Si pasojë e shpërthimit janë shkaktuar vetëm dëme materiale, ndërsa fatmirësisht nuk raportohet për persona të lënduar.

Në vendngjarje kanë mbërritur menjëherë forcat e policisë dhe grupi hetimor, të cilët po punojnë për identifikimin dhe kapjen e autorit ose autorëve të dyshuar. Hetimet vijojnë gjithashtu për të zbardhur motivin dhe rrethanat e plota të kësaj ngjarjeje.

The post Tritol një biznesi në Kamëz gjatë orëve të para të mëngjesit, policia jep detajet e para appeared first on Albeu.com.

Reperi i njohur ka vendosur të bëjë një hap të guximshëm jashtë botës së muzikës, duke hapur një çerdhe moderne me emrin “HanaKids”, e cila është frymëzuar nga vajza e tij, Hana. Ky projekt i ri është një shembull i përkushtimit të tij ndaj edukimit dhe mirëqenies së fëmijëve.

Lajmi u bë publik nga vetë Mozzik, i cili shprehu emocionet e tij me fjalët: “HanaKids po hap dyert sot! Nga e hëna, më 25 Gusht, fillojmë punën me dashuri dhe përkushtim për më të vegjlit tanë.” Kjo njoftim tregon angazhimin e tij për të kontribuar në zhvillimin e brezit të ri.

Ky projekt nuk është vetëm një investim financiar, por një mesazh i fortë nga Mozzik si baba. Ai thekson se: “Fëmijët janë e ardhmja jonë – ata nuk kanë nevojë vetëm për kujdes, por për dashuri, siguri dhe një ambient që i rrit me buzëqeshje e dituri.” Kjo qasje tregon një ndjeshmëri të thellë për nevojat e fëmijëve.

HanaKids, që mban emrin e vajzës së tij, është një dedikim i ndjerë dhe një investim që e dallon reperin nga shumë të tjerë në estradë. Ai shpreh bindjen se çdo fëmijë meriton më të mirën, duke e bërë këtë projekt një simbol të përkushtimit të tij ndaj edukimit dhe zhvillimit të fëmijëve.

Me hapjen e HanaKids, Mozzik po i jep një shembull të shkëlqyer të tjerëve në industrinë e muzikës dhe biznesit. Ai tregon se si pasioni për fëmijët dhe edukimin mund të shndërrohet në një mundësi për të kontribuar në shoqëri. Ky është një hap i rëndësishëm për të ardhmen e fëmijëve.

Në përmbyllje, Mozzik thekson: “Sepse çdo fëmijë meriton më të mirën!”. Ky mesazh është një thirrje për të gjithë ne që të mbështesim iniciativat që promovojnë mirëqenien e fëmijëve dhe edukimin e tyre. HanaKids është një hap i rëndësishëm drejt një të ardhmeje më të ndritur për brezin e ri.

The post Askush nuk e priste/ Mozzik hap biznes surprizë, kujt ia dedikon këtë hap reperi appeared first on Albeu.com.

Sipas tij, informacioni i është përcjellë deputetit të ardhshëm të Elbasanit, Blendi Himçi, i cili ka shkuar në ambientet e lokalit dhe ka gjetur aty fletë votimi, lista votuesish dhe materiale të tjera zgjedhore, në një vend të dyshuar si pjesë e asaj që Berisha e quajti “treni bullgar”.

Ndërkohë, Specialistët për Hetimin e Krimeve të Komisariatit të Policisë Peqin, pas njoftimit të marrë më datë 22.05.2025, se në një lokal në fshatin Pekisht, ishin gjetur disa materiale të dyshuara zgjedhore, kanë shkuar menjëherë në adresën e dhënë, me qëllim verifikimin e rastit.

Njoftimi:

Specialistët për Hetimin e Krimeve të Komisariatit të Policisë Peqin, pas njoftimit të marrë më datë 22.05.2025, se në një lokal në fshatin Pekisht, ishin gjetur disa materiale të dyshuara zgjedhore, kanë shkuar menjëherë në adresën e dhënë, me qëllim verifikimin e rastit.

Gjatë veprimeve të kryera në vendngjarje, në bashkëpunim me Prokurorinë e Elbasanit, në lokalin e shtetasit D. B., janë gjetur dhe sekuestruar 10 fletë të ngjashme me fletët e votimit, të paplotësuara, të dyshuara të falsifikuara, si dhe një listë emërore e zgjedhësve.

Gjithashtu, është sekuestruar portofoli i shtetasit D. B., me 280 000 lekë.

Më tej, gjatë kontrollit në banesën e shtetasit D. B., janë gjetur një pushkë e vjetër trofe dhe një pistoletë zhurmuese (sportive).

Në vijim të veprimeve për rastin, specialistët për Hetimin e Krimeve të Komisariatit të Policisë Peqin referuan materialet procedurale në Prokurori, ku nisi procedimi penal për shtetasin D. B., për veprat penale “Falsifikimi i materialit zgjedhor dhe rezultateve të zgjedhjeve” dhe “Prodhimi dhe mbajtja pa leje e armëve të gjuetisë dhe sportive”.

Materialet procedurale iu referuan Prokurorisë, për veprime të mëtejshme hetimore.

The post Berisha denoncoi gjetje të materialeve zgjedhore në një biznes në Peqin, policia procedon pronarin: Gjetëm fletë të falsifikuara dhe… appeared first on Albeu.com.

“Në programin tim nuk mësoje vetëm aktrim, por çdo aspekt të një produksioni – nga ndriçimi e deri te qepja. Dhe kjo më mësoi të vlerësoj punën e çdo anëtari të ekipit”, rrëfen Meghan, ndërsa bisedon me Heather Hasson, bashkëthemeluese e markës FIGS.

Ajo shton me humor se ndihet plotësisht rehat me një makinë qepëse – një detaj që e kthen bisedën natyrshëm drejt temës së sipërmarrjes dhe modës funksionale.

Në të njëjtin episod, si edhe në atë të mëparshmin, Meghan ndalet edhe te kujtimet e jetës në konvikt. Ajo përshkruan me nota nostalgjie stilimin e flokëve në shtëpinë e studentëve të Kappa Kappa Gamma dhe përpjekjet për t’u kujdesur për kaçurrelat me mjete shumë bazike. “Nuk kishte hekura për flokë me prizë, përdorja sobën e vogël dhe letra kuzhine – dhe gjithmonë dikush pyes: ‘Çfarë ere është kjo?’”, kujton ajo me një buzëqeshje.

Këto rrëfime janë pjesë e imazhit të ri të Meghan Markle – larg botës së aktrimit dhe familjes mbretërore, pranë grave sipërmarrëse, që nuk e kanë harruar se ku e nisën.

The post Nga “Suits” te biznesi: Rruga e pazakontë e Meghan Markle appeared first on Albeu.com.

Të dhënat e fundit të INSTAT bënë të ditur se në vitin 2022, aktiviteti i pijeve dhe shërbimit ushqimor regjistroi të ardhura prej 69 miliardë lekësh (rreth 650 milionë euro), me një rritje të fortë prej 47% në krahasim me vitin e mëparshëm.

Këto të ardhura janë në fakt shpenzimet e klientëve vendas e të huaj për bare e restorante në vend.

Ky është niveli më i lartë i të ardhurave të regjistruara ndonjëherë. Rritja e çmimeve në bare e restorante është një nga arsyet që ka ndikuar.

Sipas INSTAT, në 2022, çmimet në bare e restorante shënuan rritjen më të lartë në 15 vjet ndonëse me ritme të ngadalësuara tendenca vazhdoi edhe në 2023.

Ndërsa emigracioni i popullsisë, sidomos i të rinjve, ka ndikuar në frekuentimin e bareve nga vendasit, këta janë kompensuar nga turistët.

Të dhënat e INSTAT treguan se në 2022, vendin e vizituan mbi 7 milionë shtetas të huaj dhe në 2023, shifra arriti në 10 milionë.

Ndonëse të huajt që vijnë në Shqipëri janë përgjithësisht me çanta shpine që konsumojnë pak, sërish ata i gjen rëndom në bare e restorante në zonat kryesore turistike të vendit e në kryeqytet.

Numri i bareve u rrit për herë të parë që nga 2016-a

Biznesi i bareve e restoranteve arriti kulmin në 2016, kur numri i tyre arriti në gati 19 mijë. Më pas u shënua një rënie e vazhdueshme në linjë me ciklin e ri të emigracionit, që uli frekuentimin e tyre, por dhe me krijimin e linjave më të mëdha të bareve, që konkurruan kafenetë e vogla.

Në 2021, numri i bareve e restoranteve zbriti në 14.7 mijë, niveli më i ulët që nga 2013-a.

Por, në 2022 u shënua dhe një rritje e numrit të bareve e restoranteve për herë të parë që nga 2016-a. Numri i tyre u rrit me 4%, duke arritur në 15.3 mijë, nga 113 mijë që është total i ndërmarrjeve në vend.

Rekord në Europë

Përgjithesisht baret e restorantet në shtetet e Europës janë të përqendruara në rrugicat e zonave turistike. Në asnjë vend të Europës nuk gjen kaq shumë bare e restorante në çdo lagje apo rrugë sa tek ne.

Numri i lartë i kafeneve që ka Shqipëria reflektohet dhe në krahasimin e strukturës së bizneseve në Europë.

Të dhënat e Eurostat, të përpunuara nga Monitor tregojnë se mesatarisht vetëm 4.8% e totalit të bizneseve ushtrojnë aktivitetin e pijeve dhe shërbimit ushqimor.

Të dhënat janë për vitin 2022. Në Shqipëri, sipas INSTAT aktivitetet e pijeve e shërbimit ushqimor zënë 13.5% të totalit, që është më e larta në Europë.

Pas Shqipërisë renditet Bosnjë-Hercegovina, me 11.3%, e ndjekur nga Zvicra me 8.9%, Greqia 8.5%, Serbia 8.4%.

Spanja dhe Italia, që janë dy shtetet ndër më turistike të Europës, kanë përkatësisht 7.8 dhe 5.9% të bizneseve të përqendruar në aktivitetin e pijeve e shërbimit ushqimor.

Shtetet që u kushtojnë më pak “vëmendje” biznesit të kafeneve janë Norvegjia (2.2%), Polonia (2.2%), Estonia (2.1%).

The post Biznesi i preferuar i shqiptarëve arrin 650 milionë euro, rritet sërish numri i kafeneve appeared first on Albeu.com.

BELIND KËLLIÇI: Prej 1 viti tashmë po bëjmë publike lidhjet nepotike dhe korruptive të Bashkisë Tiranë. Prej 1 viti vijojmë depozitojmë kallëzime penale për aferat korruptive të pronarit faktik të inceneratorit të Tiranës, Erion Veliaj. Organizata Kriminale e Bashkisë Tiranë, siç u faktua dhe me kallëzimin tonë për kompaninë 5D KONSTRUKSION, ka vjedhur dhjetëra miliona euro deri më sot. Por kjo strukturë, përveç vjedhjes se parave publike, nuk ka kursyer as dhunën mbi shtresën më të varfër të Tiranës, shitësit ambulantë. Pasi u vendos në krye të Bashkisë Tiranë, drejtuesi i Organizatës Kriminale 5D Erion Veliaj, emëroi në krye të Policisë Bashkiake policin e Anti-Drogës, shtetasin Ermal Kapllanaj.

Drejtues që sot po hetohet nga SPAK për favorizimin e biznesit shumë fitimprurës të dherave, për llogari të shefit të tij në inceneratorin e Tiranës. Aksioni i parë që ndërmori ky drejtor ishte terrori mbi gjyshet, gjyshërit dhe nënat të cilët rrinin me orë të tëra në shi e diell për të shitur zarzavate që të siguronin mbijetesën. Këto pamje flasin më shumë se çdo fjalë. Dhuna dhe terrori mbi shtresën më të varfër të Tiranës u justifikua me nevojën për të patur tregje me cilësi e siguri ushqimore, por pas investigimit tonë rezulton se ai terror kishte vetëm një qëllim. Përfitimin financiar të Ermal Kapllanaj dhe mikut të tij të ngushtë Ferdinand Mara, një tjetër drejtues i lartë në Policinë e Shtetit.

Si fillim Ermal Kapllanaj u kujdes të punësonte vëllain e Ferdinand Marës si pjesë e bandës së dhunuesve në Policinë Bashkiake. Në vitin 2016 regjistruan si biznesmen babain e Ferdinandit, Bajram Marën, i cili u jepte me qira hapësirat atyre që donin të shisnin fruta perime në tregjet tashmë të miratuara nga Bashkia Tiranë brenda lagjeve. Në vitin 2019 bashkëshortja e Ferdinandit dhe pse me profesion mësuese shkolle në Tiranë, vendos të bëhet biznesmene me të njëjtin objekt veprimtarie si vjehrri i saj: Tregëti fruta perime. Biznes i cili sipas të dhënave publike të Qendrës Kombëtare të Biznesit ka qarkulluar jo pak, por mbi 600.000 euro në vit. Sigurisht që Ermali nuk mund të mjaftohej me kaq. Në vitin 2020 themelohet kompania FRESHMART me objekt: tregti në tregjet e fruta perimeve.

Ortak në këtë biznes është “rastësisht” babai i Ferdinand Marës dhe vjehrri i Ermal Kapllanaj. Siç pamë në dosjen 5D që vjehrri bukëpjekës bëhet milioner, në këtë aferë skandaloze shohim sesi vjehrri i Ermal Kapllanaj, nga profesioni i nderuar i axhustatorit me pagë 300 euro në një subjekt privat, gjen kohën dhe kapacitetet të bëhet biznesmen. Kjo kompani sipas të dhënave të QKB ushtron biznesin në disa adresa dhe më e fundit është një magazinë e ngritur me lejen e ndërtimit që Erion Veliaj ka firmosur për Drejtorin e tij Ermal Kapllanaj në vitin 2019. Sigurisht ne këto të dhëna do i’a përcjellim zyrtarisht SPAK, të cilët mbetet të shohim nëse do të vazhdojnë të jenë mburojë për kreun e Organizatës Kriminale 5D Erion Veliajn, apo do të kryejnë detyrën e tyre në zbatim të ligjit, siç presin dhe qytetarët shqiptarë.

Opozita dhe Partia Demokratike është e vendosur që misionin e saj ta çojë deri në fund. Unë jam i vendosur të mbaj premtimin e dhënë ndaj qytetarëve të Tiranës për të bërë transparencë për abuzimet e panumërta që kjo Organizatë Kriminale, ka bërë në gati 1 dekadë që ka drejtuar Bashkinë më të madhe në vend. Ftoj sërish të gjithë qytetarët e Tiranës, të bashkohen në protestën e ditës së nesërme, e premte, ora 11:00 përpara Bashkisë Tiranë dhe të kërkojnë largimin e Erion Veliajt dhe Organizatës së tij të hajdutëve 5D nga zyrat e bashkisë.

The post Këlliçi: Kreu i Policisë Bashkiake të Tiranës, Ermal Kapllanaj, biznes të përbashkët me drejtuesin e lartë të Policisë së Shtetit appeared first on Albeu.com.

Këngëtarja e “Shape Of Me”, 33-vjeçare, njoftoi një linjë të re për kujdesin e flokëve, TYPEBEA, në bashkëpunim me eksperten australiane të flokëve Anna Lahey, 35-vjeçe. Lajmin e ka bërë të ditur me anë të një postimi të shpërndarë me ndjekësit në Instagram.

“Jam shumë e emocionuar që më në fund shpall një pasion të madh timin, @TYPEBEA, kujdesin e flokëve me performancë të lartë për të gjitha llojet e flokëve që e kam krijuar me Anna Lahey”, u shpreh ajo.

“Marrëdhënia që kemi me flokët është kaq personale. Për mua është një pjesë e madhe e identitetit, krijimtarisë dhe besimit tim. Gjatë gjithë karrierës sime kam pasur pothuajse çdo ngjyrë dhe stil flokësh”, shton tutje artistja shqiptare. “I kam zgjatur, i kam prerë shkurt. Por tani mund të them që flokët e mi janë më të shëndetshmit që kanë qenë ndonjëherë. Mezi pres ta ndaj këtë me ju”.

Rita përfundoi: “TYPEBEA do të lansohet shumë shpejt”.

Ajo është këngëtarja e fundit që ka nisur një linjë për kujdesin e flokëve pasi Beyonce, nëna e së cilës ishte parukiere, prezantoi së fundmi Cecred.

Jashtë muzikës, Rita njihet më shumë për sipërmarrjet e saj të modës, së fundmi duke krijuar një koleksion prej 169 pjesësh me Primark.

View this post on Instagram

A post shared by TYPEBEA (@typebea)

The post Jashtë muzikës – Rita Ora zbulon një sipërmarrje të re biznesi appeared first on Albeu.com.

Për t’ju ndihmuar ta bëni këtë, Rainer Strack, drejtor në një kompani konsultimi, ju tregon si të hartoni disa strategji të vlefshme për jetën tuaj.

1. Si ta përkufizoj një jetë të mrekullueshme?

Shumë njerëz punojnë drejt një qëllimi që besojnë se duhet të kenë. Si të fitojnë më shumë para ose të blejnë një shtëpi, pa menduar se çfarë do t’i bënte ata vërtet të lumtur. Një jetë e realizuar përcaktohet në bazë të nevojave dhe pritshmërive të çdo individi, ndaj nuk ka korniza të detajuara për këtë.

2. Cili është qëllimi im në jetë?

Për të gjetur qëllimin, ju duhet t’i bëni dy pyetje vetes: Cilat janë pikat e mia të forta dhe çfarë i nevojitet botës? Kur vendosni se në cilat aftësi shkëlqeni, mund të jetë e dobishme të përfshini miqtë apo familjen tuaj për disa ide më shumë.

“S’mund të largohem në kohë krize”, Goldi Halili tregon arsyen pse s’u bë pjesë e BBV
3. Cili është vizioni im në jetë?

Imagjinoni disa prioritete ose objektiva. Mund të jenë tre, katër ose pesë të tilla…Ja disa pyetje që do t’ju ndihmojnë të zgjeroni vizionin. Pyetje si:

-Çfarë do të bëja nëse paratë nuk do të ishin problem për mua?
-Çfarë nuk dua të më mungojë në jetë kur të jem 80 vjeç/e?

Përfytyrimi i këtyre përgjigjeve mund t’ju udhëheqë drejt qëllimeve tuaja.

4. Si e harxhoj kohën time?

Një javë ka 168 orë. Shkruani sesi po i kaloni ato orë dhe krahasojini me diçka që besoni se e bën jetën tuaj më të mirë. Nëse thoni se mbajtja e marrëdhënieve është e rëndësishme për ju, por ju kaloni vetëm një orë në javë me ta, ndoshta duhet të planifikoni të dërgoni disa mesazhe ose të lini më shumë takime.

5. Çfarë mund të mësoj nga standardet?

Përdorni shembuj pozitivë në jetën tuaj për të informuar se si jetoni. Pyete veten: “Kë admiroj?” dhe më pas analizoni se çfarë i bën ata të admirueshëm për ju.

6. Çfarë zgjedhjesh mund të bëj?

Tani, ju duhet të vendosni se cilat elemente të jetës dëshironi të ndryshoni, përshtatni, eliminoni ose vazhdoni. Ndoshta ju pëlqen sa kohë kaloni në takime, por nuk ndiheni mjaftueshëm të përkushtuar ndaj punës.

The post 6 pyetje si të ndërtoni strategjitë e suksesit në jetë appeared first on Albeu.com.

Sipas informacioneve paraprake, dyshohet se shkak i zjarrit është bërë një shkëndijë elektrike e një prej makinerive të duraluminit, në këtë biznes.

Zjarri ka shkaktuar dëme materiale, ndërsa zjarrfikësit ndodhen në vendin e ngjarjes dhe po punojnë për shuarjen e flakëve.

The post Përfshihet nga flakët biznesi në Tiranë appeared first on Albeu.com.

Sipas informacioneve të para, një person i armatosur dhe me një kapucc në kokë, nën kërcnimin e armës, ka grabitur një shumë parash në një biznes dhe më pas është larguar.

Njoftimi:

Më datë 10.10.2023, rreth orës 20:35, në rrugën “Myslym Shyri”, një shtetas ende i paidentifikuar, veshur me kostum të kuq dhe me kapele, dyshohet se nën kërcënimin e një sendi në dukje armë zjarri, ka vjedhur një shumë parash në një biznes, dhe më pas është larguar.

Grupi hetimor ndodhet në vendngjarje dhe po punon për identifikimin dhe kapjen e autorit.

The post Grabitet me armë një biznes në “Myslym Shyri” appeared first on Albeu.com.