Tre shtetasit falsifikikonin dhe hidhnin në treg bilreta të transportit publik  në linjën Tiranë – Krrabë.

Në pranga ka rënë shtëtasi A,Ç, 25 vjeç faturino i linjës së autobusëve Tiranë – Krrabë dhe në kërkim janë shpallur shtëtasit, V.I, 39-vjeç, administrator i linjës së transportit dhe F.I, 44 vjeç.

Njoftimi i policisë:

Tiranë

Finalizohet operacioni policor i koduar “Bileta”.

Operacioni nga Seksioni për Hetimin e Krimit Ekonomik dhe Financiar në DVP Tiranë.

Sekuestrohen bileta transporti të dyshuara të falsifikuara.

Vihet në pranga 1 shtetas, shpallen në kërkim 2 bashkëpunëtorët.

Në vijim të punës për parandalimin, evidentimin dhe goditjen e veprimtarisë kriminale në fushën e krimit ekonomik dhe financiar, bazuar dhe në informacionet e marra në rrugë operative, se tre shtetas falsifikonin dhe hidhnin në treg bileta të transportit publik, specialistët e Seksionit për Hetimin e Krimit Ekonomik dhe Financiar në DVP Tiranë, organizuan dhe finalizuan operacionin policor të koduar “Bileta”, në kuadër të të cilit u në arrestimi në flagrancë i shtetasit:

– A. Ç., 25 vjeç, banues në Mushqeta, Tiranë, faturino i linjës së autobusëve Tiranë-Krrabë.

Gjithashtu u shpallën në kërkim shtetasit V. I., 39 vjeç, banues në Baldushk, administratori i linjës së transportit, dhe F. I., 44 vjeç, banues në Tiranë.

Nga veprimet hetimore ka rezultuar se këta shtetas, në bashkëpunim me njëri-tjetrin, falsifikonin dhe hidhnin në treg bileta të linjës së transportit publik Tiranë-Krrabë, të cilat nuk prodhoheshin në Shtypshkronjën e Letrave me Vlerë.

Gjatë kontrollit fizik, shtetasit A. Ç. iu gjet dhe iu sekuestrua në cilësinë e provës materiale, një sasi e konsiderueshme biletash të dyshuara të falsifikuara.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale, per veprat penale “Falsifikimi i letrave me vlerë”, “Fshehja e të ardhurave”dhe “Mospagimi i taksave dhe tatimeve”. /albeu.com

The post Falsifikonin e hidhnin në treg bileta të transportit publik në Tiranë, një në pranga dhe dy në kërkim appeared first on Albeu.com.