Mësohet se është arrestuar dhe Lirido Ajazit ose Lirido Shkurtajt , i cili njihet edhe me pseudonimin ‘Mario’ dhe kërkohej edhe nga drejtësia në Lion, Francë.

Lidhur me këtë të fundit, dyshohet se ai ka pasur akses në disa porte detare në bregdetin e Atlantikut, nga ku koordinohej dërgesa e kokainës drejt Europës. Madje raportohet se ai do të takohej në Bogota me Nikollin.

Dy të arrestuarit janë vënë në dispozicion të Prokurorisë së Përgjithshme të Kolumbisë dhe pritet që pas procedurave të tyre gjyqësore të nisin proceset e ekstradimit drejt vendeve ku kërkohen.

Sipas mediave të huaja rasti i Lirido Ajazit dhe Besnik Nikollit nuk është rastësi, pasi muajt e fundit është evidentuar operacioni i kriminelëve ndërkombëtarë me precedentë të lartë kriminalë në Kolumbi.

The post Jo vetëm “El Gordo”, një tjetër shqiptar i kërkuar nga Interpol është arrestuar në Kolumbi appeared first on Albeu.com.

Oficerët e inteligjencës së Europol dhe Interpol pohojnë se ai u transferua në vitin 2021 në Kolumbi për të krijuar aleanca me kartelet që veprojnë atje. Ai filloi të jetontenë një lagje të njohur të Santa Martas dhe qëndroi atje për dy vjet pa u zbuluar, por një seri fotosh dërguar femrave me të cilat flirtonte ishin shkaku që çoi në zbulimin e tij.

Ai mburrej me fotografi të udhëtimeve në Evropë.

Shqiptari Besnik Gjergji Nikolli, alias Niko ose “el Gordo”, (i shëndoshi), i kërkuar me të kuqe për llogari të Francës nga Interpoli për krimet e trafikut të drogës dhe pastrimit të parave.

Niko, sipas hetimeve së inteligjencës, kishte lidhje me strukturat e trafikut të drogës në Shqipëri, Holandë dhe Gjermani, të cilët ishin partnerë të tij në Evropë dhe ishin përgjegjës për trafikun e drogës.

EL TIEMPO hetoi dhe vërtetoi se bosi shqiptar u kap pasi agjentët e inteligjencës franceze zbuluan anën e tij më të dobët:femrat.

“Hetuesit përdorën si karrem në internet një grua dhe ai e hëngri. Ajo ishte një agjente e fshehtë, e cila fitoi besimin e ‘Nikos’ dhe e shtoi atë në rrjetet sociale”, tha një burim gjyqësor për këtë gazetë.

Sipas autoriteteve, shqiptari rrallëherë dilte nga banesa e tij në një apartament modest në lagjen San Pablo të Santa Martës, ku organizonte festa dhe orgji.

“Ai u tha zonjave se jetonte në Bogota dhe se shkonte në bregdet vetëm për një shëtitje”, siguroi një burim ligjor.

Pak kohë më vonë, ai filloi t’i dërgonte foto agjentes së infiltruar. “Një nga ato imazhe kishte vendndodhjen gjeografike në metadata. Që nga ai moment filloi detyra për të gjetur vendndodhjen e saktë për kapjen e tij”, tha hetuesi.

Për më tepër, fqinjët filluan t’u thonë autoriteteve se stili i jetës ekstravagante dhe i izoluar i tij dukej shumë i dyshimtë.

Në fakt, fotografia e fundit ka qenë ajo që ka bërë të mundur lokalizimin e vendndodhjes së të huajit. “Ne e dinim vetëm se ai ishte në Kolumbi, sepse kishte hyrë përmes Bogotas, por ai nuk figuronte në të dhëna. Franca këmbënguli që ‘Niko’ ishte në vend”.

Kapja ndodhi fundjavën e kaluar në Santa Marta (Magdalena), pas një operacioni të udhëhequr nga gjeneral brigade José Luis Ramírez Hinestroza, drejtor i Dijín, në bashkëpunim me Zyrën Franceze Kundër Drogës dhe mbështetjen e Forcave Kolumbiane të Hapësirës Ajrore.

The post “Kurthi i mjaltit”, fiksimi për femrat çoi në pranga bosin shqiptar të kokainës appeared first on Albeu.com.

Ai  kërkohej në më shumë se 180 vende dhe do të konsiderohet një objektiv me vlerë të lartë nga autoritetet franceze, Europol dhe Interpol.

“Prokuroria dhe Policia arrestuan në Santa Marta (Magdalena) shtetasin shqiptar Besnik Nikolli, i njohur si “Niko” ose “El Gordo”, i cili prej tetorit 2021 kërkohet nga autoritetet franceze nëpërmjet një qarkoreje të kuqe të Interpolit për krimin e trafikut të drogës”, shkruajnë mediet e huaja.

I arrestuari akuzohet gjithashtu për pastrim të parave dhe kërkohej në më shumë se 180 vende.

Nga informacionet që posedonte organi hetimor përcaktohej se “Niko” ishte në shërbim të strukturave të trafikut të drogës që kryejnë krime në Francë, Shqipëri, Holandë dhe Gjermani.

Me sa duket, ai synonte të krijonte kontakte në Kolumbi me rrjetet e trafikut të drogës.

Këto veprime e kanë bërë “Nikon” të kosiderohet një objektiv me vlerë të lartë rrezikshmërie për Europolin, Interpolin dhe autoritetet franceze./Albeu.com/ 

The post Arrestohet “El Gordo” në Kolumbi, kush është shqiptari i kërkuar në 180 shtete për trafik droge (EMRI) appeared first on Albeu.com.