Besnik Hasi po i jep Amedsporit një profil të dallueshëm taktik, të mbështetur te përshtatja e formacionit, disiplinimi në mbrojtje dhe kalimi me shpejtësi drejt fazës sulmuese.

Tekniku shqiptar ka lindur në Gjakovë më 25 dhjetor 1971. Gjatë periudhës si futbollist, ai u aktivizua kryesisht në rolin e mesfushorit defensiv, ndërsa pjesën më të madhe të karrierës e kaloi në Belgjikë, duke luajtur për Genkun, Anderlechtin dhe Lokerenin. Hasi regjistroi gjithashtu 47 paraqitje me Shqipërinë.

Pasi mbylli karrierën në fushë, ai nisi rrugëtimin si trajner, fillimisht në postin e ndihmësit tek Anderlechti. Në vazhdim mori drejtimin e skuadrave si Anderlechti dhe Mecheleni, duke krijuar ndër vite përvojë si në futbollin evropian, ashtu edhe në atë të Lindjes së Mesme.

Në qershor të vitit 2026, Hasi u emërua trajner i Amedsporit dhe firmosi një marrëveshje me kohëzgjatje dyvjeçare.

Skema 4-2-3-1 si pikënisje

Ndonëse 4-2-3-1 është formacioni që zë vendin kryesor në konceptin e tij, Hasi nuk kufizohet në përdorimin strikt të një skeme të vetme. Në varësi të rivalit dhe mënyrës se si rrjedh takimi, ai mund ta riorganizojë ekipin në 3-4-2-1 ose 4-1-4-1.

Sipas mediumit turk Kanal46, kjo pasqyron fleksibilitetin e trajnerit në aspektin taktik, pasi sistemi përshtatet me kërkesat që paraqet secila ndeshje.

Intensiteti i lartë, përballjet fizike dhe përdorimi i hapësirave zënë një vend të rëndësishëm në mënyrën se si luajnë skuadrat e Hasit.

Ekipet e drejtuara prej tij përpiqen ta ushtrojnë presingun lart në fushë ose të organizohen në një bllok të mesëm, në mënyrë që kundërshtarit t’i kufizohen hapësirat për ndërtimin e aksioneve.

Tranzicion i menjëhershëm drejt sulmit

Reagimi i skuadrës sapo rifiton zotërimin e topit përbën një tjetër pjesë thelbësore të filozofisë së Hasit.

Kërkesa e trajnerit është që ekipi të dalë menjëherë në fazën sulmuese me pasime vertikale, duke përfituar nga çasti kur prapavija kundërshtare nuk është organizuar ende.

Brenda kësaj strukture, lojtarët ofensivë të krahëve mund të futen në qendër dhe të depërtojnë në hapësirat brenda zonës, kurse mbrojtësit anësorë marrin përsipër t’i japin gjerësi sulmit.

Strategji e përshtatur për çdo kundërshtar

Përgatitja e takimeve sipas karakteristikave të kundërshtarit është gjithashtu një tipar i punës së Hasit. Ai studion avantazhet dhe mangësitë e skuadrës rivale, përpara se ta ndërtojë planin e lojës në bazë të tyre.

Për këtë arsye, synimi nuk është që Amedspori të zbatojë në çdo rrethanë një sistem të pandryshueshëm. Skuadra duhet të jetë në gjendje ta modifikojë strukturën dhe mënyrën e lojës sa herë që këtë e dikton situata.

Përmes kësaj qasjeje, Hasi kërkon që funksionimi i Amedsporit të mos varet së tepërmi nga veprimet individuale të futbollistëve. Objektivi është ndërtimi i një ekipi të organizuar, në të cilin detyrat për secilën fazë të lojës janë të përcaktuara qartë.

Pjesë e Amedsporit janë edhe dy futbollistët e Kosovës, Ermal Krasniqi dhe Lumbardh Dellova.

Në tërësi, filozofia e Besnik Hasit tek Amedspori dallohet nga ndryshueshmëria taktike, presingu i koordinuar, intensiteti në aspektin fizik dhe dalja e shpejtë në sulm.

The post Mediumi turk analizon Amedsporin e Besnik Hasit: Skema të ndryshueshme, presing i organizuar dhe tranzicion i shpejtë appeared first on Albeu.com.

Amedspor është shfaqur si një nga surprizat më të mëdha të pesë javëve të para të Superligës së Turqisë. Skuadra nga Diyarbakıri, e udhëhequr nga Besnik Hasi, ka marrë tri fitore, një barazim dhe vetëm një humbje, rezultat që e ka ngjitur në vendin e tretë me 13 pikë.

Për klubin nga juglindja e Turqisë, ky është një sezon historik, pasi për herë të parë po garon në elitën e futbollit turk. Megjithatë, Amedspori nuk është mjaftuar vetëm me pjesëmarrjen në këtë nivel, por që në fillim ka treguar se mund të përballet denjësisht edhe me ekipet më të mëdha të kampionatit.

Arkitekti i këtij starti është Besnik Hasi. Trajneri nga Gjakova ka një karrierë të gjatë në futbollin evropian dhe atë ndërkombëtar, gjatë së cilës ka drejtuar Anderlechtin, Legia Varshavën, Olympiacosin, Al-Raedin, Al-Ahlin dhe Mechelenin. Angazhimi te Amedspori është përvoja e tij e parë në futbollin turk.

Në këtë ecuri kanë pasur rol të rëndësishëm edhe dy futbollistë të Kombëtares së Kosovës, Lumbardh Dellova dhe Ermal Krasniqi.

Dellova dhe Krasniqi kanë qenë titullarë në të pesë takimet e luajtura deri tani, duke u bërë pjesë të rëndësishme të formacionit të ndërtuar nga Hasi.

Mbrojtësi Dellova ka grumbulluar 450 minuta dhe ka dhënë një asistim. Krasniqi, ndërkohë, ka luajtur 439 minuta, vetëm 11 minuta më pak se totali i mundshëm.

Sulmuesi kosovar ka regjistruar dy asistime, duke dëshmuar se ndikimi i tij nuk kufizohet vetëm te faza sulmuese, por shtrihet edhe në krijimin e mundësive për bashkëlojtarët.

Fitorja e fundit ndaj Başakşehirit ishte një tjetër konfirmim i formës së mirë të ekipit. Organizimi, disiplina dhe karakteri i shfaqur në fushë e kanë kthyer Amedsporin në një prej skuadrave më interesante të këtij fillimi të sezonit.

Pas triumfit, Besnik Hasi e vlerësoi lart paraqitjen e lojtarëve të tij. “Për ne është një fitore shumë e madhe. Nuk i lejuam ata të luanin. Ishte një ekip shumë i lëvizshëm, sepse ne i ndalëm. E përgëzoj ekipin tim, morëm një fitore të shkëlqyer”, deklaroi ai pas ndeshjes.

Trajneri shqiptar foli gjithashtu për zhvillimin e skuadrës dhe përparimin e lojtarëve, duke veçuar sulmuesin Gift Orban. Sipas tij, Amedspori po përmirësohet nga një ndeshje në tjetrën.

Pavarësisht startit mbresëlënës dhe pozitës së tretë në renditje, Hasi kërkon që ekipi të mos përfshihet nga euforia. Ai e di se sezoni në Superligën turke është i gjatë dhe se rezultatet e para nuk duhet të krijojnë ndjenjën e rehatisë.

“Lojtarët tanë po rriten dhe po vazhdojnë të zhvillohen. Më pas e shijuam shumë këtë ndeshje. Por kjo është vetëm një ndeshje, liga sapo ka filluar. Duhet të jemi modestë, t’i mbajmë këmbët në tokë dhe të punojmë shumë”, u shpreh trajneri i Amedsporit.

Kjo qasje përmbledh edhe filozofinë e tij në këtë aventurë: sukseset duhen shijuar, por ato nuk duhet të shndërrohen në arsye për humbjen e përqendrimit.

Për legjendën e futbollit shqiptar nga Gjakova, aventura në Turqi po zhvillohet deri tani në mënyrën më të mirë të mundshme. Në krah të tij, Dellova dhe Krasniqi po luajnë role të rëndësishme në një histori që mund të bëhet edhe më e veçantë.

Nëse Amedspori e ruan këtë ritëm, skuadra nga Diyarbakıri mund të mbetet një prej rrëfimeve më interesante të sezonit në futbollin turk.

The post Amedspor befasues në elitën turke, Hasi dhe dy reprezentuesit e Kosovës po ndërtojnë një histori të veçantë appeared first on Albeu.com.

Amedspor e ka nisur me sukses sezonin në Superligën e Turqisë, pasi mposhti 3-0 Erzurumsporin.

Në formacionin e skuadrës fituese u aktivizuan dy futbollistët kosovarë, Lumbardh Dellova dhe Ermal Krasniqi, ndërsa për Erzurumsporin nga minuta e parë luajti mbrojtësi kosovar Amar Gërxhaliu.

Dellova ishte ndër lojtarët më të spikatur të ndeshjes dhe në minutën e 53-të asistoi për Saban.

Platforma “SofaScore” e vlerësoi mbrojtësin me notën 8.1, e dyta më e larta në takim, pas Saban, i cili mori vlerësimin 9.1.

Ermal Krasniqi, ndërkohë, pati një paraqitje solide dhe u vlerësua me notën 6.9.

The post Amedspor debuton me fitore në Superligën turke, Dellova kontribuon me asistim appeared first on Albeu.com.

Hasi ka firmosur një kontratë 2-vjeçare me klubin që këtë sezon do të debutojë në Superligën turke.

“Klubi ynë ka arritur një marrëveshje me trajnerin me përvojë Besnik Hasi që mbulon sezonet 2026/2027 dhe 2027/2028. Ne e mirëpresim Besnik Hasin në familjen Amedspor dhe i urojmë suksese në rolin e tij”, shkruhet në njoftimin e klubit.

Hasi është një trajner me eksperincë, që së fundmi ka drejtuar skuadrën e Anderlecht në Belgjikë.

The post Zyrtare: Besnik Hasi merr drejtimin e klubit turk appeared first on Albeu.com.

Nuk ka vonuar shumë dhe ditën e sotme, Anderlecht ka konfirmuar të ardhmen e trajnerit shqiptar. Besnik Hasi do të vazhdojë të mbetet trajneri i belgëve të paktën edhe për sezonin e ardhshëm.

Edhe pse nën drejtimin e Hasit këtë sezon Anderlecht ka regjistruar 7 disfata, ekipi belg ka zgjedhur t’i besojë shqiptarit. 53-vjeçari e ka drejtuar më parë Anderlechtin nga viti 2014 deri në 2016.

The post ZYRTARE/ 7 humbje në 11 ndeshje, Anderlecht vendos të ardhmen e Besnik Hasit appeared first on Albeu.com.

Shqiptari mori drejtimin e fundit, kur skuadra po dergjej në vendet e fundit, teksa ka arritur të bëjë një punë magjike, duke e ngjitur në vendin e pestë në renditje, duke aspiruar një vend në Champions, për edicionin e radhës.

Mechelen ka triumfuar mbrëmjen e sotme ndaj Westerlos me rezultatin 3-1 duke siguruar kështu triumfin e katërt radhazi në kampionat.

Skuadra e Hasit tashmë është vetëm 3 pikë larg nga Club Brugge që gjendet në vendin e tretë, dhe meritë absolute për këtë ecuri ka padyshim Hasi.

Me fitoren e arritur ndaj Westerlos, Mecheleni tashmë ka shkuar në nëntë ndeshje rresht pa pësuar humbje në elitën e futbollit belg.

Në këto nëntë ndeshje ata kanë shënuar 19 gola ndërsa kanë pësuar vetëm tetë, ku kjo tregon punën e tij të palodhshme në të gjitha fazat.

Pengesa e ardhme e të besuarve të Besnik Hasit do të jetë në udhëtim ndaj OH Leuven, aty ku do të synohet zgjerimi i këtij rekordi pa humbje./Telegrafi/

The post Besnik Hasi po bën mrekullinë, skuadra e trajnerit shqiptar ëndërron Champions Ligë appeared first on Albeu.com.

Me tifozët kundër tashmë një sërë emrash janë përfolur për të marrë drejtimin e kuqezinjve, pasi Reja ka “valixhet” gati për t’u larguar.

Një ndër këto emra është edhe ish-trajneri që na kualifikoi në “Euro 2016”, Giani De Biazi. Por në lidhje me një rikthim të mundshëm të tij në krye të skuadrës ka reaguar edhe Ismail Morina i njohur nga të gjithë si “Ballisti” që ndriti “dronin” në mes të Beogradit.

“Kurse këtij i keni dhënë gjithçka, kështu që nëse dëshironi që ta ktheni ju propozoj t’i jepni si çmim BO*ET e kalit të Skënderbeut”, ka shkruar Ballisti, i cili dukshëm është kundër këtij rikthimi.

Ndërkohë një tjetër postim i ka kushtuar Besnik Hasit, një tjetër emër për të marrë frenat e kuqezinjve. Në rastin e këtij të fundit ka shkruar: “Ty o bablok nëse do vije do të thoja: ‘Ta shtoftë ZOTI inatin’ por e di që nuk vjen dhe t’kuptoj krejtsishtë”, ka theksuar Morina.

/ h.ll/albeu.com

The post Ismail Morina thirrje për De Biasin dhe Besnik Hasin, mesazhet e “Ballistit” të koduara appeared first on Albeu.com.

Trajnerit i skadon kontrata në nëntor të këtij viti, por zor se do të jetë në miqësoret me Italinë dhe Arabinë Saudite, me “valixhet” që i ka gati për Itali, pasi tashmë si kurrë më parë edhe tifozët janë kundër kombëtares, dukshëm të zhgënjyer nga yjet e tyre.

Por kush janë kandidatët që mund të marrin frenat e kombëtares për të sjellë në shinat e duhur talentet që kemi?

Xhankarlo Kamoleze është trajneri i parë që përflitet, për vetë faktit që ka qenë pjesë e FSHF-së dhe e njeh mirë ambientin kuqezi, pasi në të kaluarën ka qenë drejtori teknik ekipeve kombëtare.

I dyti është Besnik Hasi. Hasi mund të quhet edhe “ëndrra” e tifozëve, pasi pas çdo largimi të trajnerëve të kombëtares është i pari që përflitet se mund të marri frenat e kuqezinjëve. Në të kaluarën ka drejtuar skuadra si Anderlecht, Olimpiakos apo Legian e Varshavës.

I fundit po jo më pak i rëndësishmi është edhe Giani De Biazi. Ish-trajneri i kuqezinjve i cili na kualifikoi në “Euro 2016” është edhe shumë i dashur për tifozët, të cilët kanë vërshuar me mesazhe ndaj tij që të mund të rikthehet në kombëtare./ h.ll/albeu.com

The post Reja bën “valixhet” gati, ja 3 kandidatët për stolin e kuqezinjve appeared first on Albeu.com.

Por, rrethanat nuk ishin as të përafërta pasi ose posti i selektorit të Kosovës ishte i zënë ose vet Hasi ishte i zënë në ndonjë klub të huaj.

Por, tani Hasi mund të jetë një opsion i Federatës së Futbollit të Kosovës (FFK), e cila qe një kohë të gjatë është në kërkim të një trajneri për Kombëtaren e Kosovës.

Besnik Hasi shumë shpejt pritet të largohet nga klubi i Arabisë Saudite, Al-Ahli.

Gazetari portugez, Cesar Luis Merlo, njofton se klubi arab pritet këto ditë ta shkarkoj Besnik Hasin për ta zëvendësuar me ish trajnerin portugez të Benficas, Jorge Jesus.

Ky i fundit thuhet se i ka nis negociatat me arabët.

“Al-Ahli do ta shkarkoj trajnerin Besnik Hasi.

Andaj po i bën një ofertë miliona dollarëshe Jorge Jesusit, i cili pritet t’i përgjigjet në ditët e ardhshme”, ka shkruar gazetari Merlo.

Në rast që Jesus pranon dhe Al-Ahli shkarkon Hasin, atëherë ky i fundit do jetë opsion real për Federatën e Futbollit të Kosovës.

Kryetari Agim Ademi para disa ditëve ka konfirmuar se është i interesuar që Hasi të jetë përzgjedhës i Kosovës, mirëpo për momentin nuk është e mundur, shkaku i kontratës që ka ky i fundit me klubin Al-Ahli.

The post Rriten në maksimum mundësitë që Besnik Hasi të bëhet trajner i Kosovës appeared first on Albeu.com.

Trajneri gjakovar do të marr drejtimin e skuadrës që është katër herë kampione e Arabisë Saudite.

Ish-mesfushori i kombëtares shqiptare ka drejtuar edhe skuadrën Al-Read në tri vitet e fundit.

Më parë Hasi ka drejtuar Anderlecht, Legia Warszawa dhe Olympiacos.

49 vjeçari është përmendur edhe si trajner i mundshëm i Kosovës.

#WELCOME_HASI ? pic.twitter.com/xDYw0RA85j

— النادي الأهلي السعودي (@ALAHLI_FC) June 6, 2021

The post ZYRTARE/ Besnik Hasi merr drejtimin e skuadrës së njohur Arabe appeared first on Albeu.com.