar efektivi i policisë gjyqësore, Shkëlqim Duka dhe i vëllai Florjan Duka, të cilët dolën ditën e sotme (26 Nëntor) para togave të zeza që caktuan ndaj tyre masën e sigurisë “arrest me burg”.

Oficeri i policisë gjyqësore dhe i vëllai, Florjan Duka, kanë mohuar akuzat ndaj tyre se kanë eliminuar biznesmenin e ndërtimit, që sipas policisë ka ndodhur pas një përplasje për një truall.

“Nuk jemi ne vrasësit”, kanë deklaruar vëllezërit para togave të zeza që caktuan masën e sigurisë “arrest me burg” ndaj tyre.

Vrasja e biznesmenit të ndërtimit Eduart Reçi, duket se është zbardhur 11 ditë pas krimit tronditës në kryeqytet, ku 52-vjeçari u qëllua me plumb në kokë në sheshpushimin e pallatit të tij, mbrëmjen e 13 Nëntorit.

Në pranga ranë ditën e djeshme (24 Nëntor), Shkëlqim Duka, oficer i OPGJ-së në komisariatin nr.2 në Tiranë, dhe vëllai i tij, Florjan Duka, si autor të dyshuar të krimit, ndërsa pas ngjarjes mësohet se fshihen konfiktet për një pronë ku biznesmeni dëshironte të ndërtonte një pallat.

“Nga veprimet hetimore të kryera ka rezultuar se shtetasi Eduart Reçi, po angazhohej për të ndërtuar një pallat, ndërtimi i të cilit kërkonte bashkëpunim dhe dakortësim edhe me persona të tjerë (kufitar me pronën e viktimës). Ndër personat me të cilët shtetasi E. R., kishte diskutuar lidhur me këtë problematikë dhe ka pasur konflikt mbi pronësinë e truallit, janë vëllezërit Shkëlqim dhe Florjan Duka“, njoftoi policia.

Por, mësohet se kjo nuk ka qenë tentativa e parë e oficerit të OPGJ-së për të ekzekutuar biznesmenin e ndërtimit.

Sipas burimeve, efektivi Shkëlqim Duka, i cili njihet si qitës i mirë në radhët e uniformave blu, ka tentuar ta ekzekutojë Eduart Reçi edhe në datën 8 Nëntor.

Efektivi 48-vjeçar, raportohet se ka qëlluar në drejtim të biznesmenit, por plumbi nuk ka shënjestruar objektivin.

Mësohet se oficeri i OPGJ-së në komisariatin nr.2, Shkëlqim Duka e ka ruajtur biznesmenin e ndërtimit për 5 ditë me radhë për ta eliminuar. Ky detaj, sipas burimeve nga grupi hetimor, është vënë re pas kqyrjes së pamjeve filmike pranë vendit ku ndodhi edhe vrasja e Eduart Reçit.

Nga analizimi i pamjeve filmike, ka rezultuar se autori i dyshuar Shkëlqim Duka, ka qëndruar për 5 ditë në pritje të Eduart Reçit, përkatësisht nga data 8 nëntor deri në 13 nëntor, përveç datës 11 për shkak se ka qenë në punë në detyrë.

Oficeri i policisë e ka pritur Eduart Reçin nga ora 19:00 deri në 23:00 derisa mbrëmjen e 13 nëntorit, ku në orën 22:40 minuta e qëlloi me plumb në kokë duke i marrë jetën.

Në video, oficeri i policisë shihej i pozicionuar në një shkallë metalike të një hoteli ngjitur më lokalin e tij, ku kishte pamje vizuale nga oborri i pallatit të Eduart Reçit.

Nga pamjet e kamerave të sigurisë policia ka parë një person, i cili pozicionohet në pozicion qitje me një armë në dukje me dylbi.

Pas arrestimit të tij dhe të vëllait, Florjan Duka, policia ka ushtuar kontrolle në banesat dhe lokalin e tyre ku ka gjetur prova që i implikojnë, por ende nuk ka gjetur armën e krimit.

“Specialistët e Seksionit për Hetimin e Krimeve Ndaj Jetës bazuar në provat e grumbulluara nga hetimi intensiv, arrestuan shtetasit Sh. D., 48-vjeç, (oficer Policie) dhe F. D., 45-vjeç, (vëllezër),të dy banues në Tiranë, të dyshuar për kryerjen e veprave penale “Vrasja me paramendim” e kryer ne bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit””,– njoftoi policia.

Gjatë kontrolleve të ushtruara më 23 Nëntor në ambientet e lokalit dhe banesës së 2 vëllezërve dhe në magazinën e lokalit, janë gjetur dhe sekuestruar, në cilësinë e provës materiale, një armë zjarri pjesërisht e dëmtuar, gjashtë objekte cilindrike te ngjashme me silenciatorë me përmasa të ndryshme, pjesë dhe mekanizma të ndryshëm që përdoren për silenciatorët, dy jelekë antiplumb dhe pajisje të ndryshme elektronike të cilat dokumentojnë veprimtarinë dhe dinamikën e autorëve të dyshuar të kësaj ngjarje.

The post E rëndë/ Publikohen pamjet nga momenti i ekzekutimit të biznesmenit Eduart Reçi (VIDEO) appeared first on Albeu.com.

Raportohet se Eduart Reçi, ishte babai i dy djemve dhe ishte sipërmarrës në fushën e ndertimit. Po kështu mësohet se 52-vjeçari, ka punuar para shumë vitesh në SHISH.

Në momentin e atentatit, 52-vjeçari Eduart Reçi, ka qenë i vetëm dhe se po qendronte në këmbë jashtë pallatit të tij në lagje.

Policia ka kryer veprimet hetimore dhe po punon për identifikimin e autorëve, teksa janë sekuestruar dhe pamjet e kamerave të sigurisë në zonën ku ndodhi atentati.

The post U qëllua në kokë dhe ndërroi jetë në spitalin e Traumës, ja kush është biznesmeni 52-vjeçar baba i dy fëmijëve (FOTO) appeared first on Albeu.com.

Raportohet se biznesmeni Eduart Reçi, ka ndërruar jetë në spitalin e Traumës, ku ndodhej prej mesnatës së kaluar në gjendje të rëndë.

Reçi njihet si biznesmen dhe pronar i disa subjekteve në atë zonë, ndërsa në momentin e të shtënave ndodhej pranë banesës së tij.

Policia ka kryer veprimet hetimore dhe po punon për identifikimin e autorëve, teksa janë sekuestruar dhe pamjet e kamerave të sigurisë në zonën ku ndodhi atentati.

The post Atentati në Tiranë/ U qëllua në kokë, ndërron jetë në spital biznesmeni 52-vjeçar appeared first on Albeu.com.

Biznesmen 52-vjeçar dhe pronar i kompanisë ELGM, u dërgua menjëherë në Spitalin e Traumës me një plagë serioze në kokë.

Gjendja e tij raportohet të jetë kritike. Eduart Reci, është i njohur në zonë për aktivitetin e tij në ndërtim, duke qenë që ka ndërtuar disa pallate aty pranë.

Megjithëse motivet e sulmit mbeten të paqarta, dyshohet se atentatori mund ta ketë qëlluar nga një distancë e largët, pasi në pamjet e kamerave të sigurisë nuk shfaqen autorët, gjë që ngre dyshime mbi mënyrën e kryerjes së sulmit.

Policia po heton për zbardhjen e rrethanave të kësaj ngjarjeje të rëndë, duke shqyrtuar prova të mundshme dhe duke analizuar të dhënat e kamerave të sigurisë.

The post Atentati në Tiranë/ Kush është biznesmeni i ndërtimit që u qëllua në kokë, pamje nga vendi i ngjarjes (VIDEO) appeared first on Albeu.com.

Pecorelli, i cili inskenoi vdekjen e tij në zonën e Pukës për t’i shpëtuar borxheve ka deklaruar se “prej muajsh nuk kam fjetur pas dënimit për krime të padrejta dhe sepse këtu në Itali deri më tani jam trajtuar si një qytetar i dorës së dytë”.

Ai u dënua nga gjykata e Shkodrës me 4 vite burg me akuzën e mashtrimit, zjarrvënies dhe shpifjes.

“Megjithatë, në shtator do të shkoj të përballem me sistemin e drejtësisë shqiptare, duke rrezikuar të arrestohem menjëherë. Ka një padrejtësi të vërtetë ndaj meje, krimi për të cilin Shqipëria kërkon dënimin tim bazohet në prova inekzistente kur unë i kam dëmshpërblyer të gjithë atje”, ka deklaruar Pecorelli, raportojnë mediat italiane.

“Është një avokat shqiptar që më ndjek, tre muaj nuk kam fjetur, duhet të paguaj për atë që kam bërë, por jo për gjëra të tjera që nuk ekzistojnë. Kështu që unë vihem në dispozicion të sistemit të drejtësisë shqiptare”, tha ai.

I pyetur për rrezikun e arrestimit, ai tha: “Po, jam në dijeni, por do të bëjmë gjithçka që të heqim akuzat”.

The post Inskenoi vdekjen në Pukë për t’i shpëtuar borxheve, biznesmeni italian: 3 muaj nuk kam fjetur, në shtator jam në Shqipëri appeared first on Albeu.com.

Gruaja e tij prej një viti dhe nëna e fëmijës së tij Sheikha Mahra, vajza e liderit dhe kryeministrit të Emirateve të Bashkuara Arabe, Mohammed bin Rashid Al Maktoum, me një postim në llogarinë e saj në “Instagram”, njoftoi se ai është i pabesë pasi e tradhton me gra të tjera dhe duke shfrytëzuar të drejtën që i jepte ligji i Sheriatit, ajo u divorcua nga ai.

Këtë njoftim e bëri përmes një postimi në “Instagram, ku shkaktoi habi tek të gjithë.

Tani, përkundër faktit se Sheikha Makhra është një multimilionere dhe ka akses në paratë e pafundme të babait të saj, ka shumë gjasa që ajo të fitojë një pjesë shumë të madhe të pasurisë së burrit të saj tashmë ish-miliarder.

Edhe pse në Dubai, dhe veçanërisht për anëtarët e familjes mbretërore, nuk bëhen të ditura të dhëna për madhësinë e aseteve që zotërojnë, Sheikha Mahra, një influencuese, sipërmarrëse dhe filantrope e njohur Dubai, punon kryesisht si konsulente biznesi dhe për kompanitë e modës dhe pasuria e saj personale vlerësohet në rreth 300 milionë dollarë.

Shtojini kësaj edhe faktin që ajo ka akses nëse e kërkon në asetet e babait të saj, njësoj si 29 fëmijët e tjerë të tij, me ndryshimin se ajo duket se është fëmija e tij e preferuar, duke shijuar një stil jetese perëndimore, ndryshe nga vajzat e tjera të tij.

Njeriu që princesha zgjodhi një vit më parë për t’u bashkuar jetës së saj, Sheikh Mana, ka një grup gjigant biznesi dhe industrial dhe është i përfshirë në shumë skema si GCI Real Estate Development Company, MM Group of Companies, Dubai Tech dhe AlBarada Trading.

Pasuria e tij personale vlerësohet rreth 40 miliardë dollarë, megjithëse vlerësimet më të besueshme janë ato që e vlerësojnë pasurinë e tij neto në rreth 6 miliardë dollarë.

Sa para i detyrohet ai t’i japë Sheikhas pas divorcit?

Gjithçka do të varet nga vendimi i gjykatës që do të japë divorcin. Në shumicën e rasteve, gruaja nuk është saktësisht në një marrëdhënie ideale, pasi paraprakisht nënshkruhet një marrëveshje paramartesore që lejon burrin të marrë gra të tjera, kështu që burri mund të “justifikojë” tradhtinë duke thënë se do të martohet me të dashurën e tij.

Megjithatë, rasti që po shqyrtojmë tani është krejt ndryshe. Autoritetet zyrtare të Dubait po heshtin për këtë çështje. Zakonisht divorcet njoftohen fillimisht nga autoritetet, por Sheikha Mahra zgjodhi të “demaskonte” bashkëshortin e saj përmes rrjeteve sociale, duke thënë se ai është “i zënë me gra të tjera”.

Duket se do ketë një dakordësi për të finalizuar ndarjen dhe kjo shenjë është në favor të princeshës. Me fjalë të tjera, marrëveshja paramartesore që kishin nënshkruar parashikonte ekskluzivitet për princeshën, ku së bashku me çdo dëshmi për pabesinë e Shehut, do të përfundojë keq për të.

Sipas ligjit të Emirateve të Bashkuara Arabe, në një divorc gratë kanë të drejtë për mbështetje financiare të përjetshme nga ish-bashkëshortët e tyre, duke përfshirë një shumë të madhe dhe alimentacion për shpenzimet e jetesës, por edhe për shpenzimet e fëmijëve.

Gjykata vendos për shumat, duke marrë parasysh faktorë të tillë si të ardhurat reale të burrit, nevojat financiare të gruas dhe duke siguruar që gruaja të ruajë të njëjtin standard jetese që gëzonte gjatë martesës.

Përveç kësaj, gruaja ka të drejtë të aseteve të fituara gjatë martesës, që në rastin e Sheikha Mahra do të thotë se ajo do të marrë një pjesë të fitimeve të bizneseve të Sheikh Mana që ka fituar për një vit kur ishin të martuar.

Ajo do të jetë e detyruar t’i kthejë, çdo dhuratë që ai i ka bërë gjatë martesës së tyre, por nga ana tjetër ajo ka të drejtë të kërkojë kompensim të konsiderueshëm për dëmet morale dhe psikologjike që i ka shkaktuar i shoqi, duke e çuar në divorc.

Në këtë kompensim parashikohen edhe dëmet që do t’i shkaktohen gruas edhe pas shkurorëzimit. Një tjetër “çelës” është se në kontratat paramartesore që nënshkruhen, shumë shpesh, sidomos kur bëhet fjalë për gjakblutë, zakonisht specifikohet një masë shtesë kompensimi për rastin e ndarjes.

Juristët me eksperiencë nga Emiratet tregojnë se është shumë herët për të folur për kushtet e divorcit, por gjithsesi Sheikh Mana mund të detyrohet t’i paguajë princeshës dëmshpërblim, i cili mund të shkojë nga gjysma deri në më shumë se 3 miliardë dollarë , në varësi të pasurisë së paluajtshme të bashkëshortit të saj dhe çështjes që do të qëndrojë në sallat e gjyqit të Dubait.

The post Bëri bujë me divorcin në Instagram, shifra e parave që mund të fitojë princesha e Dubait nga bashkëshorti është marramendëse appeared first on Albeu.com.

45-vjeçari është gjetur pranë hotelit të tij me dëmtim të rëndë në kokë.  Ai është dërguar në spitalin e Vlorës.

Ende nuk ka informacion për autorët apo shkakun e kësaj plagosjeje të rëndë.

Policia dhe po punon për zbardhjen e plotë të rrethanave të kësaj ngjarjeje.

The post EMRI/ Me dëmtime të rënda në kokë, gjendet i plagosur në rrugë biznesmeni në Himarë appeared first on Albeu.com.

Diola ka qenë gjithmonë e komentuar përsa i përket jetës së saj private, prandaj dhe kjo lidhje solli diskutime të shumta.

Një aspekt për të cilën kjo lidhje është komentuar shumë në këto kohë, është diferenca në moshë.

Pikërisht për këtë ka folur partneri i Diolës për mediat në Kosovë, ku është shprehur se nuk është një diferencë e madhe dhe nuk ka aspak interesa në lidhjen e tyre, siç komentohet rëndomtë.

“Unë mendoj që nuk kemi diferencë të madhe në moshë. Unë mendoj që me Diolën jemi tamam. Diola ka një përvojë jetësore pas vetes, ka një karrierë, po njësoj edhe unë. E dimë çfarë duam. Nëse karakteri ynë gjykohet vetëm nga sa vjeç është ajo dhe sa vjeç jam unë, le të vazhdojnë njerëzit. Nuk e di ç’do kishte ndodhur po të kishte qenë ajo 47-vjeçe, prapë do kishte qenë njësoj.

Te Diola është një e mirë që Diola është një person i cili e mban famijen e vet vetë, pa mua, mua s’më ka pasur deri para tre muajsh edhe është njeri që ka të ardhurat e veta, pronat e veta, nuk ka pasur nevojë për mua që të vij unë për ndonjë arsye tjetër”,- ka thënë bizmesmeni.

Gjithashtu, biznesmeni Erolld Belegu, zbuloi se ata janë prezantuar me familjet e njëri-tjetrit dhe se kanë bërë një marrëveshje që do kalojnë bukur në lidhjen e tyre, për sa kohë të zgjasë, nëse është një muaj apo përjetësi.

The post Biznesmeni Erolld Belegu komenton diferencën në moshë me Diola Dostin: 20 vite nuk janë shumë, ne e dimë çfarë duam appeared first on Albeu.com.

Megjithatë, këshillat nuk kanë qenë e vetmja gjë që janë bërë pjesë e postimeve. Prej pak kohësh, nutricionistja po jeton një histori të bukur dashurie me biznesmenin nga Kosova, Erolld Belegu.

Në bisedën në “Rudina” në Tv Klan, ndërsa flet me sytë që i ndrijnë, Diola e përshkruan si një surprizë të paparashikuar.

Njohja e tyre ka ndodhur në koncertin e Vesa Lumës, ku krejt rastësisht karriget e tyre ishin pranë dhe duket se kjo afroi edhe zemrat.

Diola Dosti: Sigurisht. Zhvilluam një lloj bisede që kishin kaluar 4 orë dhe nuk e pamë, jemi takuar në orën 8 dhe vajti ora 12, pamë që thjesht koha kishte fluturuar.

Në atë koncertin e radhës që mbahej në Gjakovë për 17 shkurtin dhe aty më duket që ishte ajo shkëndija më e fortë.

Ishte madje një moment shumë i bukur që askush nuk po kërcente dhe u çuam vetëm ne të dy dhe më thotë që “shiko tek ai ekrani aty na kanë kapur vetëm neve” dhe unë shikoja vetëm Erolldin dhe s’më interesonte, shikoja vetëm ‘blur’ pjesën tjetër, nuk shikoja asnjë lloj gjëje.

Aty e kuptova, thashë Diola, po ndodh një gjë e madhe dhe thjesht e kam lënë veten, se unë gjithmonë në këto raste kam qenë shumë e tërhequr, kam menduar në forma të ndryshme, por për herë të parë vendosa të ndjek zemrën.

The post Më e dashuruar se kurrë me biznesmenin, Diola Dosti: Për herë të parë vendosa të ndjek zemrën appeared first on Albeu.com.