Ai ishte presidenti i 42-të i Amerikës dhe iu gjet popullit të Kosovës në një kohë shumë të vështirë.

Rezistenca paqësore kundrejt regjimit serb kishte nisur prej kohësh me protesta masive që përfunduan të përgjakshme pasi shumë qytetarë civilë shqiptarë u rrahën nga forcat serbe – metodë kjo e frikësimit për t’i heshtur shqiptarët e Kosovës.

Me hyrjen udhëheqësit famëkeq të Serbisë në pushtet, Slobodan Millosheviq, në vitin 1989, autonomia e Kosovës brenda Jugosllavisë u revokua dhe dhuna, tortura, frikësimi, vrasjet e terrori u bë metoda e tij për adresimin e çështjes së shqiptarëve të Kosovës.

Si rrjedhojë e rraskapitjes nga ky trajtim, shumë të rinj kosovarë si alternativë të vetme e panë largimin nga Kosova. Mirëpo një grup tjetër në vend të largimit, kishin zgjedhur të qëndronin në vendin e tyre dhe të fillonin rezistencën e armatosur, çka më vonë u bë e ditur si Ushtria Çlirimtare e Kosovës me shënjestrimin e forcave serbe në vitin 1996-’97.

Pas shumë vizitave e takimeve me politikbërës të huaj të presidentit të atëhershëm të Kosovës, Ibrahim Rugova [i zgjedhur me votë prej shumicës dërrmuese të kosovarëve] për ta ndërkombëtarizuar çështjen e Kosovës dhe për ta gjetur një zgjidhje, lufta e shkallës së gjerë në Kosovë veçse kishte filluar.

Në fillim të vitit 1998, sulmet e UÇK-së kundrejt autoriteteve jugosllave në Kosovë rezultuan me një prani të shtuar të paraushtarakëve dhe forcave të rregullta serbe, të cilët më pas filluan të ndjekin një fushatë hakmarrjeje që shënjestronte përkrahësit e UÇK–së.

Si rezultat, forcat serbe vranë 1500 deri në 2000 civilë dhe luftëtarë të UÇK-së si dhe detyruan shpërnguljen e më shumë se 370,000 shqiptarëve të Kosovës deri në mars 1999.

Ata po ashtu kryen masakra të shumta ndaj civilëve e cila kulmoi me masakrën e Reçakut, ku u gjetën 45 trupa civilë të masakruar, ngjarje kjo që u filmua dhe e tronditi botën. Ish-shefi i misionit OSBE në Kosovë, William Walker nga vendi i ngjarjes i cilësoi masakrat si krim kundër njerëzimit.

Përpjekjet diplomatike po vazhdonin për ta ndaluar dhunën e shtetit serb mbi popullin e Kosovës. Presidentit të atëhershëm serb Slobodan Millosheviqit i ishin bërë disa propozime, mirëpo asnjë prej tyre nuk rezultoi e suksesshme.

Pas refuzimit për nënshkrimin e marrëveshjes së Rambujesë nga pala serbe, më 24 mars 1999, NATO nisi një fushatë ajrore bombardimi kundër forcave serbe e cila zgjati 78 ditë.

Lufta përfundoi me Traktatin e Kumanovës, të nënshkruar më 9 qershor, nga forcat jugosllave dhe serbe që ranë dakord të tërhiqeshin nga Kosova për t’i hapur rrugë një pranie ndërkombëtare.

Forcat e NATO-s hynë në Kosovë më 12 qershor.

Më 24 mars, në ditën kur po fillonin bombardimet e NATO-s kundër Serbisë, presidenti amerikan, Bill Clinton përmes një videoje iu drejtua popullit amerikan ku tregoi arsyet pse shteti të cilin ai e drejton po i bashkohet fushatës ajrore të NATO-s.

“Bashkëkohësit e mi amerikanë, sot forcat tona të armatosura u bashkuan me aleatët tanë të NATO-s në sulme ajrore kundër forcave serbe përgjegjëse për brutalitetin në Kosovë. Ne kemi vepruar me vendosmëri për disa arsye”.

“Ne veprojmë për të mbrojtur mijëra njerëz të pafajshëm në Kosovë nga një ofensivë ushtarake në rritje. Ne veprojmë për të parandaluar një luftë më të gjerë të shpërndahet në zemër të Evropës, e cila ka shpërthyer dy herë më parë në këtë shekull me rezultate katastrofike. Ne veprojmë të qëndrojmë të bashkuar me aleatët tanë për paqe. Duke vepruar tani, po i mbajmë vlerat tona, duke mbrojtur interesat tona dhe duke avancuar shkakun e paqes”.

Ai po ashtu tregon se pse ndjehet përgjegjës për të intervenuar ushtarakisht në Kosovë.

“Unë kam një përgjegjësi si president për t’u marrë me probleme të tilla si kjo para se të bëjnë dëm të përhershëm për interesat tona kombëtare. Amerika ka një përgjegjësi të qëndrojë me aleatët tanë kur ata përpiqen të shpëtojnë jetërat e pafajshme dhe të ruajnë paqen, lirinë dhe stabilitetin në Evropë. Kjo është ajo që po bëjmë në Kosovë”.

Kosova shpalli pavarësinë e saj më 17 shkurt të vitit 2008 dhe si rezultat i kontributit të Bill Clinton për çlirimin e Kosovës, është ngritur shtatorja e tij në hyrje të Prishtinës.

The post Mik i përjetshëm i shqiptarëve! Bill Clinton sot feston ditëlindjen e 77-të appeared first on Albeu.com.

Zoti Klinton dhe delegacioni që e shoqëron do të mbërrijë në Tiranë ditën e hënë, më 3 korrik, pasdite, ku në orën 19.00 do të pritet nga Kryeministri Edi Rama në një ceremoni të posaçme zyrtare në Bulevardin “Dëshmorët e Kombit” përballë Kryeministrisë, me pjesëmarrjen edhe të qytetarëve.

Pas ekzekutimit të himneve kombëtare të SHBA-ve dhe Shqipërisë, Kryeministri Edi Rama dhe Presidenti i 42-të i SHBA-ve Bill Klinton do të bëjnë parakalimin ceremonial dhe do të nderojnë flamujt e dy vendeve.

Në orën 19.05 Kryeministri Edi Rama do të mbajë fjalën e rastit dhe më pas do të ftojë zotin Bill Klinton të marrë çmimin e akorduar.

Në orën 19.25 do të zhvillohet ceremonia e nderimit të Presidentit të 42 të SHBA-ve Bill Klinton me “Yllin e Mirënjohjes për Arritjet Publike” që do të pasohet nga fjalimi i Presidentit./Albeu.com/

The post Bill Klinton nesër në Tiranë, nga pritja në Bulevard te takimi me Ramën, zbardhet agjenda appeared first on Albeu.com.

Kështu është shprehur ish-Presidenti amerikan Bill Clinton, teksa pranoi se qeveritë e SHBA kanë realizuar përherë studime për të vërtetuar prezencën e jetës aliene në Tokë.

Ish-presidenti amerikan zbuloi gjithashtu se shkencëtarët i thanë se janë deri në 95% të sigurt që njerëzimi nuk është i vetëm në univers.

Fenomenet e çuditshme në qiell dikur ishin sfera e teoricienëve të konspiracionit, por tani ligjvënësit dhe zyrtarët e inteligjencës amerikane po e marrin seriozisht këtë temë si një shqetësim i sigurisë kombëtare.

Klinton i bëri rrëfimet në fjalë teksa po fliste për temën e nxehtë të prezencës së UFO-ve në The Late Late Show. Zyrtarët amerikanë kanë pranuar se ka objekte në qiell të cilat ata nuk i kuptojnë dhe kur u pyet për temën, audienca qeshi, por Clinton iu drejtua atyre duke u thënë: “Kjo është një pyetje legjitime tani”.

Më tej ai zbuloi se ai dhe këshilltarja e sigurisë kombëtare Sandy Berger ishin të interesuar për UFO-t.

“Ne bëmë çdo përpjekje për të mësuar rreth Roswell dhe gjithashtu dërguam njerëz në Zonën 51 për t’u siguruar që nuk kishte alienë”.

Clinton u ndërpre nga Corden, i cili e pyeti se kë dërgoi në “Zonën 51”, dhe u përgjigj me shaka duke thënë: “Oh, sikur t’jua thoja këtë.”

Veterani demokrat megjithatë vazhdoi dhe zbuloi se vetë Berger ishte dërguar në Zonën 51. Klinton tha se baza famëkeqe në Nevada, e cila është subjekt i një numri të madh legjendash dhe miteve moderne, është vendi ku zhvillohen shumë projekte sekrete të SHBA-së në lidhje me avionët ushtarakë.

“Kjo është arsyeja pse ata janë kaq të fshehtë,” tha ai. Megjithatë, Klinton tha “siç e di” se nuk ka alien që mbahen në Zonën 51.

Por më pas ai vazhdoi të tregojë një histori rreth një vizite që ai dhe gruaja e tij Hillary bënë në Observatorin Ë. M. Keck në Haëaii. Teleskopët e dyfishtë, Keck 1 dhe Keck 2, janë dy nga më të mëdhenjtë në botë dhe kërkojnë në qiell për ndonjë shenjë jete në hapësirën e jashtme.

Clinton vizitoi objektin dhe i pyeti shkencëtarët për mundësinë e jashtëtokësorëve diku në univers.

Ai tha se shkencëtarët thanë se kishin “argumente të mëdha”, por mosmarrëveshja është midis atyre që besojnë se është 85% e mundshme, dhe atyre që mendojnë se është 95% e sigurt.

Ata i thanë atij se ishte e pamundur që të mos ketë jetë diku tjetër në universin. “Këta janë njerëz që kalojnë jetën e tyre duke studiuar këto”, tha Klinton si për ta konfirmuar se ai mendon njësoj./albeu.com

The post “Dërgova agjentë për të kontrolluar për UFO-t”, Bill Klinton: Njerëzimi nuk është i vetëm në univers appeared first on Albeu.com.