Nga ana tjetër, Asllani duket se i ka bindur shumë shpejt drejtuesit e Beshiktashit për të blerë kartonin e tij nga Interi, por kjo dëshirë përkthehet në miliona euro. Dhe, për të bërë të mundur që Asllani të transferohet përfundimisht në Stamboll, mund të bëhet shkak Ernest Muçi, i cili pritet të mbushë arkat e klubit bardhezi.

MARRËVESHJA- Muçi luan si i huazuar te Trabzonspori megjithatë klubi ka të drejtë që të blejë kartonin e tij për 10 milionë euro. Paraqitjet që Muçi ka bërë me skuadrën e Trabzonit, janë mbresëlënëse, duke shënuar e duke asistuar rregullisht si në kampionat, ashtu edhe në Kupën e Turqisë.

Këto paraqitje e kanë bindur stafin teknik por edhe atë drejtues të Trabzonit për të blerë përfundimisht kartonin e futbollistit. Mediat turke raportojnë se klubi është gati të bëjë pagesën e këstit të parë me përfundimin e sezonit dhe pak muaj më vonë do të bëjnë edhe pagesën e këstit të dytë për të vulosur përfundimisht fatin e Muçit.

Por, ky rrugëtim nuk përfundon këtu, pasi me transferimin e Muçit, përfiton edhe Kristjan Asllani. Klubi nga Stambolli duhet që të paguajë edhe 11 milionë euro të tjera për kartonin e lojtarit të Kombëtares dhe nëse Trabzonspori vendos të blejë kartonin e Muçit, atëherë edhe për Beshiktashin do të ishte shumë e lehtë për të blerë kartonin e Asllanit nga zikaltërit e Interit.

Javët në vazhdim pritet të jenë vendimtare teksa mediat turke raportojnë se të dyja klubet respektive, janë të gatshme të investojnë për të përfituar nga shërbimet e dy lojtarëve shqiptarë duke qenë se forma dhe paraqitjet e tyre kanë bindur.

MERKATOJA- Zyrtarizimi i Muçit dhe Asllanit në klubet “e reja” pritet që të bëhet javët në vazhdim, por këtu ekziston edhe mundësia që të mos qëndrojnë gjatë. Për Muçin ka shumë interesime nga Europa dhe shpesh herë është raportuar se mund të ketë edhe një transferim të mundshëm në Premier Ligë, për shifra të konsiderueshme të cilat mendohet se arrijnë deri në 25 apo 30 milionë euro.

Për Trabzonsporin do të ishte padyshim një goditje e madhe në merkato që do të forconte ndjeshëm arkat e klubit megjithëse bëhet fjalë për të humbur një lojtar që këtë sezon është kthyer në liderin e skuadrës, sidomos që nga nëntori e në vazhdim ku golat e shënuar kanë qenë të shumtë. Mediat turke bëjnë me dije se Beshiktashi po shqyrton mundësinë për t’u ulur në tryezën e negociatave me Interin, me synimin për të rishikuar vlerën e klauzolës së Kristjan Asllanit.

Drejtuesit e klubit turk shpresojnë të arrijnë një marrëveshje më të favorshme ekonomike, në mënyrë që gjatë merkatos së verës të sigurojnë përfundimisht shërbimet e mesfushorit shqiptar. Një skenar i ngjashëm është parë edhe në rastin e Ernest Muçit.

Futbollisti shqiptar u transferua në formë huazimi nga Beshiktashi te Trabzonspori, ndërsa tani klubi i fundit ka shprehur interes për ta mbajtur përfundimisht në skuadër. Megjithatë, drejtuesit e Trabzonsporit synojnë të negociojnë për uljen e klauzolës prej 8.5 milionë eurosh të përcaktuar në marrëveshje, duke kërkuar bisedime me Beshiktashin për të gjetur një zgjidhje të pranueshme për të dyja palët.

STATISTIKAT E MUÇIT- Ernest Muçi po kalon një fazë fantastike te Trabzonspor, duke u shndërruar në një nga lojtarët më të rëndësishëm të ekipit këtë sezon. Mesfushori shqiptar ka shënuar deri tani 13 gola dhe ka dhënë 7 asiste, duke kontribuar në mënyrë vendimtare për performancën e ekipit pasi është përfshirë në mënyrë direkte në 20 gola të shënuar.

Forma e tij e fundit është edhe më impresionuese ku në 10 ndeshjet e fundit, Muçi ka shënuar 6 gola dhe ka dhënë 5 asiste, duke treguar efikasitet të jashtëzakonshëm. Kjo e bën atë jo vetëm një element kyç në sulmin e Trabzonspor, por edhe një alternativë të fortë për Kombëtaren dhe ndeshjet e marsit. Përveç kësaj, ky sezon shënon një pikë kthese në karrierën e tij:, pasi Muçi ka thyer çdo rekord personal, pasi kurrë më parë nuk kishte shënuar kaq shumë gola në një sezon të vetëm.

ERJON ALLARAJ – PANORAMASPORT.AL

The post Muçi dhe Asllani si lidera, ndizet merkatoja/ Beshiktashi do të blejë mesfushorin, e ndihmon sulmuesi appeared first on Albeu.com.

Sulmuesi i Kombëtares shqiptare dha pasimin e duhur për Rafa Silvën në minutën e 71-të. Ky i fundit ndau festën me Muçin.

Solskjaer e preferoi me fillimin e pjesës së dytë Muçin. Sulmuesi shqiptar sapo është rikuperuar plotësisht nga dëmtimi dhe e pati rikthimin e tij në fushë.

Në kampionat ka luajtur 25 ndeshje gjatë këtij edicioni. Katër gola dhe tre asistime numëron për fanellën e Beshiktashit.

Goli i asistuar nga Muçi: VIDEO

The post VIDEO/ Rikthehet Ernest Muçi, lë shenjën e tij te goli i Beshiktash appeared first on Albeu.com.

Tirana doli nga takimi me një humbje e cila i kushtoi largimin nga Conference League. Por duket se humbja nuk do të jetë dënimi i vetëm pasi sipas medias turke “Fanatik” UEFA ka nisur një hetim ndaj ekipeve.

Gjithashtu priten ndëshkime të rëndë si dhe të dyja skuadrat pritet të marrin gjoba të majme si dhe rrezikohet dënim për tifozët.  

Ndeshja mes dy ekipeve nisi me 15 minuta vonesë pasi tifozë të dy ekipeve nisën përleshje mes tyre si dhe hodhën flakadanë dhe sende në fushë.

Kjo solli që gjyqtari të rikthente në dhomave të zhveshjes të dyja skuadrave derisa u qetësua situata.

The post Incidentet në “Air Albania”, UEFA nis hetim ndaj Tiranës dhe Beshiktashit appeared first on Albeu.com.

Por duket se fansat nuk kanë dashur të tregojnë një anë të tyre pozitive në këtë kompeticion të rëndësishëm pasi kanë krijuar trazira duke u përleshur me njëri-tjetrin.

Arbitrat janë detyruar të tërheqin lojtarët nga fusha duke u rikthyer ne dhomat e zhveshjes.

Forca të shumta policisë dhe sigurisë kanë zbritur në fushë deri sa të qetësohet situata për të nisur lojën.

The post Përleshje mes tifozëve në “Air Albania”, ndërpritet ndeshja mes Tiranës dhe Beshiktashit appeared first on Albeu.com.