Është raportuar se marka e veshjeve që Victoria krijoi me bashkëshortin e saj, David Beckham, po lufton dhe nuk po arrin rezultatet e pritura.

Sipas The Mirror, borxhet e akumuluara kanë arritur në 64 milionë euro, 11 milionë euro më shumë se vitin e kaluar, duke e rënduar më tej situatën e biznesit të saj.

Raporti shpjegon se në vitin 2019 firma shtoi 18.4 milionë euro borxhe dhe 7.8 milionë euro të tjera në vitin 2020.

Për më tepër, ka edhe 34 milionë euro të tjera borxh nga kompani të tjera.

Megjithatë, pavarësisht këtyre shifrave, ” The Mirror” sqaron se çifti është ende një nga më fitimprurësit financiarisht.

Në vitin 2020, Beckhams kishin një fitim prej 13.7 milionë euro, shtatë më shumë se një vit më parë.

Të ardhurat totale të Victoria Beckham Holdings ranë me 6% për shkak të efekteve të pandemisë globale, tha një burim për “The Mirror”, duke iu referuar shkaqeve të mundshme të humbjeve miliona dollarëshe të markës.

Paqëndrueshmëria e markës së saj është e lidhur me paqëndrueshmërinë brenda familjes, veçanërisht midis Victorias dhe djalit të saj Brooklyn.

Marrëdhënia mes të dyve është acaruar prej disa kohësh pasi Victoria ka dizenjuar një fustan për Petz, gruan e Brooklyn-it, për ditën e saj të dasmës. Megjithatë, nusja e saj veshi një fustan Valentino.

Përveç kësaj, nënë dhe bir janë në grindje për shkak të largimit të Brooklyn nga një markë e njohur e modës, të cilës Victoria i kishte rekomanduar djalin e saj, i cili nuk u paraqit në seanca.

The post Falimentoi biznesin, çfarë po ndodh me Victoria Beckham? appeared first on Albeu.com.