Bill & Melinda Gates Foundation, organizata filantropike e miliarderit, e justifikoi vendimin si një përpjekje për të siguruar që vëmendja të mbetet e përqendruar te konferenca, pa dhënë sqarime të mëtejshme.

Tërheqja vjen pas rikthimit të kritikave për marrëdhënien e tij me të dënuarin për krime seksuale Jeffrey Epstein, si dhe spekulimeve nëse kjo lidhje rrezikonte të errësonte misionin e përgjithshëm të fondacionit.

Vendimi u mor “pas një shqyrtimi të kujdesshëm dhe për të siguruar që vëmendja të mbetet te prioritetet kryesore të Samitit për Inteligjencën Artificiale”, thuhet në një postim të fondacionit në platformën X.

Gates e ka cilësuar më herët marrëdhënien e tij me Epstein, si një gabim të madh dhe ka deklaruar se është penduar për darkat që kishte zhvilluar me financierin e ndjerë në disa raste.

Drejtori ekzekutiv i fondacionit, Mark Suzman, u tha më herët këtë muaj punonjësve se lidhja me Epstein kishte njollosur reputacionin e organizatës, sipas një raportimi të Financial Times.

Përfaqësuesit e fondacionit refuzuan të komentojnë më tej vendimin e Gates, përtej deklaratës publike.

Samiti indian për Inteligjencën Artificiale nisi këtë javë në New Delhi, si pjesë e ambicies strategjike të kryeministrit Narendra Modi për ta shndërruar vendin më të populluar në botë në një fuqi globale në inteligjencën artificiale dhe teknologji. Në vend të Gates do të flasë drejtuesi i fondacionit për Indinë dhe Afrikën.

Microsoft ka njoftuar se do të investojë 50 miliardë dollarë për të forcuar përhapjen e inteligjencës artificiale në Jugun Global.

The post Pas reagimeve të ashpra mbi lidhjet me Jeffrey Epstein, Bill Gates anulon samitin e inteligjencës artificiale në Indi appeared first on Albeu.com.

Sipas Telegraph, Epstein i kishte dërguar vetes një shënim më 18 korrik 2013, në të cilin përshkruante prishjen e marrëdhënies së tij me miliarderin amerikan, si dhe akuzat:

“Për të shtuar dhimbjen, po më luteni të fshij emailet në lidhje me sëmundjen tuaj seksualisht të transmetueshme, kërkesën tuaj për t’ju furnizuar me antibiotikë që mund t’ia jepni fshehurazi Melindës dhe përshkrimin e organit gjenital tuaj”.

Zbulimet rreth Gates, ofrojnë detajet e para rreth marrëdhënies së tyre, pasi Departamenti i Drejtësisë i SHBA-së publikoi foto të tyre.

Emaili është një nga tre milionë dokumentet që Departamenti Amerikan i Drejtësisë, publikoi nga dosjet e tij lidhur me pedofilin Jeffrey Epstein.

Zëvendësprokurori i Përgjithshëm, Todd Blanche, tha në një konferencë për shtyp se materialet përfshijnë rreth 2 mijë video dhe 180 mijë imazhe të lidhura me Epstein.

Gjithashtu, sipas tij, materialet përmbajnë shumë materiale pornografike, si dhe imazhe të sekuestruara nga pajisjet e pedofilit.

The post Dalin dokumentat: Bill Gates u infektua me sëmundje të transmetueshme! Çfarë i kërkoi Epstein appeared first on Albeu.com.

“Njerëzit do të thonë shumë gjëra për mua kur të vdes, por jam i bindur që ‘ai vdiq i pasur’ nuk do të jetë njëra prej tyre”, shkroi Gates në një postim.

Ai gjithashtu, kritikoi ashpër Elon Musk, njeriun më të pasur në botë, një figurë kyçe në administratën e Presidentit Donald Trump, duke e akuzuar atë për vrasjen e fëmijëve më të varfër në botë.

Musk ka drejtuar Departamenti i Efikasitetit të Qeverisë dhe me rolin e tij ka ndikuar në vendimin e Presidentit Trump për të ndërprerë fondet për agjencinë e USAID, e cila më parë ka ofruar miliarda në fonde për gjithçka, nga vaksinat për fëmijët deri te ndihmat ushqimore.

Gates e bëri njoftimin me rastin e 25-vjetorit të fondacionit, të cilën e themeloi me ish-bashkëshorten Melinda. Që nga themelimi, fondacioni ka dhuruar 100 miliardë Dollarë, duke ndihmuar në shpëtimin e miliona jetëve.

The post Bill Gates do të dhurojë 200 miliardë dollarë: Njerëzit nuk do të thonë “ai vdiq i pasur” appeared first on Albeu.com.

Në shkurt të vitit 2020, Melinda kishte planifikuar një udhëtim në New Mexico, fillimisht vetëm për veten, por më pas vendosi të ftonte edhe Bill-in. Gjatë këtij udhëtimi, ajo i shprehu dëshirën për të jetuar të ndarë, një bisedë që e përshkruan si një nga më të frikshmet që ka pasur ndonjëherë. Bill ishte i trishtuar dhe i mërzitur, por gjithashtu mirëkuptues dhe i respektueshëm ndaj vendimit të saj.

Melinda zbulon se gjatë kësaj periudhe përjetoi sulme paniku dhe ankth, duke kërkuar ndihmë profesionale për të përballuar situatën. Ajo thekson se lidhja e Bill-it me Jeffrey Epstein dhe një aferë e dyshuar me një punonjëse të Microsoft-it ndikuan në humbjen e besimit dhe në vendimin e saj për t’u ndarë.

Pavarësisht sfidave, Melinda dhe Bill vazhduan të punojnë së bashku në Fondacionin Gates deri në qershor 2024, kur Melinda u largua për t’u fokusuar në iniciativat e saj filantropike, veçanërisht në mbështetje të grave dhe familjeve.

Në intervista të mëparshme, Melinda ka shprehur se nuk e kishte imagjinuar kurrë divorcin, por ndjeu se ishte e nevojshme për mirëqenien e saj. Ajo vazhdon të përqendrohet në filantropinë dhe në ndërtimin e një jete të re, duke e parë të ardhmen me optimizëm dhe guxim.

Melinda dhe Bill Gates kanë tre fëmijë: Jennifer, 28 vjeç; Rory, 25 vjeç; dhe Phoebe, 22 vjeç.

The post Melinda Gates: Ndarja nga Bill ishte biseda më e frikshme appeared first on Albeu.com.

Gjatë bisedës me prezantuesen Sunny Hostin, Gates shprehu shqetësimin e tij për një pandemi shumë kohë përpara se të ndodhte COVID-19.

“Pandemia, për fat të keq, ishte mjaft e parashikueshme”, u tha Gates zonjave në tryezën e “Hot Topics”.

“Dhe nuk do të jetë pandemia e fundit. E ardhmja mund të jetë shumë më e rëndë”, shtoi ai.

Duke e përshkruar COVID-19 si “të tmerrshëm”, Gates vlerësoi presidentin Donald Trump për sigurimin e shpejtë të vaksinës gjatë mandatit të tij të parë në Shtëpinë e Bardhë, shkruan yahoonews, përcjell Telegrafi.

Por kur bëhet fjalë për një pandemi tjetër, Gates tha që ne duhet të “jemi më të përgatitur” se sa ishim në vitin 2020.

“Unë ende do të thosha se kjo është çështja numër një. Mund të shqetësoheni për luftën bërthamore, mund të shqetësoheni për AI. Ka shumë për t’u shqetësuar”, tha ai.

“Shpresojmë që ne të veprojmë përpara se të vijë tjetra”, shtoi Gates.

Pra, kur parashikon ai se mund të godasë një tjetër pandemi?

Sipas bashkëthemeluesit të Microsoft, pandemia e ardhshme me siguri do të ndodhë në dekadat e ardhshme.

“Oh, sigurisht që do të kemi një të tillë në 25 vitet e ardhshme”, tha ai.

“Ekzistojnë madje disa patogjenë atje që ne po i vëzhgojmë tani. Pra, ndoshta 10% mundësi në katër vitet e ardhshme”, përfundoi miliarderi.

The post Bill Gates paralajmëron për një pandemi “shumë më të rëndë” në vitet e ardhshme appeared first on Albeu.com.

“Ne kalojmë kohë të këndshme bashkë, shkojmë në Lojërat Olimpike dhe bëjmë shumë gjëra të tjera të lezetshme,” komentoi Gates për marrëdhënien e tij me Hurd, e cila është e veja e ish-CEO-së së Oracle, Mark Hurd.

Përsa i përket jetës familjare, Gates gjithashtu u pyet për nipërit dhe mbesat e tij, të cilët janë fëmijët e vajzës së tij, Jennifer. Gates tha se nuk dëshiron t’i detyrojë ata të ndjekin hapat e tij në biznes, por shprehu dëshirën të jetë një gjysh i mirë dhe t’u lexojë libra, ashtu siç bënin edhe gjyshërit e tij.

Ndërkohë, Gates ka folur edhe për divorcin e tij nga Melinda French Gates, duke e cilësuar atë si një nga gabimet më të mëdha të jetës së tij. Ai theksoi se divorci ishte i dhimbshëm për të dy dhe ka pasur ndikim të thellë për të paktën dy vjet.

The post Bill Gates flet për herë të parë për të dashurën e tij appeared first on Albeu.com.

Në mbishkrimin e postimit, Jennifer zbuloi emrin e vajzës së saj, si dhe datën e veçantë kur erdhi në jetë.

“Duke prezantuar Mia, e cila ka lindur në përvjetorin tonë të tretë të martesës 💕”, ka shkruar ajo, duke shtuar: “Dhurata më e mirë që mund të kishim kërkuar”

The post Vajza e miliarderit Bill Gates sjell në jetë fëmijën e saj të dytë appeared first on Albeu.com.

“Ky nuk është një vendim që e kam marrë lehtësisht,” shkroi Gates në një deklaratë të postuar në X të hënën.

Dita e saj e fundit e punës do të jetë 7 qershori.

Melinda Gates e filloi fondacionin në vitin 2000 me bashkëshortin e saj të atëhershëm Bill Gates, bashkëthemeluesin e Microsoft.

Në vitin 2021, pas 27 vitesh martesë, dyshja njoftuan ndarjen, por u zotuan të vazhdojnë punën e përbashkët filantropike. Në kohën e ndarjes së tyre, ish-çifti tha se do të mbeten bashkë-kryetarë të organizatës dhe se nuk priten ndryshime në strukturën e fondacionit.

Fondacioni Gates është ndër grupet më të fuqishme në shëndetin publik, me një fond prej më shumë se 75 miliardë dollarë që nga dhjetori. Fondacioni shpenzon miliarda dollarë çdo vit për nisma që synojnë zhdukjen e sëmundjeve infektive, uljen e varfërisë dhe luftimin e ndryshimeve klimatike.

“Jam jashtëzakonisht krenare për fondacionin që Bill dhe unë ndërtuam së bashku,” shkroi Melinda në deklaratën e saj duke shtuar se sipas një marrëveshjeje me Bill, ajo tani do të ketë 12.5 miliardë dollarë shtesë për punën e saj bamirëse për gratë dhe familjet.

Bill Gates tha se i vjen keq që Melinda do të largohet, por shtoi se është i sigurt se ajo do të ketë një ndikim të madh në punën e saj të ardhshme filantropike.

Themeluesi i Microsoft-it mbetet një nga njerëzit më të pasur në botë, me një pasuri neto prej më shumë se 130.3 miliardë dollarë, sipas Forbes. Nga ana tjetër, pasuria e Melinda Gates llogaritet të jetë 11.3 miliardë dollarë.

The post 3 vite pas divorcit, Melinda Gates heq dorë nga Fondacioni Bill & Melinda Gates appeared first on Albeu.com.

Nëse nuk jeni në dijeni, individët besojnë se ai “organizoi pandeminë e COVID-19” për përfitime financiare, pastaj se “iu ka vendosur çipa njerëzve përmes vaksinave”, por edhe se ai bleu gjithë tokën bujqësore pasi dëshiron “të vdisnin shumë amerikanë nga uria”.

Themeluesi i Microsoftit tani po zbulon një teori konspirative që ia kishte pohuar një qytetarë në rrugë, raporton LadBible.

Ai ishte i ftuar në podcast, “The Rest Is Politics” dhe përmendi disa situata të pakëndshme.

“Duhet të qeshësh me gjithë këtë. Dikush më ndali në rrugë, e cila gjë ndodhi më shumë se një herë, dhe më tha se ‘e kam çipuar dhe se po e ndiqja’. Zonjë, pse dua të di se ku po lëvizni? A besoni vërtet se kështu e kaloj kohën time?”, pyeti Gates.

Miliarderi përmendi edhe pretendime të tjera që qarkullojnë në rrjete sociale.

“Kur thonë se unë përfitoj nga vaksinat apo se vaksinat janë të këqija për fëmijët”, shtoi ai dhe zbuloi se ka njerëz që ndjekin teoritë e konspiracionit dhe vlerësojnë nëse janë “jashtë kontrollit”.

“Nëse ato bëhen shumë të përhapura, atëherë ju dëshironi të përgjigjeni”, tha ai.

Teoria e çuditshme se Gates “iu vendos njerëzve në trup çipa” u aktualizua gjatë pandemisë së coronavirusit.

The post Bill Gates zbuloi se për cilën teori konspirative njerëzit e ndaluan atë në rrugë dhe e akuzuan ashpër appeared first on Albeu.com.

Gates vendosi ta bëjë këtë hap me rastin e Ditës Botërore të Tualetit që u mbajt para 3 ditësh.

Ai zbriti në kanalizimet e Brukselit për të hetuar historinë e tij të fshehur.

Ai ka publikuar edhe një video në Instagram, ku ka treguar pjesë të labirintit nëntokësor dhe ekspozitat e Muzeut të Ujërave të Zeza.

Ekspozitat dhe dokumentet që dokumentojnë historinë e sistemit të ujërave të zeza të qytetit, i cili përfundoi në lumin Seine në vitet 1800, ruhen në muzeun e lartpërmendur.

 

View this post on Instagram

 

A post shared by Bill Gates (@thisisbillgates)

The post VIDEO/ Bill Gates kalon ditën në kanalizime appeared first on Albeu.com.