Me këtë vendim, bëhet realitet premtimi i drejtësisë së barabartë për korrigjimin e pabarazive racore në sistemin e drejtësisë.

“Të dhënat kriminale për përdorimin dhe zotërimin e marijuanës po bëhen një pengesë për punësimin, strehimin dhe mundësitë e arsimit. Shumë jetë janë penguar prej qasjes tonë të gabuar ndaj marijuanës. Është koha ta korrigjojmë”, tha kreu i Shtëpisë së Bardhë.

Marijuana është dekriminalizuar në shumë shtete amerikane, por jo në ligjin e përgjithshëm federal, teksa rregullatorët përgatisin uljen e kategorisë së rrezikshmërisë së saj.

The post Presidenti Joe Biden fal mijëra të dënuar për përdorim hashashi për festa appeared first on Albeu.com.

Në një deklaratë të rrallë, Presdenti Biden vuri në pikëpyetje përparësitë e republikanëve të Dhomës së Përfaqësuesve në hapjen e procesit për të përcaktuar nëse ka baza për ngritje akuzash ndaj presidentit dhe familjes së tij.

“Në vend që të bëjnë gjithçka për të ndihmuar në përmirësimin e jetës së amerikanëve, ata janë të përqendruar të më sulmojnë me gënjeshtra”, tha presidenti pas votimit. “Në vend që të bëjnë detyrën e tyre për punën urgjente që duhet bërë, ata po zgjedhin të humbin kohë në këtë manovër politike pabaza që madje republikanët në Kongres e pranojë se nuk mbështetet nga faktet”.

Të gjithë republikanët votuan në mbështetje të procesit me ngarkesa politike, pavarësisht shqetësimeve të vazhdueshme nga disa ligjvënës se hetimi ende nuk ka nxjerrë prova për veprime të paligjshme nga ana e presidentit.

Hetimi i tyre ka ngritur shqetësime etike, por nuk ka ofruar asnjë provë për përfshirjen e zotit Biden në korrupsion ose marrje ryshfeti në rolin e tij aktual ose kur shërbente në postin e nënpresidentit.

Kryetari i Dhomës së Përfaqësuesve, republikani Mike Johnson dhe ekipi i tij udhëheqës janë përballur me trysni në rritje për të treguar përparim në një hetim gati njëvjeçar të përqendruar tek marrëdhëniet e biznesit të anëtarëve të familjes Biden.

Votimi përgjatë linjave partiake 221-212 tregon mbështetjen e të gjithë republikanëve të Dhomës së Përfaqësuesve për hapjen e procesit që mund të çojë në shkarkimin e presidentit nëse gjendet fajtor në një gjyq të Senatit.

“Ne nuk e marrim lehtë këtë përgjegjësi dhe nuk do ta paragjykojmë rezultatin e hetimit”, thanë në një deklaratë të përbashkët pas votimit Kryetari i Dhomës së Përfaqësuesve Mike Johnson dhe ekipi i tij drejtues. “Por është e pamundur që provat të injorohen.”

Votimi për autorizimin e hapjes së procesit nënkupton që hetimi do të vazhdojë gjatë vitit zgjedhor 2024, ndërsa Presidenti Biden ka gjasa të përballet me ish Presidentin Donald Trump, ndaj të cilit u ngritën dy herë hetime gjatë kohës që shërbente në Shtëpinë e Bardhë.

Zoti Trump u ka kërkuar aleatëve të tij në Kongres që të veprojnë me shpejtësi për të hapur procesin për hetimin e Presidentit Biden, si pjesë e thirrjeve të tij më të gjera për hakmarrje dhe shpagim ndaj armiqve të tij politikë.

Vendimi për votimin erdhi ndërsa Kryetari i Dhomës së Përfaqësuesve, Mike Johnson, dhe ekipi i tij drejtues u përballen me një trysni në rritje për të demonstruar përparim në një hetim gati njëvjeçar të përqendruar tek marrëdhëniet e biznesit të anëtarëve të familjes Biden.

Në një deklaratë të fundit, Shtëpia e Bardhë e quajti të gjithë procesin një “ekspeditë hetimi të pabazë” që republikanët po e çojnë përpara “pavarësisht nga fakti që anëtarët e partisë së tyre kanë pranuar se nuk ka prova për të mbështetur hapjen e hetimeve ndaj Presidentit Biden”.

Të gjithë demokratët e Dhomës së Përfaqësuesve votuan kundër hapjes së procedurave.

“E gjithë kjo është një taktikë politike ekstreme. Nuk ka kredibilitet, legjitimitet dhe integritet. Është një shfaqje e dorës së dytë”, tha gjatë debatit ligjvënësi Jim McGovern, demokrat nga shteti Masaçusets.

Disa republikanë të Dhomës së Përfaqësuesve, kryesisht ata nga distrikte të ndara mes dy forcave politike, patën hezituar të shprehen pro votimit për procesin kundër zotit Biden, nga frika e një kostoje të konsiderueshme politike.

Por javët e fundit, udhëheqësit republikanë kanë deklaruar se votimi është vetëm një hap i procesit, jo një vendim për ta shpallur fajtor presidentin Biden. Ky mesazh duket se i bindur skeptikët.

The post Dhoma e Përfaqësuesve autorizon hapjen e procesit për të përcaktuar nëse ka baza për akuza ndaj Presidentit Biden appeared first on Albeu.com.

Në kritikën e tij të fundit për ndihmën për Ukrainën, Trump tha se dërgimi i tankeve Abrams M1 përbën një përshkallëzim që mund të çojë në luftë bërthamore.

“Në fillim vijnë tanket, më pas vijnë armët bërthamore. Të përfundojë kjo luftë e çmendur, TANI. Kaq e lehtë për tu bërë!”, shkroi Trump në faqen e tij në rrjetet sociale. /albeu.com

The post Trump kritikon Biden për ndihmën ndaj Ukrainës: Në fillim tanket, pastaj armët bërthamore appeared first on Albeu.com.

Kjo është hera e parë që presidenti amerikan shprehet kaq hapur për mundësinë e një luftë bërthamore. Komentet, Joe Biden i bëri në një mbledhje fondesh demokratike në Nju Jork, duke thënë se ishte katastrofa bërthamore më e afërt që i afrohet botës në 60 vitet e fundit.

“Ne nuk jemi përballur me perspektivën e Armagedonit që nga Kennedy dhe kriza e raketave kubane,” tha ai.

“Kemi të bëjmë me një tip që e njoh mjaft mirë,” tha Biden, duke iu referuar presidentit rus.

“Ai nuk bën shaka kur flet për përdorim të mundshëm të armëve bërthamore taktike ose armëve biologjike ose kimike, sepse ushtria e tij, mund të thoni, është shumë e dobët.”

Kujtojmë se Putin dhe zyrtarët e tij kanë kërcënuar vazhdimisht se do të përdorin arsenalin bërthamor të Rusisë në një përpjekje për të penguar SHBA-në dhe aleatët e saj që të mbështesin Ukrainën dhe ta ndihmojnë atë t’i rezistojë pushtimit rus të nisur në shkurt.

Asaj që bota i frikësohet është mundësia e përdorimit të armëve bërthamore “taktike” me rreze të shkurtër në tentativë për të ndalur kundërsulmin e Ukrainës dhe ta detyrojë Kievin të negociojë. Biden tha të enjten mbrëma: “Unë nuk mendoj se ka ndonjë gjë të tillë si aftësia për të përdorur lehtësisht një armë bërthamore taktike dhe për të mos përfunduar me Armageddon”.

“Për herë të parë që nga kriza e raketave Kubane, ne kemi kërcënimin e një arme bërthamore nëse në fakt gjërat vazhdojnë në rrugën që po shkojnë”, tha presidenti.

“Ne po përpiqemi të kuptojmë se cila është rruga e daljes e Putinit? Ku e gjen një rrugëdalje? Ku e gjen veten ku jo vetëm humbet fytyrën, por edhe pushtetin e rëndësishëm?”

Agjencitë e inteligjencës amerikane besojnë se Putini e ka parë humbjen në Ukrainë si një kërcënim ekzistencial për regjimin e tij, të cilin ai e lidh me një kërcënim ekzistencial për Rusinë, duke justifikuar potencialisht, sipas botëkuptimit të tij, përdorimin e armëve bërthamore.

The post Nëse Rusa përdor armë bërthamore, Biden: Bota mund të përballet me “Armageddon-in” appeared first on Albeu.com.