Sipas raportit, 68 banesa janë dëmtuar nga flakët, prej të cilave 10 janë shkatërruar plotësisht dhe kërkojnë rindërtim nga themeli, ndërsa 16 të tjera kanë nevojë për rikonstruksion të pjesshëm.

42 shtëpi të tjera rezultuan të pabanueshme ose sezonale në momentin e ngjarjes.

Zjarri ka shkaktuar dëme të konsiderueshme edhe në bujqësi dhe blegtori: janë djegur 215 bagëti të imta, 9 gjedh dhe 7 njëthundrakë.

Po ashtu, janë përfshirë nga flakët:

44.045 ha ullinj

11.028 ha vreshta

1.451 ha bimë medicinale

9,5 ha pemë frutore dhe arrorë

Dëmet në fondin pyjor, kryesisht me pisha, janë ende në proces verifikimi përmes pamjeve satelitore.

Paralelisht, po kryhet përllogaritja financiare e kostove të përgjithshme të fatkeqësisë.

Bashkitë e qarkut kanë nisur miratimin e fondeve për ndihmën ndaj banorëve të prekur, ndërsa qeveria ka shpallur mbështetjen e saj. Janë regjistruar gjithashtu ndihma nga donatorë vendas dhe të huaj.

Ky zjarr konsiderohet një nga ngjarjet natyrore më të rënda në këtë zonë në vitet e fundit, me pasoja të mëdha për jetën e komunitetit dhe ekonominë lokale.

The post Publikohet bilanci i zjarreve në Gramsh/ Sa janë dëmet në banesa, blegtori dhe pyje appeared first on Albeu.com.

Njoftimi i Policisë së Shtetit:

Policia e Shtetit

Strukturat e Policisë së Shtetit në të gjithë vendin, përgjatë muajve qershor, korrik dhe deri sot, janë angazhuar maksimalisht për identifikimin, kapjen dhe arrestimin e autorëve të zjarrvënieve.

Prej qershorit deri më datë 14 gusht, strukturat e Policisë kanë identifikuar 137 autorë të zjarrvënieve, nga të cilët 46 janë arrestuar, ndërsa 91 janë proceduar penalisht.

Ndërkohë, Forcat Kombëtare të Sigurisë, Forcat e Posaçme “Shqiponja”, Patrullat e Përgjithshme dhe Forcat Operacionale, në drejtimin e drejtuesve të qarqeve dhe të Drejtorisë së Përgjithshme të Policisë së Shtetit, vijojnë të jenë në terren, duke ndihmuar në evakuimin e banorëve dhe duke mbështetur Emergjencat Civile dhe zjarrfikësit, për shuarjen e flakëve.

Strukturat operacionale të Policisë së Shtetit po kontrollojnë dhe monitorojnë zonat me dronë, për të identifikuar në kohë personat që shkaktojnë zjarr, duke djegur pronën private, banesa, pyje, kullota dhe, në shumë raste, duke rrezikuar seriozisht jetën e banorëve, punonjësve të Policisë, zjarrfikësve dhe Emergjencave Civile.

Policia e Shtetit apelon për të gjithë banorët që të mos shkaktojnë zjarre. Blegtorët dhe fermerët janë përgjegjës për tokat dhe kullotat që kanë në pronësi apo në përdorim.

Thirrje për të gjithë banorët: mos ndizni zjarr për djegien e mbetjeve të prodhimeve bujqësore apo për pastrimin e territorit, pa njoftuar dhe marrë masa me instancat përgjegjëse.

Shkaktimi i zjarrit, me qëllim apo nga pakujdesia, është vepër penale dhe Policia e Shtetit po punon, në bashkëpunim me banorët, për identifikimin, kapjen dhe arrestimin e të gjithë atyre që shkaktojnë zjarre.

The post Policia bën bilancin: 137 zjarrvënës të identifikuar në 3 muaj, 46 të arrestuar dhe 91 nën hetim appeared first on Albeu.com.

Zjarret më problematike raportohen në qarqet Vlorë, Elbasan, Kukës dhe Tiranë, ku operacionet për shuarje flakësh vazhdojnë.

Në disa zona ndërhyrja është e vështirë, për shkak të terrenit dhe kushteve atmosferike.

Informacion mbi situatën e zjarreve nga Ministria e Mbrojtjes:

Data 04.07.2025, ora 14:30

Sipas të dhënave nga Qendra Kombëtare Operacionale e Emergjencave Civile në AKMC, nga ora 09:00, datë 04.07.2025, deri në orën 14:30, datë 04.07.2025, janë raportuar 9 vatra zjarri.

Nga këto janë shuar 5 vatra zjarri dhe janë aktive 4 vatra zjarri.

Pas një pune të pandërprerë të forcave operacionale në terren u bë i mundur izolimi i plotë dhe shuarja e vatrave në:

1. Fshatin Burrel, nj.adm. Komsi, bashkia Mat.
2. Fshatin Hajmel, nj.adm. Hajmel, bashkia Vau-Dejës.
3. Fshatin Perondi, nj.adm. Perondi, bashkia Kuçovë.
4. Lagja “Gur i Bardh”, nj.adm. Ura Vajgurore, bashkia Dimal.
5. Fshatin Draç, nj.adm. Ishëm, bashkia Durrës.

Aktualisht, janë aktive vatrat në:

Qarku Vlorë

1. Midis fshatit Grazhdan, njësia administrative Livadhja dhe fshatit Malçan, njësia administrative Dhivër, bashkia Finiq, zjarri i rënë më datë 01.07.2025 vazhdon të jetë aktiv në Malin e Shedenikut mbi fshatin Malcan, në një sipërfaqe me pyll pishe në një distancë shumë të largët dhe të pamundur për tu arritur në këmbë. Zjarri po monitorohet në distancë nga 1 mjet zjarrfikës me 3 efektivë dhe punonjës të Shërbimit Pyjor në fshatin Malçan.

Qarku Elbasan

2. Ka vijuar puna për shuarjen e zjarrit në vendgrumbullimin e mbetjeve në bashkinë Elbasan. Sipas drejtiesit te operacionit situata duket pak me mire se ditën e djeshme. Kryesisht vatra e zjarrit është në pjesën perëndimore aty janë përqendruar edhe mjete zjarrfikese.

Qarku Kukës

3. Në zonën malore mes fshatrave Gjinaj dhe Domaj, njësia administrative Gjinaj, bashkia Has, vazhdon të jetë aktiv zjarri i rënë në një sipërfaqe me pyll pishe. Në terren, janë angazhuar për shuarjen e tij:10 punonjës të Shërbimit Pyjor, 5 forca të Mzsh Has me 1 automjet, 4 forca policore, 7 forca bashkiake dhe 10 vullnetarë. Terreni i vështirë dhe era e mbajnë zjarrin aktiv.

Qarku Tiranë

4. Në fshatin Bulticë, njësia administrative Vaqarr, bashkia Tiranë, vazhdon të jetë aktiv me intensitet të ulët zjarri i rënë në një sipërfaqe me shkurre e ferra. Në vendngjarjë ka operuar 1 helikopter Cougar, i cili ka bërë të mundur izolimin e tij. Në zonën e zjarrit po punojnë 20 forca zjarrfikëse, si dhe 20 forca të APR-së së bashkisë Tiranë, të cilat vijojnë me mjete rrethanore dhe ato individuale për shuarjen përfundimtare të vatrave të zjarrit. Zjarri është nën kontroll.

The post Zjarret në vend/ Ministria e Mbrojtjes bën bilancin: 9 vatra, 5 të shuara, 4 ende aktive appeared first on Albeu.com.

Janë regjistruar gjithësej 107 kallëzime penale për veprat penale të parashikuara nga nenet 325, 326/a, 327, 328, 328/a, 328/b, 329, 329/a, 331/a dhe 332/a të Kodit Penal.

Burim i njoftimit të veprave penale për kallëzimet e mësipërme kanë qenë, policia gjyqësore në 64 raste, SPAK në 17 raste, subjekte politike në 9 raste, kryesisht në 11 raste dhe shtetas në 6 raste.

Kallëzimet e mësipërme janë regjistruar 10 në Prokurorinë Fier, 5 në Prokurorinë Sarandë, 4 në Prokurorinë Durrës, 33 në Prokurorinë Tiranë, 3 në Prokurorinë Gjirokastër, 4 në Prokurorinë Kukës, 8 në Prokurorinë Lezhë, 17 në Prokurorinë Dibër, 2 në Prokurorinë Vlorë, 4 në Prokurorinë Korçë, 3 në Prokurorinë Shkodër, 12 në Prokurorinë Elbasan dhe 2 në Prokurorinë Berat.

Nga kallëzimet e mësipërme janë regjistruar gjithësej 47 procedime penale për veprat penale të parashikuara nga nenet 325, 326/a, 327, 328/a, 328/b, 329, 329/a, 331/a dhe 332/a të Kodit Penal.

Procedimet penale janë regjistruar në Prokurorinë pranë Gjykatës së Shkallës së Parë të Juridiksionit të Përgjithshëm Fier gjithesej 7 procedime, 2 procedime për veprën penale të parashikuar nga neni 325 i Kodit Penal, 1 procedim për nenin 328/a të Kodit Penal, 1 procedim për nenin 328/a, paragrafi 4 i Kodit Penal dhe 1 procedim për veprën penale të parashikuar nga neni 328 i Kodit Penal.

Në Prokurorinë pranë Gjykatës së Shkallës së Parë të Juridiksionit të Përgjithshëm Gjirokastër gjithësej 3 procedime për veprat penale të prashikuara nga nenet 326/1 dhe 329/1 të Kodit Penal. Në Prokurorinë pranë Gjykatës së Shkallës së Parë të Juridiksionit të Përgjithshëm Elbasan gjithësej 9 procedime për veprat penale të prashikuara nga nenet 328/a, 248, 332/a, 134/1 dhe 287/b të Kodit Penal.

Në Prokurorinë pranë Gjykatës së Shkallës së Parë të Juridiksionit të Përgjithshëm Durrës gjithësej 1 procedim për veprat penale të prashikuara nga nenet 328/a dhe 248 të Kodit Penal. Në Prokurorinë pranë Gjykatës së Shkallës së Parë të Juridiksionit të Përgjithshëm Dibër, gjithësej 7 procedime për veprat penale të prashikuara nga nenet 237/5 dhe 328/a, paragrafi 4 të Kodit Penal. Në Prokurorinë pranë Gjykatës së Shkallës së Parë të Juridiksionit të Përgjithshëm Shkodër gjithësej 2 procedime për veprat penale të prashikuara nga nenet 328/a dhe 328/b të Kodit Penal.

Në Prokurorinë pranë Gjykatës së Shkallës së Parë të Juridiksionit të Përgjithshëm Sarandë, gjithësej 2 procedime për veprat penale të prashikuara nga nenet 325 dhe 326/a të Kodit Penal.

Në Prokurorinë pranë Gjykatës së Shkallës së Parë të Juridiksionit të Përgjithshëm Kukës, gjithësej 1 procedim për veprën penale të prashikuara nga neni 328/a i Kodit Penal.

Në Prokurorinë pranë Gjykatës së Shkallës së Parë të Juridiksionit të Përgjithshëm Korçë, gjithësej 2 procedime për veprat penale të prashikuar nga nenet 328/a, 329/2, 237, 89 dhe 25 të Kodit Penal.

Në Prokurorinë pranë Gjykatës së Shkallës së Parë të Juridiksionit të Përgjithshëm Vlorë, gjithësej 1 procedim për veprën penale të prashikuar nga nenet 328/a i Kodit Penal.

Në Prokurorinë pranë Gjykatës së Shkallës së Parë të Juridiksionit të Përgjithshëm Lezhë, gjithësej 3 procedime për veprat penale të prashikuara nga nenet 327 dhe 329 dhe 278 të Kodit Penal.

Në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, gjithësej 9 procedime për veprat penale të prashikuar nga nenet 325, 327/1, 328/a, 329 të Kodit Penal.

I janë dërguar për kompetencë SPAK 6 kallëzime penale nga Prokuroria Durrës, Lezhë, Dibër dhe dy procedime penal nga Prokuroria Fier dhe Shkodër.

Nga kallëzimet penale të regjistruara, është vendosur mosfillimi për 16 prej tyre. 8 nga Prokuroria Tiranë, 2 nga Prokuroria Kukës, 3 nga Prokuroria Dibër, 1 nga Prokuroria Sarandë, 1 nga Prokuoria Fier dhe 1 nga Prokuroria Elbasan.

Një procedim penal i regjistruar nga Prokuroria Dibër për veprën penale të parashikuar nga neni 237/5, 328/a, paragrafi 4, është kërkuar dërgimi për gjykim me një person të pandehur, pa masë sigurimi personal dhe një procedim penal i regjistruar nga Prokuroria Gjirokastër për veprën penale të parashikuar nga neni 326/1 i Kodit Penal, është dërguar në gjykatë me kërkesë për pushim. Gjithashtu për një procedim të regjistruar për veprën e parashikuar nga neni 327/1 i Kodit Penal, në Prokurorinë Gjirokastër, është kërkuar në gjykatë zhvillimi i gjykimit të drejtpërdrejtë.

Janë arrestuar në flagrancë 7 persona për veprat penale në fushën e zgjedhjeve, 4 në Prokurorinë Tiranë, 1 në Prokurorinë e Elbasanit, 1 në Prokurorinë Lezhë dhe 1 në Prokurorinë e Fierit.

Është dhënë urdhër ndalimi për 4 persona nga Prokuroria e Elbasanit.

Kallëzimet e tjera janë në fazë verifikimi.

The post Krimi Zgjedhor/ Prokuroria e Përgjithshme bën bilancin: Janë regjistruar gjithsej 107 kallëzime, u arrestuan 7 persona appeared first on Albeu.com.

Një 34-vjeçar banues në Kuçovë duke drejtuar automjetin tip BMW, ka humbur kontrollin dhe për pasojë automjeti ka dalë nga rruga. Si pasojë e daljes nga rruga e automjetit, ka humbur jetën pasagjeri, shtetasi, Lorenc Llangozi 33 vjeç, banues në Kuçovë.

Nga hetimet e para, dyshohet se shkak i aksidentit ka qenë shpejtësia e lartë, me të cilën po udhëtonin dy të rinjtë si dhe lagështia në rrugë. Drejtuesi i automjetit është shoqëruar në Komisariat për veprime të mëtejshme
Aksi Berat Dimal njihet si njolle e zeze në hartën e akseve automobilistike. Ne këtë aks, kohët e fundit ka pasur aksidente me pasoja fatale.

Kjo javë ka shënuar një bilanc tragjik, pasi numri i viktimave arriti në tetë. Të premten humbi jetën një 51-vjecar në Kukës.

Ndërkohë 6 viktima u regjistruan vetëm gjatë së enjtes ku katër të rinj humbën jetën në Fushë-Prezë, ndërsa një mësuese 59-vjeçare në gjimnaz u përplas për vdekje në Bulqizë.

Viktima tjetër ishte një i mitur katër vjeçar, i cili u përplas nga një furgon që doli nga rruga në aksin Klos-Burrel. Fëmija 4 vjeç u transportua menjëherë në spital për ndihmë mjekësore dhe më pas u dërgua në spitalin e Traumës ku dhe ndërroi jetë disa orë më pas, mbrëmjen e së enjtes.

The post Bilanc lufte nga aksidentet! Tetë persona humbën jetën këtë javë appeared first on Albeu.com.

Ka shkuar në 66 numri i personave të vdekur nga zjarri në një hotel në vendpushimin e skive Kartalkaya.

Dhjetëra të tjerë janë dërguar në spital.

Flakët nisën në restorantin e hotelit dhe u përhapën në të gjithë ndërtesën 12-katëshe. Deri më tani, shkaqet mbeten të panjohura, sipas Hurriyet.

Sipas guvernatorit të rajonit, Abdulaziz Aydin, në hotel qëndronin 234 persona.

Në video shihen turistët të cilët tentojnë të zbresin nga dritaret duket lidhur çarçafë, ndërsa tjerët bërtasin për ndihmë.

Dy persona humbën jetën pasi u hodhën nga lartësia, tha guvernatori.

Presidenti turk Rexhep Tajip Erdogan, u informua për incidentin dhe shprehu ngushëllimet e tij për familjet e viktimave.

Kartalkaya Kayak Merkezi’ndeki bir otelde yangın çıktı.

İtfaiye ekiplerinin müdahalesi sürerken ölü ve yaralılar olduğu bildirildi. pic.twitter.com/KZ1HhTXjom

— GazeteVar (@gazetevar) January 21, 2025

Ministri i Drejtësisë Yilmaz Tundes njoftoi hapjen e një hetimi për zjarrin, duke emëruar gjashtë prokurorë dhe një ekip prej pesë ekspertësh.

The post Bilanc tragjik nga zjarri në resortin e skive në Turqi, rritet numri i viktimave appeared first on Albeu.com.

Më herët, media “Vijesti” raporti për në konflikt që ka degraduar në konfrontim fizik e deri në përdorimin e armës së zjarrit.
Ndërkohë, policia është në kërkim të autorit tashmë të identifikuar, Aco Martinoviç nga Cetinja. Por, deri në vënien në kontroll të zonës dhe kapjen e autorit, policia ka bërë thirrje banorëve të qëndrojnë në banesat e tyre. Megjithatë, është sqaruar se ngjarja nuk ka të bëjë me përplasje të grupeve kriminale, por një incident i izoluar.

The post Rëndohet bilanci i përplasjes me armë në Malin e Zi, shkon në 7 numri i viktimave appeared first on Albeu.com.

Në total, 71 janë meshkuj dhe 69 janë femra, ndërsa gjinia e nëntë të vdekurve nuk është konfirmuar, pasi trupat e viktimave janë dëmtuar shumë sipas autoriteteve.

Fluturimi i Jeju Air 7C 2216 nga Bangkoku, mbante 175 pasagjerë dhe gjashtë anëtarë të ekuipazhit kur katastrofa goditi në aeroportin në qarkun Muan, pak pas orës 9 të mëngjesit me orën lokale të dielën.

Shefi ekzekutiv i Jeju Air, kompania më e madhe me kosto të ulët në Korenë e Jugut, tha se avioni nuk kishte shfaqur “asnjë shenjë problemi” përpara aksidentit.

The post Tragjedia në Korenë e Jugut/ Thellohet bilanci i viktimave, djegia e trupave vështirëson identifikimin appeared first on Albeu.com.

Drejtori i Përgjithshëm i Agjencisë Kombëtare të Mbrojtjes Civile, Haki Çako informoi sot mbi situatën e zjarreve në vend

“Gjatë ditës së sotme, strukturat Operacionale në nivel vendor dhe qendror, mbështetur edhe me ndërhyrje nga ajri nga ekipi rumun janë angazhuar për shuarjen dhe izolimin e vatrave të zjarrit”, u shpreh Çako.

Ai theksoi se, vijojnë të jenë aktive vatrat e zjarrit në malin e Tomorrit, malin e Thatë në Prespë, bjeshkët e Bollotekut dhe malin e Tërnovës në Bulqizë, të cilat janë larg qendrave të banuara.

“Për izolimin dhe shuarjen e plotë të vatrave të zjarrit janë angazhuar 275 forca zjarrfikëse, 219 forca ushtarake, 44 efektive nga policia e shtetit, 161 struktura të emergjencës civile të pushtetit lokal, 52 nga administrata e zonave të mbrojtura, 54 shërbimi pyjor, si dhe 98 vullnetarë”, nënvizoi Çako.

Ai shtoi se, Forca Ajrore me efektivët dhe mjetet  janë në gatishmëri të plotë.

“Vlerësojmë punën e bërë deri tani nga bashkitë e prekura nga zjarret dhe u kërkojmë të angazhohen maksimalisht, të informojnë publikun dhe komunitetin e rrezikuar, të sigurojnë funksionimin e sistemit të monitorimit, të paralajmërimit të hershëm, të njoftimit dhe të alarmit në territorin e tyre si dhe të  informojnë në kohë Prefektin e Qarkut dhe Agjencinë Kombëtare të Mbrojtjes Civile lidhur me situatat e zjarreve”, theksoi Çako.

Ai gjithashtu i ftoi bashkitë të bashkëpunojnë me bashkitë fqinje,  duke  angazhuar  kapacitetet  në përballimin e zjarreve.

“U kërkojmë autoriteteve lokale, në zbatim të ligjit, të mbajnë në gatishmëri strukturat e sistemit të mbrojtjes civile si dhe të aktivizojnë kapacitetet e subjekteve publike e private për përballimin dhe lehtësimin e  situatës nga zjarret”, tha Çako

“Ministria e Mbrojtjes, Agjencia Kombëtare e Mbrojtjes Civile dhe të gjitha institucionet dhe strukturat e sistemit të mbrojtjes civile do të vijojnë pa ndërprerje ndjekjen e situatës dhe angazhimin e të gjitha kapaciteteve në nivel kombëtar dhe ndërkombëtar sipas rastit”, përfundoi Çako.

The post Bilanci i zjarreve, Çako: 44 vatra në 24 orë, problematike flakët në malin e Tomorrit, malin e Thatë në Prespë, bjeshkët e Bollotekut dhe malin e Tërnovës appeared first on Albeu.com.

E jo vetëm nga pikëpamja sportive dhe organizative. Në fakt, dy ditë pas ceremonisë së mbylljes me dorëzimin e stafetave te Los Angelos (që do të presë edicionin e 2028-ës) nisën llogaritë nga pikëpamja ekonomike për të kuptuar se sa kushtuan realisht Lojërat Olimpike në kryeqytetin francez dhe cili ishte bilanci mes të ardhurave dhe shpenzimeve.

Siç ndodh shpesh në këto raste, ka pikëpamje kontradiktore.

Duke dëgjuar atë që deklaroi ministrja franceze e dorëhequr e Ekonomisë dhe Turizmit, Olivia Gregoire, në intervistën e dhënë për ‘La Tribune’, në fakt bëhet fjalë për një “sukses ekonomik dhe turistik” me “përfitimet ekonomike që nuk do të ndalen këtu, pasi në të kaluarën është treguar se efektet pozitive të Olimpiadës shfaqen edhe shumë kohë pas ngjarjes”.

Një pritshmëri e përbashkët edhe nga Banka e Francës, e cila pret një rritje të ndjeshme prej 0.25% të PBB-së të nxitur nga Lojërat.

E njëjta ministre zbuloi vlerësimet e bëra nga qeveria franceze sipas të cilave Olimpiada e Paris 2024 do të kushtonte 8.8 miliardë euro (rreth 2 miliardë e gjysmë më shumë se 6.2 miliardët e vlerësuar në 2017 në kohën e caktimit nga IOC) në 15 vitet e ardhshme, “një pjesë e madhe e të cilave do të mbulohet nga investimet private”.

Megjithatë, llogaritjet e bëra nga disa ekonomistë dhe organe të pavarura janë të ndryshme dhe kanë vlerësuar koston e Lojërave Olimpike të Paris 2024 mes 10 dhe 12 miliardë euro.

Kjo sepse 8.8 miliardëve të njoftuara nga ministrja Gregoire i duhen shtuar kostot e pa vëna në buxhet si punimet e bonifikimit të Senës që priti, jo pa polemika të mëdha, garat e notit në ujëra të hapura, kostot për sigurinë para dhe gjatë ceremonisë inauguruese, shpërblimet e dhëna për agjentët publikë dhe personelin që punon në sektorin e transportit.

Domethënë, ato shpenzime, të përballuara nga shteti, të cilat duhet t’i shtohen llogaritjes së përgjithshme për të përcaktuar koston reale përfundimtare të Lojërave Olimpike të Parisit dhe që do të çonin në rritjen e pjesëmarrjes së publikut (fillimisht e fiksuar në 4.38 miliardë euro).

Prandaj, ajo që duket e sigurt është se buxheti i vlerësuar fillimisht do të duhet të rishikohet me rritje.

The post Sa kushtoi Olimpiada e ‘Paris 2024’ appeared first on Albeu.com.