bisedimet Archives - Albeu.com

“Vota e emigrantëve”, nisin bisedimet/ Gjiknuri: Kemi zgjidhje konkrete. Por Foltorja refuzon

D Marku — Tue, 14 May 2024 15:20:12 +0000

Politika po avancon në debatin mbi mundësimin e votës së diasporës për 2025, sikundër e kërkon dhe Gjykata Kushtetuese, por kur vjen moment për të folur mbi mjete konkrete, të dyja palët largohen sërish.

Megjithatë, këtë të martë në Grupin Politik, PS-ja dhe demokratët e Rithemelimit, u dakordësuan që të nisin të diskutojnë më konkretisht dhe do të jetë kryekomisionieri Celibashi që të mërkurën, do t’i japë deputetëve panoramën e qartë se çfarë hapash mund të ndërmerren që emigrantët në 2025 të mund të hedhin votën e tyre.

“Vota e diasporës është në Kodin Zgjedhor. Është për t’u diskutuar si të materializojmë më mirë interpretimin që ka bërë Gjykata Kushtetuese. Sot në tavolinë kemi zgjidhje konkrete për votën e diasporës. Ka një përpjekje për ta mundësuar por duhen 84 vota”, u shpreh Gjiknuri.

Por mjetet e propozuara prej maxhorancës nuk pranohen prej grupit më të madh të deputetëve të opozitës.

“PS ngul këmbë që duhet të kalojë në filtrat politikë të shtetit dhe të ministrisë së Brendshme, në mënyrë që të vendosin kush voton e kush jo. Kjo është e papranueshme”, tha Bylykbashi.

Vota e emigrantëve është në propozimet e të dyja palëve, me riskun që edhe mund të mos gjendet konsensusi.

“Prisni deri në fund dhe e shikoni kush do të ketë fajin, nëse nuk do e bëjmë”, tha Gjiknuri.

Partia Demokratike e grupit të Rithemelimit e ka propozuar votën e diasporës, por për të, prioritet mbetet heqja e koalicioneve.

The post “Vota e emigrantëve”, nisin bisedimet/ Gjiknuri: Kemi zgjidhje konkrete. Por Foltorja refuzon appeared first on Albeu.com.

Bisedimet mes Rusisë dhe Ukrainës, Erdogan: Mund të bihet dakord për 4 nga 6 pikat

E S — Fri, 25 Mar 2022 10:05:42 +0000

Është e mundur që Rusia dhe Ukraina të arrijnë që të gjejnë kompromisin për katër nga gjashtë pikat që kanë qenë në fokus të negociatave mes dy palët. Lajmin e bën të ditur presidenti i Turqisë Recep Tayyip Erdogan ndërsa fliste rreth krizës Ukrainë-Rusi në kthim nga samiti i NATO-s. Siç citohet nga transmetuesi TRT, [...]

Zaev-Gashi: Bisedimet vazhdojnë javën e ardhshme

E B — Fri, 19 Nov 2021 19:25:29 +0000

Kryeministri Zoran Zaev mbas takimit me Kryetarin e Alternativës, Afrim Gashi theksoi se ka shumë gjëra të rëndësishme që duhej të ktheheshin. Koalicioni i ardhshëm munë të bazohet në parimet programore .

“Ne folëm për shumë gjëra të rëndësishme që duhej të ktheheshim. Koalicioni eventual i ardhshëm do të bazohet në parimet programore, gjë që është pozitive”, tha Zaev.

Ai theksoi se ka rajone të pazhvilluara të cilat duhet të shqyrtohen siç është rajoni i Likovës.

“Këto janë rajone të pazhvilluara, siç është rajoni i Likovës, si dhe programe sociale. Pjesa e dytë është rishikimi ambicioz i Alternativës, sepse mes tyre ka një ndarje logjike nëse duhet të hyjnë në Qeveri, gjë që për mua është e kuptueshme. Përgjegjësia për shtetin i korrigjon për përfshirjen e re të ardhshme në Qeveri.

Zaev shtoi se bisedimet do të vazhdojnë javën e ardhshme./alsat

The post Zaev-Gashi: Bisedimet vazhdojnë javën e ardhshme appeared first on Albeu.com.