Parashikohet që pjesa e dytë e ditës së hënë dhe pjesa e parë e ditës së martë të sjellë mot të qendrueshëm.

Meteorologu Hakil Osmani thotë se nga pjesa e dytë e së martës deri të mërkurën do të ketë sërish rifuqizim të vranësirave dhe reshje shiu në formë rrebeshesh.

Më pas pritet përmirësim i motit.

Për sa i përket temperaturave të ajrit mëngjesi i sotëm ka regjistruar vlera në 5 dhe 6 gradë celcius në zonat malore, ndërsa temperaturat maksimale sot do të shkojnë deri në 20 gradë celcius.

Nga e marta nis rënia graduale e temperaturave, temperaturat maksimale do të arrijnë deri në 16 gradë celcius në qytetet e ultësirës perëndimore, ndërsa në zonat malore temperature maksimale do të arrijnë deri në 11 gradë celcius.

Nga nesër do të ketë fuqizim të parametrit të erës, duke arritur shpejtësinë deri në 70 km/h, në intervale të shkurtra kohore.

The post Ndalen reshjet, por temperaturat ulen ndjeshëm, sinoptikani tregon ditën e kësaj jave kur moti kthen faqe appeared first on Albeu.com.

Meterologia e MeteoAlb, Lajda Porja bën me dije se Shqipëria do të përjetojë temperatura të larta deri ditën e enjte.

Parashikohet që dy ditët më të nxehta do të jenë sot edhe nesër (e hënë dhe e martë), ku temperaturat do të arrijnë në 41 gradë në shumë zona kryesisht në qarkun e Elbasanit, Beratit. Edhe Gjirokastra do të shënojë temperature të larta.

Madje edhe në zonat malore, Kopliku, Kukësi, Hasi do të regjistrojnë temperature nga 37 deri 39 gradë.

Pak më freskët parashikohet që të jetë juglindja ku në Korçë priten vlerat 34 gradë.

Parashikohet që ky mot të na shoqërojnë deri të premten, më pas pritet ndryshim i situatës pasi do ketë depërtim të masave ajrore të një mase të ftohtë, e cila vjen nga Evropa Lindore. Do kalojë nga qendra e kontinentit dhe më pas do zbresë në Shqipëri dhe në rajon duke sjellë rënie të menjëhershme të temperaturave.

Parashikohet që temperaturat të premten dhe në fundjavë të zbresin në të paktën 10 gradë, nga 41 gradë në 31 maksimalja në rang territori.

Për sa i përket reshjeve, pritet një periudhë e gjatë deri ditën e premte ku i gjithë territori do të përfshihet nga rrebeshe shiu më të theksuara në veri dhe veri-perëndim të territorit ku nuk do të mungojnë dhe shkarkesat elektrike.

Fundjava do jetë relativisht e freskët krahasuar me fundjavën e shkuar.

The post I nxehti arrin pikun, meteorolgoia zbulon kthesën e motit: Dita kur temperaturat bien me 10 gradë appeared first on Albeu.com.