Sipas të dhënave të INSTAT, në fund të vitit 2021, në vend kishte 6,635 ndërmarrje me kapital të huaj dhe të përbashkët, me një rritje prej 10% në krahasim me vitin e kaluar. 600 ndërmarrje të reja me kapital të huaj ose të përbashkët u hapën në vitin 2021, nga rreth 15 mijë që ishin gjithsej subjektet e shtuara në të njëjtën periudhë.

Në vitin 2020, numri i ndërmarrjeve të huaja kishte rënë me 6.3% në krahasim me 2019-n, si rrjedhojë e pasojave që krijoi në ekonomi pandemia dhe kufizimet që u ndërmorën për ta frenuar atë.

Gjithsesi, edhe në raport me 2019-n, numri i ndërmarrjeve të huaja e të përbashkëta u rrit me 3.2%.

Ndonëse numri total i ndërmarrjeve të huaja e të përbashkëta në vend është rritur ndjeshëm, janë të vegjlit ata që kanë bërë diferencën, ndërsa kompanitë e mëdha, që punësojnë më shumë se 50 punonjës kanë shënuar rënie të ndjeshme.

Sipas të dhënave të INSTAT, në vitin 2021 janë larguar (neto) 44 kompani, që kishin më shumë se 50 punonjës dhe 97 të tjera që kishin nga 10 deri në 49 punonjës. Të larguarit janë kryesisht në fushën e industrisë, ishte aktiviteti i vetëm me rënie të numrit të bizneseve të huaja në 2021.

Në të kundërt, janë shtuar 648 subjekte të vogla, që kanë nga 1-4 punonjës dhe 93 biznese me 5 deri në 9 punonjës.

Dominojnë vendet e BE-së

Sipas INSTAT, Ndërmarrjet me pronarë apo bashkëpronarë të huaj zënë 5,6% të ndërmarrjeve gjithsej, krahasuar me 5,1% të ndërmarrjeve aktive në vitin 2020, dhe punësojnë 12,7% të të punësuarve gjithsej.

Ndërmarrjet nga vendet Bashkimit Evropian përfaqësojnë 57,6% të ndërmarrjeve të huaja e të përbashkëta. Pronarët apo bashkëpronarët me origjinë italiane dhe greke përfaqësojnë 45,5% të ndërmarrjeve të huaja e të përbashkëta gjithsej. Ndërmarrjet e huaja e të përbashkëta janë përqendruar kryesisht në qarkun Tiranë dhe Durrës, përkatësisht 68,9% dhe 12,7%.

Mbizotërojnë shërbimet, rritet teknologjia e informacionit

Shërbimet dominojnë në bizneset e huaja që hapen në Shqipëri, me 38% të totalit, të ndjekura nga tregtia me 24%. Shërbimet shënuan dhe rritjen më të lartë të bizneseve të huaja, duke përbërë më shumë se gjysmën e subjekteve nga kjo kategori, të regjistruara në vtin 2021.

Një dukuri pozitive është shtimi i bizneseve të huaja në aktivitetin e “Informacioni dhe komunikacioni”, që u rrit me 22%, ose 97 ndërmarrje të reja. Kjo është rritja më e lartë në përqindje nga të gjitha aktivitetet ekonomike, e ndjekur nga shërbimet, me 16%.

Teknologjia dhe Informacioni po tërheq vitet e fundit investitorë të huaj, që ofrojnë shërbime për të tretët, duke shfrytëzuar koston e lirë të fuqisë punëtore. Operatorët e tregut kanë pohuar se pavarësisht interesit të lartë, problem mbetet gjetja e fuqisë punëtore të specializuar për shkak të emigrimit të profesionistëve.

Pavarësisht rritjes, pesha e bizneseve të IT në totalin e subjekteve të huaja mbetet e ulët, me vetëm 8% të totalit.

Edhe bizneset me kapital të huaj përgjithësisht janë të vogla. Vetëm 4.4% e ndërmarrjeve të huaja në vend kishim më shumë sesa 50 punonjës./monitor

The post Investitorët e mëdhenj ikin nga Shqipëria, vijnë të vegjlit, mbyllen 44 kompani me më shumë se 50 punonjës appeared first on Albeu.com.

Rama si fillim u ndal te energjia, ku tha se në tregun ndërkombëtar është njësoj për të gjithë.

“I kam kërkuar OSSHE që për çdo faturë të sjellë pjesën e pagesës së buxhetit të shteti për çdo familje dhe biznes të vogël. Është fakt që energjinë  e marrim nga burimet tona ujore dhe kur ato janë në mangësi, dhe kur nuk ka ne duhet të dalim në import. Në Import jemi të detyruar ta blejmë energjinë si gjithë të tjerët. Çmimet janë të larta dhe rrogat e ulëta në krahasim me vendet e tjera. Kur t’i blen energjinë në tregun ndërkombëtar nuk pyet sa i kanë pagat klientët e tu. Në 91 buka ka kthyer brenda një natë. Shqipëria ka nevojë për konsum energjie…Sot nevoja për konsum është gjigante, sa janë pallate në tiranë që kanë lokale. Shqipëria nuk e depoziton dot energjinë sepse na mungon Skavica.

Lidhur me naftën, Rama u shpreh se ka vende ku nafta është 2.3, 2.4 apo 2.8 euro.

“Edhe për naftën duhet të them se kemi naftë të rëndë që eksportohet për bitum. Nëse me naftën tonë do ta rafinonim për të bërë benzinë kosto do ishte më e lartë se ajo e naftës që vjen nga importi. S’ka interes të ndërtosh rafineri nëse nuk ke kontrata për naftë importi dhe pastaj ta shesësh. Është e vërtetë që në strukturën e çmimit të naftës kemi një barrë më të lartë se vendet e tjera në rajon, sepse vendet e tjera taksën e qarkullimit nuk e kanë në strukturën e çmimit, ne e kemi aty. Askund nuk ka biznes të vogël me taksë zero”, tha Rama./albeu.com

The post Rama: Asnjë vend në rajon s’ka biznes të vogël me taksë zero appeared first on Albeu.com.

Gjatë takimit me një bukëpjekës, Basha u shpreh se PD në qeveri nuk do ta trajtojë biznesin e vogël si një lopë për t’u mjelë, por si partner për zhvillimin e vendit.

“Në vend që t’ju ndihmojnë, t’ju stimulojnë ju thyejnë në mes. 25 prilli nuk bëhet për partitë, bëhet për ekonomitë, për njerëzit, për familjet. Do votoni për një shtet që në vend që t’ju trajtoj si një lopë për tu mjelë, e veten e vet si pronar, do tu trajtojë si partnerë në zhvillimin e vendit. Nëse ju krijoni të ardhura, do hapni një furrë tjetër, do punësoni edhe 2-3 zonja të tjera, do rrisni mirëqenien. Ndaj për të gjithë biznesin, për të gjithë sipërmarrjen që vuan, unë kam një mesazh, vota për numrin 9 do të thotë votë për ekonominë, për çlirimin e biznesit. Nuk ka alternativë, e vetmja alternativë është ndryshimi, dhe nuk ka alternativë pa larguar këtë qeveri në 25 prill. Ju e shikoni çfarë energjie ka për ndryshim”, tha Basha.

Kryedemokrati u ndal edhe në një farmaci, ku u angazhua për një paketë të re për rimursimin e familjeve të goditura nga Covid-i në Shqipëri.

“E domosdoshme të rimbursojmë familjet që janë goditur nga Covid-i. Bëhet fjalë për dhjetëra mijëra familje që kanë shpenzuar 2 mijë euro për Covid-in. Po përgatisim një paketë, na duhet edhe ndihma juaj, do flasim edhe me Urdhrin e Farmacistëve”, tha kreu i selisë blu.

Gjatë bisedave rastësore në rrugë një qytetar e pyet Bashën: “A ke forcë akoma?”, ndërsa kreu i PD i përgjigjet: “Shumë! Po vjen dita. Edhe ju mos u dorëzoni”.

The post Basha takim me biznesin në Tiranë: Nuk do t’u trajtojmë si lopë për t’u mjelë (VIDEO) appeared first on Albeu.com.