Sipas ministrit, ky operacion tregoi se kushdo që mbyll sytë ndal paligjshmërisë nuk ka kompromis dhe llogaritë i ka me drejtësinë.

Ai shtoi se gjoba si masë e parë dhe më pas referimi në organet e drejtësisë do të zbatohet për këdo që shkel ligjin.

Ministri deklaroi se, ‘detyra jonë është të mos lejojmë askënd që bëhet palë me shkelësit e ligjit, që abuzon me detyrën apo bashkëpunon me elementë kriminalë’, ndërsa theksoi se ‘kontrolli i territorit është një prioritet absolut’.

“Operacioni në Sarandë tregoi se kush mbyll sytë ndaj paligjshmërisë, apo bëhet njësh me krimin, ka përgjegjësi të qarta pa kompromis dhe llogaritë nuk i ka me vendin e punës, por i ka me drejtësinë.

Gjobë si masë e parë për këdo që shkel ligjin, neglizhon zbatimin germë për germë të ligjit, sidomos kur bëhet fjalë për mbrojtjen e territorit, në zona me interes kombëtar turistike, malor etj., dhe si masë e dytë edhe referimi në organet e drejtësisë, prokurori dhe gjykatë.

Këtu nuk ka kompromis. Ashtu sic na besojnë turistët që vijnë, ashtu kemi edhe detyrimin për të zbatuar ligjin germë për germë”, tha ministri.

I pyetur për përgjegjësitë, ministri deklaroi se nuk është vetëm Policia e Shtetit, por edhe IKMT, IMT dhe policia bashkiake.

“Përgjegjëse nuk është vetëm Policia e Shtetit, ne morëm masa sa i përket përgjegjësisë që kanë policia, për të garantuar edhe zbatimin e ligjit, por mbrojtja e territorit është përgjegjësi e përbashkët e IKMT, IMT dhe policisë bashkiake. Sicilia instancë duhet të bëjë analizën e vet, i kam kërkuar drejtuesit të IKMT të bëjë këtë vlerësim dhe në takimin që pata me kryetarin e bashkisë, ai ndante të njëjtin shqetësim për përgjegjësitë që kanë instancat vendore”, deklaroi ministri.

The post Operacioni në Sarandë ku u arrestua shefi i Komisariatit, ministri Lamallari: Kush mbyll sytë ndaj paligjshmërisë, llogaritë i ka me drejtësinë, s’ka kompromis appeared first on Albeu.com.

Reagimi i plotë:

Në Policinë e Shtetit nuk ka dhe nuk do të ketë vend për askënd që bëhet palë me shkelësit e ligjit, që abuzon me detyrën apo bashkëpunon me elementë kriminalë.

E përshëndes me respekt operacionin në Sarandë, ku Agjencia e Mbikëqyrjes Policore dhe vetë Policia e Shtetit, bashkëvepruan për të arrestuar drejtues e punonjës policie të bërë njësh me shkelësit e ligjit. Kjo provë vullneti për të pastruar radhët e Policisë së Shtetit nga çdo element që cënon ligjin dhe besimin e publikut, nuk është e para dhe nuk do të jetë as e fundit.

Në çdo rast abuzimi, që nga symbyllja përpara ndërtimeve pa leje deri tek kompromisi me elementët kriminalë, reagimi do të jete me zero tolerancë. Efektivët që tradhtojnë popullin dhe abuzojnë me detyrën, do të identifikohen, goditen dhe përballen me drejtësinë. Përgëzime dhe kurajo lidershipit të ri të Agjencisë së Mbikqyrjes Policore dhe Policisë së Shtetit. Asnjë hap mbrapa!

The post Arrestimi i 4 efektivëve pas operacionit në Sarandë për ndërtimet pa leje, ministri Lamallari: S’ka vend në polici për ata që bëhen palë me krimin appeared first on Albeu.com.

Ai tha për mediat se djali i tij ishte ekzekutuar në Durrës. Por sot ministri i Brendshëm, Besfort Lamallari, i pyetur nga gazetarët në lidhje me misterin e zhdukjes së tij nuk dha asnjë informacion.

Ai deklaroi se si titullar politik nuk mund të përfshihet në këtë çështje, por theksoi se informacionet i disponojnë oficeri i policisë gjyqësore dhe prokurori i çështjes.

“Kjo ngjarje që ju referoni është një ngjarje konkrete që do të thotë se kërkesa juaj për koment nga ana ime nuk mund të adresohet sepse do të kërkonte përfshirjen e një titullari politik në çështje operacinale

Vlerësimin mbi nivelin e hetimeve të bëra nga policia e shtetit e bën vetëm prokurori i çështjes. Këto informacione i disponojnë vetëm oficerët e policisë gjyqësore dhe hierarkia e tyre dhe porositë e deleguara nga prokurori i çështjes që bëjnë vlerësimin e nivelit të hetimit. Kështu që nuk mund të ketë asnjë koment nga ana ime aq më tepër për afate, sepse afatet përcaktohen nga kompleksiteti i çështjes”, tha ministri i Brendshëm.

Deklarata e babait

“Fatin e djalit tim e dinë të gjithë, përveç medias dhe Prokurorisë. Djali im është ekzekutuar në Durrës, si nga e di?! Jam babai pra! Dhe për këtë çështje kam dhënë shpjegime para shpjegimeve të Byrosë Kombëtare të Hetimit ku jam paraqitur me iniciativën time, kam ardhur vetë 2 muaj pas ngjarjes. Këta nuk duan ta hetojnë dhe ia kanë lënë Kurbinit. Nuk kam për çfarë të interesohem. Nuk kam fuqi as për hakmarrje. Kam ardhur se më ka thirrur gjykata, jam invalid, kam bërë disa ndërhyrje shëndetësore. Këta merren me vogëlsira dhe nuk merren me gjëra madhore”, tha Mustafa Martinaj.

Kujtojmë se Ervis Martinaj, rezulton i zhdukur që prej 8 gushtit të vitit 2022 dhe që prej asaj dite nuk ka më asnjë të dhënë për të.

The post Babai i tij pretendon se është vrarë, misteri për zhdukjen e Ervis Martinajt/ Ministri i Brendshëm: Informacionet i disponon vetëm… appeared first on Albeu.com.

Në një deklaratë, Balliu theksoi se raportet e ndërkombëtarëve kanë evidentuar dobësi në strukturat e zbatimit të ligjit në Shqipëri, duke i konsideruar ato të ekspozuara ndaj infiltrimit kriminal.

Sipas tij, depërtimi i elementëve kriminalë në polici përbën një rrezik të drejtpërdrejtë për sigurinë kombëtare dhe besueshmërinë e vendit.

“Raportet e partnerëve ndërkombëtarë dhe të institucioneve prestigjioze ndërkombëtare kanë theksuar në mënyrë të përsëritur se strukturat e zbatimit të ligjit në Shqipëri mbeten të ekspozuara ndaj korrupsionit dhe infiltrimit kriminal. Kur elementë kriminalë arrijnë të depërtojnë në strukturat që kanë për detyrë të luftojnë krimin, kjo përbën jo vetëm një problem institucional, por edhe një rrezik serioz për sigurinë kombëtare dhe për besueshmërinë e shtetit shqiptar ndaj partnerëve tanë strategjikë ndërkombëtarë”, shprehet deputeti.

Ai vë në pikëpyetje edhe efektivitetin e procesit të verifikimit të integritetit në polici, duke e cilësuar atë si një reformë që ka dështuar në praktikë.

Deputeti kërkon transparencë për mënyrën e menaxhimit të emërimeve, promovimeve dhe mekanizmave të kontrollit.

Balliu kërkon që Ministri i Brendshëm të japë shpjegime për mungesën e masave parandaluese, pavarësisht paralajmërimeve të vazhdueshme.

Ai shton se publiku ka të drejtë të dijë nëse situata është pasojë e paaftësisë institucionale, apo e një bashkëpunimi të mundshëm mes qeverisë dhe krimit të organizuar.

“Në një demokraci funksionale, përgjegjësia për integritetin dhe funksionimin e institucioneve të sigurisë është edhe përgjegjësi politike. Për këtë arsye është e domosdoshme që qeveria dhe Ministria e Brendshme të japin shpjegime të qarta për mënyrën se si janë menaxhuar proceset e emërimeve, promovimeve dhe mekanizmat e kontrollit të integritetit brenda Policisë së Shtetit”, shton ai.

Deklarata e plotë:

Në emër të grupit parlamentar të Partisë Demokratike kam depozituar në Kuvend kërkesën për interpelancë urgjente me Ministrin e Brendshëm, lidhur me shqetësimet serioze për nivelin e inkriminimit dhe cenueshmërisë së Policisë së Shtetit ndaj korrupsionit dhe ndikimit të krimit të organizuar.

Raportet e partnerëve ndërkombëtarë dhe të institucioneve prestigjioze ndërkombëtare kanë theksuar në mënyrë të përsëritur se strukturat e zbatimit të ligjit në Shqipëri mbeten të ekspozuara ndaj korrupsionit dhe infiltrimit kriminal.

Kur elementë kriminalë arrijnë të depërtojnë në strukturat që kanë për detyrë të luftojnë krimin, kjo përbën jo vetëm një problem institucional, por edhe një rrezik serioz për sigurinë kombëtare dhe për besueshmërinë e shtetit shqiptar ndaj partnerëve tanë strategjikë ndërkombëtarë.

Në një demokraci funksionale, përgjegjësia për integritetin dhe funksionimin e institucioneve të sigurisë është edhe përgjegjësi politike. Për këtë arsye është e domosdoshme që qeveria dhe Ministria e Brendshme të japin shpjegime të qarta për mënyrën se si janë menaxhuar proceset e emërimeve, promovimeve dhe mekanizmat e kontrollit të integritetit brenda Policisë së Shtetit.

Zhvillimet e fundit ngrenë pikëpyetje serioze edhe mbi efektivitetin e procesit të verifikimit të integritetit në polici, i cili u prezantua si një reformë e rëndësishme për pastrimin e radhëve të policisë nga korrupsioni dhe lidhjet me krimin. Qartazi ky proces ka dështuar.

Shqipëria ka nevojë për institucione të forta, profesionale dhe të besueshme të zbatimit të ligjit. Lufta kundër krimit të organizuar dhe korrupsionit është një prioritet i përbashkët i shtetit shqiptar dhe i partnerëve tanë ndërkombëtarë, dhe kjo kërkon transparencë të plotë, përgjegjësi institucionale dhe standarde të larta integriteti.

Për këtë arsye, përmes kësaj interpelance kërkoj që Ministri i Brendshëm të paraqitet përpara Kuvendit dhe të japë shpjegime të plota për këtë situatë shqetësuese. Inkriminimi i strukturave të policisë nuk është një fenomen që lind brenda një dite. Ai është rezultat i një procesi të gjatë degradimi institucional, i cili nuk mund të ndodhë pa dështim serioz të mekanizmave të kontrollit dhe pa përgjegjësi në nivelet më të larta të drejtimit.

Ministri i Brendshëm duhet të shpjegojë pse, pavarësisht paralajmërimeve të vazhdueshme nga raportet ndërkombëtare dhe sinjaleve të shumta që kanë dalë në dritë gjatë viteve të fundit, nuk janë marrë masa të mjaftueshme për të parandaluar këtë nivel infiltrimi të krimit në Policinë e Shtetit.

Publiku shqiptar ka të drejtë të dijë nëse kjo situatë është rezultat i neglizhencës dhe paaftësisë institucionale, apo nëse mungesa e veprimit dhe tolerimi i këtyre fenomeneve ka ardhur si rrjedhojë e një bashkëpunimi të ngushtë midis qeverisë dhe krimit të organizuar për përfitime të përbashkëta monetare dhe elektorale.

The post PD kërkon interpelancë me ministrin e Brendshëm, Balliu: Depërtimi i krimit në polici është shqetësues appeared first on Albeu.com.

Ish-presidenti i Republikës e ironizon duke e quajtur “Diella” e Drejtësisë dhe “pjellë e AKSHI-t”, sipas tij simbol i korrupsionit.

Meta ngre shqetësimet dhe problematikat me të cilat përballen të burgosurit, si mungesa e dritave, ujit apo edhe shërbimeve shëndetësore.

“Dëgjova “Diellën” e Drejtësisë që fliste për situatën në burgje dhe meqë nuk e di po e njoftoj që vetëm dje ka ikur 42 herë energjia elektrike te IEPV “Jordan Misja”, jo vetëm për mua, por për rreth 500 të burgosur e të paraburgosur që ndodhen këtu.

A e di “Diella” e Drejtësisë që këtu ka vetëm 3 orë ujë në ditë?
A e di “Diella” e Drejtësisë që në burgje vdesin qytetarë për mungesën e trajtimit të duhur shëndetësor?

A e di “Diella” e Drejtësisë që gardianët nuk kanë marrë asnjë qindarkë shpërblim për punën jashtë orarit, as ushqimin, as trajtimin që meritojnë sipas ligjit?
E ç’mund të presësh nga “Diellat”?

The post Meta tregon kushtet në qeli: Dje ikën dritat 42 herë, po vdesin të burgosurit nga mungesa e trajtimit shëndetësor appeared first on Albeu.com.

Konkretisht për periudhën shtator-dhjetor 2025 kur ai sapo kishte marrë detyrën, janë kryer 22 inspektime të plota ndaj noterëve, nisur edhe nga ankesat që kanë mbërritur prej qytetarëve, por edhe nga raportime të ndryshme mediatike.

Në përfundim të këtyre inspektimeve, rezulton se ka pasur 12 penalitete, përfshi edhe heqje të licencës.

Ndaj 6 noterëve është lëshuar masa “vërejtje me paralajmërim për heqjen e licencës për ushtrimin e profesionit të noterit”.

Frida Muçmatajt dhe Valentin Lleshit iu është hequr licenca, pasi edhe pse kishin mbushur moshën ligjore të daljes në pension ata vijonin ende të ushtronin profesionin e noterit.

Krahas masave disiplinore dhe heqjes se licencës, janë vendosur gjithashtu edhe disa gjoba me vlerë rreth 6 milionë lekë të vjetra për shkelje të ndryshme.

Ministri i Drejtësisë, Besfort Lamallari, edhe në nisje të vitit 2026, ka urdhëruar inspektime të tjera për shërbimin noterial.

Rastet janë ende në proces dhe rezultatet pritet të komunikohen në muajt e ardhshëm.

Roli i Ministrisë së Drejtësisë si organ mbikëqyrës dhe kontrollues i sistemit noterial në vend, konsiston në monitorimin nga pikëpamja ligjore e veprimtarisë së noterëve, në mënyrë që ai të jetë në koherencë me nevojat e shoqërisë dhe zhvillimit të ekonomisë së lirë, si dhe në menaxhimin në mënyrë racionale e transparente të ushtrimit të një funksioni publik nga ana e profesionistëve privatë. Besueshmëria, transparenca dhe eficenca janë në themel të këtij profesioni.

The post Ministri i Drejtësisë urdhëron 22 inspektime për noterët, heqje licence, gjoba dhe vërejtje me paralajmërim appeared first on Albeu.com.

Teksa sot në mbledhje raporton ministri, deputeti i PD-së, Ivi Kaso, pohoi se Lamallari duhej ta niste fjalimin e tij me një ndjesë publike, pasi kishte gënjyer.

Ai tha se nuk e ka miratuar PD-ja ligjin 7501.

“Do të ndalem te një pyetje. Ministri ka pak në këtë detyrë. Diçka që lidhet me ministrin dhe jo me periudhën e raportimit. Besoj se kjo seancë e ministrit, përveç raportimit, të kishte nisur me një ndjesë publike. Ai duke u bërë pjesë e një debati publik, ka dezinformuar. Ai ka pretenduar se ligji 7501 është miratuar nga PD dhe kjo nuk është e vërtetë. Jo vetëm nga paraqitja objektive e fakteve, në fall ministri u kap nga shtypi dhe jo nga opozita. Kjo deklaratë në kuadër të një deklarate politike s’do të bënte problem, por ministri përfaqëson institucionin më të lartë të Drejtësisë. Njerëzit e marrin për të vërtetë këtë deklaratë. Zoti ministër, a mendoni se i detyroheni një ndjesë opinionit publik për dezinfomin që bëtë se kush e miratoi ligjin 7501”?- tha Kaso.

Sakaq, ministri i Drejtësisë, theksoi se i ai i referohej një deklarate të 11 shkurtit të vitit 2014. Ndërsa shtoi se nuk dezinformuar asnjëherë publikun.

“Prej 8 vite e gjysmë jam pjesë e kësaj qeverie. Në asnjë moment nuk kam dezinformuar. I referohem fakteve. Mjafton që të shohësh një intervistë të 11 shkurtit 2014 ku merret përgjegjësia e atij ligji. Të merret dhe lexohet në mënyrë korrekte dhe jo të analizohet deklarata ime. Shqipëria europiane nuk është Shqipëria e problemeve të theksuara të pronës, apo ligjeve të shkruara gabim, por është vendi i ligjeve që përputhen me standardet e BE”, tha ai.

The post 7501-shin e miratoi PD/ Deklarata e Lamallarit shkakton debat te “Komisioni i Ligjeve”, Ivi Kaso përplaset me ministrin e Drejtësisë: Kërko ndjesë publike… appeared first on Albeu.com.

Gjatë fjalës së tij, Lamallari theksoi se janë rritur hetimet proaktive dhe sekuestrimet pasurore në krahasim me 5 vitet e fundit.

“Shqipëria ka pasur në 2024 rritjen më të lartë të hetimeve proaktive dhe sekuestrimet pasurore të 5 viteve të fundit. Hetime të nisura kryesisht nga prokurorët janë rritur me 12.3 për qind. Janë sekuestruar 65.5 mln euro pasuri. 569 çështje korrupsioni me 234 të pandehur janë çuar për gjykim, ndërsa SPAK ka regjistruar 65 hetime të nisura kryesisht”, tha ai.

Lamallari ka renditur edhe 5 objektivat për vitin 2025, mes të cilave përmendi edhe përdorimin e Inteligjencës Artificiale në hetimet proaktive:

Sundimi i ligjit dhe të drejtat e njeriut

Forcimi i luftës ndaj kriminalitetit

Integriteti dhe transparenca në punën e prokurorisë

Rritja e eficencës dhe kapaciteteve institucionale

Përdorimi i metodave bashkëkohore dhe ndërveprimi institucional, përdorimi I AI në hetime proaktive.

The post Ministri Lamallari në Komisionin e Ligjeve: 65.5 mln euro të sekuestruara dhe rritje 12% e hetimeve proaktive në 2024, AI pjesë e strategjisë për 2025 appeared first on Albeu.com.

Lamallari u shpreh se po bëhet politikë me vrasjen e gjyqtarit, duke shtuar se opozita ka ngjallur gjuhë urrejtje ndaj magjistratëve.

“Urrejtja prodhon urrejtje e dhunë, e këtë keni bërë ju gjithë këto vite”, iu drejtua ai, duke theksuar se “lërini të bëjnë punën e tyre derisa të vijnë tek pasuritë që i keni vjedhur këtij populli”.

Ministri i Drejtësisë, Besfort Lamallari: Të bësh politikë me vrasjen e një gjyqtari dhe me një rast tragjik. Mos më ndërprisni, sapo kam filluar (I drejtohet Gazment Bardhit që flet nga vendi), është e rëndë, akoma nuk janë bërë të 7-tat. Keni përgjegjësi për gjithë gjuhën denigruese që keni përdorur ndaj gjyqtarëve e prokurorëve, nga daljet në ballkon që keni sharë e telendisur, SPAK e SKRAI, për gjuhën që keni përdorur ndaj gjyqtarëve e prokurorëve nga Altin Dumani e Altin Troplini, tek Dum Zumani, këto janë të gjithë akuzat.

Keni ngjallur gjuhë urrejtje ndaj gjyqësorit dhe sigurisht që do të ndodhin ngjarje të tilla. Keni ndërsyer militantët tuaj patjetër. Mos bëj zhurmë ( I drejtohet Bardhit). Keni qenë këtu gjithë kohës dhe s’keni lënë gjë, keni anatemuar partnerët strategjikë. Nuk keni turp, shqiptarët e dinë ndaj ju kanë lënë aty ku ju kanë lënë, Mos linçoni prokurorët, gjyqtarët. Urrejtja prodhon urrejtje e dhunë, e këtë keni bërë ju gjithë këto vite.

Trup t’ju vijë ju. Lërini gjyqtarët e prokurorët të bëjnë punën e tyre derisa të vijnë tek ju, tek pasuritë që i keni vjedhur këtij populli.

The post Vrasja e gjyqtarit Astrit Kalaja/ Ministri i Drejtësisë përplaset me opozitën: Ngjallët gjuhë urrejtje, turp t’ju vijë… appeared first on Albeu.com.

Lamallari falendëroi Kryeministrin Rama për detyrën që i besoi në drejtimin e ministrisë së Drejtësië, ndërsa e siguroi që do e mbajë me nder si angazhim, deri ditën e fundit në krye të këtij institucioni.

“Ju siguroj që do të ndjek të njëjtën praktikë me stafin, nga specialisti më i thjeshtë te drejtuesi më i lartë i shërbimit civil, për të inkurajuar të gjithë ata që ndajnë të njëjtën cilësi dhe angazhim, përgjegjshmëri në kryerjen e detyrave dhe zbatimin e prioriteteve në programin qeverisës”, tha ai.

Ministri i Drejtësisë, gjatë fjalës së tij, iu drejtua edhe stafit, duke i vlerësuar ata edhe në punën e bërë gjatë koordinimit të detyrave dhe angazhimit para Komisionit Evropian për kapitujt 23-24.

“Do doja që të shihja të njëjtin angazhim, profesionalizëm dhe shpejtësi për ndjekjen e këtyre prioriteteve të Qeverirsë shqiptare dhe angazhimeve të marra para BE-së në tërësi. Miratimi i paketës ligjore që lidhet me standardet e Reformës në Drejtësi, sipas zotimeve që Qeveria shqiptare ka marrë para BE-së, përmbylljen me sukses të punës për Kodin Penal dhe Kodin Civil të procedurave. Kjo do t’i shërbejë standardeve më të mira jo vetëm të mbrojtjes së të drejtave të qytetarëve, por edhe një sistemi drejtësie më transparent dhe llogaridhënës”, theksoi Lamallari.

“Një element tjetër ka qenë pjesa e digjitalizmit apo funksionimit të sistemit të integruar të menaxhimit të çështjeve gjyqësore në të gjitha prokuroritë dhe gjykatat. Duhet të kemi një sistem transparent dhe në përmbushje të angazhimit që kemi marrë para BE-së, përshirë edhe udhërrëfyesin për shtetin e së drejtës”, cilësoi Lamallari.

Ministri Lamallari, tha se do të vijojë puna për përmirësimin e infrastrukturës gjyqësore, përfshirë godinat e prokurorive në të gjithë vendin, ndërsa u ndal edhe te rëndësia e zbatimit të masterplanit të burgjeve, duke synuar përmirësimin e kushteve të të paraburgosurve dhe të dënuarve.

“Por, hapja e institucionit për rehabilitimin e të miturve, bëhemi vendi avantgard në rajon dhe në raport me standardet e BE-së”, pohoi ai.

Lamallari tha se duhet konsideruar prioritet edhe projekti dhe vizioni i Qeverisë shqiptare për krahasimin e kuadrit ligjor vendas, duke kontribuuar në hartimin e tij përmes përdorimit të inteligjencës artificiale.

“Unë besoj fort në bashkëpunimin, angazhimin dhe profesionalizmin tuaj, si brenda institucionit dhe në raport me BE-në. Dua që suksesi të jetë i përbashkët”, përfundoi ministri Lamallari.

The post Besfort Lamallari: Përmbyllim punën për Kodin e ri Penal dhe Civil, zbatim i masterplanit për burgjet appeared first on Albeu.com.