Sipas dosjes hetimore, motivi i vrasjes ka nisur nga një konflikt banal për dritat e gjata të makinës, mes autorit dhe djalit të ortakut të biznesmenit italian, i identifikuar si Gazmend Braçi.

Në dëshminë e tij, Braçi tregon se pas zënkës me autorin, automjeti i tij mbeti në rrugë për shkak të mungesës së karburantit. Për këtë arsye, ai kërkoi ndihmën e të atit, i cili mbërriti në vendngjarje bashkë me italianin, me dy automjete të ndryshme.

Në atë moment, sipas Braçit, autori filloi të qëllonte nga larg.

“Ai qëllonte në ajër në mënyrë të përsëritur, ndërsa na shante nga distanca. Në një moment nisi të qëllonte në drejtimin tonë dhe ne u shpërndamë. Eduardo shkoi të mbyllte derën e makinës së babit tim, që autori të mos e shihte. Fillimisht mbylli derën e shoferit, pastaj u përkul për të mbyllur derën e pasagjerit, kur u qëllua dhe u godit fatalisht. Ne u shtrimë barkas dhe qëndruam ashtu derisa mbërriti policia”, ka deklaruar ai.

Një tjetër dëshmitar që shoqëronte Braçin u tha hetuesve se sulmi zgjati mbi 20 minuta, me ndërprerje të herëpashershme, duke shtuar frikën dhe panikun mes të pranishmëve.

Të dhënat nga kamerat e sigurisë në zonë dhe dëshmitë e marra në vendngjarje kanë ndihmuar në identifikimin e autorit, i cili është 48 vjeç dhe ndodhet aktualisht në arrati.

Policia dyshon se Kamber Sulçe është ndihmuar nga persona të tjerë për t’u larguar, pasi pas krimit ka braktisur mjetin tip Ford, ngjyrë të bardhë, në zonën mes fshatrave Nivicë dhe Bolenë të Vlorës. Hetimet për kapjen e tij vazhdojnë.

The post Zbardhet dosja hetimore për vrasjen e biznesmenit italian/ Dëshmia e Gazmend Braçit: Eduardo Sarchi u qëllua nga 120 metra distancë appeared first on Albeu.com.

“Biznesmeni italian nuk ka patur asnjë lidhje me ndonjë konflikt të mëparshëm, apo natën e ngjarjes, me autorin e dyshuar.

Biznesmeni italian është gjendur rastësisht në vendin e ngjarjes. Konflikti ka qenë mes Gazment Braçit dhe autorit të dyshuar janë konfliktuar për dritat e gjata. Autori i dyshuar Kamber Sulçaj, e ka ndjekur nga pas Gazment Braçin, që është djali i Eqerem Braçit, ortakut të shtetasit italian, të cilit i është prishur makina dhe ka mbetur në rrugë.

Për këtë arsye ka kërkuar ndihmën e babait dhe me të ka ardhur edhe shtetasi italian për të ndihmuar djalin e Eqeremit dhe pikërisht këtu është gjentur nën breshërinë e armëve dhe ka humbur jetën. Pra nuk ka asnjë lidhje me konfliktin mes palëve dhe këtë mund ta konfirmoj zyrtarisht të policisë dhe prokurorisë së Gjirokastrës”- tha Lala.

The post “Shkoi në ndihmë të djalit të ortakut”, Klodiana Lala jep detaje për vrasjen e biznesmenit italian në Salari appeared first on Albeu.com.

Policia thotë se ka lënë të lirë Eqerem Braçin, ortakun e tij i cili u shoqërua bashkë me dy djemtë që prej mëngjesit të së shtunës.

Rezulton se Braçi dhe djemtë të kenë qenë personat që e shoqëruan biznesmenin për gjah. Dëshmia e tyre ka bindur policët. Biznesmeni dhe djemtë siç mëson Top Channel kanë thënë se iu është rrezikuar jeta njësoj si italianit, pasi një automjet në lëvizje ka hapur zjarr në drejtim të tyre.

Edoardo Sarchi sipas dëshmisë është qëlluar me kallashnikov. Biznesmeni dhe djemtë e tij janë larguar për tju fshehur breshërisë së plumbave natën e krimit.

Mediat italiane shkruajnë se fabrikën e tullave në Shqipëri e themeloi xhaxhai i Sarchi-t, Augusto Nidoli, ndërsa vetë viktima në Itali njihet për lidhjet me politikën që ka pasur babai i tij, Vittorio Sarchi që ka shërbyer si këshilltar bashkiak.

The post Vrasja e biznesmenit italian në Tepelenë, lirohet ortaku shqiptar dhe dy djemtë e tij appeared first on Albeu.com.

Edoardo Sarchi ndodhej për gjueti së bashku me ortakun e tij në kompaninë e prodhimit të tullave Eqerem Braçe dhe dy djemtë e tij, Daniel dhe Gazmend Braçe, si dhe me një person të katërt.

Bëhet me dije se Daniel, Gazmend dhe Eqerem Braçe janë marrë 4 herë në pyetje, fillimisht nga Oficerët e Policisë Gjyqësore, Prokuroria, Specialistët e Krimeve të Rënda e në fund përsëri nga OPGJ pasi këta persona kanë dhënë dëshmi kontradiktore me njëri-tjetrin.

Lajmi është pasqyruar gjerësisht në mediat italiane që bëjnë me dije se ngjarja po ndiqet edhe nga Ambasada Italiane në Tiranë.

The post Dëshmi kontradiktore për vdekjen e sipërmarrësit italian appeared first on Albeu.com.

Burimet mediatike bëjnë me dije se për ngjarjen në fjalë janë ndaluar dhe po meren në pyetje në komisariat shtetasit Eqerem Braçe dhe dy djemtë e tij, Gazment dhe Daniel Braçe, si dhe një person i katërt identiteti i të cilit ende nuk bëhet me dije.

Edoardo Sarchi, me origjinë nga Varese, kishte jetuar në Shqipëri për vite me radhë, ku kishte filluar biznesin e tij. Ai zotëronte një fabrikë tullash në Tiranë dhe ishte drejtor i kompanisë italo-shqiptare Tegola Edilcentro.

Emri i tij, përtej botës së biznesit, është i lidhur edhe me politikën lokale në Itali nëpërmjet babait të tij Vittorio Sarchi, një figurë historike e krahut të djathtë të qytetit buzë liqenit.

Vrasja e biznesmenit italian Edoardo Sarchi në rrugët e fshatit Salari të Tepelenës është veshur me mister. Pamjet nga vendi i ngjarjes janë vërtet të frikshme dhe ngrenë dyshime të forta mbi atë se çfarë ka ndodhur pak pas mesnate në rrugën e fshatrave të Labërisë.

44 vjeçari ka qenë duke lëvizur me një mjet tepër të shtrenjtë dhe luksoz, Land Rover Defender më së paku i vitit 2020, me goma të çara nga plumbat ndërsa pjesa tjetër duket e padëmtuar.

Ngjarja ka ndodhur rreth orës 00:30 të datës së sotme dhe deri në orën 10:30, mjeti ka qenë në rrugë. Ndërkohë, pas tij është dhe një fuoristradë tjetër Volkswagen Touareg, e cila është me dyert e hapura dhe mbi kofano janë vendosur piketat e provave nga ekspertët kriminalistë.

Dyshimet shtohen më tepër dhe nga gjurmët e gjakut që janë parë në vendngjarje, dy vija të trasha përpara mjetit që drejtohej nga shtetasi italian Edoardo Sarchi, që tregojnë se trupi i 44 vjeçarit është tërhequr zvarrë pas vrasjes ose është zvarritur vetë deri jashtë makinës, pas të shtënave.

The post Doli për gjah por u gjet i vrarë në mes të rrugës/ Del foto e biznesmenit italian që u ekzekutua në Tepelenë! appeared first on Albeu.com.

Ndaj tij është ngritur akuza e simulimit të një krimi për shkak se denoncimi është bërë kur makina kishte disa ditë që ishte zhdukur. Në fakt, në ditën e denoncimit, Porsche ishte transferuar tashmë në Shqipëri, siç u zbulua falë kutisë së zezë.

Vonesa në paraqitjen e kallëzimit për vjedhjen rezultoi me akuzën e simulimit të një krimi. Më tej, sipërmarrësi është në gjyq edhe për përvetësim, duke qenë se ai nuk ia ka kthyer kompanisë makinën me qira.  Është e qartë se sipas mbrojtjes së paraqitur nga avokati Francesco Moscatiello, të dyja akuzat ndaj sipërmarrësit nuk janë të denja për dënim, pasi vonesa e ankimit nuk mund të çojë, përsëri sipas tezës së mbrojtjes, në një dënim për simulim pasi ai ka qenë viktimë e një vjedhjeje./Albeu.com.

The post “Më kanë vjedhur Porsche-in”, vetura luksoze gjendet në Shqipëri, biznesmeni italian përfundon në gjykatë appeared first on Albeu.com.