Janë prangosur dy vëllezërit, Fredi Rrushi dhe Pajtim Rrushi për ngjarjen e rëndë.

Natën e vrasjes, Rushi e ka telefonuar tre herë Hoxhën, ndërsa ky i fundit nuk i është përgjigjur.

Sipas informacioneve, biznesmeni është kontaktuar sërish përmes një personi tjetër që ndodhej në një tavolinë me këtë të fundit, duke e çuar më pas drejt Dajtit, aty ku edhe e ekzekutoi.

Telefonin e kufomës e hodhën diku, ku u gjet më pas nga një taksist dhe u shit prej tij në një servis.

Ndërkohë që vetëm një ditë pas vrasjes, Fredi Rrushi ka shkuar sërish drejt Dajtit, rreth orës 5 të mëngjesit duke e groposur në mal. Ndërsa sipër e kishte mbuluar me dhe e gurë. Lëvizjes e Rrushit u filmuan të gjitha nga kamerat e sigurisë, duke lënë të kuptohet se Dajti mund të ishte vendi i groposjes së biznesmenit. Atje u gjet një xhup me gjak, të cilin familjarët e biznesmenit thanë se i përkiste 43-vjeçarit. Më pas me ndihmën e qenëve, u gjet edhe vendi i groposjes, ku edhe viktima u gjet me dy plumba, një pas kokë dhe në qafë.

Megjithatë Rrushi nuk ka pranuar për asnjë moment autorsinë e ngjarjes, ndërsa Pajtimi, pas ndalimit nga Policia, ai u ka thënë hetuesve se nuk mbante mend asgjë nga ngjarja pasi Covid-19 e kishte lënë me pasoja. Por tentativa e tij u hodh poshtë nga policia pas paraqitjes së pamjeve filmike, ku Pajtimi duket që merr automjetin i cili transportoi viktimën.

Djali i viktimës ka bërë me dije se i ati ishte një person i “shthurur” e që kishte një të kaluar mes borxheve të shumta. Kjo besohet të ketë qenë edhe shkaku kryesor i ngjarjes së rëndë./albeu.com/

The post Vrasja e biznesmenit nga Kamza, marrin fund hetimet, Pajtim Rrushi: S’mbaj mend gjë, Covid-19 më la me pasoja appeared first on Albeu.com.

43-vjeçari banues në Paskuqan, rezulton i zhdukur prej datës 20.10.2021.

Lidhur me këtë ngjarje janë shoqëruar mbi 10 persona. Ndërkohë familjarët kanë deklaruar se kjo nuk është hera e parë që biznesmeni është larguar nga banesa, por kësaj radhe “largimi” ka zgjatur shumë.

Policia e Shtetit ka reaguar lidhur me zhdukjen e biznesmenit nga Kamza, rast që u bë i ditur ditën e sotme.

Kujtojmë këtu, se personi i fundit që ka pasur kontakt me biznesmenin, ka qenë shoku i vet, i cili ka pasur edhe probleme me drejtësinë italiane.

Njoftimi i Policisë:

Më datë 24.10.2021, shtetasi S. H. ka bërë kallëzim në Komisariatin e Policisë Nr.5, se më datë 20.10.2021, rreth orës 23:00, është larguar nga banesa babai i tij, shtetasi Ruzhdi Hoxha, 43 vjeç, banues në Paskuqan, dhe prej asaj kohe nuk kanë pasur më kontakt me të. (Njoftimi i publikuar në ëeb-in e Policisë së Shtetit, në përmbledhjen 72-orëshe, më datë 25.10.2021

Menjëherë pas denoncimit të marrë, Sektori i Hetimit të Krimeve të Renda ndaj Jetës dhe Pronës në DVP Tiranë, në bashkëpunim me strukturat hetimore të Komisariatit të Policisë Nr.5, kanë vlerësuar maksimalisht denoncimin duke verifikuar çdo informacion dhe kanë kryer kërkime e kontrolle në ambiente e vende të ndryshme

Veprimet procedurale shtesë i janë dërguar Prokurorisë dhe mbi bazën e tyre është regjistruar procedimi penal Nr.7713, datë 27.10.2021, për veprën penale “Rrëmbimi ose mbajtja peng e personit”.

Nga strukturat e DVP Tiranë, nën drejtimin e Prokurorisë së Rrethit Gjyqësor Tiranë, vazhdon puna e pandërprerë për gjetjen e shtetasit Ruzhdi Hoxha, si dhe për identifikimin dhe kapjen e autorëve.

The post Dyshimet për pengmarrjen e biznesmenit nga Kamza, vjen reagimi i Policisë appeared first on Albeu.com.