Kalimi i Betim Fazlijit te Zurichu është anuluar në fund të afatit kalimtar, pasi mbrojtësi i St. Gallenit nuk i ka kaluar me sukses ekzaminimet mjekësore.

Lajmin e ka konfirmuar të martën presidenti i Zurichut, Ancillo Canepa, në një prononcim për “Blue Sport”.

Edhe pse bisedimet mes dy klubeve kishin përparuar ndjeshëm dhe marrëveshja konsiderohej thuajse e mbyllur, Zurichu vendosi të mos e finalizojë transferimin e 27-vjeçarit.

“Bisedimet kishin avancuar dhe në thelb e kishim arritur marrëveshjen. Çështja lidhej me kontrollin mjekësor. Nuk bëhet fjalë për një problem të madh, por atij do t’i nevojiten disa javë për t’u rikthyer në gjendje të plotë”, ka thënë Canepa.

“Në rrethanat ku ndodhemi, kemi nevojë për një lojtar që mund ta përdorim menjëherë. Ai do të ishte një përforcim ideal në rolin e liderit. Për fat të keq, nuk jemi në gjendje ta përfundojmë transferimin”, ka shtuar presidenti i Zurichut.

Fazliji, i cili ka zhvilluar 23 ndeshje me Kosovën, do të mbetet te St. Galleni. Kontrata e tij me klubin zviceran është e vlefshme deri në vitin 2027.

The post Betim Fazliji nuk transferohet te Zurichu, Ancillo Canepa zbulon arsyen appeared first on Albeu.com.

Betim Fazliji pritet të jetë një nga lojtarët që mund të ndryshojë skuadër gjatë kësaj vere, pasi Zürichu ka hapur negociatat me St. Gallenin për transferimin e mesfushorit kosovar.

27-vjeçari mungoi në ndeshjen e fundit të St. Gallenit, pasi klubi zviceran i dha leje të përkohshme për të diskutuar me Zürichun.

Edhe pse Fazliji gëzon vlerësimin e tifozëve dhe ka kontratë me St. Gallenin deri në verën e vitit 2027, hapësirat e tij në formacion kanë qenë të kufizuara pas dëmtimit të dytë të ligamentit të kryqëzuar.

Raportimet nga Zvicra bëjnë të ditur se klubet nuk kanë arritur ende një marrëveshje përfundimtare, por zhvillimet e deritanishme lënë të kuptohet se transferimi mund të realizohet. Zürichu është në dijeni të historisë së dëmtimeve të Fazliji, megjithatë e vlerëson përvojën që ai mund t’i sjellë skuadrës.

Gjatë periudhës së tij te St. Galleni, Fazliji ka luajtur 128 ndeshje. Kalimi te Zürichi do t’i krijonte mundësinë për të pasur më shumë minuta në fushë.

St. Galleni, në anën tjetër, do të kishte mundësi të ulte numrin e futbollistëve në skuadër dhe shpenzimet për paga, sidomos pas eliminimit nga garat evropiane.

Fazliji është gjithashtu pjesë e Përfaqësueses së Kosovës, me të cilën ka bërë 23 paraqitje.

The post Betim Fazliji mund të largohet nga St. Galleni, Zürichu nis bisedimet për transferimin appeared first on Albeu.com.