Nëse qytetari zgjedh që biletën e autobusit të mos e paguajë cash, por me kartë bankare, nëpërmjet sistem POS, çmimi i paguar nga ai do të jetë 75% më shumë apo në vlerë 30 lekë më tepër.

Sipas njoftimeve të Tatimeve, brenda 30 majit të gjitha bizneset, që kryejnë shitje me para në dorë, përfshirë edhe sektorin e transportit janë të detyruar të pajisen me terminale POS/POI.

Shoqata Kombëtare e Transportit Qytetas ngre shqetësime serioze mbi kostot dhe zbatueshmërinë e këtij procesi në transportin urban.

Sipas shoqatës, nëse qytetarët zgjedhin të paguajnë biletën e autobusit me kartë bankare dhe jo cash përmes pajisjeve POS, kostoja e transaksionit mund të rëndojë ndjeshëm mbi çmimin aktual të biletës prej 40 lekësh. Vetëm tarifa fikse bankare për një transaksion arrin në 30 lekë, pa përfshirë komisionet përqindëse dhe kostot e tjera operative.

Në një letër drejtuar Ministria e Financave, Ministria e Ekonomisë, Ministria e Infrastrukturës, Drejtoria e Përgjithshme e Tatimeve, Bashkia Tiranë dhe Drejtoria e Transportit Rrugor, shoqata thekson se sektori funksionon me volum shumë të lartë transaksionesh dhe me vlerë shumë të ulët për çdo pagesë individuale.

Sipas Shoqatës Kombëtare të Transpoirtit Qyteytas, tarifat e komunikuara nga bankat për përdorimin e terminaleve POS/POI përfshijnë:

-Komision për transaksionet me karta VISA/MasterCard kombëtare: deri në 2.70% për çdo transaksion;

-Komision për karta ndërkombëtare: deri në 3.20% për çdo transaksion;

-Tarifë fikse për çdo transaksion: 30 lekë / 0.30 euro;

-Komision instalimi terminali POS: 5,000 lekë;

-Komision mirëmbajtje mujore terminali POS: 1,000 lekë/muaj;

-Komision mos-përdorimi terminali POS: 1,000 lekë/muaj;

-Kosto e terminalit POS në raste kontraktuale: deri në 50,000 lekë;

-Komision për procedura “chargeback”: 500 lekë për rast.

Shoqata paralajmëron se, me një biletë urbane që kushton vetëm 40 lekë, vetëm tarifa fikse e transaksionit përbën pothuajse të gjithë vlerën e biletës, duke krijuar paqartësi serioze mbi realizueshmërinë ekonomike të sistemit.

Operatorët kërkojnë sqarime nga institucionet mbi mënyrën e zbatimit të sistemit, nëse kostot do të mbulohen nga shteti, operatorët apo qytetarët, si dhe nëse do të ketë periudhë tranzitore dhe modele të unifikuara elektronike pagesash për transportin publik urban.

“Duke marrë në konsideratë faktin që një biletë urbane kushton vetëm 40 lekë, rezulton se vetëm tarifa fikse prej 30 lekësh për transaksion përbën pothuajse të gjithë vlerën e biletës, pa përfshirë komisionet përqindëse dhe kostot e tjera operative. Në këto kushte, implementimi i këtij sistemi paraqet paqartësi serioze mbi realizueshmërinë ekonomike të tij në transportin publik qytetas.

Për këtë arsye kërkojmë sqarim mbi çështjet e mëposhtme:

-A do të jetë i detyrueshëm instalimi i pajisjeve POS/POI në çdo autobus urban individual apo në pika të tjera shërbimi të operatorëve?

-Si parashikohet të realizohet procesi i pagesës me kartë në autobusët urbanë, duke pasur parasysh fluksin e lartë të pasagjerëve dhe kohën shumë të kufizuar të qëndrimit në stacione?

-A janë përcaktuar norma apo tavane mbi komisionet bankare për transaksionet e kryera përmes POS/POI për sektorin e transportit publik?

-Duke qenë se vlera e një bilete është vetëm 40 lekë, kërkojmë sqarim nëse komisionet dhe tarifat do të rëndojnë mbi operatorët, mbi qytetarët apo do të subvencionohen nga shteti.

-A parashikohet ndonjë mekanizëm mbështetës financiar nga shteti për pajisjen me terminale POS/POI dhe kostot e mirëmbajtjes së tyre?

-A ekziston një model i unifikuar elektronik pagesash (kartë abonimi, QR, kartë elektronike qytetare, aplikacion celular apo sistem tjetër), i projektuar posaçërisht për transportin publik?

-A është parashikuar periudhë tranzitore për sektorin e transportit publik, duke marrë parasysh nevojën për investime teknike, trajnime dhe përshtatje të infrastrukturës?

-A do të ketë udhëzime specifike për trajtimin fiskal dhe procedurat e lëshimit të biletave elektronike në këtë sektor?

Shoqata vlerëson nismat për formalizim dhe modernizim, por konsideron se zbatimi në sektorin e transportit publik qytetas kërkon analizë të veçantë teknike dhe ekonomike, për shkak të natyrës së shërbimit, tarifave shumë të ulëta dhe numrit shumë të lartë të transaksioneve ditore”, theksohet ne letër./ Monitor

The post Shoqata e Transportit: Nga 1 Qershori, bileta e autobusit 30 lekë më shumë nëse paguhet me kartë appeared first on Albeu.com.

Udhëtarët që udhëtojnë nga Tetova në Shkup me linjën e autobusëve të Euro – turistit – Gostivar prej dje në vend se 160 denarë, paguajnë 190 denarë për një biletë. Relacioni Gostivar – Shkup më herët ka qenë 250 denarë, ndërsa nga sot kushton 300 denarë.

“Ne jemi të detyruar t’i shtrenjtojmë biletat për shkak të rritjes së çmimit të derivateve, që ditëve të kaluara janë shtrenjtuar për pothuajse 10 përqind”, thonë për Metanga Euro Turist Gostivar.

Tani për tani, Euro Turisti është transportuesi i vetëm që ka shtrenjtuar biletat, nga stacioni i autobusëve në Tetovë thonë se, të gjithë transportuesit veprojnë në mënyrë të ndryshme në lidhje me çmimet e biletave.

“Siç ka ndodhë edhe më herët, transportuesit privat vet vendosin kur dhe për sa t’i shtrenjtojnë biletat për linjat ndërurbane”, thonë nga Stacioni i autobusëve Tetovë.

Rritja e çmimeve ndikon në mënyrë direkte dhe negative ndaj gjendjes financirare të studentëve.

“Tani çmimi i biletës për në Shkup dhe në kthim është dyfish nga para rritjes së parë, që do të thotë nëse më herët kemi shkuar dhe jemi kthyer për 240 denarë, nga sot ajo kushton 380 denarë. Kjo me të vërtetë nuk është e drejtë ndaj studentëve që çdo ditë udhëtojnë në kryeqytet”, deklaroi një studente për Meta-n.

Një tjetër studente tha se, edhe pse tani bëhet fjalë vetëm për një transportues, të tjerët do të ndjekin shembullin e tij.

“Mendoj se, nëse bëj përllogaritje për të hollat që i jap për transport do të mund të marr një banesë me qira dhe të zhvendosem në Shkup. Nuk e di çfarë mund të themi më shumë, situata po del jashtë kontrollit dhe nuk do të më habiste edhe të tjerët të veprojnë njësoj”, tha ajo.

Paraprakisht, nga 15 shkurti, u shtrenjtuan çmimet e biletave të autobusëve për linjat ndër-urbane në Maqedoninë e Veriut, duke shkaktuar shqetësim serioz te studentët, punëtorët e gjithë qytetarët që janë shfrytëzues të transportit.

The post Shtrenjtohen biletat e autobusëve në Maqedoninë e Veriut appeared first on Albeu.com.