Këngëtarja 27-vjeçare u arrestua së bashku me të dashurin e saj, pasi në vilën luksoze të saj, u gjetën 5 bimë narkotike të llojit cannabis sativa.

Siç duket dhe nga fotot e bëra publike nga Policia e Shtetit, bimët naroktike duken në një gjendje shumë të mirë dhe gati për kultivim.

Por, si ka arritur Enca, e cila merret me muzikë, të rrisë kaq shëndetshëm për këta bimë që duan kujdes specifik?

Duke qenë se ajo banon në një vilë në një nga zonat më të shtrenjta në Tiranë, ballkoni i banesës ka hapësirë të mjaftueshme. Sigurisht dhe klima e ngrohtë dhe pa reshje e ka favorizuar.

Bimët kërkojnë të paktën tetë orë rrezet e diellit direkte, mundësisht nga ora 10 e mëngjesit deri në 4 pasdite, për të arritur rritje optimale.

Zakonisht, për të marrë ‘frytet” nga kjo bimë, duhen 4-8 muaj.  Duke qenë se Enca ka jetuar në Dubai deri para pak javësh, nuk dihet kush është kujdesur kaq mirë për to./albeu.com

The post Boçet plot në prag të vjeljes, të pathënat e drogës që rriste Enca appeared first on Albeu.com.

Pas kontrolleve të ushtruara ditën e djeshme, në kuadër të operacionit “Blinisht”, shërbimet e Policisë kanë vijuar kontrollin në ambiente të tjera për të cilat kishte dyshime se mund të përdoreshin për kultivimin e bimëve narkotike.

Gjatë kontrollit të ushtruar në banesën e një të afërmi të shtetasit A.S., të cilën ky i fundit e kishte në ruajtje, shërbimet e Policisë kanë gjetur dhe sekuestruar në cilësinë e provës materiale dhjetëra fara të dyshuara narkotike kanabis, një sasi lënde të dyshuar narkotike kanabis, 28 llamba elektrike dhe pajisje të ndryshme që përdoren për kultivimin e bimëve narkotike në ambiente të mbyllura.

Gjatë operacionit “Blinisht”, që u zhvillua ditën e djeshme, shërbimet e Policisë kanë gjetur dhe sekuestruar 230 fidanë të dyshuar narkotikë, të cilët shtetasi A. S. i kishte kultivuar në kubikë, në afërsi të banesës së tij.

Materialet procedurale hetimore iu referuan shtesë Prokurorisë pranë Gjykatës së Rrethit Gjyqësor Lezhë,po në ngarkim të shtetasit të arrestuar A.S., për veprat penale “Kultivimi i bimëve narkotike” dhe “Prodhimi dhe shitja e lëndëve narkotike”.

The post Zbulohet një “shtëpi bari” në Lezhë, çfarë sekuestroi policia (VIDEO) appeared first on Albeu.com.

Gjatë 24 orëve të fundit janë finalizuar 2 operacione policore, të koduara “Gjormi” dhe “Fushë Malbardhë”, të  zhvilluara nga Komisariati i Policisë Kurbin.

Si rezultat janë sekuestruar fidanë të dyshuar narkotikë cannabis sativa të kultivuar në kubikë dhe 320 bimë të dyshuara narkotike, të mbjella në tokë dhe janë vënë në pranga 2 shtetas.

“Në vijim të punës për parandalimin dhe goditjen e aktivitetit kriminal në fushën e kultivimit, prodhimit dhe shitjes së narkotikëve, shërbimet policore të Komisariatit të Policisë Kurbin, bazuar në informacione të marra në rrugë operative, për dy shtetas që kishin kultivuar fidanë narkotikë, kanë organizuar dhe finalizuar me sukses brenda 24 orëve të fundit, operacionet policore të koduara “Gjormi” dhe “Fushë Malbardhë”.

Si rezultat i operacioni policor të koduar “Gjormi” është arrestuar në flagrancë shtetasi A. P., 51 vjeç, banues në fshatin Gjormë, Kurbin, pasi gjatë kontrollit të ushtruar në banesën e tij,  shërbimet e Policisë kanë gjetur dhe sekuestruar, në cilësinë e provës materiale, fidanë të dyshuar narkotikë cannabis sativa, të kultivuar në kubikë.

Si rezultat i operacionit policor të koduar “Fushë Malbardhë” është arrestuar shtetasi E.( I.). H. 51 vjeç, banues në fshatin Fushë Malbardhë, pasi gjatë kontrollit të ushtruar në oborrin e banesës së tij, janë gjetur dhe sekuestruar në cilësinë e provës materiale 320 bimë të dyshuara narkotike cannabis sativa, të mbjella në tokë.

Materialet procedurale iu referuan Prokurorisë pranë Gjykatës së Rrethit Gjyqësor Kurbin, për veprime të mëtejshme, për veprën penale “Kultivim i bimëve narkotike””, thuhet  në njoftimin e policisë./albeu.com

The post Policia aksion në Kurbin, sekuestron qindra bimë narkotike appeared first on Albeu.com.