Sipas burimeve për abcnews.al, policia ka gjetur edhe një makinë tip “Mercedes Benz” disa kilometra më tej, e cila dyshohet se është përdorur nga persona që kishin lidhje me një parcelë të madhe me kanabis në këtë zonë.

Gjithashtu bëhet më dije se policia është sinjalizuar për praninë e kësaj makine misterioze në zonë, e cila dyshohet se është përdorur nga ata që i shërbenin parcelës së madhe me kanabis, e cila dyshohet të jetë e përbërë prej rreth 6 mijë rrënjësh, të mbjella mes rreshtave të misrit.

Ky është një numër i madh rrënjësh kanabisi të zbuluara në Fier dhe siç bëjnë me dije burimet, operacionit është realizuar nga Autoriteti i Mbikëqyrjes Policore (AMC), e cila më parë quhej SHÇBA. Paraprakisht dyshohet se ndërhyrje është bërë nga AMP pasi kishte të dhëna se kultivuesit mbroheshin nga policia lokale.

Nuk dihet ende se përse i është dashur AMP-së të ndërhyjë në këtë operacion dhe pse nuk ka ndërhyrë policia e Fierit, ndërsa gjatë orëve në vijim pritet një reagim edhe nga krerët e Policisë së Shtetit./albeu.com/

The post I ndihmonte policia lokale? Çfarë dyshon AMP për makinën e mbushur me kanabis në Fier dhe 6 mijë rrënjët appeared first on Albeu.com.

Me anë të një operacioni të koduar “First”, policia ka arritur të sekuestrojë lëndën narkotike dhe ka shpallur në këkim autorët.

Lajmi u bë i ditur nga vetë policia përmes një njoftimi.

Njoftimi i Policisë:

Kontrolle intensive për parandalimin dhe goditjen e veprimtarisë kriminale në fushën e kultivimit të bimëve narkotike në terren të hapur dhe në terren të mbyllur, me anë të llambave.

Finalizohet operacioni policor i koduar “First”, i zhvilluar nga Drejtoria Vendore e Policisë Kukës, në bashkëpunim me Komisariatin e Policisë Kukës.

Zbulohet në një banesë, një ambient i përshtatur për kultivimin e kanabisit, me anë të llambave.

Shpallen në kërkim pronari i banesës dhe bashkëpunëtori i tij, të cilët kishin përshtatur banesën për të kultivuar bimë narkoitke me anë të llambave.

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, shërbimet e Drejtorisë Vendore të Policisë Kukës, në bashkëpunim me Komisariatin e Policisë Kukës,  bazuar në informacionet e marra në rrugë operative, se në lagjen nr. 3, në qytetin e Kukësit, një shtetas kishte përshtatur banesën për kultivimin e bimëve narkotike cannabis sativa, në kushte laboratorike, organizuan dhe finalizuan operacionin policor të koduar “First” .

Në kuadër të këtij operacioni u bë i mundur lokalizimi dhe ndërhyrja në banesën e dyshuar, ku gjatë kontrollit u evidentua se njëra prej dhomave ishte përshtatur për të kultivuar bimë narkotike, me llamba. Shërbimet e Policisë gjetën dhe sekuestruan 934 fidanë të dyshuar narkotikë kanabis, të kultivuar në gota plastike, llamba elektrike, aspiratorë dhe aksesorë të tjerë që shërbejnë për ngrohje.

Në momentin e ndërhyrjes, shërbimet e Policisë nuk kanë konstatuar njeri në banesë. Në vijim të veprimeve u bë shpallja në kërkim për veprën penale “Kultivimi i bimëve narkotike” kryer në bashkëpunim, e pronarit të banesës, shtetasit K. H., 51 vjeç, dhe e bashkëpunëtorit të tij, shtetasit H. S., 28 vjeç, të dy banues në Kukës.

Vijon puna për kapjen e shtetasve K. H. dhe H. S., identifikimin dhe kapjen e personave të tjerë të dyshuar të përfshirë në këtë veprimtari kriminale.

Materialet procedurale iu referuan Prokurorisë pranë Gjykatës së Shkallës së Parë Kukës, për veprën penale “Kultivimi i bimëve narkotike” kryer në bashkëpunim./albeu.com/

The post “First” zbulon “shtëpinë e barit” në Kukës, si ishin përshtatur llampat dhe gotat plastike për t’i shërbyer 934 bimëve (VIDEO) appeared first on Albeu.com.