Rastet më të mëdha u regjistruan në Pult dhe Shosh, ku shërbimet e Komisariatit të Policisë Shkodër gjetën 7073 bimë narkotike.

Për këtë rast, janë proceduar penalisht pesë kryetarë fshatrash, të dyshuar për shpërdorim detyre, pasi nuk kanë marrë masat për të parandaluar kultivimin në territorin që administrojnë.

N. V., kryetar i fshatit Ndrejaj

P. S., kryetar i fshatit Lekaj

V. V., kryetar i fshatit Nicaj

N. Sh., kryetar i fshatit Plan

P. H., kryetar i fshatit Kir – i proceduar për “Shpërdorim detyre” dhe “Moskallëzim krimi”

Ndërkohë, në njësinë administrative Kelmend, efektivët e Komisariatit të Policisë Malësi e Madhe gjetën dhe asgjësuan 780 bimë të tjera cannabis, ndërsa në Temal, shërbimet e Komisariatit të Policisë Vau i Dejës gjetën 175 bimë të dyshuara narkotike.

The post Zbulohen mbi 8 mijë bimë narkotike në Shkodër, nisin hetimet për 5 kryetarë fshatrash appeared first on Albeu.com.

Sipas informcioneve policore, operacioni kundër lëndëve narkotike ka rezultuar në asgjësimin e rreth 23 mijë rrënjëve kanabis në Velippojë.

Si pasojë e operacionit, janë shpallur në kërkim tre shtetas, të identifikuar si Marjan Ndrejaj, Pierin Ndrejaj dhe Luviq Ndrejaj, ndërsa janë proceduar në gjendje të lirë dy punonjës të OSHEE

Njoftimi:

Velipojë/Vijon intensivisht megaoperacioni policor kombëtar i koduar “Territor i pastër”, kundër kultivimit të bimëve narkotike.

Nga kontrollet intensive të territorit, asgjësohen në Velipojë, 24 759 bimë cannabisi.

Identifikohen dhe shpallen në kërkim 3 shtetas (vëllezër), të dyshuar si autorë të kultivimit të këtyre bimëve.

Procedohen në gjendje të lirë, për shpërdorim të detyrës, 2 punonjës të OSHEE-së.

Në vijim të megaoperacionit kombëtar policor, të koduar “Territor i pastër”, u evidentua dhe u godit 1 rast tjetër i kultivimit të bimëve narkotike, në Velipojë.

Shërbimet e Stacionit të Policisë Velipojë, në bashkëpunim me Drejtorinë Vendore të Policisë Shkodër dhe me Komisariatin e Shkodrës, në fshatin Rrjoll, në vendin e quajtur “Maja e Zezë”, gjetën dhe asgjësuan 24 759 bimë cannabisi. Si rezultat i hetimeve dhe veprimeve profesionale policore:

-u identifikuan dhe u shpallën në kërkim autorët e dyshuar të rastit, shtetasit M. N., 30-vjeç, P. N., 36-vjeç, dhe L. N., 32-vjeç, të tre banues në fshatin Rrjoll;

Gjithashtu, u referuan materialet në Prokurori ku nisi procedimi në gjendje të lirë për shtetasit T. Sh., 61-vjeç, dhe P. M., 61-vjeç, të dy banues në Velipojë, punonjës të OSHEE-së, për veprën penale “Shpërdorimi i detyrës”, pasi dyshohet se nuk kanë konstatuar lidhjen e paligjshme të energjisë elektrike që ishte krijuar për këtë veprimtari kriminale.

Vijon puna për identifikimin, kapjen dhe nxjerrjen përpara përgjegjësisë penale, të shtetasve të tjerë të implikuar në këtë veprimtari kriminale.

Megaoperacioni “Territor i pastër” vijon.

The post Shkodër/ Asgjësohen mijëra bimë kanabis, shpallen në kërkim tre vëllezër, nisin hetimet për dy punonjës të OSHEE appeared first on Albeu.com.

Policia bëri me dije se kishte arrestuar Armel Nikdukaj 27-vjeç dhe Elvis Shpellzai 28-vjeç banues në Koplik dhe Armando Ndrecaj 32-vjeç.

“Kishin përshtatur një ambient (stan), në pyjet e fshatit Kashnjet, për kultivim të bimëve narkotike cannabis sativa, nëpërmjet llambave që furnizoheshin me lidhje të paligjshme të energjisë elektrike”, thuhet në njoftimin e policisë.

Policia bëri me dije se Shpellzai dhe Nikdukaj u arrestuan në flagrancë, ndërsa Ndrecaj rezultoi i lidhur me kanabisin pas hetimeve.

Policia tha se sekuestroi 2973 bimë narkotike (disa prej tyre fidanë të gatshëm për t’u kultivuar në tokë), një sasi lënde narkotike cannabis sativa, 50 llamba, pajisje ventilimi, sende të tjera që i shërbenin kësaj veprimtarie kriminale dhe 3 celularë.

I pyetur nga BIRN në lidhje me arrestimin e të vëllait, deputeti i Partisë Socialiste Eduart Ndreca, tha se nuk kishte ende një njoftim zyrtar.

Megjithatë, Ndreca tha se i vëllai duhej të hetohej si çdo qytetar tjetër.

“Nuk ka ende njoftim zyrtar nga prokuroria, por dua të them që prokuroria dhe policia duhet të bëjnë punën e tyre pavarësisht kush është personi, vëllai im si gjithë qytetarët është i barabartë para ligjit”, tha ai në telefon.

Rasti i Ndrecës nuk është i pari. Familjarë të personave të përfshirë në politike, janë arrestuar herë pas here për përfshirje në aktivitete kriminale.

The post Vëllai u kap me mijëra bimë kanabis, reagon deputeti socialist Eduart Ndreca appeared first on Albeu.com.

Në fazën e 19-të të këtij operacioni janë gjetur dhe asgjësuar 1213 rrënjë kanabis në 4 fshatra të ndryshme të Lezhës.

Policia e Lezhës, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Lezhë, vijon veprimet hetimore, me qëllim identifikimin dhe arrestimin e autorit/ëve të kësaj veprimtarie kriminale.

Njoftimi i policisë:

DVP Lezhë

Kontrolle intensive nga shërbimet e Policisë së Lezhës, të pajisura me dronë, në fshatra të thellë malorë, në kuadër të operacionit policor antikanabis të koduar “Imazhi”.

Finalizohet faza e 19-të e këtij megaoperacioni.

Asgjësohen nëpërmjet djegies, 1213 bimë narkotike cannabis sativa që u gjetën të kultivuara në tokë, në 4 fshatra të ndryshme.

Shërbime të Policisë së Lezhës, të pajisura me dronë, kanë vijuar kontrollet intensive në terren dhe nga ajri, me prioritet zonat e thella malore, me risk përsa i përket kultivimit të bimëve narkotike, në zbatim të planit operacional mbarëkombëtar që ka si objektiv parandalimin, konstatimin dhe goditjen e kësaj veprimtarie kriminale.

Nga këto kontrolle u finalizua faza e 19-të e megaoperacionit policor të koduar “Imazhi”, si rezultat i së cilës, janë gjetur të kultivuara në zona të pyllëzuara, në 4 fshatra në Lezhë, 1213 bimë narkotike cannabis sativa, konkretisht:

-në fshatin Mërqi, njësia administrative Kallmet, u gjetën të kultivuara 940 bimë të dyshuara narkotike cannabis sativa;

-në fshatin Gjobardhaj, njësia administrative Ungrej, u gjetën të kultivuara 130 bimë të dyshuara narkotike cannabis sativa;

-në fshatin Zimaj, njësia administrative Ungrej, u gjetën të kultivuara 110 bimë të dyshuara narkotike cannabis sativa;

-në malin e Jushit, fshati Torovicë, njësia administrative Balldre, u gjetën të kultivuara 33 bimë të dyshuara narkotike cannabis sativa.

Bimët narkotike, pas kryerjes së veprimeve procedurale, u asgjësuan nëpërmjet djegies.

Policia e Lezhës, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Lezhë, vijon veprimet hetimore, me qëllim identifikimin dhe arrestimin e autorit/ëve të kësaj veprimtarie kriminale.

The post Policia “mësyn” nga toka dhe ajri në fshatrat e Lezhës, zbulon mijëra bimë kanabisi appeared first on Albeu.com.