Begaj dënoi ashpër sulmin terrorist mbi Kanalin e Ibër-Lepenic.

Njoftim për shtyp

Presidenti i Republikës së Shqipërisë zhvliloi një bisedë telefonike me Presidenten e Republikës së Kosovës, znj. Vjosa Osmani, ku dënoi ashpër aktet terroriste me lëndë eksplozive mbi Kanalin e Ibër-Lepenic që synojnë shkatërrimin e infrastrukturës kritike të Kosovës, e cënon sigurinë kombëtare të Kosovës.

Presidenti mbështet fuqishëm të gjitha përpjekjet e Republikës së Kosovës, për përballimin e situatës dhe hetimin e ndëshkimin e plotë të këtij akti sabotues e terrorist.

The post Presidenti Begaj bisedë telefonike me Osmanin: Dënoj ashpër sulmin në Zubin Potok appeared first on Albeu.com.

Ditën e djeshme, Donald Trump, ka njoftuar se ka kontaktuar përmes telefonit me presidentin ukrainas Volodymyr Zelensky dhe i ka premtuar se nëse fiton zgjedhjet e 5 nëntorit, do t’i japë fund luftës midis Ukrainës dhe Rusisë.

“Si presidenti i ardhshëm i Shteteve të Bashkuara, unë do të sjell paqe në botë dhe do t’i jap fund luftës që ka kushtuar kaq shumë jetë”, tha Trump në një postim në platformën Truth Social.

Nga ana e tij, presidenti i Ukrainës dënoi atentatin ndaj Trump, të shtunën e kaluar në Pensilvani dhe e uroi atë për pranimin e nominimit republikan në zgjedhjet presidenciale të nëntorit.

The post Trump telefonon Zelensky-n: Si presidenti i ardhshëm i SHBA, unë do t’i jap fund luftës appeared first on Albeu.com.

“Ne folëm për situatën në fushën e betejës dhe nevojat e mbrojtjes së Ukrainës, të cilat përfshijnë dronë, armë dhe municione artilerie, sisteme të luftës elektronike dhe sisteme kundërajrore”, shkroi Zelensky.

Ai e përshkroi bisedën telefonike me Macron si “shumë pozitive dhe të qartë”, duke falënderuar Francën për “mbështetjen e palëkundur”.

Elysee konfirmoi se të dy udhëheqësit diskutuan “zhvillimin e situatës në terren dhe nevojat e Ukrainës”.

“Presidenti i Republikës përsëriti vendosmërinë e Francës për të ofruar të gjithë mbështetjen e nevojshme, në një nivel afatgjatë dhe me të gjithë partnerët e saj, për të dështuar luftën e Rusisë”, sipas të njëjtit burim.

Të dy presidentët diskutuan gjithashtu marrëveshjen dypalëshe të mbrojtjes që Franca dhe Ukraina synojnë të përfundojnë së shpejti, duke marrë si shembull atë të lidhur së fundmi nga Kievi me Mbretërinë e Bashkuar./albeu.com

The post Zelensky bisedë telefonike me Macron, presidenti francez përsërit vendosmërinë për të mbështetur Ukrainën appeared first on Albeu.com.

“Kryeministri tha diskutimi u fokusua në garancinë që ndihma ushtarake britanike të arrijë në vijën e parë të luftës sa më shpejt të jetë e mundur”, tha në një deklaratë zyra e kryeministrit britanik.

“Dy liderët ranë dakord se është thelbësore që Ukraina të përshpejtojë dhënien e ndihmës nga aleatët për Ukrainën, në mënyrë që Kievi të ndihmohet dhe të shfrytëzojë mundësinë për të zmbrapsur forcat ushtarake ruse”, shtohet në deklaratën britanike.

Ndërkohë presidenti Zelensky tha se falenderoi kryeministrin britanik për nisjen e trajnimit të ekuipazheve ukrainase për tanket britanike Challenger 2, disponueshmërinë e të cilave të dy vendet kishin njoftuar në janar./Albeu.com/

The post Zelensky bisedë telefonike me kryeministrin britanik, çfarë diskutuan dy liderët appeared first on Albeu.com.

Fokus i diskutimeve ka qenë situata në Ukrainë, e cila ndodhet nën agresionin rus që prej 24 shkurtit të vitit që lamë pas.  Shqipëria do t’i ofrojë Ukrainës ndihmë humanitare dhe ushtarake, gjë e cila është konfirmuar nga ministri i Mbrojtjes Niko Peleshi.

Pak më parë ka lideri ukrainas ka postuar në Twitter se pjesë e bisedës me Ramën ishte situata në front dhe rëndësia e rritjes së ndihmës dhe mbështetjes për Ukrainën.

“Pata një telefonatë me kryeministrin Edi Rama. Duke uruar për 30-vjetorin e marrëdhënieve diplomatike ndërmjet shteteve tona, vuri në dukje hapjen e Ambasadës në Kiev. Diskutuam situatën në front, rëndësinë e rritjes së ndihmës për sigurinë e Ukrainës dhe mbështetjen për Formulën tonë të paqes”, shkroi Zelenksy.

Had a phone call with ?? PM @ediramaal. Congratulated on the 30th anniversary of diplomatic relations between our states, noted the opening of ?? Embassy in Kyiv. Discussed the situation at the front, the importance of increasing security aid to ?? & support for our #PeaceFormula

— Володимир Зеленський (@ZelenskyyUa) January 13, 2023

Biseda telefonike mes Ramës dhe Zelensky u mbajt në kuadër të 30 vjetorit të vendosjes së marrëdhënieve diplomatike mes Shqipërisë dhe Ukrainës, ndërkohë që pritet të hapet e ambasada shqiptare në Kiev gjatë këtij viti. /albeu.com

The post Zelensky zbardh bisedën telefonike me Ramën: Folëm për ndihmën ndaj Ukrainës dhe hapjen e ambasadës shqiptare në Kiev appeared first on Albeu.com.

Kryeministri Edi Rama njoftoi se ka pasur një telefonatë me Kryeministrin e Britanisë së Madhe, lidhur me situatën e emigrantëve shqiptarë që kalojnë kanalin.

Sipas Ramës homologu i tij britanik i ka shprehur keqardhjen e tij lidhur me akuzat që kanë dalë nga politikanë britanikë kundër shqiptarëve.

“Kam pasur një bisedë jo të shkurtër me Kryeministrin e Britanisë së Madhe. Më shprehur keqardhjen për atë që ka ndodhur për deklaratat e pa menduar dhe të lëshuar në raport me Shqiptarët. Kemi diskutuar për këtë çështje dhe jo vetëm për këtë. Nuk kemi folur për asgjë të re. Për të bashkuar forcat, kam përsëritur të gjitha këto që kam thënë.”

“Shpresoj që do kemi një këmbim vizitash. Nuk ka ndodhur që të ketë një vizitë bilaterale. Ka ardhur Blair por për çështje të tjera.” tha Rama.

The post Debati mbi emigrantët, Rama tregon çfarë bisedoi me Rishi Sunak appeared first on Albeu.com.

Kurti e ka njoftuar Stoltenbergun me zhvillimet në veri dhe ka thënë se qytetarët e Kosovës janë njoftuar për masat që do të merren. Ai ka shtuar se masat janë në përputhje me ligjet e Kosovës dhe ato ndërkombëtare.

Kurti po ashtu ka thënë se nëpër pikat kufitare në Kosovë, udhëtarëve u duhen vetëm 20 sekonda për të kaluar, ndërsa nëpër pikat në Serbi duhen pritje deri në një orë.

Kjo është komunikata e plotë e lëshuar nga Zyra e Kryeministrit lidhur me bisedën telefonike Kurti-Stoltenberg:

Kryeministri Kurti zhvilloi bisedë telefonike me Sekretarin e Përgjithshëm të NATO-s, z.Jens Stoltenberg

Njoftimi i kryeministrisë:

Kryeministri i Republikës së Kosovës, Albin Kurti, zhvilloi sot një bisedë telefonike me Sekretarin e Përgjithshëm të NATO-s, z.Jens Stoltenberg.

Kryeministri Kurti e njoftoi Sekretarin e Përgjithshëm Stoltenberg se qytetarët e Kosovës janë informuar mirë për masat në ardhje, se masat janë plotësisht në përputhje me ligjet dhe Kushtetutën e Kosovës, si dhe që zbatimi i tyre është koordinuar me bashkësinë ndërkombëtare.

Nën masën e re të kalimit kufitar në vendkalimet kufitare të Kosovës, më 1 gusht, deri në ora 18:00 kishin kaluar 2521 qytetarë me dokumente identifikimi nga Serbia. Për këtë procedurë të re kanë pritur mesatarisht vetëm 20 sekonda, pasi gjithçka është digjitalizuar nga institucionet e Kosovës. E njëjta procedurë në vendkalimet serbe zgjatë nga 10 minuta deri mbi një orë.

Kryeministri Kurti e informoi Sekretarin e Përgjithshëm Stoltenberg se mediat e kontrolluara nga Qeveria e Serbisë kanë zbatuar një fushatë dezinformimi gjatë muajit të fundit, duke u përpjekur të ndërtojnë një narrativë të rreme dhe negative për këto masa në ardhje. Është vërtetuar tashmë se këto fushata dezinformuese po ndihmohen nga shteti rus, në përpjekjen për të destabilizuar Ballkanin.

Stoltenberg e siguroi Kryeministrin Kurti për angazhimin dhe bashkëpunimin e NATO-s dhe KFOR-it për ruajtjen e paqes dhe stabilitetit në Kosovë dhe në rajon. /Express/

The post Situata në kufi, Kurti bisedë telefonike me shefin e NATO-s appeared first on Albeu.com.

Zyrtari nuk pranoi të identifikohej për të folur rreth bisedës. Presidenti Biden e bëri bisedën telefonike nga Zyra Ovale, ku iu bashkuan ndihmësa të lartë, përfshirë Sekretarin e Shtetit Antony Blinken.

Kur zoti Biden ishte nënpresident, ai kaloi orë të tëra me zotin Xi në Shtetet e Bashkuara dhe në Kinë, një përvojë që ai e kujton shpesh ndërsa flet për mundësitë e të dy vendeve për konflikt dhe bashkëpunim. Megjithatë, ata nuk janë takuar personalisht që kur Joe Biden u bë president vitin e kaluar.

Një tensionim i përsëritur është për shkak të Tajvanit, i cili vetëqeveriset prej dekadash, por që Kina e konsideron si pjesë të territorit të saj, një pretendim i theksuar nga zoti Xi të enjten.

“Ata që luajnë me zjarrin do të vdesin prej tij”, tha Ministria e Punëve të Jashtme pas telefonatës me Biden. “Shpresohet se SHBA-të do të jenë të qarta për këtë”.

Shtëpia e Bardhë publikoi përshkrimin e saj të bisedës për Tajvanin, duke thënë se Presidenti Biden “theksoi se politika e Shteteve të Bashkuara nuk ka ndryshuar dhe se Shtetet e Bashkuara kundërshtojnë fuqimisht përpjekjet e njëanshme për të ndryshuar status quo-në ose për të dëmtuar paqen dhe stabilitetin përgjatë ngushticës së Tajvanit”.

Qëllimi i telefonatës, e cila filloi në 8:33 të mëngjesit dhe përfundoi në 10:50 të mëngjesit, ishte që “të menaxhojmë me përgjegjësi dallimet tona dhe të punojmë së bashku aty ku përputhen interesat tona”, tha Shtëpia e Bardhë.

Si zakonisht, Kina nuk la asnjë dyshim se fajëson Shtetet e Bashkuara për përkeqësimin e marrëdhënieve mes dy vendeve.

“Presidenti Xi nënvizoi se përqasja dhe përcaktimi i marrëdhënieve Kinë-SHBA në termat e konkurrencës strategjike dhe për ta parë Kinën si rivalin kryesor dhe sfidën më serioze afatgjatë, do të ishte keqperceptim i marrëdhënieve mes Kinës dhe SHBA-ve dhe keqkuptim i zhvillimit të Kinës dhe do të mashtronte njerëzit e të dy vendeve dhe komunitetin ndërkombëtar”, tha Ministria e Punëve të Jashtme.

“Të dy krerët e shteteve patën një komunikim dhe shkëmbim të thelluar për marrëdhëniet dhe çështjet me interes të përbashkët Kinë-SHBA”, raportoi Televizioni Qendror i Kinës në faqen e tij të internetit.

Pika më e fundit e tensionit ka qenë vizita e mundshme e Kryetares së Dhomës së Përfaqësuesve Nancy Pelosi në Tajvan, ishull që vet-qeveriset në mënyrë demokratike dhe merr mbështetje joformale mbrojtëse nga Shtetet e Bashkuara, por që Kina e konsideron pjesë të territorit të saj. Pekini ka thënë se do ta konsideronte një udhëtim të tillë si një provokim, një kërcënim që zyrtarët amerikanë po e marrin me seriozitet të shtuar nën dritën e inkursionit të Rusisë në Ukrainë.

“Nëse SHBA këmbëngul të ndjekë rrugën e vet dhe të sfidojë vijën përfundimtare të Kinës, ajo me siguri do të përballet me përgjigje të forta”, tha Zhao Lijian, një zëdhënës i Ministrisë së Jashtme të Kinës, para gazetarëve në fillim të kësaj jave. “Të gjitha pasojat që vijnë do të përballohen nga SHBA-ja.”

Zonja Pelosi do të ishte zyrtarja më e lartë i zgjedhur në SHBA që do të udhëtonte në Tajvan që kur republikani Newt Gingrich vizitoi ishullin në vitin 1997, kur ishte kryetar i Dhomës së Përfaqësuesve. Presidenti Biden javën e kaluar u tha gazetarëve se zyrtarët ushtarakë amerikanë besonin se nuk ishte “ide e mirë” që zonja Pelosi të vizitonte ishullin për momentin.

John Kirby, zëdhënës i sigurisë kombëtare të SHBA-së, tha të mërkurën se ishte e rëndësishme që presidentët Biden dhe Xi të mbanin diskutimin rregullisht të hapur.

“Presidenti dëshiron të sigurohet që linjat e komunikimit me Presidentin Xi të mbeten të hapura sepse ato janë të nevojshme”, u tha zoti Kirby gazetarëve në një konferencë në Shtëpinë e Bardhë. “Ka çështje për të cilat ne mund të bashkëpunojmë me Kinën, dhe ka çështje ku padyshim ka fërkime dhe tensione”.

Presidentët Biden dhe Xi folën për herë të fundit në mars, menjëherë pas sulmit rus të Ukrainës.

“Kjo është një nga marrëdhëniet dypalëshe më të rëndësishme në botë sot, me shumë degëzime përtej të dy vendeve individuale,” tha zoti Kirby.

Disa analistë besojnë se presidenti Xi gjithashtu ka interes për të shmangur përshkallëzimin pasi ai kërkon një mandat të tretë të paprecedentë në detyrë në një kongres të Partisë Komuniste në pushtet që pritet në vjeshtë.

Presidenti Biden dëshiron gjithashtu të diskutojë çështjet e klimës dhe konkurrencës ekonomike, tha një person i informuar për bisedën, si dhe idenë e vendosjes së një kufiri të çmimit të naftës ruse për të ndëshkuar Moskën për luftën e saj në Ukrainë, një çështje që Sekretarja e Thesarit Janet Yellen e ngriti me homologët kinezë më herët në korrik.

Administrata Biden ka debatuar nëse do të heqë disa tarifa për mallrat kineze si një mënyrë për të lehtësuar inflacionin në rritje.

Kur presidenti Biden foli për herë të fundit me homologun Xi në mars, ai paralajmëroi për “pasoja” nëse Pekini do të jepte mbështetje materiale për luftën e Rusisë, dhe qeveria amerikane beson se kjo vijë e kuqe nuk është kaluar.

Tajvani është ankuar për manovra të shtuara ushtarake kineze gjatë dy viteve të fundit për ta detyruar atë të pranojë sovranitetin e Pekinit./VOA

The post Pasi biseduan 2 orë në telefon, Biden dhe Xi Jinping mund të takohen appeared first on Albeu.com.

Presidenti amerikan, Joe Biden dhe lideri kinez, Xi Jinping zhvilluan një bisedë telefonike, e cila zgjati më shumë se dy orë, ku u fol për të ardhmen e marrëdhënieve të ndërlikuara mes dy vendeve.

Kjo është biseda e pestë telefonike mes dy liderëve.

Telefonata nisi në 8:33 të mëngjesit, me kohën lokale në Amerikë dhe përfundoi në orën 10:50, sipas Shtëpisë së Bardhë.

Këndvështrime të ndryshme mbi shëndetin global, politikat ekonomike dhe të drejtat e njeriut kanë testuar prej kohësh marrëdhëniet mes dy vendeve.

Refuzimi i Kinës për të dënuar pushtimin rus të Ukrainës ka tendosur edhe më shumë raportet.

Biseda vjen në kohën kur Kina ka rritur paralajmërimet për administratën Biden rreth një vizite të mundshme të udhëheqëses së Dhomës së Përfaqësuesve, Nancy Pelosi, në Tajvan.

Këtë ishull që vetëqeveriset, Pekini e konsideron si territorin e saj.

Pekini ka thënë se do ta konsideronte këtë vizitë si një provokim, një kërcënim që zyrtarët amerikanë po e marrin me seriozitet të shtuar në dritën e inkursionit të Rusisë në Ukrainë.

“Nëse SHBA-ja këmbëngul të ndjekë rrugën e vet dhe të sfidojë limitet e Kinës, ajo me siguri do të përballet me përgjigje të forta”, tha në fillim të javës Zhao Lijian, zëdhënësi i Ministrisë së Jashtme kineze.

Pelosi do të bëhej ligjvënësja me pozitën me të lartë në SHBA që viziton këtë ishull, pas paraardhësit të saj, Neët Gingrich, që ka vepruar njëjtë 25 vjet më parë.

Bideni u tha javën e kaluar gazetarëve se zyrtarët ushtarakë amerikanë besonin se nuk ishte “ide e mirë” që kjo vizitë të realizohej tash.

Zëdhënësi i Shtëpisë së Bardhë për Siguri Kombëtare, John Kirby, u tha gazetarëve të mërkurën që është e rëndësishme që të ketë komunikim mes dy liderëve.

“Presidenti dëshiron të sigurohet që linjat e komunikimit me Presidentin Xi të mbeten të hapura sepse ata kanë nevojë për këtë”, u tha Kirby gazetarëve në një konferencë në Shtëpinë e Bardhë. “Ka çështje për të cilat ne mund të bashkëpunojmë me Kinën, dhe ka çështje ku padyshim ka fërkime dhe tensione”.

Biden dhe Xi folën për herë të fundit në mars, menjëherë pas pushtimit rus të Ukrainës./REL

The post Dy orë në telefon, çfarë diskutuan Joe Biden dhe Xi Jinping? appeared first on Albeu.com.

Dyshja folën për zhbllokimin e porteve, duke iu referuar bllokadës detare të Moskës ndaj Ukrainës, e cila e ka lënë këtë të fundit të paaftë të eksportojë shumë nga prodhimet e saj bujqësore, shkroi Zelensky në Twitter./albeu.com

Talked with @BorisJohnson. Told about the situation on the front. Received confirmation of a new enhanced defense support package for ??. Raised the issue of intensifying work on security guarantees. Jointly with ?? we’re looking for ways to avoid the food crisis & unblock ports.

— Володимир Зеленський (@ZelenskyyUa) June 6, 2022

The post Johnson bisedë telefonike me Zelenskyn, çfarë diskutuan dy liderët appeared first on Albeu.com.