Ceremonia do të zhvillohet në Pallatin e Brigadave.

“Anëtarët e Këshillit të Ministrave, të dekretuar nga Presidenti i Republikës, do të kryejnë betimin përpara Presidentit të Republikës në ceremoninë që do të zhvillohet ditën e premte, më 6 mars 2026, ora 10:00”, – bëhet me dije nga Presidenca.

Opozita nuk mori pjesë në votim, pasi deputetët opozitarë ishin ngritur në këmbë dhe kishin bllokuar foltoren e Parlamentit.

NDRYSHIMET NË QEVERI:
-Zv.kryeministre, Albana Koçiu – Shkarkohet Belinda Balluku
-Ministër i Brendshëm, Besfort Lamallari– Zëvendëson Albana Koçiun
-Ministër Drejtësie, Toni Gogu– Zëvendëson Besfort Lamallarin
-Ministër Energjitike, Enea Karakaçi– Shkarkohet Belinda Balluku
-Ministër i Mbrojtjes, Ermal Nufi– Shkarkohet Pirro Vengu
-Ministër për Marrëdhënien me Parlamentin, Erjona Ismaili– zëvendëson Toni Gogun
-Ministër i Jashtëm, Ferit Hoxha – Shkarkohet Elisa Spiropali

VOTIMI PËR EMËRIMET
1-Albana Koçiu – zv.kryeministre, 83 vota pro, 3 kundër
2-Ferit Hoxha – ministër i Jashtëm, 83 pro, 4 kundër
3-Besfort Lamallari – ministër i Brendshëm, 83 vota, pro 4 kundër
4-Ermal Nufi – ministër i Mbrojtjes, 83 vota pro, 6 kundër
5-Toni Gogu – ministër i Drejtësisë, 83 vota pro, 5 kundër
6-Enea Karakaçi – ministër i Infrastrukturës dhe Energjisë, 83 vota pro, 6 kundër
7-Eriona Ismaili – ministre e Shtetit për Marrëdhënie me Parlamentin, 82 vota pro, 4 kundër

The post Ndryshimet në qeveri u miratuan dje në Kuvend, betohen sot para Presidentit ministrat e rinj appeared first on Albeu.com.

“Shumë do të na shikojnë. Ata duan të dinë nëse e majta mund të qeverisë (…) Ata duan të dinë nëse sfidat me të cilat përballen mund të zgjidhen. Pra, të bashkuar, të nxitur nga vendosmëria jonë, ne do të bëjmë atë që njujorkezët bëjnë më mirë: do të japim një shembull për botën”, tha kryebashkiaku 34-vjeçar.

Duke folur para mijëra njerëzve të mbledhur në të ftohtin jashtë bashkisë në Manhattan, kryebashkiaku i ri, anëtar i partisë së vogël Socialistët Demokratë të Amerikës (DSA), u zotua të mos thyejë premtimet e tij të fushatës, të cilat u përqendruan në luftimin e kostos së lartë të jetesës.

“Ne do të qeverisim me gjerësi dhe guxim”

“Nga sot e tutje, ne do të qeverisim gjerësisht dhe me guxim. Ne mund të mos kemi gjithmonë sukses, por kurrë nuk mund të akuzohemi për mungesë guximi ose mospërpjekje”, tha ai.

Mediat e huaja shkruajnë se pas një betimi të parë të mërkurën në mbrëmje para Prokurores së Përgjithshme të Nju Jorkut Letitia James, një armike e presidentit amerikan Donald Trump dhe një mbështetëse e vendosur e kryebashkiakut të ri, ishte pasdite e sotme që Mamdani u betua si kryebashkiak përballë Bernie Sanders, figurës kryesore të së majtës amerikane.

The post U betua sot si kryetar bashkie i Nju Jorkut, Zohran Mamdani: T’i tregojmë botës se e majta mund të qeverisë appeared first on Albeu.com.

Ceremonia, e mbajtur nën tokë në një ekspozitë në një stacion metroje pranë Bashkisë, kurorëzon ngritjen njëvjeçare të zotit Mamdani nga ligjvënës i panjohur shtetëror në një figurë ndërkombëtare, duke mishëruar shpresat e njujorkezëve dhe amerikanëve në të gjithë vendin, të cilët u magjepsën nga udhëtimi i tij për t’u bërë myslimani i parë i qytetit dhe kryetari i parë i bashkisë nga Azia Jugore.

Katër minuta para mesnatës, Mamdani, gruaja e tij, Rama Duwaji dhe Letitia James, prokurorja e përgjithshme e shtetit, zbritën nga një tren nr. 6 në stacionin e metrosë ku dhe u mbajt ceremonia e betimit që nuk zgjati më shumë se 10 minuta.

Pas një numërimi mbrapsht të improvizuar deri në mesnatë dhe britmave “Gëzuar Vitin e Ri”, Mamdani vendosi dorën e majtë mbi dy Kuranë që mbante gruaja e tij, ngriti dorën e djathtë dhe recitoi betimin e detyrës (njëri Kuran i përkiste gjyshit të tij, tjetri Arturo Schomburg, historianit dhe shkrimtarit me ngjyrë). James bëri betimin e Mamdanit në praninë e një numri të vogël familjarësh e gazetarësh.

Një inaugurim publik do të zhvillohet sot në shkallët e Bashkisë, një aktivitet ku do të marrin pjesë dy nga kolegët më të fuqishëm të zotit Mamdani nga e majta: Senatori Bernie Sanders i Vermontit, i cili do të administrojë një betim ceremonial të detyrës dhe Përfaqësuesja Alexandria Ocasio-Cortez, e cila do të mbajë fjalimet hapëse.

Mamdani, i cili, si ligjvënës shtetëror, ndihmoi në sjelljen e autobusëve falas në disa pjesë të qytetit, është njëkohësisht një kampion i patundur i transportit publik dhe jashtëzakonisht i aftë në optikën kinematografike të mesazheve politike. Shumë gjëra në lidhje me betimin ishin të mbushura me simbolikë, duke filluar me zgjedhjen e Letitia James, prokurores së përgjithshme të Nju Jorkut dhe kundërshtares së betuar të Presidentit Trump, për të administruar betimin e detyrës.

Mamdani, një ish-anëtar i asamblesë shtetërore 34-vjeçare, erdhi në detyrë me një platformë për të trajtuar presionet e kostos së jetesës duke zbatuar ngrirjen e qirave dhe duke i bërë autobusët falas. Ai frymëzoi një pjesëmarrje rekord prej më shumë se 2 milionë votuesish, duke marrë 50% të votave, gati 10 pikë përpara ish-guvernatorit demokrat të Nju Jorkut, Andreë Cuomo, i cili kandidonte si i pavarur, dhe shumë përpara republikanit Curtis Sliëa.

The post U betua para Kuranit në stacionin e metrosë, Zohran Mamdani merr zyrtarisht postin si kryebashkiak i New Yorkut appeared first on Albeu.com.

Gjithashtu, në Kuvend u betua sot edhe deputeti i Partisë Socialdemokrate Shkurt Lasku, i cili mori mandatin pasi Sabina Jorgo dha dorëheqjen nga ky post.

Kujtojmë se Besnik Brahimi mori mandatin e deputetit për qarkun Shkodër, pas dorëheqjes së Tom Doshit nga funksioni i deputetit, i cili më 12 shtator dorëzoi kërkesën e tij për heqje dorë në Komisionin e Përkohshëm të Verifikimit të Mandateve.

Besnik Brahimi, ishte kandidati më i votuar në listën e hapur të PSD-së në Shkodër, në zgjedhjet parlamentare të mbajtura më 11 maj 2025, dhe sipas radhës përfaqësuese, mandati i takon atij.

The post Mori mandatin pas dorëheqjes së Tom Doshit, betohet në Kuvend deputeti Besnik Brahimi appeared first on Albeu.com.

Seanca është caktuar të nisë në ora 10:00, ndërsa me këtë shënohet edhe hapi i parë drejt themelimit të legjislaturës së re, pas zgjedhjeve parlamentare të 9 shkurtit.

Kuvendi i Kosovës në rend dite ka formimin e Komisionit të përkohshëm për verifikimin e kuorumit dhe të mandateve të deputetëve, betimin e deputetëve, zgjedhjen e Kryetarit të Kuvendit dhe të nënkryetarëve të Kuvendit

Si parti fituese e zgjedhjeve, Lëvizja Vetëvendosje ka të drejtën të propozojë kryeparlamentarin, i cili zgjidhet me 61 vota.

The post Deputetët betohen në Kuvendin e Kosovës – mbahet seanca konstituive appeared first on Albeu.com.

Lideri i opozitës, u shpreh se fitorja e Trump ishte një mrekulli për njerëzimin.

Ai shtoi gjithashtu, se do të kërkojë nga administrata e re amerikane, heqjen e non gratës. Sipas tij, vendimi i Sekretarit të Shtetit, Anthony Blinken, që i sanksionoi hyrjen në SHBA, ishte një “grusht shteti” ndaj opozitës shqiptare.

“Dalim tek rasti im. Ai është një oqean, ky është një pikë ujë në oqean. Natyrisht unë gjer sot, kam patur një vendim që nuk bëj lobim, nuk kërkoj që të heqin vendimin se i kam hedhur në gjyq, tani padiskutim do të kërkoj sipas rregullave që kanë, të shqyrtohet një vendim që ka në bazë, lobimin korruptiv të Edi Ramës dhe Xhorxh Sorosit. Kaq. Do marr iniciativë për të kërkuar nga administrata e re sipas rregullave që ekzistojnë që ky vendim strikt anti-opozitë, ky grusht shteti brenda shtetit, ndaj forcës politike opozitare të Shqipërisë, të marrë fund. Sigurisht do të kërkoj”, u shpreh Berisha.

Pjesë nga deklarata e Berishës:

“Sot në Uashington ndërrohet pushteti. Se çfarë nënkupton ky ndërrim pushteti mjafton të lexosh fjalimin parainagural dhe sot do jetë inagurali, të presidentit Donald Trump. Personalisht fitoren e presidentit Trump, pa asnjë lidhje dhe interes timin e kam konsideruar një mrekulli të vërtetë për njerëzimin. Pse? E kam konsideruar një mrekulli të vërtetë për njerëzimin sepse, administrata dhe qeverisja e fundit e demokratëve, për fatin më të keq të SHBA dhe botës, u dominua nga ekstremi i majtë. Dhe ata i dhanë epërsi të madhe praktikave, qëndrimeve marksiste-leliniste dhe përtej Marksiste.

Në këtë administratë, njohu një zhvillim të pabesueshëm, u institucionalizua ajo që quhet ‘wok culture’ kurse unë do ta quaja ‘garbage culture’, kultura e zgjimit, në fakt kultura e plehut njerëzor. Ajo kulturë ishte kultura e marrë në vitet ’20, pas revolucionit bolshevik të vitit ’17, me emrin ‘prolekt kultas’. Prolekt ultas ishin ata kulturorë që duhej ç’rrënjosnin çdo gjë përveç kulturës së proletariatit. Të groposnin të gjithë mendimin letrar të themi rus, të klasikëve dhe të mbetej në piedestal vetëm romani ‘Nëna’ apo disa vepra të tjera të realizimit socialist.

‘Woke culture’ njerëzit nuk e kuptuar, por ishte reminishencë e revolucionit kulturor kinez, me përmbysje statujash, djegie arkivash dhe gjërash më të pabesueshme. Ju e patë se si e paraqitën 100 vjetorin e marrëdhënieve diplomatike mes Shqipërisë dhe SHBA-së Yuri Kim, e cila po të ishte e bija e Kim Jon Unit apo mbesa e Enver Hoxhës nuk do të mund ta paraqiste ndryshe. Fakt, duke hequr fotografi, duke bërë marrëzira. Por ishte ambasadore përfaqësuese.

A i shërbenin këto SHBA-së? Në vlerësimin tim, këto SHBA-të i çonin drejt të shkuarës. Kjo është arsyeja pse unë e kam quajtur këtë fitore, më të rëndësishëm pas Luftës së Dytë Botërore e gjer sot.

Natyrisht Donald Trump do të ketë politikat e tij të padiskutueshme, por të paktën superfuqia e botës së lirë nuk do të jetë promovuese e përçudnimeve, nuk do të jetë agresore ndaj dinjitetit njerëzor. Marksi nuk shkonte tek gjinia. Parashikonte një botë pa kufi, një botë pa shtete, një botë ku në parajsën e së cilës punoje aq sa mundje, e merrje sa të duhej. Por ama nuk thoshte një botë që do të zgjedhësh gjininë.

Ju mund të ju duket çudi kjo, por unë po bisedoja para dy javësh me një mik timin të huaj dhe po bisedonim me këtë temë. Por çfarë më tha ai? Ai më tha se, në vendin tim çdo burrë e grua kanë të drejtë 1 herë në muaj që burri të thotë jam grua, dhe gruaja të thotë jam burrë. Kaq ishte ndikimi tej marksist, sepse Marksi i ka të gjitha, por këtë nuk e ka. Absolutisht e vërtetë kjo që them. Nuk u kuptua mirë çfarë po ndodhte. Një atak ndaj identitetit të njeriut, se gjinia është pjesë e identitetit njerëzor.

Për mua, për ato vlera që besoj, ky është shpëtimi. Se ata filluan dhe këtu, në kopshte, prindi 1 e prindi 2, pastaj të dilte 3-shi, fëmijë pa prind, me ferma grash. Prunë ligjin në parlament. Kështu që këto ndikime nuk u kuptuan shumë nga njerëzit, por ishin shkatërrimi i familjes dhe identitetit. Njeriu i ri i Xhorxh Sorosit ishte përtej njeriut të ri të Marksit. Njeriu i ri i Marksist shkonte në një botë pa shtete e fe, por nuk shkonte pa gjini. Nuk e kishte të tillë. Ndaj dhe e kam vlerësuar si një mrekulli për njerëzimin, fitoren e tij.

Dalim tek rasti im. Ai është një oqean, ky është një pikë ujë në oqean. Natyrisht unë gjer sot, kam patur një vendim që nuk bëj lobim, nuk kërkoj që të heqin vendimin se i kam hedhur në gjyq, tani padiskutim do të kërkoj sipas rregullave që kanë, të shqyrtohet një vendim që ka në bazë, lobimin korruptiv të Edi Ramës dhe Xhorxh Sorosit. Kaq.

Do marr iniciativë për të kërkuar nga administrata e re sipas rregullave që ekzistojnë që ky vendim strikt anti-opozitë, ky grusht shteti brenda shtetit, ndaj forcës politike opozitare të Shqipërisë, të marrë fund. Sigurisht do të kërkoj”, u shpreh Berisha.

The post Betimi i Trump si president i SHBA, Berisha: Do kërkoj heqjen e “non gratës” appeared first on Albeu.com.

Trump fluturoi në bordin e një avioni të Forcave Ajrore, të dërguar nga presidenti në largim Joe Biden në bazën e republikanëve në Palm Beach, Florida, ku Trump përgatiti tranzicionin e tij pasi fitoi zgjedhjet e 5 nëntorit ndaj Zëvendës Presidentes Kamala Harris.

Gruaja e tij, Melania, vajza Ivanka dhe bashkëshorti i saj, Jared Kushner, e shoqëruan atë në fluturimin e së shtunës.

Pasi mbërriti në aeroportin Dulles në periferi të Virxhinias, Trump udhëtoi për në klubin e tij të golfit në Sterling, Virxhinia, në periferi të Uashingtonit.

Një imitues i Elvis Presley-t, Leo Days, argëtoi presidentin e ardhshëm dhe zonjën e parë përpara një pritjeje për rreth 500 të ftuar dhe shfaqjes së fishekzjarreve.

78-vjeçari Trump do të mbajë një tubim me mbështetësit brenda Capital One Arena në qendër të Uashingtonit të dielën, në prag të inaugurimit të tij, si dhe një event pas inaugurimit të hënën pasdite.

Parashikimi i motit të ftohtë për të hënën e shtyu Trumpin, të zhvendoste ceremonitë e inaugurimit nga balli ikonë perëndimor i ndërtesës së Kapitolit të SHBA brenda në Capitol Rotunda dhe paradën poshtë Pensilvania Avenue në Capital One Arena.

Në Capitol Rotunda, Trump do të betohet në orën 12:00 dhe më pas do të mbajë një fjalim inaugurues, një fjalim që zakonisht vendos tonin për mandatin katërvjeçar të presidentit. Ai i tha NBC News se tema do të ishte “uniteti dhe forca, dhe gjithashtu fjala “drejtësi”.

Do të jetë hera e parë që nga inaugurimi i dytë i Ronald Reganit në janar 1985 që ngjarja e madhe të zhvendoset brenda.

Shumica e më shumë se 220,000 të ftuarve me biletë që kishin qenë për të parë nga hapësirat e Kapitolit të SHBA-së nuk do të jenë në gjendje të shohin betimin brenda ndërtesës. Vetëm një pjesë e vogël do të jetë në gjendje të futet brenda Arenës Capital One me 20,000 vende ku do të transmetohet inaugurimi dhe pritet të performojnë artistët dhe pjesëmarrësit e paradës.

Të shtunën, mbështetësit e Trump që kishin planifikuar të merrnin pjesë në inaugurim po shëtisnin tashmë në qendër të Uashingtonit.

Arthur Caisse, një profesor në pension 78-vjeçar dhe vëllai i tij Richard Caisse, një pronar biznesi i vogël, kishin udhëtuar nga Konektikati për të parë inaugurimin e dytë të Trump, pasi erdhën për fillimin e mandatit të tij të parë në 2017.

“Është kaq zhgënjyese sepse të gjithë ne udhëtuam kaq gjatë dhe larg për të arritur këtu, dhe më pas për të kaluar procesin e kongresit për të marrë biletat për inaugurimin. Më në fund morëm biletat, tani, bum. Ata thonë se mund të mos jemi as në gjendje të shkojë në qendrën tregtare (National)”, tha Arthur Caisse. “Unë nuk jam i zhgënjyer sepse të hënën ne do ta kthejmë vendin tonë,” tha Richard Caisse.

Debbie Koch, një profesioniste e teknologjisë së informacionit 60-vjeçare që udhëtoi nga Wisconsin me motrën e saj, tha se ende po planifikonin të merrnin pjesë në mitingun në arenën e së dielës mbrëma nëse mund të hynin brenda.
“Ne nuk e dimë me siguri,” tha ajo. “Ne jemi të emocionuar që jemi këtu.”

Të pyetur të shtunën se si do të menaxhonin turmat e mbajtësve të biletave të inaugurimit të Trump, të cilët nuk do të futeshin në Rotunda e Kapitolit ose në stadium, Shërbimi Sekret ia referoi pyetjen organizatorëve të ngjarjes. Komiteti i inaugurimit të Trump nuk iu përgjigj kërkesave për më shumë informacion të shtunën.

Pasi të kthehet në Shtëpinë e Bardhë të hënën pasdite, Trump pritet të fillojë të nënshkruajë dhjetëra urdhra ekzekutivë dhe direktiva për të goditur migracionin, për të rritur prodhimin e energjisë në SHBA dhe prioritete të tjera.

Trump, mandati i parë i të cilit zgjati nga viti 2017 deri në vitin 2021, kishte refuzuar të merrte pjesë në inaugurimin e Biden, i cili e mundi atë në vitin 2020. Ai u largua nga Uashingtoni për në Florida përpara ceremonisë, duke u zotuar se “do të kthehej”.

Biden do të marrë pjesë në ceremoninë e inaugurimit të Trump të hënën.

The post Më pak se 24 orë nga betimi si president/ Trump dhe ekipi i tij mbërrijnë në Uashington appeared first on Albeu.com.

Më pas Siljanovska-Davkova do të duhet të bëjë betimin para deputetëve në largim.

Afati i fundit për dërgimin e rezultateve përfundimtare në Kuvend nga KSHZ është nesër (e premte) deri në orën 19.00. Sipas KSHZ-së, nga 99,09 për qind e vendvotimeve të proceduara dhe 99,82 për qind votues të procesuar, për Siljanovska-Davkovën votuan 560.173 qytetarë.

Kundërshtari Stevo Pendarovski mori 251.541 vota. Mandati pesëvjeçar i Pendarovskit përfundon më 12 maj.

Presidenti i ri i Maqedonisë mandatin për qeverinë e re do t’ia ndajë fituesit të zgjedhjeve parlamentare, bashkëpartiak Hristijan Mickoski dhe partisë që e drejtoi atë, OBRM-PDUKM.

The post Caktohet data për betimin e Siljanovska-Davkova si presidente e RMV-së appeared first on Albeu.com.

Në fjalën e tij, gjatë ceremonisë së betimit, Veliaj u shpreh i emocionuar dhe falënderues për të gjithë ata që i besuan votën për të drejtuar bashkinë më të madhe të vendit.

“Jam vërtet i emocionuar, i prekur, i përulur sot për besimin e jashtëzakonshëm që më është dhënë për t’i shërbyer për herë të tretë qytetit tonë. Një nga punët më të bukura, ndoshta më sfiduese, por më shpërblyese që njerëzimi mund të ketë shpikur, që është ajo e kryetarit të Bashkisë e shërbëtorëve të qytetit, atyre që janë prita e parë e problematikave, e shqetësimeve, por edhe e ëndrrave dhe punëve të bukura që ndodhin në një hapësirë që ne quajmë qytet, ose polisi i kohëve të vjetra,” u shpreh Veliaj.

Ai u shprehu mirënjohjen e tij edhe këshilltarëve të Bashkisë. “Sot jam mirënjohës për të gjithë ata që kanë marrë përsipër të na përfaqësojnë në parlamentin e qytetit, në Këshillin Bashkiak, duke nisur nga ata që lanë stafetën sot dhe ata që sot e morën stafetën për ta çuar më tej këtë punë të jashtëzakonshme. E them këtë sepse në 2019-ën shumëkush mendoi që ishte një betejë e lehtë, por askush nuk do e kishte menduar që ne do përballeshim sapo kryem betimin me një tërmet, e pastaj do të vinte pandemia. Unë nuk e di se çfarë do sjellin këto katër vite, por di të them që kemi një skuadër të kalitur, di të them që kemi një skuadër të zhdërvjelltë dhe që kemi një skuadër që e vë Tiranën dhe Shqipërinë përtej logove të partive dhe përtej interesave personale dhe për këtë mirënjohje Këshillit që sapo la stafetën, krahë të lehta e punë të mbarë Këshillit që sapo u betua pak minuta përpara se unë të ngjitesha për betimin,” deklaroi Veliaj.

Ai u shtriu dorën e bashkëpunimit edhe këshilltarëve të opozitës. “Këtë dorë të shtrirë të bashkëpunimit e kam kryesisht për kolegët e opozitës. Është një lajm i jashtëzakonshëm që ata janë rikthyer në përfaqësimin e qytetit. Është qyteti më i madh jo vetëm i Shqipërisë dhe shqiptarisë, por sipas INSTAT, i vetmi qytet që vazhdon e rritet. Pashë statistikat e fundit. Durrësi është në të njëjtat shifra, ama Tirana vijon e rritet. Kjo do të thotë që një tryezë, një vendimmarrje, një karton votimi i lënë bosh në Tiranë ka edhe më shumë impakt, ndaj është shumë e nevojshme që të gjithë të jemi të përfaqësuar. Janë të paktën 9 grupime apo 10 parti, se disa janë koalicione është një kujtesë për ne, që duhet të dëgjojmë 10 herë më shumë, të matemi 10 herë më shumë, të punojmë 10 herë më fort. Suksesi ynë është edhe suksesi i tyre,” deklaroi ai.

Në fund, Veliaj nuk la pa përmendur ata këshilltarë që përfaqësojnë qeverinë në Bashkinë e Tiranës, duke formuar një bashkëpunim, siç e përshkroi Veliaj, perfekt të dy qeverisjeve vendore me atë qendrore.

“Sot më vjen mirë që disa nga kolegët që punojnë po ashtu në qeverinë e Edi Ramës, janë gjithashtu anëtarë të Këshillit Bashkiak dhe do të doja shumë që ta shfrytëzonim këtë mundësi të jashtëzakonshme për të forcuar këto ura e vijuar këtë bashkëpunim ku Tirana që prodhon 50% të ekonomisë së vendit dhe ka gjysmën e popullsisë së vendit dhe është sot kryeqendra më stabël dhe evropiane e Ballkanit ka gjithashtu një bekim të jashtëzakonshëm të mbështetjes së qeverisë së Edi Ramës dhe do të doja shumë që pavarësisht bindjeve politike dhe të këshilltarëve të opozitës të shikojmë që t’i marrim maksimumin kësaj marrëdhënie. Kjo nuk do të thotë që të jemi dakord për çdo gjë. Është shumë e rëndësishme t’i vijojmë debatet tona, por nuk duhet të hajë më debat ndërtimi i një shkolle, një ure, ndërtimi i një infrastrukture kaq të nevojshme për qytetin tonë,” nënvizoi Veliaj.

“Asgjë nuk bëhet vetëm. Bashkë mund të bëjmë gjëra të mrekullueshme,” ishte mesazhi i fortë i kryetarit të Bashkisë.

The post Veliaj betohet si kryetar i Bashkisë së Tiranës: I përulem besimit të qytetarëve, për tu shërbyer ër herë të tretë appeared first on Albeu.com.

Zyrtarë të Listës serbe thanë se vendimi i sotëm ishte strategjik “për të penguar drejtpërdrejt realizimin e planit të Albin Kurtit dhe serbëve të përshtatshëm për të për të ndryshuar kushtetutën dhe ligjet që garantojnë të drejtat e popullit serb në Kosovë”.

Lista Serbe akuzoi kryeministrin Albin Kurti dhe politikanen serbe Rada Trajkoviç se siç thuhet, synonin që të votonin ndryshimet kushtetuese për të shfuqizuar të drejtat e pjesëtarëve të komunitetit serb.

“Theksojmë se ky vendim strategjik dhe politik në asnjë mënyrë nuk do ta ndalë procesin e largimit nga institucionet në veri të Kosovës… si kundërpërgjigje ndaj shkeljes së Marrëveshjes së Brukselit, shqetësimit të popullit serb dhe shkeljes së të gjitha të drejtave të njeriut”, thuhet në një komunikatë të Listës Serbe, deputetes e së cilës menjëherë pas betimit, u larguan nga seanca e parlamentit.

Përfaqësuesit e serbëve në veriun e Kosovës braktisën institucionet e vendit, pasi autoritetet e Kosovës filluan me një nëntor zbatimin shkallë-shkallë të vendimit për konvertimin e targave të makinave të lëshuara nga Serbia. Vendimi i qeverisë së Kosovës u mor me gjithë thirrjet e Shteteve të Bashkuara dhe BE-së për një shtyrje dhjetë muajshe.

Sipas vendimit të qeverisë nga 21 nëntori fillon periudha e gjobitjes së atyre që nuk i kanë konvertuar targat e makinave.

Kjo ka ngritur shqetësimin e zyrtarëve evropianë të cilët thonë se situata është në prag të një krize tjetër dhe duhet gjetur një rrugëdalje përmes një qasjeje strukturore.

Diplomatët perëndimorë ngulin këmbë që Kosova të shtyjë afatin për konvertimin e targave të makinave dhe të fillojë diskutimet për themelimin e Asociacionit të komunave me shumicë serbe, ndërsa punonjësit serbë të kthehen në institucionet që i braktisën më 4 nëntor dhe të krijojnë hapësirë për diskutimin e një propozimi evropian që u bë i njohur si nisma franko-gjermane për një marrëveshje mes palëve.

Deputetë të opozitës në parlamentin e Kosovës kritikuan të enjten kryeministrin e Kosovës Albin Kurti për mungesë të transparencës kundruall dialogut me Serbinë dhe propozimeve të reja të dala nga Bashkimi Evropian për një marrëveshje normalizimi. Por kryeministri hodhi poshtë kritikat.

“Që prej rifillimit të tij ne jemi treguar transparentë ndaj qytetarëve dhe publikut, kemi treguar gatishmërinë për komunikim korrekt me partitë opozitare por edhe kemi treguar kujdes dhe maturi ndaj vet procesit dialogut duke mos e dëmtuar atë dhe as interesat tona”, tha ai./VOA/

The post Kosovë, deputetët e rinj të Listës Serbe bëjnë betimin dhe largohen nga salla appeared first on Albeu.com.