Zelensky u shpreh se ukrainasit do të paguanin një kosto të lartë për vazhdimin e betejës së zgjatur në Donbas.

Ai e ka cilësuar betejën si më brutalen në Europë dhe për Europën. Edhe një herë, ai përsëriti kërkesën për më shumë armë nga Perëndimi, siç tha për të siguruar avantazhin ndaj Rusisë dhe për t’i dhënë fund torturës në Donbas.

“Kostot njerëzore të betejës në rajonin lindor të Donbas janë tejet të larta, thjesht të tmerrshme. Kjo do të mbahet mend pa dyshim si një prej betejave më të dhunshme në Europë. Ne po përballemi me një mizori absolute. Nuk kemi zgjidhje tjetër veçse të ecim përpara dhe të çlirojmë territorin tonë”, tha Zelensky.

Sakaq, në një intervistë për rrjetin televiziv ZDF, Presidenti ukrainas theksoi se vendi i tij ka nevojë për mbështetje të plotë të Gjermanisë kundër pushtimit rus. Sipas Zelensky-t, kancelari Scholz duhet të vendosë dhe të mos përpiqet për krijimin e balancave mes Ukrainës dhe Rusisë. Komentet e liderit ukrainas vijnë erdhën pas raportimeve se ushtria ruse kishte shkatërruar të gjitha urat në qytetin kyç të Severodonetsk, duke e izoluar atë nga pjesa tjetër e vendit. Autoritetet rajonale thonë se evakuimi i civilëve, trupave dhe dërgimi i ndihmave është tani i pamundur.

Mijëra qytetarë kanë mbetur të bllokuar atje në kushte të mjerueshme. Ushtria pushtuese raportohet të ketë shënuar përparim edhe në rajonin e Kharkiv për herë të parë në shumë javë, megjithatë ofensiva kryesore është ajo në Serverodonetsk. Autoritetet ukrainase konfirmuan zbulimin e një varri të ri masiv në qytezën e Buchas pranë Kievit.

Sipas policisë lokale janë gjetur trupat e 7 civilëve pranë fshatit të Myrotske, shumë prej të cilëve me duart e lidhura dhe plagë të shkaktuara nga armë zjarri në gjunjë. Sakaq, rebelët pro rusë në rajonin e Donetsk thanë se të paktën 5 vetë ishin vrarë të hënën si pasojë e sulmeve të ushtrisë ukrainase. Siç thuhet, zjarri i artilerisë kishte goditur një treg dhe një maternitet.

The post Betejë për Donbasin, Zelensky: Kosto të tmerrshme njerëzore appeared first on Albeu.com.

Qyteti strategjik i Severodonjeckut aktualisht është në fokusin e ofensivës ruse, teksa forcat e Kremlinit u zmbrapsën nga pjesë të tjera të Ukrainës, pas nisjes së pushtimit më 24 shkurt.

Luftimet e ashpra në rrugë po zhvillohen që disa ditë, teksa situata në terren po ndryshon shpejt.

Rusia pretendoi të martën se zonat e banuara janë “çliruar plotësisht”, por forcat ukrainase ende kanë nën kontroll zonën industriale dhe vendbanimet përreth.

Zyrtarët ukrainas më pas thanë se Rusia nuk e ka nën kontroll qytetin, teksa presidenti Volodymyr Zelensky, u zotua se rezistenca do të vazhdojë.

“Mbrojtja absolutisht heroike e Donbasit do të vazhdojë”, tha ai gjatë një adresimi natën e së martës.

“Pushtuesit nuk e besonin se rezistenca e ushtrisë sonë do të jetë kaq e fortë”, shtoi ai.

Qytetet e Severodonjeckut dhe Lisiçanskut, që ndahen nga një lumë, janë zonat e fundit nën kontrollin ukrainas në Luhansk, që së bashku me Donjeckun përbëjnë rajonin e Donbasit.

Pasi dështoi që të marrë Kievin, forcat ruse po tentojnë që të marrin Donbasin, që gjendet në lindje të Ukrainës.

Luftimet në Severodonjeck janë intensifikuar së fundmi dhe para disa ditësh dukej se forcat ruse ishin pranë marrjes së kontrollit, por forcat ukrainase kryen kundërsulme.

Ushtria ukrainase tha po ashtu se forcat ruse po përgatiten që të sulmojnë qytetin Slloviansk, afër 65 kilometra në perëndim të Severodonjeckut.

Nëse arrijnë të marrin këtë qytet, atëherë forcat ruse do të hapnin rrugën për në Kramatorsk, qytetit kryesor që është nën kontrollin ukrainas në rajonin e Donbasit.

Teksa pushtimi i paprovokuar rus në Ukrainë po vazhdon, Banka Botërore ka ulur parashikimet për rritjen globale në 2.9 për qind apo 1.2 pikë të përqindjes më pak sesa parashikimi i bërë në janar. Kjo ulje e parashikimit u tha se është bërë kryesisht për shkak të luftës në Ukrainë.

Kombinimi i rritjes së dobët ekonomike dhe rritjes së çmimeve mund të shkaktojnë probleme për shumë shtete të varfra, të cilat ende nuk janë rikuperuar nga pandemia e koronavirusit, tha Banka Botërore.

“Për shumë vende, recesioni do të jetë i vështirë që të shmanget”, tha presidenti i Bankës Botërore, David Malpass.

Banka Botërore njoftoi po ashtu se ka ndarë 1.5 miliard dollarë ndihmë shtesë për Ukrainën, duke bërë që ndihma e përgjithshme deri më tani për Ukrainën të arrijë në më shumë se 4 miliardë dollarë./REL

The post Ukraina zotohet se “mbrojtja heroike” e Donbasit do të vazhdojë appeared first on Albeu.com.

“Kur ata dalin kundër objektivave të vërteta ushtarake, e kanë të vështirë të kapërcejnë rezistencën e fortë ukrainase dhe po pësojnë humbje”, tha një zyrtar.

Shiu i dendur po pengon gjithashtu përparimin rus.

“Rusëve nuk u pëlqen të luftojnë në shi”, tha një zyrtar, duke shtuar se ata kanë vetëdije të dobët taktike dhe vazhdojnë të vuajnë nga vështirësitë logjistike.

Ata kanë aftësinë për të operuar jashtë rrugës, por zyrtarët thonë se është e habitshme që ende zgjedhin të mos e bëjnë këtë.

Edhe në vendet ku forcat ukrainase e kanë gjetur veten të rrethuar, kanë arritur të rifurnizojnë forcat e tyre “për një kohë të habitshme”. Mariupol është shembulli më i dukshëm.

Zyrtarët vunë në dukje se edhe në vendet ku Rusia ka marrë terren, forcat ukrainase kanë treguar një aftësi të jashtëzakonshme për të kundërsulmuar.

The post Çfarë po e pengon luftën e rusëve në Ukrainë? appeared first on Albeu.com.