Burime zyrtare bënë me dije se, pas hekurave ra shtetasi me inicialet D.F.

Njoftimi i policisë:

Finalizohet operacioni policor i koduar “Full scan”. Sekuestrohen drogë, armë zjarri, bizhuteri dhe vlera monetare. Vihet në pranga poseduesi i tyre.

Në vijim të operacioneve të njëpasnjëshme të zhvilluara nga Drejtoria Vendore e Policisë Durrës, në bashkëpunim me Policinë Kufitare të Portit Durrës dhe autoritetet doganore, për parandalimin dhe goditjen e tentativave për futje të lëndëve narkotike, armëve të zjarrit dhe vlerave monetare, bazuar edhe në informacionet e siguruara në rrugë operative, u organizua dhe finalizua operacioni policor i koduar “Full scan”.

Në kuadër të operacionit, specialistët e Seksionit për Hetimin e Narkotikëve në DVP Durrës, në bashkëpunim me shërbimet e Policisë së Stacionit të Policisë Kufitare të Portit Durrës dhe autoritetet doganore, ushtruan kontroll të imtësishëm në hyrje, në vijën e dytë, në Portin e Durrësit, në autobusin që drejtohej nga shtetasi D. F.

Gjatë kontrollit fizik të shtetasit D. F., në çantën marsup u konstatua një sasi lënde narkotike e dyshuar kokainë, me peshë 92 gramë, dhe disa bizhuteri të dyshuara flori. Gjatë kontrollit në brendësi të autobusit, brenda një çante shpine u gjetën një sasi vlere monetare, në total 29 000 euro, një armë zjarri, tip pistoletë, me pesë krehra, të cilat u sekuestruan në cilësinë e provës materiale.

Në vijim të veprimeve, nga specialistët e Seksionit për Hetimin e Narkotikëve në DVP Durrës u bë arrestimi në flagrancë i shtetasit D. F., 42 vjeç, banues në Vlorë, për veprat penale: “Trafikim i lëndëve narkotike”, “Trafikim i armëve dhe i municionit”, “Kontrabandë me mallra të ndaluara ose të kufizuara”, “Kontrabandë me mallra për të cilat paguhet akcizë”, “Kontrabandë me mallra të licencuara”, “Kontrabandë me mallra të tjera”, “Kontrabandë me mallra me regjim të ndërmjetëm”, “Mosdeklarimi në kufi i të hollave dhe i sendeve me vlerë”, “Pastrimi i produkteve të veprës penale ose të veprimtarisë kriminale” dhe “Fshehja e të ardhurave”.

Në bashkëpunim me Prokurorinë vijon puna për dokumentimin e plotë ligjor të këtij rasti, identifikimin dhe kapjen e personave të tjerë të implikuar në këtë veprimtari kriminale.

Materialet i kaluan për veprime të mëtejshme Prokurorisë së Juridiksionit të Përgjithshëm, Durrës.

The post Sekuestrohen lëndë narkotike, armë, bizhuteri dhe 29 mijë euro në Portin e Durrësit, policia arreston 42-vjeçarin appeared first on Albeu.com.

“Në kuadër të këtij operacioni u procedua penalisht shtetasja D. B., 50 vjeçe, për veprat penale “Fshehja e të ardhurave”, ”Kontrabanda me mallra të tjerë” dhe ”Tregtimi dhe transporti i mallrave që janë kontrabandë” parashikuar nga nenet 180, 174 dhe 178 të Kodit Penal. Gjithashtu po punohet për lokalizimin e djalit të saj, shtetasit I. B., 28 vjeç.

Gjatë operacionit është ushtruar kontroll në një subjekt në rrugën “Muhamet Gjollesha”, dhe në një tjetër në një qendrër tregtare në rrugën Tiranë-Durrës.

Gjatë kontrolleve në këto subjekte, shërbimet e Policisë, gjetën dhe sekuestruan, në cilësinë e provës materiale, aksesorë argjendi për të cilat nuk disponoheshin fatura doganore e tatimore dhe të ardhurat e përfituara nga shitja e tyre, fshiheshin nga dy autorët e dyshuar.

Në cilësinë e provës materiale janë sekuestruar aksesorë argjendi, me peshë 9830 gram, të dyshuar të kontrabanduar”, thuhet në njoftimin e policisë.

The post Bizhuteri kontrabandë, policia aksion në argjendaritë e Tiranës, e pëson 50-vjeçarja, shpallet në kërkim djali i saj appeared first on Albeu.com.

Sipas njoftimit të policisë, në pranga ka rënë shtetasi Sh. K., 35 vjeç, banues në fshatin Frakull e Vogël, Fier.

Gjatë kontrollit në banesën e këtij shtetasi, shërbimet e Policisë kanë gjetur një varëse floriri që dyshohet se ai e ka vjedhur në këtë argjendari.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme./albeu.com

The post Vodhi argjendarinë në Fier, arrestohet 35-vjeçari appeared first on Albeu.com.

The post Vidhnin ora dhe bizhuteri luksoze nga pasagjerët, arrestohen 14 punonjës aeroporti appeared first on Albeu.com.

Në kuadër të këtij operacioni nisi hetimi për shtetasit, Gazmend Spahiu, Fabio Demerxhiu, Marjeta Bengasi, Irena Bengasi, Fatjon Spahiu, Indrit Imeraliu dhe Festim Allushi.

Njoftimi i policisë 

Në kuadër të këtij operacioni u proceduan në gjendje të lirë shtetasit:

1. Gazmend Spahiu, linduar dhe banues në Tiranë, administrator i argjendarise “Spahiu”, me adrese rruga e “Dibres” Tiranëe.

2. Fabio Demerxhiu, linduar dhe banues ne Kruje,, administrator i argjendarise “GOLD JEWELLERY WATCH”, me adrese rruga e “Myslym Shyri” Tiranë.

3. Marjeta Bengasi, linduar në Prrenjas dhe banuese në Tirane, administratore e argjendarise “Prestige” me adrese rruga “Myslym Shyri”, Tiranë.

4. Irena Bengasi, linduar ne Prrenjas dhe banues ne Tirane, administratore e argjendarise “Marilyn Monroe”, me adrese rruga e “Marylyn Shyri”, Tiranë.

5. Fatjon Spahiu, linduar ne Permet dhe banues ne Tirane, administrator i argjendarise “Fredi” me adrese rruga e “Dibres” Tiranë.

6. Indrit Imeraliu, lindur dhe banues në Tiranë, administrator i argjendarisë INDRITI.me adrese rruga e “Dibres” Tiranë.

7. Festim Allushi, lindur dhe banues ne Tirranë, administrator i argjendarise Nobel” me adrese rruga e “Dibres” Tiranë.

Procedimi i këtyre shtetasve është bërë pasi në subjektet e tyre Argjendri te administruara prej shtetasve te lartpermendur, janë gjendur bizhuteri si varese, byzyluke, unaza, etj, me mbishkrimin “Pandora”, te cilat nuk i justifikonin me fatura doganore dhe tatimore, dhe te dyshuara kontrabandë, nderkohe qe keto subjekte nuk kane te drejte te tregtojne bizhuteri te markes “Pandora” pasi eshte marke e mbrojtur.

Sende dhe prova materiale të sekuestruara gjatë operacionit

Nje sasi e konsidersuhme bizhuterish te markes”Pandora” si varese, byzylyke, unaza etj

Materialet proçeduriale ju kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, në ngarkim të shtetasve sipërpërmendur, për veprat penale të “Shkelja e të drejtes së pronësis industriale”,.“Tregëtim dhe transportim i mallrave që janë kontrabandë”dhe “Fshehje të ardhurave”, parashikuar nga neni 149/a, 174, 180, të Kodit Penal.

The post Tregtonin bizhuteri kontrabandë në argjendarinë e tyre, nis hetimi për 7 persona në Tiranë appeared first on Albeu.com.

Automjeti, që udhëtonte nga Italia për në Durrës, kaloi në kontroll të detajuar dhe në të u gjetën një sasi bizhuterish floriri (177 unaza, varëse, ora), 1900 euro dhe një sasi e vogël lëndë narkotike kokainë.

Në pranga ka rënë shoferi i furgonit, A. M., 41 vjeç, banues në Tiranë.

Njoftimi i policisë:

Goditet një tjetër rast i tentativës për kontrabandimin e sendeve me vlerë, në Shqipëri.

Finalizohet operacioni policor i koduar “Bizhutë”, i zhvilluar nga Policia Kufitare e Portit Durrës dhe Sektori për Hetimin e Krimeve Ekonomike në Drejtorinë Vendore të Policisë Durrës, në bashkëpunim dhe me autoritetet doganore të Portit.

Operacioni, në vijim të operacioneve të njëpasnjëshme të zhvilluara nga Policia Kufitare dhe ajo e qarkut, për parandalimin dhe goditjen e tentativave për trafikim të armëve dhe të lëndëve narkotike, të futjes së shumave të mëdha të parave, pa i deklaruar, të naftës dhe të mallrave të tjera kontrabandë.

Sekuestrohet një sasi bizhuterish floriri (177 unaza, varëse, ora), 1900 euro dhe një sasi e vogël lëndë narkotike kokainë.

Vihet në pranga drejtuesi i furgonit ku u gjetën bizhutë, eurot dhe doza me kokainë.

Policia Kufitare e Portit Durrës, në vijim të operacioneve të njëpasnjëhsme për goditjen e krimeve ndërkufitare, si rezultat i intensifikimit të kontrolleve, analizës së riskut dhe inteligjencës policore, në bashkëpunim me Sektorin për Hetimin e Krimeve Ekonomike dhe Financiare të DVP Durrës dhe autoritetet doganore të Portit, organizoi dhe finalizoi operacionin policor të koduar “Bizhutë”.

Në kuadër të operacionit u kalua për kontroll të detajuar, në vijë të dytë, një automjet furgon që drejtohej nga shtetasi A. M., 41 vjeç, banues në Tiranë, që udhëtonte nga Italia për në Durrës.

Gjatë kontrollit të detajuar, shërbimet e Policisë gjetën të fshehura në furgon, 1900 euro dhe bizhuteri floriri, të cilat u sekuestruan në cilësinë e provës materiale.

Në përfundim të veprimeve të para hetimore të kryera nga Sektori për Hetimin e Krimeve Ekonomike dhe Financiare të DVP Durrës, u bë arrestimi në flagrancë i shtetasit A. M. dhe materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme

The post U kap me kokainë, bizhuteri dhe gati 2 mijë euro, arrestohet shoferi i furgonit në Portin e Durrësit appeared first on Albeu.com.

Njoftimi i plotë i policisë:

Lezhë

Specialistët për Hetimin e Krimit në Komisariatin e Policisë Lezhë bënë ndalimin e shtetasit Xhulio Berisha, 22 vjeç, banues në Lezhë, pasi  dyshohet se i ka vjedhur shtetases V. P., 3 aparate celularë, një sasi lekësh dhe disa bizhuteri, të cilat janë gjetur në një pikë shitjeje dhe janë sekuestruar në cilësinë e provës materiale.

Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme, për veprat penale “Vjedhja” dhe “Përvetësimi i parave dhe mallrave që rrjedhin nga vepra penale ose veprimtaria kriminale”.

The post I vodhi celularë e buzhuteri një vajze dhe më pas i çoi t’i shiste, në pranga “skifteri” lezhjan appeared first on Albeu.com.

A.RR., sipas burimeve policore të GazetaSi.al, kërkoi që forcat e policisë të komisariatit numër 4, që të kërkonin gjurmët e hajdutit, ndonëse e kishte një emër që ua tregoi. Por nga hetimi i detajuar që doli më pas, rezultoi se e dashura e djalit nuk ishte hajduti dhe se nga kontrollet e imtësishme, bizhuteritë e shtrenjta ishin fshehur nga gruaja mbi dollap dhe ajo kishte harruar vendin.

“Në dhomën e djalit është varësja e floririt të djalit me emrin e tij. Në sallon, tek minibari në një kuti zbukurimi ishin katër unaza floriri të futura në sirtar. E pyeta djalin kur po bëja punët se ku gjendej kutia e unazave dhe më pas kërkova varësen e floririt. Fillova të kontrolloj për florinjtë e tjerë nëpër shtëpi dhe pashë që të gjithë mungonin”, – shprehet e shqetësuar gruaja A.RR. Gruaja kujton se nga kontrolli i tepruar, shkaktoi rrëmujë në banesë.

“Më pas pyeta djalin, pasi kisha dyshime se kush mund të kishte hyrë në shtëpi. Djali tha që kishte futur dy herë të dashurën dhe hera e fundit, ishte të premten. I kam shpjeguar se sendet e florinjta i mbaja përherë në këto vende fikse dhe se asnjëherë nuk i ka ndodhur gjë”.

Sipas gruas, e dashura e djalit është një 17-vjeçare, emrin e të cilës ia ka treguar i biri, duke i dhënë madje edhe numrin e telefonit të saj.

Menjëherë pas kësaj dëshmie, bëhet me dije nga burimet e GazetaSi.al, se agjentët kërkuan dëshminë e djalit të ri, një 22-vjecar i lindur në Greqi dhe banues në Tiranë.

“Të dashurën e takova tre muaj më parë, u bëmë shokë. Për herë të parë e futa në banesë të dashurën në kohë dreke, meqenëse asnjëri nga prindërit nuk gjendej në shtëpi. Pasi e ftova herën e parë, takimet tona në shtëpi ishin në kohë dreke. Çdo gjë ishte normale”.

I riu tregon se nëse e dashura do të kishte qenë hajdute, do ta kishte përvetësuar varësen e floririt që në takimin e parë.

“Varësja ime e floririt ishte në komodinë dhe aty e gjeta kur e çova në shtëpi pas takimit të parë. Tek G., nuk kam vënë re asgjë të dyshimtë”, – këmbëngul ai për të dashurën e tij.

Por e ëma, e bindur që 17-vjeçarja mund të jetë joshur nga florinjtë dhe nuk e ka menduar mirë, ka kërkuar që të pyetet edhe vajza.

“Mamaja më mori në telefon atë ditë dhe nuk e hapa si zakonisht, pasi po kthehesha në shtëpi. Pasi mamaja më tregoi për humbjen e bizhuterive, rashë menjëherë dakord që të shkonim në komisariat për të gjetur hajdutët”.

Por sipas burimeve të GazetaSi.al, dyshimet mbi vajzën e dashuruar, kanë rënë pak çaste më vonë, kur gruaja që drejtoi gishtin drejt saj, është kujtuar.

Ajo menjëherë është lutur që policia të mos kryente asnjë telefonatë në adresë të 17-vjeçares.

“Ka mundësi  që t’i kem zhvendosur mbi minibar“, – ka hapur opsionin A.RR., e cila sapo është afruar pranë minibarit i ka gjetur të fshehura prej dorës së saj të gjitha bizhuteritë e shtrenjta.

Me këtë rast  adoleshentja nuk u thirr në polici, megjithëse çështja u raportua dhe u mbajt shënim nga agjentët që nuk i shmangën dot veprimet paraprake hetimore.

The post Gruaja denoncon në polici të dashurën e djalit, e akuzon se i vodhi bizhu e florinj appeared first on Albeu.com.